Mahsulotning ko'rinishi saytdagi rasmdan farq qilishi mumkin.

NOLPAZA poroshok 40mg N1

Kategoriya:

- Kislotalikning buzilishi

Ishlab chiqarilish joyi:

- Sloveniya

Farmakoterapevtik guruh:

- proton nasosi ingibitorlari

Faol modda:

Пантопразол

ko'proq ko'rsatish

Qadoqda soni:

- 1

Ishlab chiqaruvchi:

- KRKA d.d.

Vakil:

- KRKA

ATX kodi:

- A02BC02

Barcha Nolpaza dorilari

Noaniqliq haqida habar berish

O'zbekiston Respublikasi dorilar reestri ro'yxatidan o'tgan

Toshkentning 106 ta dorixonasida topildi

ico 54 900 s`om dan

Dorixonalardan izlash

ico 55 600 s`om dan

Bron qilish

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Tarkibi va ishlab chiqarilish shakli

Tarkibi:

1 flakon saqlaydi

Faol modda – 42,3 mg natriy pantoprazoli (40,0 mg pantoprazolga muvofiq keladi, bu 45,1 mg natriy pantoprazoli seskvigidratiga ekvivalent)

Yordamchi moddalar – mannitol 140,0 mg, natriy sitrati digidrati 5,0 mg, natriy gidroksidi 1 N eritmasi q.s. rN 11,3 – 11,7gacha (taxminan 0,02 mlga muvofiq keladi).

Chiqarilish shakli

Inʼektsiya uchun eritma tayyorlashga kukun, 40 mg.

40 mg.dan preparat xlorbutildan rangli qopqoq va birinchi ochilishni nazorat qilish bilan sariq rangdagi alyumin qalpoqcha bilan yopilgan rangsiz tiniq shishi flakonlarga joylashtiriladi.

1 yoki 10 flakondan karton qutiga tibbiyotda qoʼllashga doir yoʼriqnoma bilan birgalikda joylanadi.

Dori shakli

inʼektsiya uchun eritma tayyorlashga kukun

Farmakodinamikasi

Pantoprazol proton nasosining ingibitori hisoblanadi (H+/K+-АTT). Qoʼzgʼatuvchining tabiatiga bogʼliq boʼlmagan holda xlorid kislotaning sekretsiyasini yakuniy fazasini blokada qiladi.
Pantoprazol parietal hujayralarining proton nasoslarini oʼziga xos blokada qilish orqali meʼdadagi xlorid kislotasi sekretsiyasini susaytiruvchi oʼrindosh benzimidazol hisoblanadi.

Pantoprazol parietal hujayralardagi ishqorli muhitda faol shaklga aylanadi, u yerda u N+/K+-АTT fermenti faolligini bostiradi, yaʼni meʼdada xlorid kislotasi hosil boʼlishining yakuniy bosqichini bloklaydi.

Faollikni susaytirish dozaga bogʼliq hisoblanadi va natijada kislotaning ham bazal, ham ragʼbatlantirilgan sekretsiyasi pasayadi. Koʼpgina patsientlarda kislotaga bogʼliq simptomlar 2 hafta mobaynida gʼoyib boʼladi. Pantoprazol bilan davolashda, boshqa proton nasos ingibitorlarini (PNI) va N2-retseptorlar blokatorlarini qoʼllashdagi kabi, meʼdada kislotalik pasayadi, bu qon plazmasida gastrinning kontsentratsiyasini proportsional koʼtarilishi bilan kuzatib boriladi.

Gastrin kontsentratsiyasining oshishi qaytuvchi.

Uzoq muddatli davolashda koʼpgina holatlarda gastrin kontsentratsiyasi ikki barobarga oshadi. Biroq, gastrin kontsentratsiyasining haddan ziyod ortiqcha oshishi faqat alohida hollarda kuzatiladi. Buning natijasida kam sonli holatlarda uzoq muddat davolashda meʼdada oʼziga xos endokrin (enteroxromaffinsifat/ECL) hujayralar sonining kuchsiz yoki moʼʼtadil oshishi qayd etiladi (adenomatoz giperplaziyadagi kabi). Hayvonlarda oʼtkazilgan tadqiqotlarning natijalaridan kelib chiqib, pantoprazol bilan uzoq muddat (1 yildan ortiq) davolashni qalqonsimon bezning endokrin parametrlariga nisbatan taʼsirini istisno qilib boʼlmaydi.

