GEPARIN gel

Teri ostiga yuborilgandan so'ng plazmadagi faol moddaning C_max 3-4 soatdan keyin kuzatiladi. Geparin katta molekulyar og'irligi tufayli platsenta orqali yomon o'tadi. Ko'krak suti bilan ajralib chiqmaydi.

Plazmadan T _{30-60 daqiqani tashkil qiladi.}

Bevosita ta’sir qiluvchi antikoagulyant, o‘rtacha molekulyar geparinlar guruhiga kiradi. Qon plazmasida antitrombin III ni faollashtiradi, uning qon ivishiga qarshi ta’sirini tezlashtiradi. Protrombinning trombinga o‘tishini buzadi, trombin va faollashgan X omil faolligini susaytiradi, trombotsitlar agregatsiyasini ma’lum darajada kamaytiradi.

Nofraktsiyalangan standart geparin uchun antiagregant faollik (antifaktor Xa) va antikoagulyant faollik (AChTV) nisbati 1:1 ni tashkil etadi.

Buyrak qon oqimini oshiradi; miya tomirlari qarshiligini oshiradi, miya gialuronidazasi faolligini kamaytiradi, lipoproteinlipalazani faollashtiradi va gipolipidemik ta’sirga ega. O‘pkada surfaktant faolligini pasaytiradi, buyrak usti bezi po‘stlog‘ida aldosteronning ortiqcha sintezini bostiradi, adrenalinni bog‘laydi, tuxumdonlarning gormonal stimullarga reaksiyasini modulyatsiya qiladi, paratgormon faolligini kuchaytiradi. Fermentlar bilan o‘zaro ta’sir natijasida miya tirozingidroksilazasi, pepsinogen, DNK-polimeraza faolligini oshirishi va miozin ATFaza, piruvatkinaza, RNK-polimeraza, pepsin faolligini pasaytirishi mumkin.

Geparinda immunodepressiv faollik mavjudligi haqida ma’lumotlar bor.

YuIK bo‘lgan bemorlarda (ASK bilan majmuada) koronar arteriyalarning o‘tkir trombozlari, miokard infarkti va to‘satdan o‘lim rivojlanishi xavfini kamaytiradi. Miokard infarktini o‘tkazgan bemorlarda takroriy infarktlar chastotasini va o‘limni kamaytiradi. Yuqori dozalarda o‘pka arteriyasi tromboemboliyalarida va vena trombozida, kichik dozalarda - venoz tromboemboliyalarning, shu jumladan jarrohlik operatsiyalaridan keyingi profilaktikasi uchun samarali.

Vena ichiga yuborilganda qon ivishi deyarli darhol sekinlashadi, mushak ichiga - 15-30 daqiqadan so‘ng, teri ostiga - 20-60 daqiqadan so‘ng, ingalyatsiyadan keyin maksimal samara - bir sutkadan keyin; antikoagulyant ta’sir davomiyligi mos ravishda - 4-5, 6, 8 soat va 1-2 hafta, terapevtik samara - tromb hosil bo‘lishining oldini olish - ancha uzoqroq saqlanadi. Plazmada yoki tromboz joyida antitrombin III tanqisligi geparinning antitrombotik samarasini pasaytirishi mumkin.

Sirtga qo‘llanilganda mahalliy antitrombotik, antiekssudativ, o‘rtacha yallig‘lanishga qarshi ta’sir ko‘rsatadi. Trombin hosil bo‘lishini bloklaydi, gialuronidaza faolligini susaytiradi, qonning fibrinolitik xususiyatlarini faollashtiradi. Teri orqali o‘tuvchi geparin yallig‘lanish jarayonini kamaytiradi va antitrombotik ta’sir ko‘rsatadi, mikrosirkulyatsiyani yaxshilaydi va to‘qima almashinuvini faollashtiradi, shu tufayli gematomalar va tromblar so‘rilishi va to‘qimalar shishi kamayishi jarayonlarini tezlashtiradi.

Qon ivish tizimi tomonidan: MIT va siydik yo'llaridan qon ketishlar, yuborish joyida, bosimga uchraydigan sohalarda, operatsiya yaralaridan qon ketishi, shuningdek boshqa organlarga qon quyilishlar, gematuriya, trombotsitopeniya bo'lishi mumkin.

