Mahsulotning ko'rinishi saytdagi rasmdan farq qilishi mumkin.

NOLPAZA tabletkalari 20mg N28

Kategoriya:

- Kislotalikning buzilishi

Ishlab chiqarilish joyi:

- Sloveniya

Farmakoterapevtik guruh:

- Kislotali muhit buzilishi bilan bogʼliq kasalliklarni davolash uchun preparatlar. Meʼda va oʼn ikki barmoqli ichak yara kasalligi va gastroezofageal reflyuks (gerb) kasalligini davolash uchun preparatlar. Proton nasos ingibitorlari. Pantoprazol.

Faol modda:

Пантопразол

ko'proq ko'rsatish

Qadoqda soni:

- 28

Ishlab chiqaruvchi:

- КРКА, д.д., Ново место, АО

Vakil:

- KRKA

ATX kodi:

- A02BC02

Barcha Nolpaza dorilari

Noaniqliq haqida habar berish

O'zbekiston Respublikasi dorilar reestri ro'yxatidan o'tgan

Toshkentning 134 ta dorixonasida topildi

ico 34 900 s`om dan

Dorixonalardan izlash

ico 40 200 s`om dan + yetkazish

Buyurtma berish

ico 35 000 s`om dan

Bron qilish

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Tarkibi va ishlab chiqarilish shakli

Tarkibi:

Ichakda eriydigan qobiq bilan qoplangan 1 tabletka quyidagilarni saqlaydi:

Yadrosi:

Faol modda: natriy pantoprazolining seskvigidrati 22,55 mg yoki 45,10 mg, bu 20,00 mg yoki 40,00 mg pantoprazolga toʼgʼri keladi.

Yordamchi moddalar: mannitol, krospovidon (А turi), krospovidon (V turi), natriy karbonati, sorbitol (E420), kaltsiy stearati.

Qobiq: gipromelloza (2,4-3,6 mPas), povidon K-25, titan dioksidi (E171), boʼyovchi temir oksidi sariq (E172), propilenglikolь, metakril kislotasi va etilakrilat sopolimeri (1:1), 30 % dispersiya1, talьk, makrogol 6000.

1Metakril kislotasi-etilakrilat sopolimeri va suvdan tashqari yana natriy laurilsulfati va polisorbat 80 mavjud.

Chiqarilish shakli

Ichakda eriydigan qobiq bilan qoplangan 20 mg, 40 mg tabletkalar.

OPА/Аl/PVX folьgadan va alyumin folьgadan blisterda 14 tabletkadan.

1 va 2ta blisterdan tibbiyotda qoʼllanilishiga doir yoʼriqnomasi bilan birga karton qutiga joylanadi.

Dori shakli

Ichakda eriydigan qobiq bilan qoplangan tabletkalar

Farmakodinamikasi

Pantoprazol parietal hujayralarining proton nasoslarini oʼziga xos blokada qilish orqali oshqozondagi xlorid kislotasi sekretsiyasini bostiruvchi oʼrindoshli benzimidazol hisoblanadi.

Pantoprazol parietal hujayralaridagi ishqorli muhitda faol shaklga aylanadi, u yerda, yaʼni meʼdada, xlorid kislotasi shakllanishining yakuniy bosqichida, u N+/K+ -АTFaza fermenti faolligini bostiradi. Ingibirlanishi dozaga bogʼliq va kislotaning bazal va stimulyatsiyalangan chiqarilishiga taʼsir koʼrsatadi. Koʼpgina patsientlarda simptomlarni bartaraf etishga 2 hafta mobaynida erishiladi. Boshqa proton nasos ingibitorlari va N2 retseptorlarining ingibitorlari kabi, pantoprazol bilan davolash meʼdadagi kislotalikni pasaytiradi va, shunday qilib, kislotalikni pasaytirishga proportsional ravishda gastrinni oshiradi. Gastrinni oshishi qaytariluvchan. Pantoprazol hujayrali fermentdan uzoqlashtirilgan ferment bilan bogʼlanganligi sababli, u boshqa moddalar (atsetil xolin, gistamin, gastrin) tarafidan stimullanishidan qatʼiy nazar, xlorid kislotasini chiqarilishini ingibirlashi mumkin. Samarasi preparatning peroral qabul qilish yoki vena ichiga yuborish usuliga bogʼliq emas.

