INGALIPT ZDOROVE sprey 30ml

QO‘LLASH BO‘YICHA YO‘RIQNOMA

INGALIPT-ZDOROVE

INGALIPT–ZDOROVYE

Preparatning savdo nomi: Ingalipt-Zdorove

Ta‘sir qiluvchi modda (XPN):

Dori shakli: og‘iz bo‘shlig‘i uchun sprey.

Tarkibi: 1 ballon 0,75 g eruvchi streptosid, 0,54 g natriy sulfatiazol suvsiz sulfatiazol natriyga qayta hisoblanganda, 0,015 g timol, 0,015 g evkalipt moyi, 0,015 g yalpiz moyi saqlaydi;

yordamchi moddalar: 96% li etanol, qand-rafinad, gliserin, polisorbat-80, tozalangan suv.

Ta‘rifi: och-sariqdan to‘q-sariq rangligacha bo‘lgan, o‘ziga xos hidli, tiniq suyuqlik.

Farmakoterapevtik guruhi: Respirator tizimiga ta‘sir etuvchi moddalar. Tomoq kasalliklarida qo‘llanadigan preparatlar. Antiseptiklar.

ATX kodi: R02AA20.

Farmakologik xususiyatlari

Preparatning farmakologik samaralari uning tarkibiga kiruvchi komponentlarning ta‘siri bilan belgilanadi.

Eruvchi streptosid va natriy sulfatiazol og‘iz bo‘shlig‘i va halqum kasalliklarini chaqiruvchi grammusbat va grammanfiy bakteriyalarga nisbatan antimikrob ta‘sir ko‘rsatadi. Timol antiseptik, balg‘am ko‘chiruvchi va spazmolitik ta‘sirga ega. Evkalipt moyi yallig‘lanishga qarshi va antiseptik faollik namoyon qiladi. Shilliq qavatlariga qo‘yilganida yalpiz moyi o‘rtacha mahalliy og‘riqni qoldiruvchi samara namoyon qiladi.

Preparatning ko‘rsatilgan komponentlarining majmuasi og‘iz bo‘shlig‘i va yuqori nafas yo‘llari shilliq qavatini yallig‘lanish kasalliklarini majmuaviy patogenetik davolashni ta‘minlaydi. Preparat yallig‘lanishga qarshi, mikroblarga qarshi va zamburug‘larga qarshi samara ko‘rsatadi; grammusbat va grammanfiy bakteriyalar, shuningdek Candida urug‘i zamburug‘lariga nisbatan faoldir.

Qo‘llanilishi

LOR-a‘zolari va og‘iz bo‘shlig‘i shilliq qavatining infeksion-yallig‘lanish kasalliklarini (tonzillit, faringit, laringit, aftoz va yarali stomatit) mahalliy davolashda qo‘llanadi.

Qo‘llash usuli va dozalari

Kattalar va 3 yoshdan oshgan bolalarga preparatni 1-2 sekund davomida og‘iz bo‘shig‘iga sepib, chayish yo‘li bilan og‘iz bo‘shlig‘i va burun-halqumining shilliq qavatlariga mahalliy qo‘llaniladi.

Kattalarda chayish sutkada 3-4 marta o‘tkaziladi.

Agarda shifokorning maxsus ko‘rsatmasi bo‘lmasa, 3 yoshdan oshgan bolalarda chayish sutkada 1-2 marta o‘tkaziladi.

Preparatni qo‘llashning davomiyligi kasallikni kechishiga bog‘liq va odatda
3-10 sutkani tashkil qiladi.

Qo‘llashning davomiyligi va tez-tezligini shifokor tomonidan shaxsiy belgilanadi va kasallikning og‘irligiga bog‘liq!

Ballondan foydalanish qoidalari.

1. Ballondan himoya qopqoqchasi yechiladi.
2. Oldindan tozaligiga ishonch hosil qilib, uchlik (purkagich) ballon klapanining shtokiga o‘rnatiladi.
3. 1 minut davomida ballon chayqatiladi va dispers oqim paydo bo‘lgunicha ko‘pi bilan
   5 marta bosiladi. Oqim bo‘lmaganida operasiya yana bir marta takrorlanadi.
4. Purkagichning erkin uchi og‘iz bo‘shlig‘iga kiritiladi, ballonni vertikal holda ushlab turib, purkagichning boshchasi bosiladi. Purkash davomiyligi – 1-2 sek.
5. Chayishni tugatib, purkagich ballon klapanining shtokidan olinadi va uning ifloslanishini oldini olish uchun ballon himoya qopqoqchasi bilan yopiladi.
6. Purkagichni toza joyda saqlash, har kuni iliq suv oqimida yuvib, keyinchalik iliq joyda quritish kerak.

Nojo‘ya ta‘sirlari

Odatda, preparat yaxshi o‘zlashtiriladi, ammo alohida hollarda:

Immun tizimi tomonidan: allergik reaksiyalar, shu jumladan angionevrotik shish, bronxospazm.

Teri tomonidan: toshmalar, qichishish, eshakemi, muloqot joyida shish.

