PANTOKALSIN 0,25 tabletkalari N50
PANTOKALSIN 0,25 tabletkalari N50 haqida qo'llanma
Farmakokinetikasi
Me'da-ichak yo'llarida tez so'riladi. Qon plazmasida maksimal kontsentratsiyaga erishish vaqti 1 soatni tashkil qiladi. Eng yuqori kontsentratsiyalar jigar, buyraklar, me'da devori, terida hosil bo'ladi. Gematoensefalik to'siq orqali o'tadi. Metabolizmga uchramaydi. 48 soat ichida o'zgarmagan holda chiqariladi (qabul qilingan dozaning 67,5% i - siydik bilan, 28,5% i - axlat bilan).
Nojo'ya samaralari
Allergik reaksiyalar bo‘lishi mumkin: rinit, kon’yunktivit, teri toshmalari.
Maxsus ko‘rsatmalari
Preparatning ushbu dori shakli 3 yoshgacha bo‘lgan bolalarga tavsiya etilmaydi.
Qo'llanilishi mumkin bo'lmagan holatlar
- Gipersezuvchanlik;
- o'tkir buyrak yetishmovchiligi;
- homiladorlik (1 trimestr).
Dori vositalarining o'zaro ta'siri
Barbituratlar ta'sirini uzaytiradi; markaziy asab tizimini rag'batlantiruvchi preparatlar, tutqanoqqa qarshi dori vositalari, mahalliy anestetiklar (prokain) ta'sirini kuchaytiradi. Fenobarbital, karbamazepin, antipsixotik vositalar (neyroleptiklar)ning nojo'ya ta'sirini oldini oladi.
Gopanten kislotasi ta'siri glitsin, ksidifon bilan kombinatsiyada kuchayadi.
Dozirovkasi
Kattalar uchun bir martalik doza 0,5-1 g, bolalar uchun - 0,25-0,5 g, kattalar uchun sutkalik doza - 1,5-3 g, bolalar uchun - 0,75-3 g. Davolash kursi davomiyligi - 1 dan 4 oygacha, ayrim hollarda 6 oygacha. 3-6 oydan keyin takroriy davolash kursini o'tkazish mumkin.
Bolalarga aqliy yetishmovchilikda: 0,5 g dan kuniga 4-6 marta, har kuni 3 oy davomida, nutq rivojlanishining kechikishida - 0,5 g dan kuniga 3-4 marta 2-3 oy davomida.
Neyroleptik sindromda (neyroleptik vositalar nojo'ya ta'sirining korrektori sifatida): kattalarga 0,5-1 g dan kuniga 3 marta, bolalarga - 0,25-0,5 g dan kuniga 3-4 marta. Davolash kursi davomiyligi -1-3 oy.
Epilepsiyada: bolalarga 0,25-0,5 g dan kuniga 3-4 marta, kattalarga 0,5-1 g dan kuniga 3-4 marta har kuni uzoq vaqt davomida (6 oygacha).
Giperkinezlarda (tiklarda): bolalarga 0,25-0,5 g dan kuniga 3-6 marta har kuni 1-4 oy davomida, kattalarga - 1,5-3 g dan har kuni 1-5 oy davomida.
Siydik chiqarish buzilishlarida: kattalarga 0,5-1 g dan kuniga 2-3 marta (sutkalik doza 2-3 g), bolalarga - 0,25-0,5 g dan (sutkalik doza 25-50 mg/kg). Davolash kursi davomiyligi - 2 haftadan 3 oygacha (buzilishlarning ifodalanishi va terapevtik samaraga bog'liq).
Neyroinfeksiyalar va kalla-miya jarohatlari oqibatlarida: 0,25 g dan kuniga 3-4 marta.
Yuqori yuklamalarda va astenik holatlarda ish qobiliyatini tiklash uchun: 0,25 g dan kuniga 3 marta.
Ushbu dori shakli 3 yoshgacha bo'lgan bolalarga tavsiya etilmaydi.
PANTOKALSIN 0,25 tabletkalari N50 o'xshash dorilari
PANTOKALSIN 0,25 tabletkalari N50 xususiyatlari
Pantokalsin boshqa chiqarish shakllari
PANTOKALSIN 0,25 tabletkalari N50 analoglari
