PREDNIZOLON 15,0 maz 0,5%

Prednizolon teri yuzasidan so'rilgandan so'ng plazma oqsillari bilan bog'lanadi, asosan jigarda sodir bo'ladigan metabolizmga uchraydi.

Buyraklar orqali ajralib chiqadi.

Steroidli husnbuzarlar, purpura, teleangiektaziyalar, teri achishishi va qichishishi, teri ta’sirlanishi va qurishi. Uzoq muddat qo‘llanilganda va/yoki katta yuzalarga surtilganda prednizolonning rezorbtiv ta’siri ko‘rinishi sifatida giperkortitsizm rivojlanishi mumkin. Bunday hollarda preparatni qo‘llashni to‘xtatish va shifokorga murojaat qilish kerak.

Preparatni qo‘llash davomiyligi 14 kundan oshmasligi kerak.

Boshqa mahalliy glyukokortikosteroidlar kabi, Prednizolon preparatini ko‘z sohasidagi teriga (glaukoma va katarakta rivojlanishi mumkinligi sababli), shuningdek yara yuzalariga surtish mumkin emas.

Agar kasallik kechishi ikkilamchi bakterial yoki zamburug‘li infeksiya rivojlanishi bilan asoratlangan bo‘lsa, Prednizolon preparati bilan terapiyaga spesifik antibakterial yoki antimikotik vositani qo‘shish kerak.



Transport vositalarini va mexanizmlarni boshqarish qobiliyatiga ta'siri

Prednizolonning transport vositalarini va mexanizmlarni boshqarish qobiliyatiga ta'siri haqida ma'lumotlar mavjud emas.

Preparat komponentlariga yuqori sezuvchanlik, terining bakterial, virusli, zamburug‘li shikastlanishlari, tuberkulyoz, zaxm, teri o‘smalari, oddiy husnbuzarlar, rosacea, terining vaksinatsiyadan keyingi reaksiyalari, ochiq jarohatlar, trofik yaralar, bolalar yoshi (1 yoshgacha).

Ehtiyotkorlik bilan: homiladorlik, laktatsiya davri Homiladorlik

Homiladorlarda Prednizolonni sirtqi qo‘llashga, davolovchi shifokorning baholashiga ko‘ra, homilador ayol uchun potensial foyda homila uchun mumkin bo‘lgan xavfdan ustun bo‘lgan hollarda yo‘l qo‘yiladi. Bunday hollarda qo‘llash qisqa muddatli bo‘lishi va terining kichik sohalari bilan cheklanishi kerak. Teratogen ta’siri haqida ma’lumotlar yo‘q.

Emizish

Glyukokortikosteroidlar ko‘krak suti bilan ajraladi. Emizikli onalarda Prednizolonni qo‘llashda ehtiyotkorlik choralariga rioya qilish zarur, xususan, preparatni emizishdan oldin sut bezi terisiga surtish mumkin emas. Preparatni katta dozalarda va/yoki uzoq vaqt davomida qo‘llash zarurati tug‘ilganda, emizishni to‘xtatish kerak.

Pediatriyada qo‘llanishi

Bolalarda malhamni qo‘llashda davolashning umumiy davomiyligini cheklash zarur. Shuni hisobga olish kerakki, kichik yoshdagi bolalarda teri burmalari, tagliklar va yo‘rgaklar okklyuzion bog‘lam ta’siriga o‘xshash ta’sir ko‘rsatishi va preparatning ta’sir etuvchi moddasining tizimli so‘rilishini oshirishi mumkin. Bolalarda tana yuzasi va vazni nisbati kattalarga qaraganda kattaroq bo‘lganligi sababli, bolalar har qanday mahalliy ta’sir etuvchi glyukokortikosteroidlarni qo‘llashda gipotalamo-gipofizar-buyrak usti bezi tizimi funksiyasining susayishi va Kushing sindromi rivojlanishi xavfiga ko‘proq moyil bo‘ladilar. Glyukokortikosteroid bilan uzoq muddatli davolash bolaning o‘sishi va rivojlanishining buzilishiga olib kelishi mumkin. Shuning uchun bolalar samaraga erishish uchun preparatning minimal dozasini olishlari kerak va preparatni qo‘llash shifokor nazorati ostida amalga oshirilishi kerak.

Ma'lumotlar yo'q.