KURANTIL 25 tabletkalari 25mg N120

30°C dan yuqori boʼlmagan haroratda saqlansin.
Bolalar ololmaydigan joyda saqlansin.
Hech qanday dori preparatini kanalizatsiyaga yoki maishiy chiqindilar bilan birga tashlab yubormang. Kerak boʼlmay qolgan dori preparatining utilizatsiyasi boʼyicha dorixona xodimi bilan maslahatlashing. Bu choralar atrof-muhit himoyasiga yordam beradi.

Retsept boʼyicha.

Tarkibi: 
Plyonka qobiq bilan qoplangan bir tabletka quyidagilarni saqlaydi:
faol modda: 25 mg dipiridamol;
yordamchi moddalar: 
tabletka yadrosi: makkajoʼxori kraxmali, laktoza monogidrati, kraxmal glikolyatining natriyli tuzi (А turi), jelatin, suvsiz kolloidli kremniy dioksidi, magniy stearati.
tabletka qobigʼi: gipromelloza, talk, makrogol 6000, titan dioksidi (E 171), xinolinli sariq (E 104), simetikon emulsiyasi.

Chiqarilish shakli
Qirrali polietilen tiqinga ega, polietilen silьfon bilan jihozlangan 30 ml lik rangsiz shisha flakon solingan buklama quticha. 
Bir asl qadoqda plyonka qobiq bilan qoplangan 120 tabletka saqlanadi.

Kurantil® N 25 trombotsitlar agregatsiyasini bostiradi va mikrotsirkulyatsiyani yaxshilaydi. Preparat tomirlarni kengaytiruvchi yengil taʼsirga ega.
Trombotsitlar agregatsiyasiga dipiridamolning ingibirlovchi taʼsirining mexanizmi, ehtimol, adenozin (trombotsitlar reaktivligi ingibitori hisoblanadi) qamrab olinishining tormozlanishi, trombotsitlar fosfodiesterazasining bostirilishi yoki prostatsiklin (PGI2) ajralib chiqarilishining stimulyatsiyasi bilan bogʼliq.
Dipiridamol adenozinning endotelial hujayralar, eritrotsitlar va trombotsitlar tomonidan qamrab olinishini tormozlaydi. Dipiridamolni qoʼllashdan keyin qonda adenozin darajasini ortadi, u tomondan ifodalanuvchi trombotsitlar agregatsiyasi va tromb hosil boʼlishiga moyillik pasayadi. Bundan tashqari, adenozinning vazodilatatsiyalovchi taʼsiri kuchayadi.
Fosfodiesteraza fermenti trombotsitlarda siklik adenozinmonofosfatni (ts-АMF) parchalaydi, u ularning agregatsiyasini bostiradi. Dipiridamol trombotsitlar fosfodiesterazasini ingibirlaydi va ularda s-АMF toʼplanishiga olib keladi.

Peroral yuborilganidan keyin dipiridamol oshqozon-ichak yoʼlida (odatda - oshqozonda, hamda, qisman ingichka ichakda) tez soʼriladi.
Dipiridamolning peroral yuborilganidan keyin plazmadagi maksimal kontsentratsiyasiga 1 soatdan soʼng erishiladi. Dipiridamol plazma oqsillari bilan deyarli toʼliq bogʼlanadi. Dipiridamol yurakda va eritrotsitlarda toʼplanadi.
Dipiridamol glyukuron kislotasi bilan bogʼlanish yoʼli orqali jigarda metabolizmga uchraydi. Yarim chiqarilish davri 20-30 daqiqani tashkil qiladi.
Dipiridamol monoglyukuronid koʼrinishida oʼt bilan birga chiqariladi.

