SIMALGEL ichga qabul qilish uchun suspenziya 250 ml

Mahsulotning ko'rinishi saytdagi rasmdan farq qilishi mumkin.

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

SIMALGEL ichga qabul qilish uchun suspenziya 250 ml

Kategoriya: - Kislotalikning buzilishi
Ishlab chiqarilish joyi: - Turkiya
Faol modda: Alyuminiya Gidroksid, Magniya Gidroksid, Simetikon
Ishlab chiqaruvchi: - World Medicine İlaç San. ve Tic. A.Ş.
ATX kodi: - A02AF02
Noaniqliq haqida habar berish
O'zbekiston Sog'liqni Saqlash Vazirligi tomonidan 12.03.2019 da DV/X 05893/03/19 registratsion raqami bilan ro'yxatdan o'tgan


Mahsulot haqida tafsilotlar

SIMALGEL ichga qabul qilish uchun suspenziya 250 ml qo'lanishi bo'yicha ko'rsatmalar

QO‘LLASH BO‘YICHA YO‘RIQNOMA

SIMALGEL

SIMALGEL

 

Preparatning savdo nomi: Simalgel

Dori shakli: ichga qabul qilish uchun suspenziya

Tarkibi:

5 ml suspenziyada quyidagilar saqlanadi:

faol moddalar:

alyumiy gidroksidining quruq geli       405 mg;

magniy gidroksidi                                     100 mg;

simetikon                                                    125 mg;

yordamchi moddalar: suvsiz limon kislotasi, qalampir yalpiz moyi, mannitol, natriy metilparaben, natriy propilparaben, natriy saxarinati, 70% li sorbit eritmasi, konsentrasiyalangan vodorod peroksidi, 95% li etil spirti, tozalangan suv.

Farmakoterapevtik guruhi: antasid vosita; antasid preparatlar yel haydovchi vosita bilan majmuada.

ATX kodi: A02AF02

Farmakologik hususiyatlari

Farmakodinamikasi

Simalgal – alyuminiy va magniyning optimal nisbatiga ega bo‘lgan mahalliy ta‘sir qiluvchi ko‘p komponentli, kation, so‘rilmaydigan antasid. Preparat optimal bufer samarasini chaqiradi – me‘daning rN qiymatini 3,5-4,0 atrofida tutib turadi. Me‘dadagi kislotalikni maksimal darajada neytrallaydigan samaraga ega. Simalgel pepsin va o‘t kislotalarni so‘rib oladi, shilliq hosil bo‘lishini va PgE2 sintezini kuchaytiradi, shilliq qavatni o‘rab oladi va sitoprotektiv ta‘sir ko‘rsatadi, shikastlangan to‘qimada himoya qoplamini hosil qiladi va pastki ezofagal sfinkterning tonusini kuchaytiradi. Preparat 3-5 minutdan keyin ta‘sir qiladi, samarasi 3 soatgacha davom etadi. Preparatning tarkibidagi yuzaki faol modda – simetikon fazalar orasidagi chegarada sirt tarangligini pasaytiradi, bu me‘da-ichak yo‘llari ichidagi suyuqlik va shilliqda gaz pufaklari hosil bo‘lishini qiyinlashtiradi va ularni parchalanishiga yordam beradi. Simetikon antasidlar bilan birga qo‘llanganida ularning o‘rab oluvchi samarasini kuchaytiradi va shu orqali shilliq qavatni agressiv omillarning ta‘siridan himoya qiladi.

Preparatning dori shakli me‘daning shilliq qavati bo‘ylab bir tekis taqsimlanishi va yanada uzoqroq ta‘sir ko‘rsatishi uchun sharoit yaratadi.

Farmakokinetikasi

Preparat deyarli so‘rilmaydi va organizmda elektrolitlar muvozanatini izdan chiqarmaydi. Alyuminiy gidroksidi qayta so‘rilishi juda yomon bo‘lgan, ammo me‘da-ichak yo‘llari orqali ajralib chiqadigan alyuminiy xloridi va alyuminiyning ishqoriy tuzlarini hosil qilib, me‘dada ortiqcha xlorid kislotani neytrallaydi. Bunda qon zardobidagi alyuminiy ionlarining miqdori deyarli o‘zgarmaydi. Magniy gidroksidi ham me‘adada magniy xloridiga aylanib, xlorid kislotasini neytrallaydi. Ichakda bu tuz qayta so‘rilishi yomon bo‘lgan magniy karbonatini hosil qiladi va qonda magniy ionlarining konsentrasiyasini o‘zgartirmaydi. Surunkali buyrak yetishmovchiligi bo‘lgan bemorlarda qon zardobidagi magniy va alyuminiy ionlarining darajasi ularni organizmdan chiqarilishini buzilishi natijasida toksik qiymatlargacha oshishi mumkin. Simetikon butun me‘da-ichak yo‘llari bo‘ylab ta‘sir qiladi va inert birikma hisoblanadi. U boshqa moddalarni so‘rilishiga ta‘sir qilmaydi, to‘planmaydi va to‘planishiga olib kelmaydi, MIYning rN va kimyoviy muhitini o‘zgartirmaydi va o‘zgarmagan holda chiqariladi.

Qo‘llanilishi

Ovqat hazm qilish yo‘llarining sekretor faoliyati normal bo‘lishi va oshishi, meteorizm (ichakda gazlarni hosil bo‘lishini oshishi) bilan kechuvchi kasalliklari.

Quyidagi kasalliklar:

  • me‘da va o‘n ikki barmoq ichak yara kasalligini zo‘rayish bosqichi;
  • o‘tkir gastrit, surunkali gastritni zo‘rayish bosqichi;
  • me‘da va o‘n ikki barmoq ichak eroziyasi; peptik yara; diafragmaning qizilo‘ngach teshigi churrasi;
  • reflyuks-ezofagit;
  • duodeno-gastral reflyuksda

boshqa dori vositalari bilan majmuada qo‘llanadi.