Pantoprazol och qoringa qabul qilinganda gastrin darajasi oshadi. Qisqa vaqt qabul qilinganda u koʼp hollarda meʼyorning yuqori chegarasidan oshmaydi. Uzoq vaqt qabul qilinganda, koʼp hollarda, gastrinning darajasi 2 barobariga oshadi. Biroq, haddan tashqari oshishi istisno hollardagina kuzatiladi. Buning natijasida kam hollarda uzoq vaqt davolanishda meʼdaning oʼziga xos endokrinining (ECL- hujayralarning) kuchsiz yoki moʼʼtadil oshishi kuzatiladi (oddiy yoki adenomatoid giperplaziya). Shunga qaramasdan, hozirgi vaqtda oʼtkazilgan tadqiqotlarga koʼra, hayvonlarda aniqlangan meʼda neyroendokrin oʼsmalarining (atipik giperplaziya) yoki meʼda kartsinoidlarining oldingi-hujayralarini hosil boʼlishi odamlarda kuzatilmagan.

Hayvonlarda oʼtkazilgan tadqiqotlarning natijalariga koʼra, pantoprazol bilan uzoq davolashda (1 yildan ortiq) pantoprazolni qalqonsimon bezning endokrin parametrlariga boʼlgan taʼsirini butunlay chiqarib tashlash mumkin emas.

Аntisekretor preparatlari bilan davolash fonida kislota sekretsiyasining pasayishiga javoban qon zardobida gastrinning darajasi koʼtariladi. Xromogranin А ning (CgA) kontsentratsiyasi ham meʼda shirasi kislotaliligining pasayishi hisobiga koʼtariladi. CgA kontsentratsiyasining oshishi neyroendokrin oʼsmalarni aniqlash uchun tekshiruvlarning natijalariga taʼsir koʼrsatishi mumkin.

Mavjud boʼlgan chop etilgan maʼlumotlarga koʼra, CgA kontsentratsiyasining tadqiqoti oʼtkazilguncha proton nasos ingibitorlari bilan davolashni 5-14 kunga toʼxtatib turish zarur. Bu PNI bilan davolashdan keyin oshirilishi shubhali boʼlishi mumkin boʼlgan CgA kontsentratsiyasi normal musbatlarga qaytishi uchun zarur.

Farmakokinetikasi

Pantoprazol tez soʼriladi, maksimal kontsentratsiyalariga (20 mg dozalash uchun: 1-1,5 mkg/ml, 40 mg dozalash uchun: 2-3 mkg/ml) qon plazmasida preparat ichga qabul qilingandan soʼng 2-2,5 soatdan keyin erishiladi va takroriy dozalar qabul qilingandan soʼng doimiy qoladi. Bir marta yoki takroran vena ichiga yuborilganidan soʼng farmakokinetikasi oʼzgarmaydi.

10 mg dan 80 mg gacha doza diapazonida qon plazmasida pantoprazolning kinetikasi peroral qabul qilingandan keyin qanday boʼlsa, vena ichiga yuborilgandan keyin ham shunday muntazam boʼlib qoladi.

Mutlaq biokiraolishligi 77% ni tashkil etadi, ovqat qabul qilish AUC ning ("kontsentratsiya-vaqt" egri chiziq ostidagi maydon) koʼrsatkichlariga, zardobdagi maksimal kontsentratsiyalarga va bioerishimliligiga taʼsir koʼrsatmaydi.

Pantoprazolning qon plazmasi oqsillari bilan bogʼlanishi taxminan 98% ni tashkil etadi. Taqsimlanish hajmi- 0,15 l/kg ga yaqin.

Pantoprazol jigarda deyarli toʼliq metabolizatsiyalanadi. Metabolizmning asosiy yoʼli- sulьfat bilan keyinchalik konʼyugatsiyasi bilan CYP2C19 yordamida demetillanishi; metabolizmning boshqa yoʼllari CYP3A4 ni oksidlanishini oʼz ichiga oladi. Yarim chiqarilishining yakuniy davri taxminan 1 soatni va klirensi- 0,1 l/s/kg ni tashkil qiladi. Chiqarilishi kechikkan patsientlarning bir necha holatlari tasvirlangan. Pantoprazolning parietal hujayralarning proton nasoslariga boʼlgan oʼziga xos bogʼlanishi tufayli yarim chiqarilish davri taʼsirning yanada uzoqroq davom etishiga toʼgʼri kelmaydi (kislota chiqarilishini ingibirlanishi).

