GINKGO BILOBA kapsulalar 40mg N30

Ginkgo ekstrakti ichga qabul qilingandan so‘ng terpenlaktonlar (ginkgolid A, ginkgolid B va bilobalid) yuqori biokiraolishlikka ega bo‘lib, bu ginkgolid A uchun 100% (98%), ginkgolid B uchun 93% (79%) va bilobalid uchun 72% ni tashkil qiladi.

80 mg ekstrakt qabul qilingandan so‘ng qon plazmasidagi maksimal konsentratsiyalar: ginkgolid A uchun 15 ng/ml, ginkgolid B uchun 4 ng/ml va bilobalid uchun taxminan 12 ng/ml ni tashkil qiladi.

Yarim chiqarilish davri — 3,9 soat (ginkgolid A), 7 soat (ginkgolid B) va 3,2 soat (bilobalid).

Qon plazmasi oqsillari bilan bog‘lanish: ginkgolid A uchun 43%, ginkgolid B uchun 47% va bilobalid uchun 67% ni tashkil qiladi.

O'simlik kelib chiqishiga ega preparat, hujayralarda moddalar almashinuvini, qonning reologik xususiyatlarini va mikrosirkulyatsiyani normallashtiradi. Miya qon aylanishini yaxshilaydi va miyani kislorod va glyukoza bilan ta'minlaydi, eritrotsitlar agregatsiyasiga to'sqinlik qiladi, trombotsitlarni faollashtiruvchi omilni tormozlaydi. Tomir tizimiga dozaga bog'liq tartibga soluvchi ta'sir ko'rsatadi, endoteliy bo'shashtiruvchi omil (azot oksidi - NO) ishlab chiqarilishini rag'batlantiradi, mayda arteriyalarni kengaytiradi, venalar tonusini oshiradi, shu bilan tomirlarning qon bilan to'lishini tartibga soladi. Tomir devori o'tkazuvchanligini kamaytiradi (shishga qarshi samara - ham bosh miya darajasida, ham periferiyada). Antitrombotik ta'sirga ega (trombotsitlar va eritrotsitlar membranalarini barqarorlashtirish, prostaglandinlar sinteziga ta'sir qilish, biologik faol moddalar va trombotsitlarni faollashtiruvchi omil ta'sirini kamaytirish hisobiga). Erkin radikallar hosil bo'lishiga va hujayra membranalari lipidlarining peroksidlanishiga to'sqinlik qiladi. Neyromediatorlarning (noradrenalin, dofamin, atsetilxolin) ajralishi, qayta so'rilishi va katabolizmini va ularning retseptorlar bilan bog'lanish qobiliyatini normallashtiradi. Antigipoksik ta'sir ko'rsatadi, organlar va to'qimalarda moddalar almashinuvini yaxshilaydi, hujayralarda makroerglar to'planishiga, kislorod va glyukoza utilizatsiyasini oshirishga, markaziy asab tizimida mediator jarayonlarni normallashtirishga yordam beradi.

Allergik reaksiyalar (terining qizarishi, shishi, qichishishi), me'da-ichak buzilishlari (ko‘ngil aynishi, qusish, diareya), bosh og‘rig‘i, eshitishning buzilishi, bosh aylanishi, qon ivishining pasayishi bo‘lishi mumkin.

Har qanday noxush holatlar yuzaga kelganda, preparatni qabul qilishni to‘xtatish va davolovchi shifokorga murojaat qilish kerak.

Holatning yaxshilanishi davolash boshlanganidan 1 oy o'tgach namoyon bo'ladi. Bosh aylanishi va quloqlarda shovqin hissi tez-tez yuzaga kelganda shifokor bilan maslahatlashish zarur. Eshitish to'satdan yomonlashganda yoki yo'qolganda kechiktirmasdan shifokorga murojaat qilish kerak.

Transport vositalarini va mexanizmlarni boshqarishga ta'siri

Markaziy asab tizimi tomonidan nojo'ya ta'sirlar rivojlanishi mumkinligini hisobga olib, transport vositalarini va yuqori diqqatni jamlash hamda psixomotor reaksiyalar tezligini talab qiluvchi boshqa texnik qurilmalarni boshqarishda ehtiyotkorlikka rioya qilish kerak.

• gipersezuvchanlik;
• gipokoagulyatsiya;
• bosh miya qon aylanishining o'tkir buzilishlari;
• o'tkir miokard infarkti;
• me'da va 12-barmoqli ichak yara kasalligi;
• eroziv gastrit;
• arterial gipotenziya;
• homiladorlik, laktatsiya davri;
• 18 yoshgacha bo'lganlar;
• saxaraza, izomaltaza yetishmovchiligi, fruktozaga toqat qilolmaslik, glyukoza-galaktoza malabsorbsiyasi.

Preparatni asetilsalitsil kislotasi, antikoagulyantlar (bevosita va bilvosita ta'sirga ega), shuningdek qon ivishini pasaytiruvchi preparatlarni doimiy qabul qilayotgan bemorlarga qo'llash tavsiya etilmaydi.

Qon ivishini pasaytiruvchi vositalarni bir vaqtda qabul qilayotgan bemorlarda qon ketishining yagona holatlari bo'lishi mumkin; ushbu qon ketishlarning Ginkgo ikki bo'lakli preparatlari qabul qilinishi bilan sababiy bog'liqligi tasdiqlanmagan.

Gipotenziv vositalar bilan qo'llanilganda antigipertenziv samara potentsiyalanishi mumkin.

Kattalarga 1 kapsuladan kuniga 3 marta ovqat vaqtida. Kapsulalar 1 stakan suv bilan ichiladi. Davolash kursining o'rtacha davomiyligi - 3 oy. Kognitiv buzilishlar: 40 mg dan 2 kapsula kuniga 2-3 marta. Davolash kursi davomiyligi kamida 8 haftani tashkil qiladi. 3 oylik terapiyadan so'ng shifokor preparatni keyinchalik qo'llash zaruratini tekshirishi kerak. Arteriyalarning periferik okklyuziv kasalligi, shuningdek qon tomir va involyutsion kelib chiqishga ega bosh aylanishi: 40 mg dan 2 kapsula kuniga 2 marta. Davolash davomiyligi kamida 8 haftani tashkil qiladi. Bosh aylanishida terapiya davomiyligi 6-8 haftadan oshmaydi. Quloqlarda shovqinni davolash davomiyligi - kamida 12 hafta.