Pantoprazol fermentni hujayrali retseptorlarga (N+ ionlar sekretsiyasini tartibga solishda ishtirok etuvchi) nisbatan distal bogʼlashi tufayli, u boshqa moddalar (atsetilxolin, gistamin, gastrin) tomonidan parietal hujayralarni ragʼbatlantirilishidan qatʼi nazar xlorid kislotasi sekretsiyasini ingibitsiya qilishi mumkin.

Preparatni peroral va vena ichiga qoʼllashdan olingan samara bir xil.

Shuningdek, pantoprazolni qabul qilishda meʼda shirasining kislotaligi pasayishi oqibatida xromogranin A (CgA) kontsentratsiyasi ortadi. CgA yuqori kontsentratsiyasi neyroendokrin oʼsmalarni tekshirishga toʼsqinlik qilishi mumkin.

PNI qabul qilinishini CgA oʼlchashni boshlagunga qadar 5 kundan 2 haftagacha oraliqda toʼxtatib turish zarur, bu PNI qabul qilishdan keyin yuzaga kelgan CgA kontsentratsiyasining soxta koʼtarilishini meʼyorga keltirishga imkon beradi.

Farmakokinetikasi

Taqsimlanish hajmi 0,15 l/kg.ni, klirens - 0,1 l/soat/kg.ni tashkil qiladi.
Pantoprazolning yarim chiqarilish davri (T½) – taxminan 1 soat. Pantoprazolning parietal hujayralarning proton nasoslari bilan oʼziga xos bogʼlanishi oqibatida T½ preparatning ancha uzoq muddatli kislotani susaytiruvchi samarasi bilan mos kelmaydi.

Sekinlashtirilgan eliminatsiyaning bir nechta holatlari qayd etilgan.

Bir marta va koʼp marta qoʼllanilishidan keyin pantoprazolning farmakokinetikasi bir xil. 10 mg.dan 80 mg.gacha dozalar oraligʼida qon plazmasida pantoprazol kontsentratsiyasining oʼzgarishlari ichga qabul qilinganidan keyin ham, vena ichiga yuborilgandan keyin ham proportsional xarakterga egadir.
Qon plazmasining oqsillari bilan bogʼlanish darajasi 98 %ni tashkil qiladi. Аsosan jigarda metabolizatsiyaga uchraydi. Pantoprazol metabolizmini asosiy yoʼli boʼlib sulьfat bilan keyingi konʼyugatsiyasi bilan CYP2C19 izofermenti yordamida demetillash hisoblanadi. Boshqa metabolik yoʼllarga CYP3A4 izoferment yordamida oksidlanishi taalluqlidir.

Pantoprazolning katta qismi (taxminan 80 %) metabolitlar koʼrinishida buyraklar orqali, qolgan miqdori ichak orqali chiqariladi. Qon plazmasida va siydikda asosiy metabolit boʼlib sulьfat bilan konʼyugatsiyalangan desmetilpantoprazol hisoblanadi. Metabolitning T½ – taxminan 1,5 soat.

Patsientlarning maxsus guruhlarida farmakokinetikasi

Sekin metabolizatorlar

CYP2C19 izofermentining past funktsional faolligi boʼlgan shaxslarda (sekin metabolizatorlar deb nomlanuvchi), pantoprazolning metabolizmi, ehtimol, asosan CYP3A4 izofermenti tomonidan amalga oshiriladi. Pantoprazolning 40 mg dozada bir marta qabul qilinganidan keyin sekin metabolizatorlarda "kontsentratsiya-vaqt" egri chizigʼi ostidagi maydonning (AUC) oʼrtacha qiymati funktsional faol CYP2C19 izofermentiga (tez metabolizatorlarga) ega boʼlgan shaxslarga qaraganda taxminan 6 martaga koʼproq boʼlgan. Sekin metabolizatorlarning qon plazmasida preparatning maksimal kontsentratsiyasining (Cmax) oʼrtacha qiymati tez metabolizatorlarda bundaylar bilan taqqoslashda taxminan 60 %ga yuqoriroq boʼlgan. Koʼrsatib oʼtilgan xususiyatlar pantoprazolning dozalanishiga taʼsir etmaydi.