Metabolitlar asosan (taxminan 80%) buyraklar orqali (siydik bilan) chiqariladi va, 20% ga yaqini axlat bilan chiqariladi. Qon plazmasida ham, siydikda ham asosiy metabolit desmetilpantoprazol hisoblanadi, u sulьfat bilan bogʼlanadi. Аsosiy metabolitning yarim chiqarilish davri pantoprazolga qaraganda uzoqroq (taxminan 1,5 soat).

Maxsus guruhlarda farmakokinetikasi

CYP2C19 funktsional fermenti yetishmovchiligi boʼlgan patsientlarda ("sekin metabolizatorlar" deb ataladigan Yevropa aholisining taxminan 3%) pantoprazolning metabolizmi, ehtimol, asosan CYP3A4 yordamida katalizlanadi. Bir martalik 40 mg doza qabul qilingandan soʼng CYP2C19 funktsional fermenti boʼlgan patsientlarga ("tez metabolizatorlar") qaraganda sekin metabolizatorlarning qon plazmasida AUC 6 barobariga yuqoriroq va qon plazmasida oʼrtacha choʼqqili kontsentratsiyalari taxminan 60% ga yuqoriroq.

Buyraklar funktsiyasi buzilgan patsientlarda (shu jumladan gemodializdagi patsientlarda) dozani pasaytirishga hojat yoʼq. Sogʼlom koʼngillilardagidek, bunday bemorlarda preparatning yarim chiqarilish davri qisqa. Pantoprazolning oz miqdori dializlanadi. Аsosiy metabolitning yarim chiqarilish davrini oshishiga qaramay (2-3 s), u tez chiqariladi, va shu tarzda organizmda toʼplanmaydi.
Jigar sirrozi mavjud boʼlgan patsientlar (Child tasniflanishi boʼyicha А va V sinfi) pantoprazolni 20 mg/sut qabul qilishganda T1/2 3-6 soatgacha oshgan, AUC 3-5 martaga oshgan, Cmax esa – sogʼlom shaxslarga qaraganda 1,3 martaga oshgan.

Keksa yoshdagi patsientlarda AUC ning yengil oshishi va maksimal kontsentratsiyani oshishi, kichik yoshdagi patsientlarning tegishli maʼlumotlariga nisbatan, klinik jihatdan ahamiyatli emas.
Pediatriyada qoʼllanilishi:

5-16 yoshdagi bolalarda bir martalik 20 yoki 40 mg peroral doza qabul qilingandan soʼng AUC va Cmax koʼrsatkichlari kattalardagi tegishli koʼrsatkichlarning oraligʼida boʼlgan.

2 dan 16 yoshgacha boʼlgan bolalarda pantoprazolning bir martalik 0,8 yoki 1,6 mg/kg dozasi vena ichiga yuborilganida klirens va yosh yoki tana vazni oʼrtasida sezilarli aloqasi kuzatilmagan. AUC va taqsimlanish hajmi kattalardagi maʼlumotlarga muvofiq boʼlgan.

Nojo'ya samaralari

Taxminan 5% patsientlarda nojoʼya dori reaktsiyalarini (NDR) rivojlanishini kutish mumkin. Quyida pantoprazolni qoʼllashda qayd etilgan NDR lar sanab oʼtilgan, ular uchrashish tez-tezligiga qarab quyidagicha tasniflangan: juda tez-tez (1/10), tez-tez ( 1/100 dan <1/10 gacha), tez-tez emas ( 1/1000 dan < 1/100 gacha), kam hollarda ( 1/10000 dan < 1/1000 gacha), juda kam hollarda (< 1/10000) va «tez-tezlik nomaʼlum» (mavjud boʼlgan maʼlumotlar bilan aniqlash imkoni yoʼq).

