KARSIL FORTE 0,09 kapsulalar N30
KARSIL FORTE 0,09 kapsulalar N30 haqida qo'llanma
Farmakokinetikasi
Absorbsiya past va sekin. Ichak-jigar retsirkulyatsiyasiga uchraydi. To'planmaydi.
C14 bilan nishonlangan silibinin tadqiq qilinganda, eng yuqori konsentratsiyalar jigarda va juda oz miqdorlari - buyraklar, o'pka, yurak va boshqa organlarda aniqlanadi.
Jigarda kon'yugatsiya vositasida metabolizmga uchraydi. Safroda metabolitlar sifatida glyukuronidlar va sulfatlar aniqlangan.
T1/2 6 soatni tashkil qiladi. Asosan safro bilan (taxminan 80%) glyukuronidlar va sulfatlar ko'rinishida va oz darajada (taxminan 5%) siydik bilan chiqariladi.
Nojo'ya samaralari
Dori vositasi yaxshi o‘zlashtiriladi. Kamdan-kam hollarda quyidagi nojo‘ya ta'sirlar kuzatiladi:
me'da-ichak yo‘llari tomonidan: ko‘ngil aynishi, dispepsiya, diareya.
teri tomonidan: yakka hollarda teri allergik reaksiyalari - qichishish, toshma, alopesiya bo‘lishi mumkin.
Boshqalar: kamdan-kam hollarda mavjud vestibulyar buzilishlarning kuchayishini kuzatish mumkin. Nojo‘ya ta'sirlar o‘tkinchi xarakterga ega va preparatni qabul qilish to‘xtatilgandan keyin yo‘qoladi.
Maxsus ko‘rsatmalari
Avtotransportni boshqarish va mexanizmlar bilan ishlash qobiliyatiga ta'siri: preparatni monoterapiyada qo'llash avtotransportni boshqarish va mexanizmlar bilan ishlash qobiliyatiga ta'sir qilmaydi
Qo'llanilishi mumkin bo'lmagan holatlar
— faol yoki har qanday yordamchi moddaga yuqori sezuvchanlik;
— 12 yoshdan kichik bolalar;
— laktaza yetishmovchiligi, galaktozemiya yoki glyukoza/galaktoza malabsorbsiyasi sindromi (tarkibida laktoza borligi sababli).
— tseliakiya (glyutenli enteropatiya) (tarkibida bug'doy kraxmali borligi sababli).
Ehtiyotkorlik bilan: silimarinning estrogenimon ta'siri namoyon bo'lishi mumkinligi sababli gormonal buzilishlari (endometrioz, bachadon miomasi, sut bezi, tuxumdonlar va bachadon karsinomasi, prostata bezi karsinomasi) bo'lgan bemorlarga tayinlanadi.
Dori vositalarining o'zaro ta'siri
Silimarinni peroral kontraseptivlar va gormonal o'rinbosar terapiyada ishlatiladigan preparatlar bilan birga qo'llaganda oxirgilarining ta'siri kamayishi mumkin.
Silimarin sitoxrom P450 tizimiga bostiruvchi ta'siri tufayli diazepam, alprazolam, ketokonazol, lovastatin, vinblastin kabi dorilarning ta'sirini kuchaytirishi mumkin.
Dozirovkasi
Kattalar va 12 yoshdan katta bolalar. Jigar og'ir shikastlanishlarini davolash 1 kapsuladan kuniga 3 marta dozadan boshlanadi. Yengilroq va o'rtacha og'irlikdagi holatlarda dozalash 1 kapsuladan kuniga 1-2 martani tashkil qiladi.
Kimyoviy intoksikatsiyalar profilaktikasi uchun - kuniga 1-2 kapsula. Davolash kursi kamida 3 oy davom etadi.
12 yoshdan kichik bolalar. Bolalarda qo'llash bo'yicha yetarli klinik ma'lumotlar yo'q.
KARSIL FORTE 0,09 kapsulalar N30 o'xshash dorilari