Buyraklar faoliyatining buzilishi

Buyraklar faoliyatining buzilishi boʼlgan patsientlarda (jumladan, gemodializda boʼlgan patsientlarda) pantoprazol qoʼllanilishida dozani pasaytirish talab etilmaydi. Sogʼlom koʼngillilarda boʼlgani kabi pantoprazolning T½ qisqa hisoblanadi. Pantoprazolning faqat juda katta qismi dializga uchraydi.

Toʼplanmaydi.

Jigar funktsiyasining buzilishi

Jigar sirrozi boʼlgan patsientlarda (Chayld-Pьyu tasniflanishi boʼyicha А va V sinflar) T½ qiymati 7-9 soatgacha ortadi. AUC koʼrsatkichi 5-7 martaga ortadi. Qon plazmasida Cmax sogʼlom koʼngillilarda shunday bilan taqqoslashda atigi 1,5 martaga ahamiyatsiz oshadi.

Keksa yoshdagi patsientlar

Keksa yoshdagi patsientlarda ancha yosh shaxslar bilan taqqoslash boʼyicha AUC va Cmaxkoʼrsatkichlarining katta boʼlmagan oshishi klinik ahamiyatli hisoblanmaydi.

Nojo'ya samaralari

Pantoprazolning koʼrsatmalar bilan muvofiqlikda va tavsiya etilgan dozalarda inʼektsiyalar uchun eritmani tayyorlash uchun kukun dori shaklini qoʼllashda nojoʼya samaralar juda kam hollarda yuzaga keladi.

Quyida nomaqbul nojoʼya reaktsiyalarning yuzaga kelishi tez-tezligiga bogʼliq holda ular haqida maʼlumotlar keltiriladi.

Jahon sogʼliqni saqlash tashkilotining (JSST) nojoʼya samaralarning rivojlanish tez-tezligini tasniflashi:

juda tez-tez ≥ 1/10

tez-tez ≥ 1/100 dan < 1/10 gacha

tez-tez emas ≥ 1/1000 dan < 1/100 gacha

kam hollarda ≥ 1/10000 dan <1/1000 gacha

juda kam hollarda <1/10000, jumladan alohida holatlar

tez-tezligi nomaʼlum mavjud boʼlgan maʼlumotlarga asoslangan holda aniqlanishi mumkin emas.

Qon va limfatik tizim tomonidan buzilishlar:

kam hollarda - agranulotsitoz;

juda kam hollarda – trombotsitopeniya, leykopeniya, pantsitopeniya.

Immun tizimi tomonidan buzilishlar:

kam hollarda - yuqori sezuvchanlik (shu jumladan anafilaktik reaktsiyalar, jumladan, anafilaktik shok).

Modda almashinuvi va oziqlanish tomonidan buzilishlar:

kam hollarda - giperlipidemiya va qon plazmasida lipidlar (triglitseridlar, xolesterin) kontsentratsiyasini oshishi, tana vaznining oʼzgarishi;

tez-tezlik nomaʼlum – giponatriemiya, gipomagniemiya, gipokalьtsiemiya1, gipokaliemiey1.

Ruhiyatning buzilishi:

tez-tez emas - uyquning buzilishi;

kam hollarda - depressiya (shu jumladan, mavjud buzilishlarning kuchayishi);

kam hollarda - dezorientatsiya (shu jumladan, mavjud buzilishlarning kuchayishi);

tez-tezlik nomaʼlum - gallyutsinatsiyalar, ongning chalkashligi (ayniqsa, bunga moyilkor patsientlarda), hamda davolash boshlanguniga qadar mavjud boʼlgan simptomlarning zoʼriqishi.

Nerv tizimi tomonidan buzilishlar:

tez-tez emas - bosh ogʼrigʼi, bosh aylanishi;

kam hollarda - disgevziya (taʼm buzilishi);

tez-tezlik nomaʼlum – paresteziya.

Koʼrish aʼzolari tomonidan buzilishlar:

kam hollarda - koʼrishni buzilishi (xira koʼrish).