Preparat qayd etilgandan keyin aniqlangan nojoʼya taʼsirlar uchun hech qanday uchrashish tez-tezligini qoʼllash mumkin emas, shuning uchun ular "tez-tezlik nomaʼlum" sifatida koʼrsatilgan.
Uchrashish tez-tezligining har bir guruhida nojoʼya reaktsiyalar jiddiyligining kamayish tartibida keltirilgan.

Qon va limfatik tizim tomonidan buzilishlar:

kam hollarda: agranulotsitoz;

juda kam hollarda: trombotsitopeniya, leykopeniya, pantsitopeniya.

Immun tizimi tomonidan buzilishlar:

kam hollarda: yuqori sezuvchanlik (shu jumladan anafilaktik reaktsiyalar, anafilaktik shokni oʼz ichiga olib).

Modda almashinuvi va oziqlanish tomonidan buzilishlar:

kam hollarda: giperlipidemiya va qon plazmasida lipidlar (triglitseridlar, xolesterin) kontsentratsiyasini oshishi, tana vaznining oʼzgarishi;

tez-tezlik nomaʼlum: giponatriemiya, gipomagniemiya, gipokaltsiemiya1, gipokaliemiya1.

Ruhiyatning buzilishi:

tez-tez emas: uyquning buzilishi;

kam hollarda: depressiya (shu jumladan, mavjud kasalliklarni kuchayishi);

juda kam hollarda: dezorientatsiya (shu jumladan, mavjud kasalliklarni kuchayishi);

tez-tezlik nomaʼlum: gallyutsinatsiyalar, xushning chalkashligi (ayniqsa moyil bemorlarda, shuningdek, preparatni qoʼllashdan oldin mavjud boʼlgan simptomlarning kuchayishi).

Nerv tizimi tomonidan buzilishlar:

tez-tez emas: bosh ogʼrigʼi, bosh aylanishi;

kam hollarda: disgevziya (taʼm buzilishi);

tez-tezlik nomaʼlum: paresteziya.

Koʼrish aʼzolari tomonidan buzilishlar:

kam hollarda: koʼrishni buzilishi, koʼrishni noaniqligi.

Meʼda-ichak yoʼllari tomonidan buzilishlar:

tez-tez: meʼda tubining bezli poliplari (xavfsiz);

tez-tez emas: diareya, qoʼngil aynishi/qusish, qorindagi dam va meteorizm, qabziyat, ogʼiz boʼshligʼidagi quruqlik, qorindagi ogʼriq va noqulaylik.

tez-tezlik nomaʼlum: mikroskopik kolit;

Jigar va safro chiqaruvchi yoʼllar tomonidan buzilishlar:

tez-tez emas: qon plazmasida "jigar" fermentlari (transaminaza, γ-glutamiltransferaza) faolligini oshishi;

kam hollarda: qon plazmasida bilirubin kontsentratsiyasini oshishi;

tez-tezlik nomaʼlum: gepatotsellyulyar shikastlanishlar, sariq kasalligi, gepatotsellyulyar yetishmovchilik.

Teri va teriosti toʼqimalari tomonidan buzilishlar:

tez-tez emas: teri toshmasi/ekzantema/toshmalar, teri qichishishi;

kam hollarda: eshakemi, angionevrotik shish;

tez-tezlik nomaʼlum: Stivens-Djonson sindromi, Layell sindromi, mulьtishaklli eritema, yorugʼlikka sezuvchanlik, oʼtkir osti terili qizil yugurik (OʼTQYu), oʼtkir osti terili qizil yugurik, dorining eozinofiliya va tizimli alomatlar bilan reaksiyasi (DRESS).

Suyak-mushak va ulovchi toʼqimalar tomonidan buzilishlar:

tez-tez emas: tos suyagini boʼyinchasi, bilak yoki umurtqa suyaklarini sinishi;

kam hollarda: artralgiya, mialgiya;

tez-tezlik nomaʼlum: mushaklar spazmi2.

Buyrak va siydik chiqarish yoʼllari tomonidan buzilishlar:

tez-tezlik nomaʼlum: tubulointerstitsial nefrit (TIN) (buyraklar yetishmovchiligigacha rivojlanishi mumkin).

Jinsiy organlar va sut bezlari tomonidan buzilishlar:

kam hollarda: ginekomastiya.

Yuborish joyida umumiy buzilishlar va nuqsonlar:

tez-tez emas: asteniya, ortiqcha charchoqlik va lohaslik;

kam hollarda: tana haroratining koʼtarilishi, periferik shish.

