SERTOBEK inyeksiya uchun eritma 2ml 15mg/ml N1

Дори шакли: бўғим ичига юбориш учун эритма

Таркиби

Бир шприцда қуйидагилар сақланади:

фаол модда: натрий гиалуронати – 30 мг;

ёрдамчи моддалар: натрий хлориди, инъекция учун сув.

Сертобек молекуляр массаси 2400000 Дальтонгача бўлган, юқори даражада тозаланган гиалурон кислотасининг натрийли тузи фракциясини стерил, апироген, қовушқоқ буфер сувли эритмасидир. Препарат енгил ёки ўртача даражадаги остеоартрит ёки остеоартроз билан хасталанган пациентларда бўғим ичидаги синовиал бўшлиққа юбориш учун қовушқоқ эластик имплантат кўринишида қўлланади. Тизза бўғими ёки ҳар қандай бошқа синовиал бўғимларни даволаш учун ишлатилиши мумкин. Амалда одамнинг синовиал суюқлигига яқин ҳисобланади. Гиалурон кислотаси – экстрацеллюляр матрикснинг муҳим компоненти бўлиб, бўғим тоғайи ва синовиал суюқликнинг таркибида юқори концентрацияларда бўлади. Эндоген гиалурон кислотаси синовиал суюқликнинг қовушқоқлиги ва эластиклигини таъминлайди, шунингдек бўғим тоғайида протеогликанларни шаклланиши учун зарурдир.

Остеоартрозда синовиал суюқлик ва тоғайнинг таркибидаги гиалурон кислотасини танқислиги ва сифат жиҳатдан ўзгариши кузатилади. Гиалурон кислотасини синовиал тоғай юзасининг дегенератив ўзгаришлари ва синовиал суюқликни патологияси фонида бўғимнинг ичига юбориш бўғимнинг функционал ҳолатини яхшиланишига олиб келади.

Сертобек препарати қўлланганида даволаш бошланган вақтдан бошлаб 6 ой давомида остеоартрозни клиник кечишини яхшиланиши кузатилади, яллиғланишга қарши ва оғриқ қолдирувчи самараси кузатилади.

Бўғим ичига юборилганида гиалурон кислотасининг натрийли тузи синовиал суюқликдан 2-3 кун давомида ажратиб чиқарилади. Фармакокинетик тадқиқотлар субстанцияни синовиал мембранага тез тақсимланишини кўрсатди. Нишонланган гиалурон кислотасининг максимал концентрацияси синовиал суюқликда ва бўғим капсуласида аниқланган, камроқ концентрациялари синовиал мембрана, бўғимлар ва бўғимга келиб бириккан мушакларда аниқланган.

Синовиал суюқлик таркибидаги гиалурон кислотаси аҳамиятли метаболик ўзгаришларга учрайди. Экспериментал моделларда препаратнинг асосий метаболизми бўғим атрофидаги тўқималар ва жигарда юз беради, экскрецияси асосан буйраклар орқали амалга ошади.

Бўғим ичига юбориш учун эритма шиша шприцда. 2 мл сиғимли 1 шприц контур уяли ўрамда. 1 контур уяли ўрам игна ва қўллаш бўйича йўриқномаси билан бирга картон қутига жойланган.

Сертобек препаратини олаётган пациентларда маҳаллий симптомлар (оғриқ, қизиб кетиш ҳисси, қизариш ва шиш) пайдо бўлиши мумкин. Кўрсатилган симптомлар пайдо бўлганида бўғимнинг зўриқишини бартараф қилиш ва муз қўйиш тавсия этилади.

Якка ҳолларда препаратга нисбатан аллергик реакциялар (терини қичишиши, тошма, эшакеми) ва анафилактик реакциялар кузатилган.

Муолажа ўтказилганидан сўнг биринчи икки сутка давомида бўғимни зўриқтирмаслик тавсия этилади, айниқса узоқ вақт давомида ҳаракатланишдан сақланиш керак. Препаратни юборишдан олдин бўғим ичидан аспирацион суюқлик олганда артритнинг этиологияси бактериал эмаслигига ишонч қилиш учун тегишли текширишлар ўтказиш керак.

Автотранспортни ҳайдаш ва механизмларни бошқариш қобилиятига таъсири

Сертобек автотранспортни бошқариш, диққатни юқори жамлаш ва психомотор реакциялар тезлигини талаб этувчи бошқа потенциал ҳавфли фаолият турларини бажариш қобилиятига таъсир қилмайди.

Ҳомиладорликда ва лактация даврида қўлланиши

Клиник маълумотлар йўқлиги сабабли препаратни ҳомиладорликда ва эмизиш даврида қўллаш мумкин эмас.

Педиатрияда қўлланиши

Клиник маълумотлар йўқлиги сабабли, Сертобек препаратини болаларда қўллаш мумкин эмас.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

•       тизза, чаноқ-сон ва бошқа синовиал бўғимларни дегенератив-дистрофик ва травматик ўзгаришлари келтириб чиқарган оғриқларда ва ҳаракатлар чекланганида;

•       остеоартрозда;

•       синовиал суюқликни вақтинчалик алмаштириш ва ўрнини тўлдириш учун;

•       фаол ҳаёт кечирувчи ва шикастланган бўғимларни доимий равишда зўриқтирувчи пациентларни даволашда;

•       ортопедик жарроҳликда ёрдамчи восита сифатида қўлланади.

•       препаратнинг компонентларидан бирига юқори сезувчанликда;

•       инъекция қилинган соҳада тери қопламлари шикастланганида ёки инфекция бўлганида;

•       бўғимларни инфекцион касалликларида;

•       шикастланган бўғим томонида вена ёки лимфа томирларида стаз бўлганида;

•       қон ивиш тизими бузилганида қўллаш мумкин эмас.

Сертобек препаратини, етарли даражада тажриба йўқлиги сабабли, бўғим ичига юбориладиган бошқа дори воситалари билан бир вақтда буюриш мумкин эмас.

Тўртламчи аммоний тузларини сақлайдиган дезинфекция қилувчи воситаларни қўллаш мумкин эмас, чунки гиалурон кислотаси ушбу моддаларни мавжудлигида чўкма ҳосил қилади.

Сертобек препарати фақат бўғим ичига юбориш учун қўлланади.

Препарат асептик шароитларда фақат шифокор мутахассислар томонидан инъекция қилинади.

Тайёр шприц стерил футлярдан олинади, калпоқчаси ечилади, шундан сўнг стерил игна ўрнатилиб, бироз айлантириб қотирилади. Ичида препарат бўлган шприцга ҳавони киришидан сақланиш керак.

Битта шприцнинг ичидаги тўлдирилган эритмани (30 мг/2 мл) бўғим ичига, ҳафтада бир марта уч ҳафта давомида кетма-кет юбориш керак. Бир вақтнинг ўзида бир неча бўғимларни даволаш мумкин. Инъекция вақтида оғриқ пайдо бўлганида препаратни бўғим ичига юборишни тўхтатиш керак. Охиригача ишлатилмаган препаратни сақлаш мумкин эмас. Айнан бир бўғимда такрорий даволаш курсини фақат 6 ойдан кейин ўтказиш мумкин.

Дозани ошириб юборилиш ҳоллари кузатилмаган.

Клиник маълумотлар йўқлиги сабабли, Сертобек препаратини болаларда қўллаш мумкин эмас.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

Клиник маълумотлар йўқлиги сабабли препаратни ҳомиладорликда ва эмизиш даврида қўллаш мумкин эмас.