SIMALGEL suspenziya 250ml

Antatsid, o'rab oluvchi, adsorbtsiyalovchi vosita. Maksimal kislotani neytrallovchi samaraga ega, oshqozon shirasining peptik faolligini kamaytiradi va oshqozon-ichak trakti shilliq qavatini shikastlovchi ta'sirlardan himoya qiladi. Simetikon yel haydovchi vosita bo'lib, meteorizmning klinik ko'rinishlarini (og'riq, havo kekirish, qorinda dam bo'lish hissi, quldirash) bartaraf etadi.

Preparatning dori shakli uni oshqozon shilliq qavati bo'ylab bir tekis taqsimlanishi va uzoqroq ta'sir qilishi uchun sharoit yaratadi.

Buyrak yetishmovchiligi bo'lgan bemorlarda alyuminiy, magniy intoksikatsiyasi rivojlanishi mumkin. Suyak-bo'g'im kasalliklari va Altsgeymer kasalligi (keksa odamlarda) zo'rayishi mumkin. Kamdan-kam hollarda me'da-ichak trakti organlari tomonidan ta'm bilishning buzilishi, ko'ngil aynishi, qusish, diareya, qabziyat namoyon bo'lishi mumkin.

Jigar va markaziy asab tizimi kasalliklari bo'lgan; alkogolizm va epilepsiyadan aziyat chekuvchi bemorlarga; homilador ayollarga - ehtiyotkorlik bilan qo'llash kerak.

Ishlatishdan oldin suspenziyali flakonni yaxshilab chayqatish kerak!

Simalgel va boshqa dori vositalari birgalikda qo'llanilganda qabul qilish orasidagi interval kamida 2 soatni tashkil qilishi kerak. Buyrak, jigar funksiyasi buzilgan bemorlarga va keksa yoshdagi bemorlarga alohida ehtiyotkorlik bilan tayinlanadi – bu holda tayinlash davolovchi shifokor nazorati ostida o'tkaziladi.

Preparat uzoq muddat qo'llanilganda qonda fosfor va magniy miqdorini nazorat qilish tavsiya etiladi.

Preparat komponentlariga yuqori sezuvchanlik; buyrak funksiyasining yaqqol buzilishi (buyraklar tomonidan ajralishi sekinlashuvi sababli qon zardobida magniy va alyuminiy ionlari konsentratsiyasi oshishi xavfi tufayli); 10 yoshgacha bo‘lgan bolalar.

Simalgel tetratsiklin qatori antibiotiklari, gistamin N2-retseptorlari blokatorlari, angishvonagul glikozidlari, temir tuzlari, siprofloksatsin, fenotiazin, izoniazid, beta-adrenoblokatorlar, indometatsin, ketokonazol va boshqalar bilan qo'llanilganda oxirgilarining terapevtik samarasi pasayishi mumkin.

Ichga qabul qilish uchun suspenziya.

Kattalarga 10-15 ml dan sutkasiga 4 marta ovqatdan 30 daqiqa oldin yoki ovqat qabul qilgandan 1-1,5 soat keyin tayinlanadi.

Reflyuks-ezofagitda preparat ovqatdan keyin qisqa vaqt o‘tgach qabul qilinadi.

Davolash kursi – 2-3 oy.

Epizodik qo‘llanilganda (noto‘g‘ri ovqatlanishdagi noqulaylik) – bir marta 10 ml.

10 yoshdan oshgan bolalar uchun dozani davolovchi shifokor belgilaydi (odatda kattalar uchun dozaning ½ qismi).