KLASID 0,5 liofilizat N1

Sog'lom ko'ngillilar

Sog'lom ko'ngillilarda o'tkazilgan klinik sinovlarda klaritromitsin bir marta 75 mg, 125 mg, 250 mg va 500 mg dozalarda 100 ml hajmda 30 daqiqa davomida infuziya ko'rinishida, shuningdek 500 mg, 750 mg yoki 1000 mg dozalarda 250 ml hajmda 60 daqiqadan ko'proq vaqt davomida yuborilgan. Klaritromitsinning muvozanat Cmax lari 60 daqiqa davomida 500 mg va 1000 mg klaritromitsin infuziyasidan so'ng mos ravishda 5.16 mkg/ml dan 9.4 mkg/ml gachani tashkil qilgan. 14-gidroksiklaritromitsinning Cmax lari 500 mg infuziyadan so'ng 0.66 mkg/ml ni va 60 daqiqa davomida 1000 mg klaritromitsin yuborilgandan so'ng 1.06 mkg/ml ni tashkil qilgan.

Muvozanat holatida klaritromitsinning terminal T1/2 i preparat dozasiga bog'liq va 60 daqiqa davomida 500 mg dan 1000 mg gacha dozalar yuborilganda mos ravishda 3.8 soatdan 4.5 soatgachani tashkil qiladi. 14-gidroksiklaritromitsinning T1/2 i o'sha 500 mg va 1000 mg dozalar 60 daqiqa davomida yuborilgandan so'ng mos ravishda 7.3 soat va 9.3 soatni tashkil qiladi, bu klaritromitsin dozasi oshishi bilan ortib boruvchi taxminan shunday bog'liqlikni tasdiqlaydi.

Muvozanat holatida AUC qiymatlari doza oshishi bilan nomutanosib ravishda o'zgargan, ya'ni 60 daqiqa davomida 500-1000 mg dozalar yuborilganda AUC qiymatlarining 22.29 soat?mkg/ml dan 53.26 soat?mkg/ml gacha nolinear bog'liqligi mavjud bo'lgan. 14-gidroksiklaritromitsinning AUC ma'lumotlari o'sha dozalar 60 daqiqalik infuziya orqali yuborilganda 8.16 soat?mkg/ml dan 14.76 soat?mkg/ml gacha o'zgarib turgan.

7 kunlik klinik sinovlarda klaritromitsin har 12 soatda 125 mg va 250 mg dozalarda 100 ml infuziya ko'rinishida 30 daqiqadan ko'proq vaqt davomida va 500 mg va 750 mg dozalarda 250 ml hajmda 60 daqiqadan ko'proq vaqt davomida ko'p marta yuborilgan. Ushbu tadqiqotda muvozanat Cmax qiymatlari 500 mg dozada 5.5 mkg/ml dan 750 mg dozada 8.6 mkg/ml gacha oshgan. Muvozanat holatida 60 daqiqadan ko'proq infuziyadan so'ng 500 mg va 750 mg klaritromitsinning terminal T1/2 i mos ravishda 5.3 soat va 4.8 soatni tashkil qilgan. 14-gidroksiklaritromitsinning Cmax i 500 mg va 750 mg dozalardan so'ng muvozanat holatida 1.02 mkg/ml dan 1.37 mkg/ml gacha oshgan. Ushbu metabolit uchun terminal faza T1/2 i 500 mg yoki 750 mg yuborilgan guruhlarda mos ravishda 7.9 soat va 5.4 soatni tashkil qilgan. 14-gidroksiklaritromitsin farmakokinetikasi dozaga bog'liq bo'lmagan.

Klinik sinovlarda bemorlarda eng ko‘p in'ektsiya o‘tkazilgan joyda yallig‘lanish va og‘riq, flebit kuzatilgan. Boshqa nojo‘ya reaksiyalar bosh og‘rig‘i, ta'm bilishning buzilishi va jigar fermentlari faolligining o‘tkinchi oshishini o‘z ichiga olgan.