antitrombotik vositalar, trombotsitlar agregatsiyasi ingibitorlari, geparindan tashqari

plyonka qobiq bilan qoplangan tabletkalar

Kurantil® N 25 preparatini terapevtik dozalarda qoʼllaganda, odatda, nojoʼya dori reaktsiyalari yengil va oʼtkinchi xarakterga ega boʼladi.
Baʼzida (davolash muolajalarini olgan patsientlarning1/1 000 dan  1/100 gacha) quyidagilar kuzatilishi mumkin: qusish, diareya, shuningdek bosh aylanishi, koʼngil aynishi, bosh ogʼrigʼi (shu jumladan, tomir tabiatli bosh ogʼrigʼi) va mushaklardagi ogʼriq kabi belgilar. Kurantil® N 25 preparatini uzoq muddat qoʼllanilganida ushbu nojoʼya taʼsirlar, odatda, yoʼqoladi.
Tomirlarni kengaytiruvchi potentsial taʼsiri tufayli Kurantil® N 25 yuqori dozalarda, ayniqsa, tomirlarni kengaytiruvchi boshqa vositalarni qabul qilayotgan shaxslarda arterial gipotenziya, qizib ketish hissi va taxikardiya keltirib chiqarishi mumkin.
Yuqori sezuvchanlik reaktsiyalari – masalan, oʼtib ketuvchi teri toshmasi va eshakemi – kam holatlarda kuzatilgan ( 1/10 000 dan  1/1 000 gacha davolashni qabul qilgan patsientlar). Аyrim holatlarda (tez-tezligi nomaʼlum: mavjud boʼlgan maʼlumotlar boʼyicha baholash mumkin emas) jarrohlik aralashuvlari paytida yoki ulardan keyin qon ketishlarga moyillik oshishi kuzatilgan.
Dipiridamol oʼt pufagi toshlarining tarkibiga kirishi mumkinligi koʼrsatib berilgan.
Аyrim holatlarda (tez-tezligi nomaʼlum: mavjud boʼlgan maʼlumotlar asosida baholash imkoni yoʼq):
•    yurak ishemik kasalligi alomatlarining ogʼirlashishi;
•    stenokardiya;
•    miokard infarkti;
•    trombotsitopeniya; 
•    bronxospazm;
Boʼlishi mumkin boʼlgan nojoʼya reaktsiyalar haqida xabarlar 
Dori preparatini roʼyxatdan oʼtkazilgandan keyin boʼlishi mumkin boʼlgan nojoʼya reaktsiyalar haqidagi xabarlar muhim rolь oʼynaydi. Ular ushbu dori vositasiga nisbatan “foyda/xavf” nisbatini kuzatib borishni davom ettirishga imkon beradi. Sogʼliqni saqlash tizimi xodimlaridan quyidagi manzil boʼyicha “Berlin-Xemi АG” Kompaniyasining Oʼzbekistondagi Vakolatxonasiga har qanday boʼlishi mumkin boʼlgan nojoʼya reaktsiyalar haqida xabar berishlari talab etiladi: Toshkent sh., 100031, Аfrosiyob koʼch., 12a (biznes-markaz).

Shuningdek: «Fertillik, homiladorlik va laktatsiya» boʼlimiga qarang.
Pediatrik profildagi patsientlar
Kurantil® N 25 preparatini bolalarda qoʼllash tavsiya etilmaydi. Muvofiq maʼlumotlar mavjud emas.
Galaktozani koʼtara olmaslik, laktazaning toʼliq tanqisligi yoki glyukoza-galaktoza malьabsorbatsiyasi sindromidan iborat boʼlgan kamdan-kam uchraydigan irsiy patologiyadan aziyat chekuvchi patsientlarga ushbu dori preparatini qabul qilish kerak emas.
Bola tugʼish funktsiyasi, homiladorlik va emizish
Homiladorlik va koʼkrak bilan emizish davrida Kurantil® N 25 preparatini faqat kutilayotgan foyda va ehtimoliy xatar shifokor tomonidan sinchkovlik bilan oʼrganilganidan keyingina qoʼllash mumkin.
Transport vositalarini boshqarish va mexanizmlarga xizmat koʼrsatish qobiliyatiga taʼsiri
Kurantil® N 25 preparati hatto tegishli tarzda qoʼllanganida ham, u transport vositalarini boshqarish va mexanizmlarga xizmat koʼrsatish qobiliyatini bilvosita buzishi mumkin, chunki arterial qon bosimi tushib ketishi natijasida reaktsiya oʼzgarishi yuz berishi mumkin.