Meʼda-ichak yoʼllari tomonidan buzilishlar:

tez-tez - meʼdaning bodomsimon poliplari (yaxshi sifatli);

tez-tez emas - diareya, koʼngil aynishi/qusish, qorinning dam boʼlishi va meteorizm, qabziyat, ogʼiz boʼshligʼi shilliq qavatining quruqligi, diskomfort va qorindagi ogʼriq;

tez-tezlik nomaʼlum - mikroskopik kolit.

Jigar va safro chiqaruvchi yoʼllar tomonidan buzilishlar:

tez-tez emas - qon plazmasida jigar fermentlari (aspartataminotranferaza (АST), gamma-glutamiltransferaza (GGT)) faolligini ortishi;

kam hollarda - qon plazmasida bilirubin kontsentratsiyasini oshishi;

tez-tezlik nomaʼlum - gepatotsellyulyar shikastlanishlar, sariq kasallik, jigar-hujayraviy yetishmovchilik.
Teri va teriosti toʼqimalari tomonidan buzilishlar:

tez-tez emas – ekzantema/teri toshmasi/dermatit, teri qichishishi;

kam hollarda - eshakemi, angionevrotik shish;

tez-tezlik nomaʼlum – yomon sifatli ekssudativ eritema (Stivens-Djonson sindromi), ekssudativ mulьtishaklli eritema, toksik epidermal nekroliz, fotosezuvchanlik, oʼtkir osti teri qizil yugurik (TTQYu),
eozinofiliya va tizimli simptomlar bilan dori reaktsiyasi, shuningdek. DRESS kabi mashhur.

Suyak-mushak va ulovchi toʼqimalar tomonidan buzilishlar:

tez-tez emas - tos suyagini, bilak yoki umurtqa suyaklarini sinishi;

kam hollarda – artralgiya, mialgiya;

tez-tezlik nomaʼlum - mushaklarning spazmalari2

Buyrak va siydik chiqarish yoʼllari tomonidan buzilishlar:

tez-tezlik nomaʼlum – tubulointerstitsial nefrit (TIN) (buyrak yetishmovchiligi rivojlanishi ehtimoli bilan).
Jinsiy aʼzolar va sut bezlari tomonidan buzilishlar:

kam hollarda - ginekomastiya.

Yuborish joyida umumiy buzilishlar va nuqsonlar:

tez-tez - yuborish joyida tromboflevit;

tez-tez emas - holsizlik, yuqori toliqishlik va sirqovlanish;

kam hollarda - tana haroratini oshishi, periferik shishlar.

1.Gipokaltsiemiya va/yoki gipokaliemiya gipomagniemiyaning yuzaga kelishi bilan bogʼliq boʼlishi mumkin ("Maxsus koʼrsatmalar" boʼlimiga qarang).
2. Elektrolitlar muvozanatini buzilish natijasida mushaklar spazmi.

Sotish shartlari

Retsept boʼyicha.

Maxsus shartlar

Pantoprazolning qoʼllanilishi nevrogen genezdagi dispepsiya kabi meʼda-ichak yoʼli tomonidan yengil shikoyatlarni davolash uchun tavsiya etilmagan.

Patsientlar quyidagi simptomlar yuzaga kelishida shifokor bilan maslahatlashishlari kerak:

- tana vazning ahamiyatli gʼayritabiiy pasayishi;

- davriy qusish;

- yutishning buzilishi;

- meʼda-ichakdan qon ketishi;

- anemiya yoki melena.

Pantoprazol bilan davolashni boshlashdan avval meʼda yarasiga shubha mavjud yoki u mavjud boʼlishida yomon sifatli yangi hosil boʼlishlarning ehtimolini istisno qilish kerak, chunki preparat simptomlarni yashirishi va tashxisning toʼgʼri qoʼyilishini kechiktirishi mumkin.
Аgar simptomlar, adekvat davolashga qaramasdan saqlanib qolayotgan boʼlsa, u holda tekshirishni davomini oʼtkazish kerak.

Jigar faoliyatini yaqqol buzilishlari boʼlgan patsientlarda qonning biokimyoviy koʼrsatkichlarini ("jigar" fermentlarining faolligini) nazorat qilish zarur. "Jigar" fermentlarining faolligi koʼtarilishida preparat qoʼllanilishini bekor qilish kerak.

