RANITIDIN LEKT 0,15 tabletkalari N20

Tez so'riladi, ovqat qabul qilish absorbtsiya darajasiga ta'sir qilmaydi. Ichga qabul qilinganda ranitidinning biokiraolishligi taxminan 50% ni tashkil qiladi. Maksimal kontsentratsiya 36-94 ng/ml oralig'ida o'zgarib turadi va 150 mg doza qabul qilingandan 2-3 soat o'tgach aniqlanadi. Plazma oqsillari bilan bog'lanishi 15% dan oshmaydi. Jigarda dismetilranitidin hosil qilib biroz metabolizmga uchraydi. Jigar orqali «birinchi o'tish» samarasiga ega. Eliminatsiya tezligi va darajasi jigar holatiga kam bog'liq. Ichga qabul qilingandan so'ng yarim chiqarilish davri - 2,5 soat, kreatinin klirensi 20-30 ml/daq bo'lganda - 8-9 soat. Asosan siydik bilan o'zgarmagan holda, oz miqdorda - axlat bilan chiqariladi. Gematoensefalik to'siq orqali yomon o'tadi. Yo'ldosh orqali o'tadi. Ko'krak suti bilan ajralib chiqadi (laktatsiya davrida ayollarda ko'krak sutidagi kontsentratsiya plazmadagiga qaraganda yuqori). Buyrak yetishmovchiligi bo'lgan bemorlarda ranitidinning yarim chiqarilish davri buyrak funktsiyasi normal bo'lgan bemorlarga qaraganda 2-3 baravar uzayadi.

Ovqat hazm qilish tizimi tomonidan: ko‘ngil aynishi, og‘iz qurishi, qabziyat, qusish, diareya, qorinda og‘riq, sariqlik, «jigar» transaminazalari faolligining oshishi, kam hollarda - gepatotsellyulyar, xolestatik yoki aralash gepatit, o‘tkir pankreatit.

Qon yaratish a’zolari tomonidan: leykopeniya, trombotsitopeniya, agranulotsitoz, pantsitopeniya, neyropeniya, immun gemolitik va aplastik anemiya.

Yurak-qon tomir tizimi tomonidan: arterial bosimning pasayishi, bradikardiya, taxikardiya, vaskulit, aritmiya, atrioventrikulyar blokada.

Asab tizimi tomonidan: bosh og‘rig‘i, bosh aylanishi, gipertermiya, yuqori toliqish, uyquchanlik; uyqusizlik, hissiy labillik, bezovtalik, xavotir, depressiya, asabiylik, kam hollarda - ongning chalkashishi, quloqlarda shovqin, ta’sirchanlik, gallyutsinatsiyalar (asosan keksa bemorlarda va og‘ir bemorlarda), ixtiyorsiz harakatlar.

Sezgi a’zolari tomonidan: ko‘rish noaniqligi, akkomodatsiya parezi.

Tayanch-harakat aparati tomonidan: artralgiya, mialgiya.

Endokrin tizim tomonidan: giperprolaktinemiya, ginekomastiya, amenoreya, potentsiya va/yoki libidoning pasayishi.

Allergik reaksiyalar: eshakemi, teri toshmasi, qichishish, angionevrotik shish, anafilaktik shok, bronxospazm, ko‘p shaklli ekssudativ eritema, sh.j. Stivens-Djonson sindromi, eksfoliativ dermatit, toksik epidermal nekroliz.

Boshqalar: alopesiya.

O‘n ikki barmoqli ichak yara kasalligi simptomlari 1-2 hafta ichida yo‘qolishi mumkin, terapiyani endoskopik yoki rentgenologik tekshiruv ma'lumotlari bilan tasdiqlanmaguncha davom ettirish kerak. Oshqozon karsinomasi bilan bog‘liq simptomlarni niqoblashi mumkin, shuningdek davolashni boshlashdan oldin xavfli o‘sma mavjudligini istisno qilish kerak. Ranitidinni keskin bekor qilish maqsadga muvofiq emas («rikoshet» sindromi). Holsizlangan bemorlarda uzoq muddatli davolashda stress sharoitida oshqozonning bakterial shikastlanishi va keyinchalik infeksiya tarqalishi mumkin. H2-gistamin retseptorlari blokatorlarini itrakonazol yoki ketokonazol qabul qilgandan keyin 2 soat o‘tgach qabul qilish kerak, ularning so‘rilishi sezilarli kamayishining oldini olish uchun.

