SIMALGEL suspenziya 300ml

Antatsid, o'rab oluvchi, adsorbtsiyalovchi vosita. Maksimal kislotani neytrallovchi samaraga ega, oshqozon shirasining peptik faolligini kamaytiradi va oshqozon-ichak trakti shilliq qavatini shikastlovchi ta'sirlardan himoya qiladi. Simetikon yel haydovchi vosita bo'lib, meteorizmning klinik ko'rinishlarini (og'riq, havo kekirish, qorinda dam bo'lish hissi, quldirash) bartaraf etadi.

Preparatning dori shakli uni oshqozon shilliq qavati bo'ylab bir tekis taqsimlanishi va uzoqroq ta'sir qilishi uchun sharoit yaratadi.

Buyrak yetishmovchiligi bo‘lgan bemorlarda alyuminiy, magniy intoksikatsiyasi rivojlanishi mumkin. Suyak-bo‘g‘im kasalliklari va Altsgeymer kasalligi (keksa odamlarda) zo‘rayishi mumkin. Kam hollarda me’da-ichak trakti organlari tomonidan ta’m buzilishi, ko‘ngil aynishi, qusish, diareya, qabziyat namoyon bo‘lishi mumkin.

Jigar va markaziy asab tizimi kasalliklari bo‘lgan bemorlarga; alkogolizm va epilepsiyadan aziyat chekuvchi; homilador ayollarga - ehtiyotkorlik bilan qo‘llaniladi.

Ishlatishdan oldin flakonni suspenziya bilan yaxshilab chayqatish kerak!

Simalgel va boshqa dori vositalarini birga qo‘llashda qabul qilish o‘rtasidagi interval kamida 2 soat bo‘lishi kerak. Buyrak, jigar funksiyasi buzilishi bo‘lgan bemorlarga va keksa yoshdagi bemorlarga alohida ehtiyotkorlik bilan tayinlanadi – bu holda tayinlash davolovchi shifokor nazorati ostida o‘tkaziladi.

Preparat uzoq muddat qo‘llanilganda qonda fosfor va magniy miqdorini nazorat qilish tavsiya etiladi.

Preparat komponentlariga yuqori sezuvchanlik; buyrak funksiyasining yaqqol buzilishi (buyraklar orqali ajralishining sekinlashishi sababli qon zardobida magniy va alyuminiy ionlari konsentratsiyasining oshishi xavfi tufayli); 10 yoshgacha bo‘lgan bolalar.

Simalgelni tetratsiklin qatori antibiotiklari, gistamin H2-retseptorlari blokatorlari, angishvonagul glikozidlari, temir tuzlari, siprofloksatsin, fenotiazin, izoniazid, beta-adrenoblokatorlar, indometatsin, ketokonazol va boshqalar bilan qo'llaganda oxirgilarining terapevtik samarasi kamayishi mumkin.

Ichga qabul qilish uchun suspenziya.

Kattalarga 10-15 ml dan sutkasiga 4 marta ovqatdan 30 daqiqa oldin yoki ovqatdan 1-1,5 soat keyin tayinlanadi.

Reflyuks-ezofagitda preparat ovqatdan keyin qisqa vaqt o'tgach qabul qilinadi.

Davolash kursi – 2-3 oy.

Epizodik qo'llanilganda (noto'g'ri ovqatlanishdagi noqulaylik) – bir marta 10 ml.

10 yoshdan katta bolalar uchun dozani davolovchi shifokor belgilaydi (odatda kattalar dozasining ½ qismi).