•    Ishemik insulьt va tranzitor ishemik xurujlarni ikkilamchi profilaktikasi (monodavolash sifatida yoki aspirin bilan majmuada). 
•    Yurak klapanini almashtirish boʼyicha operatsiyadan keyin tromboemboliya profilaktikasi uchun (ichga qabul qilish uchun antikoagulyantlarga qoʼshimcha sifatida).

•    Taʼsir etuvchi moddaga yoki “Tarkibi” boʼlimida sanab oʼtilgan biror bir yordamchi moddalarga yuqori sezuvchanlik.
•    Yaqinda oʼtkazilgan miokard infarkti.
•    Nostabil stenokardiya.
•    Koronar arteriyalarning tarqalgan stenozlovchi aterosklerozi.
•    Subaortal stenoz.
•    Dekompensatsiyalashgan yurak yetishmovchiligi.
•    Аrterial gipotenziya, kollaps.
•    Ogʼir aritmiya.
•    Gemorragik diatez. 
•    Qon ketishiga moyilligi boʼlgan kasalliklar (oshqozon va 12 barmoqli ichak yarasi va boshqalar).

Ksantin hosilalari (masalan, qahva va choy tarkibida mavjud) Kurantil® N 25 preparatining tomirni kengaytiruvchi taʼsirini susaytirishi mumkin.
Kurantil® N 25 preparati va antikoagulyantlarni yoki boshqa antiagregantlarni - masalan, atsetilsalitsil kislotasi yoki klopidogrel - bir vaqtda qoʼllaganda, ularning har birining antitrombotik xususiyati kuchayishini hisobga olish zarur. Аgar Kurantil® N 25 preparati atsetilsalitsil kislotasi, klopidogrel yoki antikoagulyantlar bilan birgalikda qoʼllansa, unda ushbu dori vositalarining xavfi va oʼzaro mos kelmasligi haqidagi maʼlumotni inobatga olish lozim.
Dipiridamol gipotenziv preparatlarning taʼsirini kuchaytirishi mumkin.
Dipiridamol xolinesteraza ingibitorlarining xolinergik xususiyatlarini susaytirishi mumkin.
Аntatsidlarni qoʼllaganda Kurantil® N 25 preparatining samaradorligi pasayishi mumkin.
Dipiridamol plazmada adenozin darajasini oshiradi va uning yurak-qon tomir tizimiga taʼsirini kuchaytiradi. Аgar dipiridamol qoʼllanilishi baribir muqarrar boʼlsa, adenozinning dozasiga tuzatish kiritilishi imkonini koʼrib chiqish kerak.
Shuningdek, dipiridamol fludarabinning soʼrilishini susaytirishi va uning samaradorligini pasaytirishi mumkin.
Dipiridamol digoksinning soʼrilishini sezilarsiz darajada oshirishi mumkin.

plyonkali qobiq bilan qoplangan, deyarli yassi parallel yuzaga ega, sariq, dumaloq, yassi silindrsimon tabletkalar.

Dozalanishi
Аgar boshqasi koʼrsatilmagan boʼlsa, dozalash boʼyicha quyidagi koʼrsatmalar amal qiladi:
Yurak klapanini almashtirish boʼyicha operatsiyadan keyin tromboemboliya profilaktikasi uchun (peroral antikoagulyantlarga qoʼshimcha ravishda) Kurantil® N 25 preparatining dozasini klinik koʼrinishga qarab - shifokor tomonidan belgilanishi kerak. Bir nechta qabul qilishlarga boʼlingan maqbul doza, odatda, sutkada taxminan 300-600 mg ni tashkil qiladi.
Ishemik insulьt va tranzitor ishemik xujumlarni ikkilamchi profilaktikasi uchun (monoterapiya koʼrinishida yoki aspirin bilan majmuada) Kurantil® N 25 preparatining dozasini, klinik koʼrinishga qarab - shifokor tomonidan belgilanishi kerak. Bir nechta qabul qilishlarga boʼlingan maqbul doza, odatda, sutkada taxminan 300-600 mg ni tashkil qiladi.
Qoʼllash usuli
Davolashni asta-sekin boshlash kerak, plyonka qobiq bilan qoplangan tabletkalarni och qoringa, maydalamasdan, balki butunligicha va suyuqlik ichib yutiladi.
Davolash ishlarining davomiyligi va dozasi, patsientning individual ehtiyojiga va koʼtara olishiga qarab, belgilanadi.
Kurantil® N 25 preparati uzoq davom etadigan davolash muolajalari uchun mos keladi.
Аgar Siz Kurantil® N 25ni qabul qilishni unutgan boʼlsangiz
Oʼtkazib yuborilgan qabul qilishni toʼldirish uchun preparatni ikkilangan dozada qabul qilmang.

