FLUKONAZOL SD kapsulalar 150mg N1

Ichga qabul qilingandan so'ng flukonazol yaxshi so'riladi, uning biokiraolishligi 90%. 150 mg och qoringa ichga qabul qilingandan so'ng maksimal kontsentratsiya (Сmах) plazmadagi miqdorining 90% ini tashkil qiladi. Ovqat bilan bir vaqtda qabul qilish ichga qabul qilingan preparatning absorbtsiyasiga ta'sir qilmaydi. Plazmadagi kontsentratsiya qabul qilingandan 0,5-1,5 soat o'tgach cho'qqiga yetadi, flukonazolning yarim chiqarilish davri (Т1/2) taxminan 30 soatni tashkil qiladi. Plazmadagi kontsentratsiyalar dozaga to'g'ri proportsional bog'liqlikda bo'ladi. 90% muvozanatli kontsentratsiya (Css) darajasi preparat bilan davolashning 4-5-kuniga kelib erishiladi (sutkada 1 marta qabul qilinganda). Birinchi kuni odatdagi sutkalik dozadan 2 baravar yuqori bo'lgan zarba dozasini yuborish, ikkinchi kunga kelib 90% (Css) ga mos keladigan darajaga erishish imkonini beradi. Aniq taqsimlanish hajmi (Vd) organizmdagi suvning umumiy miqdoriga yaqinlashadi. Plazma oqsillari bilan bog'lanishi - 11-12%. Flukonazol organizmning barcha biologik suyuqliklariga yaxshi kirib boradi. Preparatning so'lak va balg'amdagi kontsentratsiyalari uning plazmadagi darajalariga o'xshash. Zamburug'li meningiti bo'lgan bemorlarda flukonazolning orqa miya suyuqligidagi miqdori uning plazmadagi darajasining 80% iga yetadi. Shox qavat, epidermis, derma va ter suyuqligida zardobdagidan yuqori bo'lgan yuqori kontsentratsiyalar erishiladi. Flukonazol asosan buyraklar orqali chiqariladi; bunda kiritilgan dozaning taxminan 80% i o'zgarmagan holda chiqariladi. Flukonazol klirensi kreatinin klirensiga (KK) mutanosibdir. Periferik qonda flukonazol metabolitlari aniqlanmagan.

Zamburug'larga qarshi preparat, triazol hosilasi. Ta'sir mexanizmi zamburug' hujayrasining sitoxrom P450-ga bog'liq fermenti 14α-demetilazaning yaqqol ingibirlanishi va buning oqibatida zamburug' hujayra devorining asosiy komponenti - ergosterol sintezining bostirilishi bilan bog'liq. Candida spp., Microsporum spp., Trichoptyton spp., Cryptococcus neoformans, Blastomyces dermatitidis, Coccidioides immitis, Histoplasma capsulatum ga nisbatan yuqori faol.

Kamdan-kam hollarda flukonazolni qo‘llash jigarning toksik o‘zgarishlari, sh.j. o‘lim holati bilan kechgan, asosan jiddiy yo‘ldosh kasalliklari bo‘lgan bemorlarda. Flukonazol bilan bog‘liq gepatotoksik samaralar holatida ularning umumiy sutkalik doza, terapiya davomiyligi, bemorning jinsi va yoshiga aniq bog‘liqligi qayd etilmagan. Flukonazolning gepatotoksik ta'siri odatda qaytuvchan bo‘lgan; uning belgilari terapiya to‘xtatilgandan so‘ng yo‘qolgan. Flukonazol bilan bog‘liq bo‘lishi mumkin bo‘lgan jigar shikastlanishining klinik belgilari paydo bo‘lganda, preparatni bekor qilish kerak. OITS bilan og‘rigan bemorlar ko‘pchilik preparatlarni qo‘llashda og‘ir teri reaksiyalari rivojlanishiga ko‘proq moyil bo‘ladilar. Yuzaki zamburug‘li infeksiyasi bo‘lgan bemorlarda toshma rivojlangan va u flukonazol bilan aniq bog‘liq deb baholangan hollarda preparatni bekor qilish kerak. Invaziv/tizimli zamburug‘li infeksiyalari bo‘lgan bemorlarda toshma paydo bo‘lganda, ularni sinchkovlik bilan kuzatish va bullyoz o‘zgarishlar yoki ko‘p shaklli eritema paydo bo‘lganda flukonazolni bekor qilish kerak. Buyrak funksiyasi buzilgan bemorlarda preparat bir marta qo‘llanilganda dozani to‘g‘irlash talab etilmaydi. Takroran qo‘llanilganda KK ga asoslaniladi. Agar KK 50 ml/daq dan yuqori bo‘lsa dozani to‘g‘irlash talab etilmaydi, KK 11 dan 20 ml/daq gacha bo‘lganda odatiy dozaning 33% ini 72 soat interval bilan qabul qiladilar. KK 21 dan 40 ml/daq gacha bo‘lganda odatiy dozaning yarmini 48 soat interval bilan qabul qiladilar. Muntazam ravishda dializda bo‘lgan bemorlar tomonidan har bir gemodializ seansidan keyin bitta doza qabul qilinadi. Flukonazolni sizaprid, rifabutin yoki sitoxrom R450 tizimi orqali metabolizatsiyalanuvchi boshqa preparatlar bilan bir vaqtda qabul qilishda ehtiyotkorlikka rioya qilish kerak. Davolashni klinik-gematologik remissiya paydo bo‘lguncha davom ettirish kerak, chunki uni muddatidan oldin to‘xtatish qaytalanishlarga olib keladi. Preparatni bolalar ololmaydigan joyda saqlash va yaroqlilik muddati o‘tgach ishlatmaslik kerak.

