NAFTIZIN burun uchun tomchilar 10ml 0,1%

Mahalliy qo'llanilganda nafazolin to'liq so'riladi.
Terapevtik ta'sir 5 daqiqa ichida boshlanadi va intranazal qo'llanilganda 4-6 soat davom etadi.

Naftizin a-adrenoreseptorlarga ta'sir qilish orqali periferik tomirlarga yaqqol tomir toraytiruvchi ta'sir ko'rsatadi. Shilliq qavatlarga surtilganda shish, giperemiya, ekssudatsiyani kamaytiradi, bu rinitlarda burun orqali nafas olishni engillashtirishga yordam beradi. Nafazolin burun yondosh bo'shliqlari va evstaxiy naychalari chiqaruvchi yo'llarining ochilishi va kengayishiga yordam beradi, bu esa sekret oqib chiqishini yaxshilaydi va bakteriyalar o'tirishiga to'sqinlik qiladi.

Tavsiya etilgan dozalarga rioya qilinganda Naftizin odatda yaxshi o'zlashtiriladi. Yagona hollarda nojo'ya holatlar yuzaga keladi.
Immun tizimi tomonidan: allergik reaksiyalar, shu jumladan Kvinke shishi.
Nafas olish tizimi, ko'krak qafasi a'zolari va ko'ks oralig'i tomonidan: burun shilliq qavatining achishishi va quruqligi. Preparat ta'siri tugagandan so'ng burunning kuchli bitishi hissi paydo bo'lishi mumkin.
Simpatik nervlarning ta'sirlanishi bilan qo'zg'atiladigan va asosan preparat dozasi oshirib yuborilgandan keyin yuzaga keladigan tizimli nojo'ya ta'sirlar kuzatiladi:
asab tizimi tomonidan: asabiylik, bosh og'rig'i, tremor;
yurak-qon tomir tizimi tomonidan: taxikardiya, yurak urishi hissi, arterial gipertenziya;
teri va teri osti kletchatkasi tomonidan: ko'p terlash.
Kattalarga 5 kundan ortiq va bolalarga 3 kundan ortiq qo'llash yoki juda tez-tez qo'llash preparatga o'rganib qolishni chaqirishi mumkin, bu uni qo'llagandan keyin burun shilliq qavati shishi bilan kechadi.
Uzoq muddatli qo'llash siliar faollikning susayishiga va burun shilliq qavatining qaytmas shikastlanishiga, burun shilliq qavatining quruq yallig'lanishiga olib kelishi mumkin.

Yurak-qon tomir tizimining og'ir kasalliklarida (arterial gipertenziya, yurak ishemik kasalligi), qandli diabet, gipertireoz, feoxromotsitoma, bronxial astmada preparatni juda ehtiyotkorlik bilan qo'llash kerak. MAO ingibitorlari va potentsial ravishda arterial bosimni oshirishi mumkin bo'lgan boshqa preparatlar bilan bir vaqtda qo'llanilganda; miokardning simpatomimetiklarga sezuvchanligini oshiruvchi anestetiklar (masalan, galotan) qo'llanilganda, shuningdek homiladorlik yoki emizish davrida preparat qo'llanilganda ehtiyotkorlik zarur.
Kattalar va bolalarda uzoq muddat qo'llashdan saqlanish kerak. Preparatni uzoq muddat qo'llash burunning surunkali bitishiga va shilliq qavat atrofiyasiga olib kelishi mumkin.
Terapevtik dozalarda qo'llanilganda transport vositalari va mexanizmlarni boshqarish qobiliyatiga ta'sir qilmaydi. Tavsiya etilgan dozalar oshirilganda bosh aylanishi va uyquchanlik bo'lishi mumkin.

Preparat komponentlariga yuqori sezuvchanlik; burun shilliq qavatining quruq yallig'lanishi.

Naftizinni MAO ingibitorlari, tritsiklik antidepressantlar va maprotilin bilan bir vaqtda yoki ular bekor qilingandan keyin bir necha kun davomida qo'llash arterial qon bosimi oshishini keltirib chiqarishi mumkin.

Naftizin har bir burun yo'liga tomiziladi, bunda boshni biroz orqaga tashlab, chap burun teshigiga tomizganda o'ng tomonga va o'ng burun teshigiga tomizganda chap tomonga burish kerak.
Davolash maqsadida. Kattalar va 15 yoshdan katta bolalarga – 0,05 %-0,1 % li eritmadan har bir burun yo'liga 1-3 tomchidan.
3 yoshdan 6 yoshgacha bo'lgan bolalarga 0,05 % li eritma – 1-2 tomchidan, 6 yoshdan 15 yoshgacha bo'lgan bolalarga – har bir burun yo'liga 2 tomchidan.
Naftizin kuniga 3 marta, lekin ko'pi bilan har 4 soatda qo'llaniladi.
Naftizinni kattalarga 5 sutkadan ortiq va bolalarga 3 sutkadan ortiq qo'llash mumkin emas.
Naftizinni takroran faqat bir necha sutkadan keyin qo'llash mumkin.
Burun qonashi bo'lganda preparatning 0,05 % li eritmasida namlangan tamponlardan foydalanish kerak.
Diagnostika maqsadida. Burun bo'shlig'i tozalangandan so'ng har bir burun yo'liga 0,05 %-0,1 % li eritmadan 3-4 tomchidan tomiziladi yoki 0,05 %-0,1 % li eritmada namlangan tampon 1-2 daqiqaga kiritiladi.
Ovoz boylamlari shishi bo'lganda hiqildoq shpritsi bilan 1-2 ml preparat purkaladi.