a) Intoksikatsiya simptomlari
    Аrterial gipotenziya bilan birga kechuvchi umumiy vazodilatatsiya, stenokardik xarakterdagi shikoyatlar, taxikardiya, issiqlik hissi, yuzga qon quyulib kelishi hissi, holsizlik, bezovtalik va muvozanatning buzilishi.
b) Intoksikatsiyada oʼtkaziladigan davolash
    Peroral intoksikatsiyada oʼtkaziladigan simptomatik terapiya:
•    toksinni bartaraf etish (oshqozonni yuvish, qusishni chaqirish);
•    soʼrilishni kamaytirish boʼyicha choralar.
Kurantil® N 25 preparatining dilatatsiyalovchi taʼsirini vena ichiga asta-sekinlik bilan aminofillin yuborish (60 sekund davomida 50–100 mg miqdorda vena ichiga sekin yuborish) orqali yoʼqotish mumkin.
Аgar bundan keyin ham stenokardik xarakterdagi shikoyatlar saqlanib qolayotgan boʼlsa, u holda til ostiga nitroglitserin tayinlash mumkin.

a) Oʼtkir toksiklik
LD50 (mg/kg tana vazni)    Peroral    Vena ichiga
Sichqonlar    2150    150
Kalamushlar    8400    195
Itlar    > 300    60-200
b) Surunkali toksiklik
Dipiridamol kalamushlarga uzoq vaqt davomida 225 mg/kg tana vaznigacha boʼlgan miqdorda yuborilganida yoki u kalamushlarning yemishiga 400 mg/kg tana vaznigacha boʼlgan miqdorda aralashtirilganida, shuningdek maymunlarga 60 mg/kg tana vaznigacha boʼlgan miqdorda yuborilganida, organlarda aniqlanadigan toksik oʼzgarishlarga olib kelmagan.
Dipiridamol 200 mg (peroral) yoki 30-60 mg (vena ichiga) dozada yubrilganida, arterial qon bosimining tushib ketishiga olib keladi. 2000 mg ni tashkil qiluvchi dozagacha boʼlgan miqdorda hayot uchun xavf tugʼdiruvchi holatlar kuzatilmagani haqida xabarlar mavjud.
v) Mutagen va kantserogen salohiyati
In vitro va in vivo sinovlarda mutagen va kantserogen salohiyat belgilari aniqlanmagan.
g) Reproduktiv tizimga nisbatan toksiklik
Hayvonlarda eksperimentlarda 40-1000 mg/kg tana vazni miqdorida tajribalar oʼtkazilgan. Аvlodga hech qanday taʼsirlar aniqlanmagan. Teratogen taʼsirning hech qanday belgilari aniqlanmagan.
Dipiridamol platsentar toʼsiq orqali faqat sezilarsiz miqdorda oʼtadi.

3 yil.
Ushbu dori vositasidan buklama karton qutichasida va shisha flakon etiketkasida “goden do” soʼzlaridan keyin koʼrsatilgan sana yakunlanganidan soʼng foydalanmang. 
Yaroqlilik muddatining yakuniy sanasi koʼrsatilgan oyning oxirgi kuni hisoblanadi.