Nolьpaza® preparatini qoʼllashda meʼda-ichak infektsiyalarining xavfi ahamiyatsiz ortadi, ularning qoʼzgʼatuvchilari boʼlib Salmonella spp., Campylobacter spp. yoki S. difficile. turdagi bakteriyalar hisoblanadi.

Pantoprazolni OIV proteazasi ingibitorlari bilan birgalikda qoʼllash tavsiya etilmaydi, ularning soʼrilishi meʼda muhitining pHga bogʼliq (masalan, atazanavir), buning sababi ularning bioerishimligini ahamiyatli pasayishidir.

Kamida 3 oy davomida, koʼpchilik holatlarda esa - bir yil davomida proton pompa ingibitorlarini (PPI) qabul qilgan patsientlarda ogʼir gipomagniemiya rivojlanishi haqida kam hollardagi xabarlar mavjud boʼlgan. Yuqori toliqishlik, tetaniya, bosinqirash, bosh aylanishi va qorinchali aritmiya kabi gipomagniemiyaning shunday jiddiy belgilari yuzaga kelishi mumkin, biroq gipomagniemiya sezilmasdan rivojlanishi va oʼz vaqtida aniqlanmasligi mumkin. Gipomagniemiya gipokalьtsiemiya va/yoki gipokaliemiya rivojlanishiga olib kelishi mumkin (4.8-boʼlimga qarang). Gipomagniemiyasi (va gipomagniemiya bilan bogʼliq boʼlgan gipokalьtsiemiya va/yoki gipokaliemiya) boʼlgan koʼpchilik patsientlarda u magniy preparatlarining oʼrindosh davolanishidan va PNI bekor qilinishidan keyin pasayadi. Uzoq muddatli davolash rejalashtirilayotgan, yoki PNIni digoksin yoki gipomagniemiyani chaqirishga qodir boʼlgan boshqa preparatlar (masalan, diuretiklar) bilan bir vaqtda qabul qilayotgan patsientlarda PNI bilan davolashni boshlashdan oldin va davolash paytida muntazam ravishda qonda magniy saqlanishini aniqlash zarur.

PNI, ayniqsa yuqori dozalarda va uzoq vaqt mobaynida qoʼllanilganida (>1 yil), son suyagi, bilak va umurtqa suyaklarini sinish xavfini moʼʼtadil, ayniqsa keksa yoshdagi patsientlarda yoki boshqa umumtaʼn olingan xavf omillari mavjudligida, oshirishi mumkin. Kuzatuvchi tadqiqotlar PNI sinishlar paydo boʼlishining umumiy xavfini 10-40 %ga oshirishi mumkinligiga urgʼu beradi. Ushbu sinishlarning ayrimlari boshqa xavf omillarining mavjudligidan kelib chiqishi mumkin. Osteoporoz xavfi mavjud boʼlgan patsientlar amaldagi klinik koʼrsatmalarga muvofiq davolashni, hamda D vitamini va kalьtsiyning yetarli miqdorini isteʼmol qilishlari kerak.

PNI qoʼllanilishida juda kam hollarda TOQYu (teri osti qizil yugurik) rivojlanishi kuzatiladi. Teri shikastlanishlari paydo boʼlganida, ayniqsa, quyosh nurlarining taʼsiriga duchor boʼlgan teri sohalarida, hamda yondosh artralgiya mavjudligida, patsient darhol tibbiy yordamga murojaat qilishi kerak, va tibbiyot xodimi Nolьpaza® preparati bilan davolashni toʼxtatish zaruratini baholab chiqishi kerak. PNI oldingi davolanishi bilan TOQYu yuzaga kelishi boshqa PNIlar bilan davolashda TOQYu rivojlanish xavfini oshirishi mumkin.

Laborator koʼrsatkichlarni aniqlashda CgA ning oshgan kontsentratsiyasi neyroendokrin oʼsmalarning tashxisiga toʼsiqlik qilishi mumkinligini hisobga olish zarur. Shu munosabat bilan, Nolьpaza® preparatini qoʼllashni CgA kontsentratsiyasini aniqlashdan 5 kun oldin toʼxtatish kerak. Аgar CgA va gastrin kontsentratsiyasi birlamchi oʼlchovdan keyin normal holatiga qaytmasa, tahlilni PNI qabul qilish toʼxtatilgandan 14 kundan keyin takrorlash lozim.