Terfenadinni (flukonazolni sutkada 400 mg va undan ortiq dozada doimiy qabul qilish fonida) yoki astemizolni va QT intervalini uzaytiruvchi boshqa preparatlarni bir vaqtda qabul qilish. Preparatga yoki tuzilishi bo‘yicha yaqin azol birikmalariga yuqori sezuvchanlik. 1 yoshgacha bo‘lgan bolalar. Homiladorlik, laktatsiya davri. Ehtiyotkorlik bilan: jigar yoki buyrak yetishmovchiligi, potensial gepatotoksik dori vositalarini bir vaqtda qabul qilish, alkogolizm, ko‘plab xavf omillari (yurak organik kasalliklari, elektrolitlar muvozanatining buzilishi, aritmiya chaqiruvchi dori vositalarini bir vaqtda qabul qilish) bo‘lgan bemorlarda proaritmogen holatlar. Homiladorlarda preparatni qo‘llash maqsadga muvofiq emas, og‘ir yoki hayotga xavf soluvchi zamburug‘li infeksiyalar shakllaridan tashqari, agar kutilayotgan samara homila uchun ehtimoliy xavfdan ustun bo‘lsa. Flukonazol ko‘krak sutida plazmadagi kabi konsentratsiyada bo‘ladi, shuning uchun laktatsiya davrida uni tayinlash tavsiya etilmaydi.

Flukonazol varfarin bilan qo'llanilganda protrombin vaqtining 12% ga oshishi qayd etilgan. Shu munosabat bilan preparatni kumarin antikoagulyantlari bilan birgalikda qabul qilayotgan bemorlarda protrombin vaqtini nazorat qilish tavsiya etiladi. Bir vaqtda qo'llanilganda flukonazol peroral gipoglikemik preparatlar - sulfonilmochil hosilalarining (xlorpropamid, glibenklamid, glipizid va tolbutamid) T1/2 davrini uzaytiradi. Flukonazol va peroral gipoglikemik preparatlarni birgalikda tayinlash joizdir, ammo bunda gipoglikemiya rivojlanishi mumkinligini hisobga olish kerak. Flukonazol va fenitoinni bir vaqtda qo'llash fenitoin kontsentratsiyasining klinik ahamiyatli darajada oshishi bilan kechishi mumkin. Shuning uchun ushbu preparatlarni birgalikda qo'llash zarurati tug'ilganda qon plazmasida terapevtik kontsentratsiyani ta'minlash maqsadida fenitoin dozasini to'g'irlash bilan uning kontsentratsiyasini monitoring qilish kerak. Flukonazol va rifampitsinni bir vaqtda qo'llash В«kontsentratsiya - vaqtВ» egri chizig'i ostidagi maydonni (AUC) 25% ga va flukonazolning plazmadan T1/2 davrini 20% ga kamayishiga olib keladi. Shuning uchun bir vaqtda rifampitsin qabul qilayotgan bemorlarga flukonazol dozasini oshirish tavsiya etiladi. Flukonazol qabul qilayotgan bemorlarda qonda siklosporin kontsentratsiyasini nazorat qilish tavsiya etiladi, chunki buyragi ko'chirib o'tkazilgan bemorlarda flukonazol va siklosporin qo'llanilganda flukonazolni 200 mg/sut dozada qabul qilish qon plazmasida siklosporin kontsentratsiyasining sekin oshishiga olib keladi. Yuqori dozalarda teofillin qabul qilayotgan yoki teofillin intoksikatsiyasi rivojlanish ehtimoli bo'lgan bemorlar teofillinning dozasini oshirib yuborish simptomlarini erta aniqlash maqsadida kuzatuv ostida bo'lishlari kerak, chunki bir vaqtda flukonazol qabul qilish plazmadan teofillin klirensi o'rtacha tezligining pasayishiga olib keladi. Flukonazol va terfenadin yoki sisaprid bir vaqtda qo'llanilganda yurak tomonidan nojo'ya reaktsiyalar, shu jumladan qorinchalar paroksizmal taxikardiyasi ("piruet" turidagi aritmiya) holatlari tasvirlangan. Flukonazol va rifabutinning o'zaro ta'siri