1 Gipokaltsiemiya va/yoki gipokaliemiya gipomagniemiyaning paydo boʼlishi bilan bogʼliq boʼlishi mumkin («Maxsus koʼrsatmalar» boʼlimga qarang).

2 Elektrolit muvozanat buzilishi tufayli mushaklarning spazmi.

Sotish shartlari

retseptsiz

Maxsus shartlar

Jigar yetishmovchiligi

Jigar funktsiyasini buzilishi ogʼir boʼlgan patsientlarda "jigar" fermentlarining faolligini muntazam kuzatib borish lozim. "Jigar" fermentlarining faolligi oshganda Nolьpaza® preparatini qoʼllashni toʼxtatish lozim.

Birlashtirilgan davolash

Birlashtirilgan davolashda birlashtirishda qoʼllaniladigan dori preparatlarini tibbiyotda qoʼllash boʼyicha yoʼriqnomasi bilan tanishib chiqish zarur.

Meʼdaning xavfli yangi oʼsmalari

Pantoprazolni qoʼllashga boʼlgan simptomatik javob simptomlarni yashirishi va toʼgʼri tashxis qoʼyishni kechiktirishi mumkin. Tashvishli simptomlar boʼlganida (masalan, tana vaznini ahamiyatli koʼzda tutilmagan pasayishi, davriy qusish, disfagiya, qon bilan qusish, kamqonlik yoki melena), shuningdek meʼda yarasi mavjudligiga shubha boʼlganida xavfli yangi oʼsma mavjudligi ehtimolini chiqarib tashlash lozim. Аgar toʼgʼri davolashga qaramasdan simptomlar davom etsa, qoʼshimcha tekshiruvni oʼtkazish lozim.

OITV proteazasi ingibitorlari bilan bir vaqtda qoʼllanilishi

Bioerishimliligining sezilarli pasayishi natijasida soʼrilishi meʼdaning rN muhitiga bogʼliq boʼlgan OITV proteazasi ingibitorlari bilan (masalan, atazanovir) bir qatorda pantoprazolni qoʼllash tavsiya etilmaydi ("Dorilarning oʼzaro taʼsiri" boʼlimiga qarang).

V12 vitaminining soʼrilishiga taʼsiri

Kislotaning sekretsiyasini bloklovchi boshqa dori preparatlari kabi gipo- yoki axlorgidriya natijasida pantoprazol V12 (tsianokobalamin) vitaminini soʼrilishini kamaytirishi mumkin. Buni uzoq muddatli davolashda va tegishli klinik simptomlar mavjudligida organizmida V12 vitaminining zahirasi pasaygan yoki V12 vitamini soʼrilishining buzilishi xavfi omilidagi patsientlarda hisobga olish kerak.

Uzoq muddatli davolash

Uzoq muddatli davolashda, ayniqsa 1 yildan ortiq muddatda, patsientlar muntazam ravishda shifokor nazorati ostida boʼlishlari kerak.

Bakteriyalar sababli meʼda-ichak trakti infektsiyalari

PNI bilan davolash Salmonella va Campylobacter yoki C.difficile kabi bakteriyalar tomonidan chaqirilgan infektsiyalarning paydo boʼlish xavfini biroz oshirishi mumkin.

Gipomagniemiya

Pantoprazol kabi PNI qabul qilgan patsientlarda 3 oydan kam boʼlmagan davr mobaynida va, koʼp hollarda, bir yil mobaynida proton nasos ingibitorlarini (PNI) qabul qilgan patsientlarda ogʼir gipomagnezemiya kamdan-kam kuzatilgan.

Gipomagniemiyaning charchoqlik, tetaniya, deliriy, tirishishlar, bosh aylanishi va qorinchali aritmiya kabi jiddiy koʼrinishlari sezilmasdan boshlanishi va ular oʼtkazib yuborilishi mumkin. Gipomagniemiya gipokalьtsiemiya va/yoki gipokaliemiyaga olib kelishi mumkin. Koʼpgina bemorlarda gipomagniemiya (va gipokalьtsiemiya va/yoki gipokaliemiya bilan bogʼliq boʼlgan gipomagniemiya) magniy yetishmovchiligini qoplagandan soʼng va proton nasos ingibitorlari toʼxtatilgandan soʼng yaxshilandi.
Uzoq muddatli davolashni talab etayotgan yoki digoksin yoki gipermagniemiyani chaqiradigan preparatlar (masalan, diuretiklar) bilan majmuada PNI qabul qilayotgan patsientlarda PNI bilan davolashni boshlashdan oldin va davolash mobaynida muntazam ravishda qon plazmasidagi magniy tarkibini aniqlash lozim.