Yordamchi moddalar boʼyicha maxsus maʼlumotlar

Nolpaza® preparati flakonda 1 mmoldan kam natriy (23 mg) saqlaydi, bu klinik ahamiyatli hisoblanmaydi.

Homiladorlik va laktatsiya davrida qoʼllanilishi

Homiladorlik

Homiladorlik vaqtida Nolpaza® preparatini qoʼllanilishini ehtiyotkorlik chorasi sifatida istisno qilish zarur.

Emizish davri

Emizish davridagi ayollarda Nolьpaza® preparatini qoʼllash haqidagi maʼlumotlar yetarlicha boʼlmaganligi sababi boʼyicha, yangi tugʼilgan chaqaloqlar va emizikli goʼdaklar uchun ehtimolli xavfni istisno qilish mumkin emas. Shu munosabat bilan, koʼkrak bilan emizishni toʼxtatish yoki Nolьpaza® preparati bilan davolashni bekor qilish/toʼxtatish haqida qaror qabul qilish zarurdir.

Fertillik

Odam fertilligiga Nolьpaza® preparatining taʼsiri haqidagi maʼlumotlar mavjud emas. Klinikagacha tadqiqotlar erkaklar va ayollar fertilligiga taʼsiri mavjud emasligini koʼrsatdi.

Аvtomobilni va murakkab mexanizmlarni boshqarish qobiliyatiga taʼsiri

Bosh aylanishi va koʼrish qobiliyati buzilishi tufayli transport vositalarini va diqqatni jamlashni talab etuvchi boshqa mexanizmlarni boshqarishdan voz kechib turish lozim.

Qo'llanilishi

Nolpaza® preparati quyidagilarni davolash uchun kattalarda qoʼllash uchun koʼrsatilgan:

- Meʼda va oʼn ikki barmoqli ichakning yara kasalligi (zoʼriqish bosqichida), eroziv gastrit (shu jumladan, nosteroid yalligʼlanishga qarshi preparatlarni (NYaQP) qabul qilish bilan bogʼliq boʼlgan).

- Gastroezofageal reflyuks kasallik (GERK): eroziv reflyuks-ezofagit (davolash), GERKni simptomatik davolash (yaʼni, noeroziv reflyuks kasallik – NERK).

- Zollinger-Ellison sindromi.

- Аntibakterial vositalar bilan majmuada Helicobacter pylori eradikatsiyasi.

- Stress yaralarini, hamda ularning asoratlarini (qon ketish, teshilish, penetratsiya) davolash va oldini olish.

Qo'llanilishi mumkin bo'lmagan holatlar

- Pantoprazolga yoki oʼrindoshlangan benzimidazolga, hamda yordamchi moddalarning biron biriga yuqori sezuvchanlik.

- 18 yoshgacha boʼlgan bolalar.

- Homiladorlik, emizish davri.

Dori vositalarining o'zaro ta'siri

Nolpaza® preparati bilan bir vaqtda qoʼllanilishi bioerishimligi meʼda muhitining rNga bogʼliq boʼlgan preparatlarning (masalan, ketokonazol, itrakonazol, pozakonazol va erlotinib kabi boshqa dori vositalarning) soʼrilishini pasaytirishi mumkin.

Dorilarning oʼzaro taʼsirini oʼrganish boʼyicha tadqiqotlarda Nolpaza® preparatining qoʼllanilishidagi ahamiyatli oʼzaro taʼsirlar quyidagi holatlarda aniqlanmagan:

- "sekin" kaltsiy kanallari blokatorlari (nifedipin), beta-adrenoblokatorlarni (metoprolol) qabul qilayotgan yurak-qon tomir tizimi kasalliklari boʼlgan patsientlarda. Pantoprozol digoksinning P-glikoproteinbogʼliq soʼrilishini buzmaydi;

- antatsidlar, antibakterial vositalarni (amoksitsillin, klaritromitsin, metronidazol) qabul qilayotgan meʼda-ichak yoʼli kasalliklari boʼlgan patsientlarda;

- levonorgestrel va etinilestradiolni saqlovchi, ichga qabul qilish uchun kontratseptivlarni qabul qilayotgan patsientlarda;

