LIDOKAINA GIDROXLORID inyeksiya uchun eritma 3,5ml 1% N5

Mahalliy og'riqsizlantiruvchi vosita. Barcha turdagi mahalliy anesteziyani keltirib chiqaradi: terminal, infiltratsion, o'tkazuvchan. Mahalliy og'riqsizlantiruvchi ta'sir natriy kanallari blokadasi va nerv tolalari nerv oxirlarida nerv o'tkazuvchanligini susaytirishi bilan bog'liq. Mahalliy qo'llanilganda tomirlarni kengaytiradi, mahalliy ta'sirlovchi ta'sir ko'rsatmaydi. Shuningdek yaqqol antiaritmik faollikka ega. Ushbu ta'sir mexanizmida asosiy natriy oqimining kamayishi va kaliy oqimining ko'payishi oqibatida spontan diastolik depolyarizatsiya tezligining sekinlashishi muhim rol o'ynaydi. Preparat Purkine tolalari va yurak qorinchalari mushaklarida (antiaritmik vositalarning IB sinfi) samarali refrakter davrni va ta'sir potentsiali davomiyligini qisqartiradi. Preparat shuningdek qorinchalar fibrillatsiyasi chegarasini oshiradi. EKG da Q-T masofasining qisqarishi qayd etiladi. Miokard qisqaruvchanligi pasaymaydi yoki arzimas darajada pasayadi. Avtonom nerv tizimiga ta'sir qilmaydi.

Infiltratsion anesteziya uchun 0,5% eritmalar qo'llaniladi, ular 1%, 2% yoki 10% eritmalarni zarur miqdordagi steril fiziologik natriy xlorid eritmasi bilan suyultirish orqali olinadi. Umumiy doza 300 mg dan (600 ml 0,5% eritma) oshmasligi kerak. Periferik nervlar anesteziyasi uchun 1% va 2% eritmalar qo'llaniladi; maksimal umumiy doza 400 mg (40 ml 1% eritma yoki 20 ml 2% eritma); nerv chigallari blokadasi uchun – 10-20 ml 1% eritma yoki 5-10 ml 2% eritma; epidural anesteziya uchun – 1% va 2% eritmalar (300 mg lidokaindan ko'p emas). Shilliq qavatlarning terminal anesteziyasi uchun (stomatologiyada, endoskopik tekshiruvlarga tayyorgarlik ko'rish va o'tkazishda) 2 ml dan ko'p bo'lmagan 10% lidokain eritmasi qo'llaniladi. Preparat ta'sirini uzaytirish uchun 0,1% adrenalin gidroxlorid eritmasini qo'shish mumkin (preparat eritmasining 5 – 10 ml siga 1 tomchidan, lekin eritmaning butun miqdoriga 5 tomchidan ko'p emas). Oftalmologiyada 2% eritmalar qo'llaniladi; bunday eritmaning 2 tomchisi bevosita tekshiruv yoki jarrohlik aralashuvidan oldin 2 – 3 marta 30 – 60 soniya interval bilan konyunktival xaltachaga tomiziladi. Antiaritmik vosita sifatida preparat vena ichiga yuboriladi: avval oqim bilan (3 – 4 daqiqa davomida) o'rtacha 80 mg (4 ml 2% eritma) dozada, shundan so'ng 1 ml da 2 mg saqlovchi eritma ko'rinishida daqiqasiga o'rtacha 2 mg dan tomchilab yuborish davom ettiriladi. Odatda bunday eritmani olish uchun 6 ml 2% eritma steril fiziologik natriy xlorid eritmasi bilan 60 ml gacha yetkaziladi. Infuziya holatga qarab 24-30 daqiqa davomida davom etishi mumkin. 2 mg/ml saqlovchi sutka davomida yuborilgan eritmaning umumiy miqdori 1200 ml dan oshmasligi kerak. Quyish to'xtatilgandan so'ng preparat ta'siri ½ - 1 soatdan keyin tugaydi. Shuningdek avval vena ichiga oqim bilan (sekin, 3–4 daqiqa davomida) 80 mg (4 ml 2% eritma) va bir vaqtda mushak ichiga (dumba yoki deltasimon mushakka) 400 mg (4 ml 10% eritma); keyin har 3 soatda – mushak ichiga 200 – 400 mg dan (2 – 4 ml 10% eritma) yuboriladi.