Ovqat hazm qilish tizimi tomonidan: ko'ngil aynishi, ishtahaning pasayishi, qusish, diareya, jigar transaminazalari faolligining oshishi.

Allergik reaksiyalar: teri giperemiyasi, dori isitmasi, eshakemi, rinit, teri qichishishi va tovonlarda issiqlik hissi, bronxospazm, kollaps, anafilaktik shok.

Qon ivish tizimi tomonidan: keyinchalik teri nekrozi, gangrena rivojlanishi bilan kechuvchi arterial tromboz, miokard infarkti, insult rivojlanishi bilan kechuvchi trombotsitopeniya (o'lim holatigacha og'ir bo'lishi mumkin).

Suyak-mushak tizimi tomonidan: uzoq muddat qo'llanilganda - osteoporoz, spontan sinishlar, yumshoq to'qimalar kaltsifikatsiyasi.

Mahalliy reaksiyalar: yuborish joyida ta'sirlanish, og'riq, giperemiya, gematoma va yaralanishlar.

Boshqalar: o'tkinchi alopetsiya, gipoaldosteronizm.

Polivalent allergiyadan aziyat chekuvchi bemorlarda (shu jumladan bronxial astmada), arterial gipertenziya, stomatologik manipulyatsiyalar, qandli diabet, endokardit, perikardit, bachadon ichi kontraseptivi mavjudligida, faol sil kasalligi, nur terapiyasi, jigar yetishmovchiligi, surunkali buyrak yetishmovchiligi, keksa yoshdagi bemorlarda (60 yoshdan katta, ayniqsa ayollar) ehtiyotkorlik bilan qo'llash kerak.

Gematoma rivojlanishi ehtimoli tufayli geparinni m/i yuborish, shuningdek geparin bilan davolash fonida boshqa preparatlarni m/i yuborish tavsiya etilmaydi.

Qon ketishlarda va yuqori qon oqishi holatlarida, trombotsitopeniyada sirtqi ehtiyotkorlik bilan qo'llaniladi.

Geparin bilan davolash vaqtida qon ivish ko'rsatkichlarini nazorat qilish zarur.

Geparinni suyultirish uchun faqat fiziologik eritmadan foydalaniladi.

Og'ir trombotsitopeniya rivojlanganda (trombotsitlar sonining dastlabki songa nisbatan 2 baravar yoki 100 000/mkldan pastga kamayishi) geparinni qo'llashni zudlik bilan to'xtatish kerak.

Qon ketish xavfini qarshi ko'rsatmalarni sinchkovlik bilan baholash, qon ivishini muntazam laborator nazorat qilish va adekvat dozalash orqali minimallashtirish mumkin.

Qon ketishlar, qon ivish jarayonlari buzilishi bilan kechuvchi kasalliklar, bosh suyagi ichiga qon quyilishiga shubha, bosh miya tomirlari anevrizmasi, gemorragik insult, aorta anevrizmasining qatlamlanishi, antifosfolipid sindromi, xavfli arterial gipertenziya, o'tkir osti bakterial endokardit, MIO eroziv-yarali shikastlanishlari, jigar parenximasining og'ir shikastlanishlari, qizilo'ngach venalarining varikoz kengayishi bilan kechuvchi jigar sirrozi, jigardagi xavfli o'smalar, shok holatlari, ko'z, miya, prostata bezi, jigar va o't yo'llarida yaqinda o'tkazilgan jarrohlik aralashuvlari, orqa miya punksiyasidan keyingi holat, hayz ko'rish, bola tushish xavfi, tug'ruq (shu jumladan yaqinda bo'lgan), geparinga yuqori sezuvchanlik.

Ochiq jarohatlarga, shilliq qavatlarga surtilmaydi, yara-nekrotik jarayonlarda qo'llanilmaydi.

Geparinning ivishga qarshi ta'siri antikoagulyantlar, antiagregantlar va NYQV bilan bir vaqtda qo'llanilganda kuchayadi.

Shoxkuya alkaloidlari, tiroksin, tetratsiklin, antigistamin vositalar, shuningdek nikotin geparin ta'sirini kamaytiradi.