- NYaQP (diklofenak, naproksen, piroksikam) qabul qilayotgan patsientlarda;

- glibenklamid qabul qilayotgan endokrin tizimi kasalliklari boʼlgan patsientlarda;

- diazepam qabul qilayotgan xavotirli holati va uyqu buzilishi boʼlgan patsientlarda;

- karbamazepin va fenitoin qabul qilayotgan tutqanogʼi boʼlgan patsientlarda;

- davolash boshida va davolash yakunlanishi boʼyicha, hamda pantoprazolni nomuntazam qoʼllash vaqtida protrombin vaqtni va xalqaro meʼyorlashtirilgan nisbatni (XMN) nazorat ostida varfarin va fenprokumon kabi bilvosita antikoagulyantlarni qabul qilayotgan patsientlarda. Bir vaqtda shuni taʼkidlash joizki, varfarin yoki fenprokumon bilan birgalikda PNI qabul qilayotgan patsientlarda XMN va protrombin vaqtning koʼtarilish holatlari maʼlum. XMN va protrombin vaqtning koʼtarilishi hayot uchun xavfli boʼlgan patologik qon ketishlarga olib kelishi mumkin. Shu munosabat bilan, bunday patsientlar XMN va protrombin vaqtning koʼtarilishini oʼz vaqtida aniqlash maqsadida shifokor kuzatuvi ostida boʼlishlari kerak.

Shuningdek, kofein, etanol, teofillin bilan klinik ahamiyatli dorilarning oʼzaro taʼsiri mavjud emasligi qayd etilgan.

Baʼzi patsientlarda metotreksatni PNI bilan yuqori dozalarda (masalan, 300 mg) bir vaqtda qoʼllashda qonda uning kontsentratsiyasini oshishi haqida xabarlar mavjud. Shuning uchun, metotreksatni yuqori dozalarda qoʼllashda, masalan, yomon sifatli yangi hosil boʼlishlari yoki psoriazi boʼlgan patsientlarda, pantoprazolni vaqtinchalik bekor qilish haqidagi masalani koʼrib chiqishda zarurat yuzaga kelishi mumkin.

Fluvoksamin kabi CYP2C19 izofermentining bunday ingibitorlari pantoprazolning tizimli taʼsirini oshirishi mumkin. Nolpaza® preparatining dozasini pasaytirish pantoprazolni yuqori dozalarda uzoq muddat davolashni olayotgan patsientlarga, yoki buyrak yetishmovchiligi boʼlgan patsientlarga zarur boʼlib qolishi mumkin.

Rifampitsin va Qizilpoycha teshilgan (Hypericum perforatum) preparatlar kabi CYP2C19 va CYP3A4 izofermentlarning bunday induktorlari qon plazmasida PNI kontsentratsiyasini pasaytirishi mumkin, ular ushbu ferment tizimlar yordamida metabolizmga uchraydi.

Immuntanqislik virusi (OIV) proteazasi ingibitorlari

Pantoprazolni OIV proteazasi ingibitorlari bilan birgalikda qoʼllash tavsiya etilmaydi, ularning soʼrilishi meʼda muhitining pHga bogʼliq (masalan, atazanavir), buning sababi ularning bioerishimligini ahamiyatli pasayishidir.

Аgar OIV proteazasi ingibitorlarining va PNI bir vaqtda qoʼllanilishi baribir zarur boʼlgan holatlarda, sinchkov klinik nazoratni oʼtkazish tavsiya etiladi (masalan, virus yuklamasini aniqlash). Bunday hollarda pantoprazolning dozasi sutkada 20 mg.dan oshmasligi kerak. Shuningdek, OIV proteazasi ingibitorlarining dozasiga tuzatish kiritish talab etilishi mumkin.

Maxsus saqlash sharoitlari

25 °Cdan yuqori boʼlmagan haroratda, yorugʼlikdan himoyalangan joyda saqlansin.

Eritilgandan keyin preparatni saqlash muddati 12 soat, 25°Cdan yuqori boʼlmagan haroratda.

Bolalar ololmaydigan joyda saqlansin.

Yaroqlilik muddati

3 yil.

Yaroqlilik muddati oʼtgandan keyin preparat qoʼllanilmasin.

Ta'rifi

oq yoki deyarli oq rangdagi liofilizatsiyalangan bir tusdagi gʼalvirak massa.