Shuningdek noto‘g‘ri ovqatlanish natijasida epigastriydagi diskomfort va og‘riq, jig‘ildon qaynashi, nordon kekirishda, alkogol, kofe va nikotin haddan tashqari ko‘p iste‘mol qilinganida ham preparatni qo‘llash mumkin.

Qo‘llash usuli va dozalari

Ichga qabul qilish uchun suspenziya.

Kattalar 10 ml dan sutkada 4 marta, ovqatdan 1 soat keyin (agar shifokor boshqacha buyurmagan bo‘lsa) qabul qiladilar.

Reflyuks-ezofagitda preparat ovqatdan keyin qisqa vaqt o‘tgach qabul qilinadi.

Davolash kursi 2-3 oy.

Vaqti-vaqti bilan qo‘llanganida (noto‘g‘ri ovqatlanish natijasidagi diskomfortda) –     10 ml 1 marta qabul qilinadi.

10 yoshdan katta bolalarda dozani davolovchi shifokor belgilaydi (odatda kattalarda qo‘llanadigan dozaning 1¤2 ni tashkil etadi).

Nojo‘ya ta‘sirlari

Buyrak yetishmovchiligi bo‘lgan bemorlarda alyuminiy, magniy intoksikasiyasi rivojlanishi mumkin. Alsgeymer kasalligi va suyak-bo‘g‘im kasalliklarini (keksa yoshdagi odamlarda) zo‘rayishi mumkin. Kam hollarda me‘da-ichak yo‘llarining a‘zolari tomonidan ta‘m bilishni buzilishi, ko‘ngil aynishi, qayd qilish, diareya va qabziyat kuzatilishi mumkin.

Qo‘llash mumkin bo‘lmagan holatlar

Simalgel preparatining komponentlariga yuqori sezuvchanlik; buyrak faoliyatini yaqqol buzilishi (qon zardobida alyuminiy va magniy ionlarining konsentrasiyasini oshish xavfi borligi tufayli, ularni buyrak orqali chiqarilishini sekinlashishi sababli); 10 yoshgacha bo‘lgan bolalarda qo‘llash mumkin emas.

Ehtiyotkorlik bilan

Markaziy nerv tizimi va jigar kasalliklari bo‘lgan, alkogolizm va tutqanoq bilan xastalangan pasientlarga; xomilador ayollarga ehtiyotkorlik bilan qo‘llanadi.

 

Dorilarning o‘zaro ta‘siri

Simalgel preparati boshqa dori vositalari: tetrasiklin qatori antibiotiklari, N2-gistamin reseptorlarining blokatorlari, angishvonagul glikozidlari, temir tuzlari, siprofloksasin, fenotiazin, izoniazid, beta-adrenoblokatorlar, indometasin va ketokonazol va boshqalar bilan bir vaqtda qo‘llanganida ularning terapevtik samarasi pasayishi mumkin.

Maxsus ko‘rsatmalar

Suspenziyani qabul qilishdan oldin flakonni yaxshilab chayqatish kerak!

Simalgel va boshqa dori vositalar birga qo‘llanganida ularni qabul qilishlar orasidagi oraliq kamida 2 soatni tashkil etishi kerak. Buyrak, jigar faoliyatini buzilishi bo‘lgan pasientlarga va keksa yoshdagi pasientlarga ehtiyotkorlik bilan buyuriladi – bunday holatlarda buyurilganida davolovchi shifokorning nazorati ostida bo‘lishi kerak.

Preparat uzoq muddat qo‘llanganida qonda fosfor va magniyning miqdorini nazorat qilish tavsiya etiladi.

Homiladorlik va laktasiya davrida, shuningdek 10 yoshgacha bo‘lgan bolalarga Simalgel preparatini buyurish tavsiya etilmaydi.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Simptomlari: kalsiy, magniy, fosfor almashinuvini buzilish belgilari (holsizlik, suyaklarda og‘riq, terini qizarishi, adekvat bo‘lmagan hatti-harakat) bo‘lishi mumkin.

Chiqarilish shakli

Ichga qabul qilish uchun suspenziya 125 ml yoki 180 ml yoki 300 ml dan flakonlarda.

1 flakon qo‘llash bo‘yicha yo‘riqnomasi va dozalash uchun qalpoqcha bilan birga karton qutiga joylangan.

Saqlash sharoiti

Yorug‘likdan himoyalangan joyda 25oS dan yuqori bo‘lmagan haroratda saqlansin.

Muzlatish mumkin emas!

Yaroqlilik muddati

3 yil.

Dorixonalardan berish tartibi

Reseptsiz.

Ulashish:

Analoglar
Kyusid tabletkalar (ananas, mango, qulupnay va banan ta'mli chaynaladigan) N100
Narx: 48 300 so'mdan Batafsil
SIMALGEL ichga qabul qilish uchun suspenziya 300 ml
Narx: 46 500 so'mdan Batafsil
KYUSID PLYUS ichga qabul qilish uchun suspenziya so vkusom ananasa, mango, klubniki, banana 30 ml N20
Narx: 15 000 so'mdan Batafsil
ALYUZID suspenziya 100 ml
KYUSID chaynaladigan tabletkalar (so vkusom banana, mango) N100
Narx: 48 300 so'mdan Batafsil
KYUSID PLYUS ichga qabul qilish uchun suspenziya so vkusom ananasa, mango, klubniki, banana 10 ml N60
KYUSID PLYUS ichga qabul qilish uchun suspenziya so vkusom ananasa, mango, klubniki, banana 5 ml N60
IZIMAG suspenziya 100 ml