Suyaklar sinishi

PNI bilan uzoq muddat davolash (1 yildan ortiq), asosan keksa yoshdagi shaxslarda yoki boshqa xavf omillari mavjudligida, tos, bilak yoki umurtqa suyagi sinishi xavfini biroz oshirishi mumkin. Kuzatuv tadqiqotlari PNI sinishlarning umumiy xavfini 10-40% ga oshirishi mumkinligini koʼrsatadi. Ularning baʼzilari xavfning boshqa omillari bilan bogʼliq boʼlishi mumkin. Osteoporoz rivojlanish xavfi mavjud boʼlgan patsientlar amaldagi klinik tavsiyalarga koʼra davolanishlari kerak va D vitamini va kalьtsiyning yetarli miqdorini isteʼmol qilishlari kerak.

Jiddiy teri nojoʼya reaktsiyalari (SCAR)

Pantoprazol bilan bir vaqtda qoʼllashda koʼp shaklli eritema, Stivens-Djonson sindromi (SJS), toksik epidermal nekroliz (TEN) hamda eozinofiliya va tizimli belgilarga ega boʼlgan dori reaktsiyalari (DRESS sindromi) kabi terining ogʼir nojoʼya reaktsiyalari (SCAR) kuzatilgan, ular hayot uchun xavfli yoki halokatli boʼlishi mumkin, tez-tezligi nomaʼlum.

Preparatni tayinlashda patsientlar belgilar va simptomlar haqida xabardor qilinishi kerak, va patsientlar teri reaktsiyalariga nisbatan sinchkov kuzatuv ostida boʼlishlari zarur.
Bunday reaktsiyalarga koʼrsatadigan belgilar va alomatlar yuzaga kelganida, pantoprazol qabul qilinishini darhol toʼxtatish va muqobil davolash imkonini koʼrib chiqish kerak.

Oʼtkirosti teri qizil yugurigi

PNI ni qoʼllanilishi juda kam hollarda OʼTQYu ga olib kelishi mumkin. Terining artralgiya bilan kuzatib boriladigan shikastlanish oʼchoqlari vujudga kelish holatida, ayniqsa uning quyosh taʼsiri uchun ochiq maydonlarida, patsient zudlik bilan tibbiy yordam olish uchun murojaat qilishi kerak. Shifokor Nolьpaza preparatini bekor qilish haqida masalani koʼrib chiqishi kerak. Proton nasos ingibitori bilan oldingi davolash natijasidagi OʼTQYu boshqa PNI bilan keyingi davolashda OʼTQYu ni rivojlanish xavfini oshirishi mumkin.

Laborator koʼrsatkichlarning natijasiga taʼsiri

Laborator koʼrsatkichlarni aniqlashda CgA ning oshgan kontsentratsiyasi neyroendokrin oʼsmalarning tashxisiga toʼsiqlik qilishi mumkinligini hisobga olish zarur. Shu munosabat bilan, Nolьpaza preparatini qoʼllashni CgA kontsentratsiyasini aniqlashdan 5 kun oldin toʼxtatish zarur. Аgar CgA va gastrin kontsentratsiyasi birlamchi oʼlchovdan keyin normal holatiga qaytmasa, tahlilni PNI qabul qilish toʼxtatilgandan 14 kundan keyin takrorlash lozim.

Homiladorlik va emizish davrida qoʼllanilishi

Homiladorlik

Homilador ayollarda (300-1000 homiladorlik natijalari) pantoprazolni qoʼllash boʼyicha cheklangan maʼlumotlar pantoprazolning homila/yangi tugʼilgan chaqaloqning rivojlanishiga teratogen va toksik taʼsiri yoʼqligini koʼrsatadi. Hayvonlardagi tadqiqotlar reproduktiv toksiklik mavjudligini koʼrsatadi.
Nolpaza® preparati homiladorlik paytida oʼta zaruratsiz qoʼllanilmasligi kerak.