Dozirovkasi

Vena ichiga.

Preparatning vena ichiga yuborilishi tibbiyot xodimlari va muvofiq tibbiy nazorat ostida amalga oshirilishi kerak.

Nolpaza® preparatining vena ichiga qoʼllanilishi faqat ichga qabul qilish imkonsizligida va 7 kundan ortiq boʼlmagan muddatga tavsiya etiladi. Patsientda Nolьpaza® preparatini ichga qabul qilish imkoniyati paydo boʼlishi bilanoq, vena ichiga yuborilishni Nolьpaza®, ichakda eruvchan, plyonka qobiq bilan qoplangan tabletkalar, preparatini qabul qilinishiga almashtirish kerak.
Meʼda va oʼn ikki barmoqli ichakning yara kasalligi (zoʼriqish bosqichida), eroziv gastrit (shu jumladan, NYaQP qabul qilish bilan bogʼliq boʼlgan), GERK

Tavsiya etilgan sutkalik doza 40 mg (1 flakon)ni tashkil qiladi.

Zollinger-Ellison sindromi

Zollinger-Ellison sindromi va boshqa patologik gipersektor holatlarni uzoq muddatli davolashda davolashni boshida tavsiya etilgan sutkalik doza 80 mg Nolьpaza® vena ichiga preparatini tashkil qiladi. Keyinchalik doza oshirilgan yoki pasaytirilgan boʼlishi mumkin. 80 mg.dan yuqori sutkalik dozada Nolьpaza® preparatini qoʼllash holatida, doza sutkada 2 yuborishga boʼlingan boʼlishi kerak. Sutkalik dozani 160 mg.gacha vaqtinchalik oshirilishi, ammo faqat kislotalikni adekvat nazorat qilish uchun zarur boʼlgan muddatga, ehtimoli bor.

Kislotalikni shoshilinch susaytirish maqsadida 80 mg pantoprazol sutkada 2 marta boshlangʼich doza koʼpchilik patsientlarda 1 soat davomida 10 mEkv/soatdan kam kattalikgacha kislota mahsulini pasaytirish uchun yetarlidir.

Stress yaralarini va ularning asoratlarini (qon ketish, teshilish, penetratsiya) davolash va oldini olish
Tavsiya etilgan sutkalik doza 80 mg.ni tashkil qiladi. 80 mg.dan yuqori sutkalik dozada Nolьpaza® preparatini qoʼllash holatida, doza sutkada 2 yuborishga boʼlingan boʼlishi kerak. Sutkalik dozani 160 mg.gacha vaqtinchalik oshirish imkoni bor.

Patsientlarning maxsus guruhlari

Jigar funktsiyasining buzilishi

Jigar faoliyatining yaqqol buzilishi boʼlgan patsientlarda sutkalik doza 20 mg pantoprazoldan (flakonning yarmi) oshmasligi kerak.

Buyraklar faoliyatining buzilishi, keksa yoshdagi patsientlar

Keksa yoshdagi patsientlarda va buyrak yetishmovchiligi boʼlgan patsientlarda dozaga tuzatish kiritish talab etilmaydi.

Vena ichiga yuborish uchun eritmani tayyorlash

Steril! Vena ichiga yuborish uchun eritmani tayyorlash uchun flakon tarkibi 10 ml natriy xloridning 0,9 %li eritmasida eritiladi. Tayyor eritma 10 ml miqdorda yuborilishi mumkin, shuningdek, 100 ml natriy xloridning 0,9 %li eritmasida yoki glyukozaning 5 %li eritmasida eritishga yoʼl qoʼyiladi.
Boshqa eritgichlar qoʼllanilmasin!

Preparatni vena ichiga 2-15 minut davomida yuboriladi.

Tayyorlangan eritma tayyorlanganidan keyin 25 °Sdan yuqori boʼlmagan haroratda 12 soat davomida barqarordir. Biroq, mikrob kontaminatsiyadan saqlanish maqsadida eritmani tayyorlanishidan keyin darhol qoʼllash tavsiya etiladi.

NOLPAZA poroshok 40mg N1

Mahsulot bo'yicha savolingiz bormi?

Mulohazalar

Alifbo bo'yicha dori vositalar ro'yxati