Ovqat hazm qilish tizimi tomonidan: ko‘ngil aynishi, qusish, mahalliy samaralar (og‘izda achishish hissi, tomoqda karasht yoki qichishish).

Boshqalar: umumiy holsizlik, nafas olishni qiyinlashishi kuzatilishi mumkin.

Har qanday noxush ko‘rinishlar yoki odatdagi bo‘lmagan reaksiyalar rivojlangan holda, preparatni keyinchalik qo‘llash bo‘yicha shifokor bilan maslahatlashing.

Qo‘llash mumkin bo‘lmagan holatlar

Preparatning komponentlariga shaxsiy yuqori sezuvchanlik, anamnezida sulfanilamidlarga og‘ir toksik-allergik reaksiyalar mavjud bo‘lganida qo‘llash mumkin emas.

Dorilarning o‘zaro ta‘siri

Agar Siz har qanday boshqa dori vositalarini qabul qilayotgan bo‘lsangiz, preparatni qo‘llash mumkinligi haqida albatta shifokor bilan maslahatlashing!

Paraaminobenzoy kislotaning hosilalari bilan (novokain, anestezin, dikain) bir vaqtda qo‘llanganida, preparatning mikroblarga qarshi ta‘siri susayishi mumkin.

Maxsus ko‘rsatmalar

Qo‘llashdagi maxsus ehtiyotkorlik choralari

Preparatni qo‘llashdan avval, ayniqsa allergiyaga moyillik bo‘lganida shifokor bilan maslahatlashing! Shifokor maslahatisiz preparatni uzoq muddat qo‘llamang.

Ilgari bu guruh preparatlarini qabul qilishda bo‘lgan reaksiyalar haqida shifokorga albatta xabar bering.

Preparatni ko‘zga tushishidan saqlaning.

Preparatni qo‘llashdan oldin og‘iz bo‘shlig‘ini qaynatilgan iliq suv bilan chayish tavsiya etiladi. Steril tamponlar yordamida og‘iz bo‘shlig‘ining shikastlangan sohalaridan (yaralar, eroziyalar) nekrotik karash olib tashlanadi. Preparat bilan og‘iz bo‘shlig‘i chayilganidan so‘ng 15-30 minut davomida ovqat iste‘mol qilishdan saqlanish kerak.

Preparat bolalarda qo‘llanganida 1-2 sekund davomida sepiladigan preparatning bir martalik dozasi 0,0076-0,0152 ml etanol (96%) saqlaydi, bu bir martalik qabulga 3-5 yoshli bolalar (tana vazni 15-21 kg) uchun 0,0004 – 0,0013 ml/kg, 6-12 yoshli bolalar uchun (tana vazni 21-38 kg) 0,0002-0,0007 ml/kg tashkil qilishini hisobga olish kerak.

Preparat qand saqlaydi, buni qandli diabeti bo‘lgan bemorlarda va fruktozani tug‘ma o‘zlashtiraolmasligi bo‘lgan, glyukoza-galaktozani so‘rilishi buzilgan pasientlarda hisobga olish lozim.

Homiladorlik yoki emizish davrida qo‘llanishi

Preparatni homiladorlik yoki emizish davrida foyda/xavf nisbatini o‘lchab, preparatni dozalash tartibiga qat‘iy rioya qilib, shifokor nazorati ostida qo‘llash mumkin.

Avtotransportni boshqarish yoki boshqa mexanizmlar bilan ishlashda reaksiya tezligiga ta‘sir qilish xususiyati.

Preparat transport vositalari va mexanizmlarni boshqarish qobiliyatiga ta‘sir qilmaydi, biroq avtotransport haydovchilarida alkogolga tekshirish natijalarida xato ko‘rsatishi mumkinligini hisobga olish kerak.

Bolalar

3 yoshgacha bo‘lgan bolalarda preparat qo‘llanmasin.

Evkalipt moyi va yalpiz moylarini saqlaganligi bois kelib chiqadigan reflektor bronxospazmni rivojlanishi mumkinligi tufayli, 3 yoshdan katta bolalarga ehtiyotkorlik bilan qo‘llanadi. Bolalarni davolashni shifokor nazorati ostida o‘tkazish lozim.

Dozani oshirib yuborilishi

Dozani oshirib yuborilish hollari ta‘riflanmagan. Preparatning nojo‘ya samaralari kuchayishi mumkin.

Davolash. Preparatni bekor qilish, og‘iz bo‘shlig‘ini iliq qaynatilgan suv bilan yuvish.  Simptomatik davolash.

Chiqarilish shakli

30 ml 1 ballon purkagich-moslama va himoya qopqog‘i bilan birga  qutida.

Saqlash sharoiti

Original o‘ramda, 25°S dan yuqori bo‘lmagan haroratda saqlansin. Bolalar ololmaydigan joyda saqlansin.

Yaroqlilik muddati

1,5 yil.

Yaroqlilik muddati o‘tgach qo‘llanilmasin.

Dorixonalardan berish tartibi

Reseptsiz.