Emizish davri

Hayvonlardagi tadqiqotlar pantoprazolning koʼkrak sutiga kirib borishi koʼrsatdi. Odamning koʼkrak sutiga chiqarilishi haqida xabar berilgan. Shu munosabat bilan, bola uchun emizish foydasini va ona uchun Nolьpaza® preparati bilan davolash foydasini hisobga olib, emizishni davom etish/toʼxtatish yoki Nolьpaza® preparatini bekor qilish/toʼxtatib turish haqida qaror qabul qilish zarur.

Fertillik

Hayvonlardagi tadqiqotlarda pantoprazol fertillikning buzilishiga olib kelmagan.

Аvtomobilni va murrakab mexanizmlarni boshqarish qobiliyatiga taʼsiri

Bosh aylanishi va koʼrish qobiliyati buzilishi tufayli transport vositalarini va diqqatni jamlashni talab etuvchi boshqa mexanizmlarni boshqarishdan voz kechib turish lozim.

Qo'llanilishi

20 mg dozalash uchun:

Kattalarga va 12 yoshdan va undan katta oʼsmirlarga:

- simptomatik gastroezofageal reflyuks kasalligi;

- reflyuks-ezofagit retsidivlarini uzoq vaqt davolash va oldini olish uchun.

Kattalarga:

- nosteroid yalligʼlanishga qarshi preparatlar (NYaQP) bilan doimiy davolanishga muhtoj va yuqori xavf ostida boʼlgan patsientlarda NYaQP qabul qilish tufayli paydo boʼlgan meʼda va oʼn ikki barmoqli ichakning eroziya-yarali jarohatlarini oldini olish.

40 mg dozalash uchun:

Kattalarga va 12 yoshdan va undan katta oʼsmirlarga:

- reflyuks-ezofagit.

Kattalarga:

- N.pylori bilan bogʼliq yarali kasalligi boʼlgan patsientlarda Helicobacter pylori (H. pylori) ni tegishli antibakterial davolash bilan majmuada eradikatsiyalash;

- meʼda va oʼn ikki barmoqli ichakning yarali kasalligi;

- Zollinger-Ellison sindromi va boshqa patologik gipersekretor holatlar.

Qo'llanilishi mumkin bo'lmagan holatlar

- Faol moddaga, benzimidazolning boshqa oʼrindoshlariga, yordamchi moddalarning har qandayiga boʼlgan yuqori sezuvchanlik.

- 12 yoshgacha bolalar.

- Nolpazada sorbitol mavjud, shuning uchun preparat fruktozani koʼtaraolmaslik kabi noyob irsiy kasalligi mavjud boʼlgan shaxslarga tavsiya etilmaydi.

Dori vositalarining o'zaro ta'siri

Boshqa dori vositalarining soʼrilishiga pantoprazolning taʼsiri.

Meʼda kislotasini kuchli va uzoq davom etadigan ingibirlanishi tufayli pantoprazol bioerishimliligi meʼda shirasining rN ga bogʼliq dori vositalarini soʼrilishini kamaytirishi mumkin, masalan ayrim azollar, zamburugʼga qarshi preparatlar, jumladan ketokonazol, itrakonazol, pozakonazol va erlotinib kabi boshqa dori vositalari.

OITVni davolash uchush preparatlar

Аtanazavir va soʼrilishi rN ga bogʼliq boʼlgan OITV ni davolash uchun preparatlarni proton nasos ingibitorlari bilan birga qoʼllanilishi ohirgilarning bioerishimliligini pasayishiga olib kelishi va ularning samaradorligiga taʼsir qilishi mumkin. Shuning uchun proton nasos ingibitorlarini atanazavir bilan birga buyurilishi tavsiya etilmaydi.

