SIALIS 0,005 tabletkalari N14

So'rilishi

Ichga qabul qilingandan so'ng tadalafil tez so'riladi. Cmax ga o'rtacha 2 soatdan keyin erishiladi. So'rilish tezligi va darajasi ovqat qabul qilishga bog'liq emas. Preparatni qabul qilish vaqti (ertalab yoki kechqurun) so'rilish tezligi va darajasiga klinik ahamiyatga ega ta'sir ko'rsatmaydi.

Sog'lom shaxslarda tadalafil farmakokinetikasi vaqt va dozaga nisbatan chiziqli. 2,5 dan 20 mg gacha dozalar oralig'ida AUC dozaga proportsional ravishda ortadi. Plazmadagi Css ga preparat sutkada 1 marta qabul qilinganda 5 kun ichida erishiladi/

Ereksiya funktsiyasi buzilgan bemorlarda tadalafil farmakokinetikasi ereksiya funktsiyasi buzilmagan shaxslardagi preparat farmakokinetikasiga o'xshash.

Taqsimlanishi

O'rtacha Vd taxminan 63 l ni tashkil qiladi, bu tadalafilning organizm to'qimalarida taqsimlanishini ko'rsatadi. Terapevtik kontsentratsiyalarda tadalafilning 94% plazma oqsillari bilan bog'lanadi. Sog'lom shaxslarda yuborilgan dozaning 0,0005% dan kamrog'i spermada aniqlangan.

Metabolizmi

Asosan CYP3A4 izofermenti ishtirokida metabolizmga uchraydi. Asosiy aylanib yuruvchi metabolit metilkatexolglyukuronid hisoblanadi. U FDE5 ga nisbatan tadalafilga qaraganda 13 000 baravar kamroq faol. Demak, ushbu metabolitning klinik ahamiyatga ega bo'lishi dargumon.

Chiqarilishi

Sog'lom shaxslarda ichga qabul qilinganda tadalafilning o'rtacha klirensi 2,5 l/soatni, o'rtacha T1/2 esa - 17,5 soatni tashkil qiladi. Tadalafil asosan faol bo'lmagan metabolitlar ko'rinishida, asosan axlat bilan (taxminan 61%) va kamroq darajada siydik bilan (taxminan 36%) chiqariladi.

Maxsus klinik holatlarda farmakokinetikasi

Sog'lom keksa yoshdagi odamlarda (65 yosh va undan katta) tadalafilning pastroq klirensi aniqlanadi, bu 19 dan 45 yoshgacha bo'lgan sog'lom shaxslarga nisbatan AUC ning 25% ga oshishida namoyon bo'ladi. Bu farq klinik ahamiyatga ega emas va dozani tanlashni talab qilmaydi.

Buyrak yetishmovchiligi bo'lgan bemorlarda, shu jumladan gemodializdagi bemorlarda AUC sog'lom shaxslarnikiga qaraganda kattaroq. Oqsillar bilan bog'lanish buyrak funktsiyasi buzilganda o'zgarmaydi.

Yengil yoki o'rtacha og'irlikdagi jigar yetishmovchiligi bo'lgan bemorlarda tadalafil farmakokinetikasi sog'lom shaxslarniki bilan taqqoslanarli. Og'ir jigar yetishmovchiligi (Chayld-Pyu shkalasi bo'yicha C sinfi) bo'lgan bemorlarga nisbatan ma'lumotlar mavjud emas.

Qandli diabet bilan og'rigan bemorlarda tadalafil qo'llash fonida AUC sog'lom shaxslarnikiga qaraganda taxminan 19% ga kam bo'lgan. Bu farq dozani o'zgartirishni talab qilmaydi.

Eng ko'p uchraydigan: bosh og'rig'i (11%), dispepsiya (7%).

Nojo'ya ta'sirlar odatda unchalik katta bo'lmagan yoki o'rtacha darajada ifodalangan, tranzitor va preparatni qabul qilish davom ettirilganda kamayadi.

Bo'lishi mumkin: belda og'riq, mialgiya, bosh aylanishi, burun bitishi, yuzga qon oqib kelishi.

Kam hollarda: qovoqlar shishi, ko'zlarda og'riq, kon'yunktiva giperemiyasi.

Juda kam hollarda: o'ta yuqori sezuvchanlik reaksiyalari (toshmalar, eshakemi va yuz shishi, Stivens-Djonson sindromi va eksfoliativ dermatitni o'z ichiga olgan); arterial gipotenziya (antigipertenziv vositalarni qabul qilayotgan bemorlarda), gipertenziya va sinkope; qorinda og'riq va gastroezofageal reflyuks; gipergidroz (kuchli terlash); priapizm va erektsiyaning kechikishi; ko'rishning xiralashishi, ko'ruv nervining noarterial oldingi ishemik nevropatiyasi, to'r parda venalari okklyuziyasi, ko'rish maydonlarining buzilishi, migren, burun qonashi.

Yurak-qon tomir xavf omillari bo'lgan bemorlarda: miokard infarkti, to'satdan kardiogen o'lim, insult, ko'krakda og'riq, yurak urishini his qilish, taxikardiya. Biroq, bu hodisalar bevosita ushbu xavf omillari bilan, tadalafil bilan, jinsiy qo'zg'alish bilan yoki ushbu yoki boshqa omillarning kombinatsiyasi bilan bog'liqligini aniq belgilash imkonsiz.

