PIRASETAM OBOLENSKOE 0,8 tabletkalari N30

Preparat ichga qabul qilinganda tez va deyarli to'liq so'riladi, cho'qqi kontsentratsiyasi qabul qilingandan 1 soat o'tgach erishiladi. Preparatning biokiraolishligi taxminan 100% ni tashkil qiladi. Bir marta 2 g doza qabul qilingandan so'ng 40-60 mkg/ml ni tashkil qiluvchi maksimal kontsentratsiya qonda 30 daqiqadan so'ng va vena ichiga yuborilgandan so'ng orqa miya suyuqligida 5 soatdan keyin erishiladi. Piratsetamning taxminiy taqsimlanish hajmi taxminan 0,6 l/kg ni tashkil qiladi. Preparatning qon plazmasidan yarim chiqarilish davri 4-5 soatni va orqa miya suyuqligidan 8,5 soatni tashkil qiladi, bu buyrak yetishmovchiligida uzayadi. Jigar yetishmovchiligi bo'lgan bemorlarda piratsetamning farmakokinetikasi o'zgarmaydi.

Gematoensefalik va yo'ldosh to'sig'i va gemodializda ishlatiladigan membranalar orqali o'tadi. Hayvonlarda o'tkazilgan tadqiqotda piratsetam bosh miya po'stlog'i to'qimalarida, asosan peshana, tepa va ensa bo'laklarida, miyacha va bazal gangliylarda tanlab to'planishi aniqlangan. Qon plazmasi oqsillari bilan bog'lanmaydi va organizmda metabolizmga uchramaydi. Piratsetamning 80-100% i buyraklar orqali o'zgarmagan holda buyrak filtratsiyasi yo'li bilan chiqariladi. Sog'lom ko'ngillilarda piratsetamning buyrak klirensi 86 ml/daqiqani tashkil qiladi.

Giperkinezlar, tana vaznining oshishi, uyquchanlik, ta’sirchanlik, depressiya, asteniya.

2,4 g/sut dan ortiq dozalarni qabul qilayotgan keksa bemorlarda ko‘proq yuzaga keladi. Ko‘p hollarda preparat dozasini kamaytirish orqali bunday simptomlarning regressiga erishish mumkin. Me’da-ichak trakti tomonidan ko‘ngil aynishi, qusish, diareya, qorinda og‘riqlar kabi; asab tizimi tomonidan - bosh aylanishi, bosh og‘riqlari, ataksiya, muvozanat buzilishi, epilepsiya kechishining zo‘rayishi, uyqusizlik; ruhiyat tomonidan - dovdirash, qo‘zg‘alish, xavotir, gallyutsinatsiyalar, seksuallikning oshishi; teri qoplamalari tomonidan - dermatit, qichishish, toshmalar, shish kabi nojo‘ya effektlar haqida yakka xabarlar mavjud.

Piratsetamning trombotsitlar agregatsiyasiga ta'siri tufayli, gemostaz buzilishi bo‘lgan bemorlarga, katta jarrohlik amaliyotlari vaqtida yoki og‘ir qon ketish simptomlari bo‘lgan bemorlarga preparatni tayinlashda ehtiyotkorlik tavsiya etiladi. Kortikal miokloniyasi bo‘lgan bemorlarni davolashda davolashni keskin to‘xtatishdan saqlanish kerak, bu xurujlarning qaytalanishini keltirib chiqarishi mumkin.

Keksa bemorlarni uzoq muddatli terapiyasida buyrak funksiyasi ko‘rsatkichlarini muntazam nazorat qilish tavsiya etiladi, zarurat tug‘ilganda kreatinin klirensi tekshiruvi natijalariga qarab dozani to‘g‘irlash o‘tkaziladi.

Gemodializ apparatlarining filtrlovchi membranalari orqali o‘tadi.

Transport vositalarini va boshqa mexanizmlarni boshqarish qobiliyatiga ta'siri:

Ehtimoliy nojo‘ya ta'sirlarni inobatga olib, mexanizmlar bilan ishlash va avtomobilni haydashda ehtiyotkorlikka rioya qilish kerak.

Piratsetamga yoki pirrolidon hosilalariga, shuningdek preparatning boshqa komponentlariga individual o‘zlashtira olmaslik.

O‘tkir bosh miya qon aylanishining buzilishi (gemorragik insult)

Buyrak yetishmovchiligining oxirgi bosqichi (kreatinin klirensi 20 ml/daq dan kam bo‘lganda).

1 yoshgacha bo‘lgan bolalar.

Homiladorlik va laktatsiya.

Piratsetam yo‘ldosh to‘sig‘i orqali va ko‘krak sutiga o‘tadi. Yangi tug‘ilgan chaqaloqlarda preparat konsentratsiyasi onaning qonidagi konsentratsiyaning 70-90% ini tashkil qiladi. Maxsus holatlardan tashqari, piratsetam homiladorlik vaqtida tayinlanmasligi kerak. Ayolga piratsetam tayinlanganda emizishdan saqlanish kerak.

Qalqonsimon bez gormonlari (T3+T4) bilan birga qo'llanilganda asabiylashish kuchayishi, dezorientatsiya va uyqu buzilishi mumkin. Klonazepam, fenitoin, fenobarbital, natriy valproat bilan o'zaro ta'sir qayd etilmagan.

Piratsetamning yuqori dozalari (9,6 g/sut) venoz trombozi bo'lgan bemorlarda atsenokumarol samaradorligini oshirgan: faqat atsenokumarol buyurilgandagiga qaraganda trombotsitlar agregatsiyasi darajasi, fibrinogen darajasi, Villebrand omillari, qon va plazma qovushqoqligining ko'proq pasayishi qayd etilgan.

Piratsetam farmakodinamikasining boshqa dori preparatlari ta'sirida o'zgarish ehtimoli past, chunki preparatning 90 foizi o'zgarmagan holda siydik bilan chiqariladi.

Alkogol bilan birga qabul qilish qon plazmasidagi piratsetam konsentratsiyasi darajasiga ta'sir qilmaydi.