Postmarketing tajriba

Klaritromitsin bilan davolashda, boshqa makrolidlar kabi, jigar funktsiyasining buzilishi, shu jumladan jigar fermentlari faolligining oshishi, sariqlik bilan kechgan yoki kechmagan gepatotsellyulyar va/yoki xolestatik gepatit tez-tez emas qayd etilgan. Jigar disfunktsiyasi og‘ir va odatda qaytuvchan bo‘lishi mumkin. Juda kam hollarda jigar yetishmovchiligidan o‘lim holatlari qayd etilgan, ular odatda jiddiy hamroh kasalliklar mavjud bo‘lganda va/yoki boshqa dori vositalari bilan bir vaqtda qo‘llanilganda kuzatilgan.

Zardob kreatinin darajasining oshishi bo‘yicha alohida holatlar tasvirlangan, ammo ularning preparatni qabul qilish bilan bog‘liqligi aniqlanmagan.

Klaritromitsin peroral qo‘llanilganda allergik reaksiyalar tasvirlangan, ular eshakemi va kichik toshmalardan anafilaksiya va Stivens-Djonson sindromi/toksik epidermal nekrolizgacha o‘zgargan.

MNSga o‘tkinchi ta'sirlar, shu jumladan bosh aylanishi, xavotir, uyqusizlik, dahshatli tushlar, quloqlarda shovqin, ongning chalkashishi, dezorientatsiya, gallyutsinatsiyalar, psixoz va depersonalizatsiya haqida xabarlar mavjud; preparatni qo‘llash bilan sabab-oqibat bog‘liqligi aniqlanmagan.

Klaritromitsin asosan jigar orqali chiqariladi. Shu munosabat bilan antibiotikni jigar funktsiyasi buzilishi bo'lgan bemorlarga tayinlashda ehtiyotkorlikka rioya qilish kerak.

O'rtacha va yaqqol buyrak yetishmovchiligi bo'lgan bemorlarni klaritromitsin bilan davolashda ehtiyotkorlikka rioya qilish kerak.

Klinik amaliyotda kolxitsinni klaritromitsin bilan birga qo'llashda, ayniqsa keksa odamlarda uning toksikligi holatlari tavsiflangan. Ularning ba'zilari buyrak yetishmovchiligi bo'lgan bemorlarda kuzatilgan; bunday bemorlarda bir nechta o'lim holatlari haqida xabar berilgan.

Klaritromitsin va boshqa makrolid preparatlari, shuningdek linkomitsin va klindamitsin o'rtasida kesishma rezistentlik bo'lishi mumkinligini hisobga olish kerak.

— jigar va/yoki buyrak funksiyasining yaqqol buzilishlari;

— homiladorlik;

— laktatsiya davri;

— 18 yoshgacha bo'lganlar;

— sizaprid, pimozid, astemizol, terfenadin, ergotamin va digidroergotaminni bir vaqtda qabul qilish;

— makrolidlar guruhiga kiruvchi antibiotiklarga yuqori sezuvchanlik

Klaritromitsin jigarda CYP3A izofermenti ta'sirida metabolizmga uchraydi. Bu mexanizm boshqa preparatlar bilan ko'plab o'zaro ta'sirlarni belgilaydi. Klaritromitsin boshqa dori moddalarining ushbu tizim ta'sirida biotransformatsiyasini ingibirlashi mumkin, bu ularning zardobdagi darajalarining oshishiga olib kelishi mumkin.

Quyidagi dori vositalari yoki sinflar CYP3A izofermenti ta'sirida metabolizmga uchrashi ma'lum yoki taxmin qilinadi: alprazolam, astemizol, karbamazepin, tsilostazol, tsisaprid, siklosporin, dizopiramid, shoxkuya alkaloidlari, lovastatin, metilprednizolon, midazolam, omeprazol, peroral antikoagulyantlar (masalan, varfarin), pimozid, xinidin, rifabutin, sildenafil, simvastatin, takrolimus, terfenadin, triazolam va vinblastin. Sitoxrom P450 ning boshqa izofermentlari orqali vositalanadigan o'xshash o'zaro ta'sir mexanizmlari fenitoin, teofillin va valproat kislotasi uchun xosdir.