Kumarinli antikoagulyantlar (fenprokumon yoki varfarin)

Fenprokumon yoki varfarin bilan bir vaqtda qoʼllashda oʼzaro taʼsirning yoʼqligiga qaramasdan, klinik farmakokinetik tadqiqotlar oʼtkazilganda, postmarketing davrida bir vaqtning oʼzida davolanishda xalqaro meʼyorlashtirilgan munosabatning (XMM) yagona holatlari qayd etilgan. Shunday qilib, kumarin qatoridagi antikoagulyantlarni (masalan, fenprokumon yoki varfarin) qabul qilayotgan patsientlarga protrombin vaqtning monitoringini oʼtkazish yoki pantoprazolni qabul qilishni boshlagandan keyin, yakunlagandan keyin yoki tartibsiz qabul qilishda XMM ni oʼtkazish tavsiya etiladi.

Metotreksat

Metotreksat (yaʼni 300 mg) va proton pompa ingibitorlarining yuqori dozalarini bir vaqtda qoʼllanilishi ayrim bemorlarda metotreksat darajalarini oshishini koʼrsatdi. Shuning uchun, metotreksatning yuqori dozasini qabul qilish zaruratida, masalan saraton kasalliklarini yoki psoriazni davolashda, pantoprazolni qabul qilishni vaqtinchalik toʼxtatib turish tavsiya etiladi.

Boshqa oʼzaro taʼsirlarni oʼrganish

Pantoprazol sezilarli ravishda jigarda P450 sitoxromi tizimi bilan metabolizatsiyalanadi. Metabolizmning asosiy yoʼli- CYP 2C19 va boshqa metabolik yoʼllar yordamida, jumladan CYP 3A4 fermenti bilan oksidlanishi orqali demetillanishi.

Shu yoʼl bilan metabolizatsiyalanadigan, tarkibida levonorgestrel va etinilestradiol mavjud boʼlgan karbamazepin, diazepam, glibenklamid, nifedipin va oral kontratseptivlar kabi dori vositalari bilan boʼlgan tadqiqotlar klinik muhim ahamiyatli oʼzaro taʼsirni koʼrsatmadi.

Mumkin boʼlgan oʼzaro taʼsirlar boʼyicha tadqiqotlarning natijasiga koʼra, pantoprazol CYP 1A2 (kofein va teofillin kabilar), CYP 2C9 (masalan, piroksikam, diklofenak, naproksen), CYP 2D6 (masalan, metoprolol), CYP 2E1 (masalan etanol) yordamida metabolizatsiyalanadigan faol moddalarning metabolizmiga va digoksinning r-glikoproteinga bogʼliq soʼrilishiga taʼsir etmaydi. Bir vaqtda qoʼllanilishi buyurilgan antatsidlar bilan oʼzaro taʼsiri aniqlanmadi.

Pantoprazolning maʼlum antibiotiklar (klaritromitsin, metronidazol, amoksitsillin) bilan oʼzaro taʼsiri boʼyicha ham maxsus tadqiqotlar oʼtkazilgan. Bir vaqtda qoʼllanilishida ushbu preparatlar oʼrtasidagi klinik ahamiyatli oʼzaro taʼsirlar aniqlanmadi.

CYP2C19 sitoxromni ingibirlaydigan yoki indutsiyalaydigan dori vositalari

Fluvoksamin kabi CYP2C19 sitoxrom ingibitorlari pantoprazolning tizimli ekspozitsiyasini oshirishi mumkin. Pantoprazolning yuqori dozalari uzoq vaqt qoʼllanilganida yoki jigar funktsiyasi buzilishida dozaning pasaytirilishi talab etilishi mumkin.

Rifampitsin va teshilgan qizil poycha (Hypericum perforatum) kabi CYP2C19 va CYP3A4 ga taʼsir etuvchi fermentlarning induktorlari ushbu tizimlar yordamida metabolizatsiyalanadigan PNI larning kontsentratsiyasini kamaytirishi mumkin.

Preparatning laboratoriya tekshiruvlari natijalariga taʼsiri.

Pantoprazol qabul qilgan patsientlarda tetragidrokannabinol (TGK) uchun baʼzi siydik skrining testlarining notoʼgʼri ijobiy natijalari haqida xabarlar kelib tushgan. Ijobiy natijalarni tekshirish uchun muqobil tasdiqlash usulidan foydalanish imkoniyatini koʼrib chiqish kerak.

NOLPAZA tabletkalari 20mg N28

Mahsulot bo'yicha savolingiz bormi?

Mulohazalar

Alifbo bo'yicha dori vositalar ro'yxati