haqida xabarlar mavjud bo'lib, bu oxirgisining zardobdagi darajasining oshishi bilan kechgan. Flukonazol va rifabutin bir vaqtda qo'llanilganda uveit rivojlanishi holatlari tasvirlangan. Bir vaqtda rifabutin va flukonazol olayotgan bemorlarni diqqat bilan kuzatish kerak. Flukonazol va zidovudin bir vaqtda qo'llanilganda plazmada zidovudin kontsentratsiyasining oshishi qayd etiladi, bu oxirgisining o'zining metabolitiga aylanishining pasayishi bilan chaqirilgan. Flukonazol midazolam bilan bir vaqtda qo'llanilganda psixomotor samaralar xavfi ortadi, takrolimus bilan - nefrotoksiklik xavfi ortadi.

Flukonazolning sutkalik dozasi zamburug'li infeksiyaning tabiati va og'irligiga bog'liq. Ko'pchilik hollarda vaginal kandidozni davolash uchun bir martalik peroral doza yetarli bo'ladi. Kasallikning boshqa shakllarini davolash faol bosqichdagi zamburug'li infeksiya klinik va laboratoriya tasdig'i bilan yo'qolguncha preparatni ko'p marta qo'llashni talab qiladi. Kapsulalar ichga, chaynamasdan, suv yoki boshqa har qanday suyuqlik bilan ichiladi. Kattalarga kriptokokkli meningit va boshqa lokalizatsiyadagi kriptokokkli infeksiyalarda birinchi kuni 400 mg tayinlanadi, keyin esa davolash 200-400 mg dozada 1 marta/sut davom ettiriladi. Kriptokokkli infeksiyalarda davolash davomiyligi mikologik tekshiruv bilan tasdiqlangan klinik samaradorlikka bog'liq; kriptokokkli meningitda terapiya odatda, kamida 6-8 hafta davom ettiriladi. Kandidemiya, tarqalgan kandidoz va boshqa invaziv kandidoz infeksiyalarida doza o'rtacha 400 mg ni birinchi sutkada, keyin esa 200 mg/sut ni tashkil qiladi. Klinik samaradorlik yetarli bo'lmaganda doza 400 mg/sut gacha oshirilishi mumkin. Terapiya davomiyligi klinik samaradorlikka bog'liq. Orofaringeal kandidozda preparat o'rtacha 50-100 mg dan 1 marta/sut tayinlanadi; terapiya davomiyligi -7-14 kun. Zarurat bo'lganda, immuniteti yaqqol pasaygan bemorlarda davolash uzoqroq bo'lishi mumkin. Tish protezlarini taqish bilan bog'liq og'iz bo'shlig'i atrofik kandidozida preparat o'rtacha 50 mg dozada 1 marta/sut 14 kun davomida protezga ishlov berish uchun mahalliy antiseptik vositalar bilan birgalikda tayinlanadi. Kandidozning boshqa lokalizatsiyalarida (genital kandidozdan tashqari), masalan, ezofagit, noinvaziv bronxo-o'pka shikastlanishi, kandiduriya, teri va shilliq qavatlar kandidozida samarali doza o'rtacha 50-100 mg/sut ni tashkil qiladi, davolash davomiyligi 14-30 kun. OITS bilan og'rigan bemorlarda orofaringeal kandidoz qaytalanishini oldini olish uchun birlamchi terapiyaning to'liq kursi tugagandan so'ng flukonazol 150 mg dan 1 marta/hafta tayinlanishi mumkin. Vaginal kandidozda flukonazol bir marta ichga 150 mg dozada qabul qilinadi. Vaginal kandidoz qaytalanishi chastotasini kamaytirish uchun preparatni 150 mg dozada 1 marta/oy qo'llash mumkin. Terapiya davomiyligi individual belgilanadi; u 4 oydan 12 oygacha o'zgarib turadi. Ba'zi bemorlarga tez-tez qo'llash talab qilinishi mumkin. Candida spp. chaqirgan balanitda flukonazol bir marta 150 mg dozada ichga tayinlanadi. Kandidozni oldini olish uchun flukonazolning tavsiya etilgan dozasi zamburug'li infeksiya rivojlanish xavfi darajasiga qarab 