Preparatni og'ir jigar yetishmovchiligi (Chayld-Pyu shkalasi bo'yicha C sinf) bo'lgan bemorlarga ehtiyotkorlik bilan tayinlash kerak, chunki Sialis® preparatini bemorlarning ushbu toifasida qo'llash xavfsizligi va samaradorligi bo'yicha nazoratli klinik tadqiqotlar ma'lumotlari yo'q.

Sialis® preparatini alfa1-adrenoblokatorlarni, masalan, doksazozinni qabul qilayotgan bemorlarga tayinlashda ehtiyotkorlik zarur, chunki bir vaqtda qo'llash ba'zi hollarda simptomatik arterial gipotenziyaga olib kelishi mumkin. Sog'lom ko'ngillilarda klinik farmakologiyani o'rganishda, tadalafil bir martalik dozada qabul qilinganda, tamsulozin alfa1-adrenoblokatori bir vaqtda yuborilganda simptomatik arterial gipotenziya kuzatilmagan.

Jinsiy faollik yurak-qon tomir kasalliklari bo'lgan bemorlar uchun potentsial xavfga ega. Shuning uchun erektil disfunksiyani davolashni, shu jumladan Sialis® preparatini qo'llash bilan, jinsiy faollik tavsiya etilmaydigan yurak kasalliklari bo'lgan erkaklarda o'tkazish kerak emas.

Yurak-qon tomir tizimi kasalliklari bo'lgan bemorlarda jinsiy faollikda asoratlar rivojlanishining potentsial xavfini hisobga olish kerak: oxirgi 90 kun ichidagi miokard infarkti; nostabil stenokardiya yoki jinsiy aloqa vaqtida yuzaga keladigan stenokardiya; oxirgi 6 oy ichida rivojlangan surunkali yurak yetishmovchiligi (NYHA tasnifi bo'yicha II funksional sinf va yuqori); yurak ritmining nazorat qilinmaydigan buzilishlari; arterial gipotenziya (AB 90/50 mm sim. ust. dan kam) yoki nazorat qilinmaydigan arterial gipertenziya; oxirgi 6 oy ichida o'tkazilgan insult.

Sialis® preparatini buyrak yetishmovchiligi og'ir darajada (KK 30 ml/daq dan kam) bo'lgan bemorlarda, buyrak yetishmovchiligi o'rtacha og'irlik darajasida (KK 31 dan 50 ml/daq gacha), priapizmga moyilligi bo'lgan bemorlarda (masalan, o'roqsimon hujayrali anemiya, ko'p sonli miyeloma yoki leykemiyada) yoki jinsiy olatning anatomik deformatsiyasi bo'lgan bemorlarda (masalan, angulyatsiya, kavernoz fibroz yoki Peyroni kasalligida) ehtiyotkorlik bilan qo'llash kerak.

FDE5 ingibitorlari, shu jumladan tadalfil qo'llanilganda priapizm yuzaga kelishi haqida xabarlar mavjud. Bemor 4 soat va undan ortiq davom etadigan ereksiya yuzaga kelganda darhol shifokorga murojaat qilish zarurligi haqida xabardor qilinishi kerak. Priapizmni o'z vaqtida davolamaslik jinsiy olat to'qimalarining shikastlanishiga olib keladi, buning natijasida potentsiyaning uzoq muddatli yo'qolishi yuz berishi mumkin.

Sialis® preparatining erektil disfunksiyani davolashning boshqa turlari bilan kombinatsiyasining xavfsizligi va samaradorligi o'rganilmagan. Shuning uchun bunday kombinatsiyalarni qo'llash tavsiya etilmaydi.

Boshqa FDE5 ingibitorlari kabi, tadalafil tizimli tomir kengaytiruvchi xususiyatlarga ega, bu AB ning tranzitor pasayishiga olib kelishi mumkin.

— har qanday organik nitratlar saqlovchi preparatlarni bir vaqtda qabul qilish;

— 18 yoshgacha bo'lgan shaxslarda qo'llash;

— preparat komponentlariga yuqori sezuvchanlik.

Boshqa preparatlarning tadalafilga ta'siri

Tadalafil asosan CYP3A4 fermenti ishtirokida metabolizmga uchraydi. CYP3A4 selektiv ingibitori ketokonazol 400 mg/ dozada bir marta qabul qilingan tadalafil AUC ni 312% ga, Cmax ni esa - 22% ga oshiradi, 200 mg/ dozada ketokonazol esa bir marta qabul qilingan tadalafil ta'sirini 107% ga va Cmax ni - 25% ga oshiradi, bu faqat bitta tadalafil uchun AUC va Cmax kattaliklariga nisbatan.

Ritonavir (200 mg 2), CYP3A4, 2S9, 2S19 va 2D6 ingibitori, tadalafil bir marta qabul qilinganda AUC ni Cmax o'zgarishisiz 524% ga oshiradi. Garchi o'ziga xos o'zaro ta'sirlar o'rganilmagan bo'lsa-da, boshqa OIV-proteaza ingibitorlari, masalan, sakvinavir, shuningdek eritromitsin va itrakonazol kabi CYP3A4 ingibitorlari tadalafil faolligini oshiradi deb taxmin qilish mumkin.

CYP3A4 selektiv induktori rifampin (rifampitsin, 600/mg/) tadalafil bir marta qabul qilinganda AUC ni 88% ga va Cmax ni 46% ga kamaytiradi, bu faqat bitta tadalafil uchun AUC va Cmax kattaliklariga nisbatan.