Siydikda oqsilga sinama o‘tkazishda soxta musbat reaksiyaga sabab bo‘lishi mumkin. Qon zardobida kreatinin, glutamattranspeptidaza va transaminazalar darajasini oshiradi. Pentagastrin va gistaminning oshqozon kislota hosil qilish funksiyasiga ta'siriga qarshilik qiladi, shuning uchun testdan oldingi 24 soat davomida uni qo‘llash tavsiya etilmaydi. Gistaminga teri reaksiyasini bostiradi, shu tariqa soxta manfiy natijalarga olib keladi (tezkor turdagi allergik teri reaksiyasini aniqlash uchun diagnostik teri sinamalarini o‘tkazishdan oldin preparatni ishlatishni to‘xtatish tavsiya etiladi).

Preparatning oshqozonda kislotaning tungi sekretsiyasini ingibirlash samaradorligi chekish natijasida pasayishi mumkin. Davolash vaqtida oshqozon shilliq qavatini ta'sirlashi mumkin bo‘lgan oziq-ovqat mahsulotlari, ichimliklar va boshqa dori vositalarini iste'mol qilishdan saqlanish kerak. Yaxshilanish bo‘lmasa shifokor maslahati zarur.

Transport vositalarini va mexanizmlarni boshqarish qobiliyatiga ta'siri

Davolash davrida avtotransportni boshqarishda va diqqatni yuqori jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug‘ullanishda ehtiyotkorlikka rioya qilish zarur.

Yuqori sezuvchanlik, emizish davri, 12 yoshgacha bo‘lgan bolalar.

Homiladorlik va emizish davrida qo‘llanishi

Preparatni homiladorlikda qo‘llash faqat ona uchun kutilayotgan foyda homila uchun potensial xavfdan ustun bo‘lgan holdagina mumkin.

Laktatsiya davrida ranitidinni qo‘llashda emizishdan saqlanish kerak.

Ehtiyotkorlik bilan

Buyrak va/yoki jigar yetishmovchiligi, jigar sirrozi (anamnezda ensefalopatiya bilan), o‘tkir porfiriya (shu jumladan anamnezda), immunitet susayishi, homiladorlik.

Qon zardobida metoprololning AUC va konsentratsiyasini oshiradi (mos ravishda 80 va 50% ga), bunda metoprololning yarim chiqarilish davri 4,4 soatdan 6,5 soatgacha oshadi.

Itrakonazol va ketokonazolning so'rilishini kamaytiradi.

Fenazon, aminofenazon, diazepam, geksobarbital, propranolol, metapropanol, nifedipin, varfarin, diazepam, lidokain, fenitoin, teofillin, amnofillin, bilvosita antikoagulyantlar, glipizid, buformin, metronidazol, sekin kalsiy kanallari blokatorlarining jigardagi metabolizmini bostiradi.

Prokainamid konsentratsiyasini oshiradi.

0,9% li natriy xlorid eritmasi, 5% li dekstroza eritmasi, 4% li dekstroza eritmasi, 4,2% li natriy gidrokarbonat eritmasi bilan mos keladi.

Antatsidlar, sukralfat ranitidin so'rilishini sekinlashtiradi (bir vaqtda qo'llanilganda antatsidlar va ranitidinni qabul qilish oralig'i kamida 1-2 soat bo'lishi kerak).

Suyak iligini susaytiruvchi dori vositalari neytropeniya xavfini oshiradi.

Chekish ranitidin samaradorligini pasaytiradi.