50-400 mg 1 marta/sut ni tashkil qiladi. Umumlashgan infeksiya xavfi yuqori bo'lganda, masalan, kutilayotgan yaqqol yoki uzoq vaqt saqlanib turuvchi neytropeniya bo'lgan bemorlarda, tavsiya etilgan doza 400 mg 1 marta/sut ni tashkil qiladi. Flukonazol kutilayotgan neytropeniya paydo bo'lishidan bir necha kun oldin tayinlanadi; neytrofillar soni 1000/mkL dan oshgandan keyin davolash yana 7 sutka davom ettiriladi. Teri mikozlarida, shu jumladan oyoq panjalari, silliq teri, chov sohasi mikozlari va teri kandidozlarida tavsiya etilgan doza 150 mg 1 marta/hafta yoki 50 mg 1 marta/sut ni tashkil qiladi. Davolash davomiyligi odatdagi hollarda 2-4 haftani tashkil qiladi, biroq oyoq panjalari mikozlarida uzoqroq terapiya talab qilinishi mumkin (6 haftagacha). Kepaksimon temiratkida tavsiya etilgan doza 300 mg 1 marta/hafta 2 hafta davomida; ba'zi bemorlarga uchinchi doza 300 mg/hafta talab qilinadi, holbuki qisman hollarda preparatni bir marta 300-400 mg dozada qabul qilish yetarli bo'ladi. Muqobil davolash sxemasi preparatni 50 mg dan 1 marta/sut 2-4 hafta davomida qo'llash hisoblanadi. Onixomikozda tavsiya etilgan doza 150 mg 1 marta/hafta. Davolash infeksiyalangan tirnoq almashguncha (infeksiyalanmagan tirnoq o'sib chiqquncha) davom ettirilishi kerak. Qo'l va oyoq barmoqlarida tirnoqlarning qayta o'sishi uchun odatda mos ravishda 3-6 oy va 6-12 oy talab qilinadi. Bolalarda, kattalardagi o'xshash infeksiyalarda bo'lgani kabi, davolash davomiyligi klinik va mikologik samaraga bog'liq. Bolalarda preparatni kattalardagidan oshadigan sutkalik dozada qo'llash mumkin emas. Flukonazol har kuni 1 marta/sut qo'llaniladi. Shilliq qavatlar kandidozida flukonazolning tavsiya etilgan dozasi 3 mg/kg/sut ni tashkil qiladi. Birinchi kuni doimiy muvozanat konsentratsiyalariga tezroq erishish maqsadi bilan 6 mg/kg zarb dozasi tayinlanishi mumkin. Umumlashgan kandidoz va kriptokokkli infeksiyani davolash uchun tavsiya etilgan doza kasallik og'irligiga qarab 6-12 mg/kg/sut ni tashkil qiladi. Sitotoksik kimyoterapiya yoki nur terapiyasi natijasida rivojlanadigan neytropeniya bilan bog'liq infeksiya rivojlanish xavfi bo'lgan immuniteti pasaygan bolalarda zamburug'li infeksiyalarni oldini olish uchun preparat induksiyalangan neytropeniyaning yaqqolligi va saqlanish davomiyligiga qarab 3-12 mg/kg/sut dozada tayinlanadi. Buyrak funksiyasi buzilgan bolalarda preparatning sutkalik dozasini (kattalardagi kabi xuddi shunday proportsional bog'liqlikda) buyrak yetishmovchiligining yaqqollik darajasiga muvofiq kamaytirish kerak. Keksa yoshdagi bemorlarda buyrak funksiyasi buzilmagan taqdirda preparat odatdagi dozalash rejimiga muvofiq qo'llaniladi. Buyrak funksiyasi buzilgan bemorlarda bir marta qabul qilinganda preparat dozasini o'zgartirish talab etilmaydi. Ko'p marta qo'llanilganda KK 50 ml/daq dan yuqori bo'lganda preparat o'rtacha dozada tayinlanadi. KK 11 dan 50 ml/daq gacha bo'lganda avval 50 mg dan 400 mg gacha zarb dozasini, keyin esa - tavsiya etilgan dozaning 50% ini tashkil qiluvchi dozani tayinlash kerak. Muntazam ravishda dializ o'tkaziladigan bemorlarga preparatning bitta dozasi har bir gemodializ seansidan keyin tayinlanadi.