KLOVEYT krem

Klobetazol propionati shox parda orqali teriga oson kiradi, biotransformatsiyaga uchramaydi. Asosan jigarda biotransformatsiyaga uchraydi. Glyukuron kislotasi bilan birikma shaklida va oz miqdorda o'zgarmagan holda asosan siydik bilan va kamroq darajada safro bilan chiqariladi. Klobetazol propionatining teri orqali so'rilishi burmalar sohasidagi nozik teriga, epidermisi shikastlangan yoki yallig'lanish jarayoni bo'lgan teriga qo'llanilganda ortadi. Dori vositasi tez-tez qo'llanilganda yoki terining katta joylariga qo'llanilganda glyukokortikosteroidlarning tizimli nojo'ya ta'sirlari rivojlanishi bilan so'rilish ehtimoli bor. Klobetazol propionatining teri orqali so'rilishi kattalarga qaraganda yoshlarda kuchliroq sodir bo'ladi.

Kloveyt teriga mahalliy qo'llaniladigan sintetik glyukokortikosteroid hisoblanadi. Mahalliy qo'llaniladigan 0,05% li krem yallig'lanishga qarshi, qichishishga qarshi, allergiyaga qarshi va tomir toraytiruvchi ta'sir ko'rsatadi. Lipofil xususiyatlarni namoyon qiladi va teri orqali organizmga oson kirib boradi. 2 g krem qo'llanilganda buyrak usti bezi - gipofizar tizimni susaytirish orqali gipofiz tomonidan adrenokortikotrop gormon (AKTG) ajralib chiqishi kamayishi mumkin. Preparat yallig'lanish jarayonlarini fosfolipaza A2 faolligini bloklash va hujayra membranalari fosfolipidlaridan araxidon kislotasi ajralib chiqishini kamaytirish natijasida prostaglandinlar va leykotrienlar ishlab chiqarilishini susaytirish orqali kamaytiradi, shuningdek mahalliy allergik reaktsiyalarni susaytirish orqali allergiyaga qarshi ta'sir ko'rsatadi. Mahalliy tomir toraytiruvchi ta'sir natijasida ekssudativ reaktsiyalar kamayadi, oqsil sintezi, kollagen yotqizilishi pasayadi. Terida oqsillar parchalanishini tezlashtiradi va proliferativ jarayonlarni susaytiradi.

- husnbuzarlar, steroid purpura, epidermis o'sishining susayishi, teri osti kletchatkasi atrofiyasi;
- teri qurishi, gipertrixoz yoki soch to'kilishi, teri gipo- yoki giperpigmentatsiyasi;
- teri atrofiyasi va striyalar, teleangiektaziyalar, perioral dermatit;
- soch follikulalarining yallig'lanishi, atrofik chiziqlar, ikkilamchi infeksiya.

Kamdan-kam hollarda
- eshakemi yoki dog'-papulyoz toshma;
- okklyuzion bog'lam ostida qo'llanilganda preparat shishlar, gipertenziya, rezistentlikning pasayishi ko'rinishidagi rezorbtiv ta'sir ko'rsatishi mumkin;
- qovoq terisida qo'llanilganda glaukoma yoki katarakta rivojlanishiga olib kelishi mumkin;
- yuqori dozalarda uzoq muddat qo'llanilganda, ayniqsa bolalarda giperkortitsizm simptomlari paydo bo'lishi mumkin.

Uzoq muddat qo'llashdan saqlanish kerak. Terining keng sohalarida uzoq muddat qo'llanilganda nojo'ya ta'sirlar paydo bo'lishi chastotasi va shishlar, gipertenziya, giperglikemiya, organizm rezistentligi pasayishi paydo bo'lishi xavfi ortadi.

Klobetazol propionat mahalliy qo'llanilishi ta'sirida buyrak usti bezi - gipofizar tizim bostirilishi oqibatida gipofiz tomonidan adrenokortikotrop gormon (AKTG) ishlab chiqarilishi kamayishi, qonda kortizol darajasi pasayishi va davolash to'xtatilgandan keyin o'tib ketadigan yatrogen Kushing sindromi paydo bo'lishi mumkin.

AKTG yordamida buyrak usti bezlarini stimulyatsiya qilgandan keyin qonda va siydikda kortizolni aniqlash yo'li bilan buyrak usti bezi po'stlog'i funksiyasi ustidan davriy nazorat o'tkazish.

Krem qo'llanilgan joyda infeksiya rivojlanganda tegishli antibakterial yoki zamburug'ga qarshi davolashni qo'llash kerak. Agar infeksiya simptomlari o'tmasa, Kloveyt kremini qo'llashni infeksiya to'liq tuzalguncha to'xtatish zarur.

Preparatni qovoq terisida yoki tor burchakli yoki keng burchakli glaukomasi, shuningdek kataraktasi bo'lgan shaxslarda qovoq sohasidagi terida qo'llashdan saqlanish kerak, kasallik zo'rayishi xavfi tufayli.

Yuz terisida, shuningdek qo'ltiq osti va chov sohalarida preparatni faqat o'ta zarur hollarda qo'llash kerak, so'rilish kuchayishi va nojo'ya ta'sirlar (teleangiektaziyalar, dermatitis perioralis) paydo bo'lishi xavfi ortishini hisobga olgan holda.

Teri osti klechatkasi atrofik holatlarida, ayniqsa keksa yoshdagi shaxslarda ehtiyotkorlik bilan qo'llash kerak.

Dori vositasi psixofizik faollikni, transport vositalarini boshqarish va harakatlanuvchi mexanizmlarga xizmat ko'rsatish qobiliyatini cheklamaydi.

- terining bakterial (piodermiyalar), virusli (oddiy gerpes, suvchechak) va zamburug‘li (mikozlar) infeksiyalari;
- pushti va oddiy husnbuzarlarda, perioral dermatitda;
- vaksina profilaktikasidan keyin;
- klobetazol propionatga yoki boshqa glyukokortikosteroidlarga tasdiqlangan yuqori sezuvchanlik bo‘lganda va preparatning yordamchi komponentlariga yuqori sezuvchanlikda;
- 18 yoshgacha bo‘lgan bolalar;
- homiladorlik va laktatsiya davri;
- perianal, genital qichishish.

Glyukokortikosteroidlar bilan davolash vaqtida antitanachalar ishlab chiqarilishi pasayishi bilan bog'liq immunodepressiv xususiyatlar paydo bo'lishi ehtimoli tufayli chechakka qarshi emlash va immunizatsiyaning boshqa turlarini o'tkazmaslik kerak. Dori vositasi immunosupressiv preparatlar ta'sirini kuchaytirishi va immunostimulyatorlar ta'sirini susaytirishi mumkin.

Krem terining zararlangan yuzasiga yupqa qatlam qilib, yengil ishqalab, kuniga 1-2 marta surtiladi. Kremni okklyuzion bog‘lam ostida qo‘llash mumkin emas.
Davolashni tanaffussiz 2 haftadan ortiq o‘tkazmaslik kerak.