STOPDIAR kapsulalar 200mg N12

Ichga qabul qilingandan so'ng MITYdan deyarli so'rilmaydi. Ichak orqali chiqariladi: 20% - o'zgarmagan holda, nifuroksazidning qolgan miqdori – kimyoviy o'zgargan holda.

Nifuroksazid Campylobacter jejuni, Escherichia coli, Salmonella spp., Shigella spp., Clostridium perfringens, Vibrio cholerae, patogen Vibrions va Vibrio parahemolytique, Staphylococcus spp. ga nisbatan yuqori faol.

Nifuroksazidga kuchsiz sezgir: Citrobacter spp., Enterobacter cloacae va Proteus indologenes.

Nifuroksazidga rezistent: Klebsiella spp., Proteus mirabilis, Providencia spp., Pseudomonas spp.

Nifuroksazid ovqat hazm qilish traktining normal bakterial florasi tarkibiga ta'sir qilmaydi.

Nifuroksazid bakteriyalar hujayralarida degidrogenazalar faolligini va oqsil sintezini tormozlaydi deb taxmin qilinadi. Dori vositalariga chidamli shtammlar paydo bo'lishini keltirib chiqarmaydi, shuningdek boshqa antibakterial preparatlar bilan kesishgan chidamlilik kuzatilmagan, bu zarurat tug'ilganda, generalizatsiyalangan infektsiyalarda uni tizimli preparatlar bilan majmuaviy terapiyada qo'llash imkonini beradi. Virusli genezli ichak infektsiyalarida bakterial superinfektsiya rivojlanishining oldini oladi.

Nifuroksazid ta'sirining samaradorligi na ichak bo'shlig'idagi pH ga, na mikroorganizmlarning antibakterial preparatlarga sezgirligiga bog'liq emas. Preparat OIT dan deyarli so'rilmaydi, faqat ichak bo'shlig'ida ta'sir ko'rsatadi. Samara davolashning birinchi soatlaridan boshlab namoyon bo'ladi.

Allergik reaksiyalar: teri toshmalari, eshakemi, Kvinke shishi, anafilaktik shok.

Tizimli shikastlanish belgilari (umumiy holat yomonlashishi, tana harorati ko'tarilishi, intoksikatsiya yoki infeksiya simptomlari) bilan kechuvchi bakterial diareya holatida tizimli ta'sir etuvchi antibakterial preparatlarni qo'llash masalasini hal qilish uchun shifokorga murojaat qilish kerak.

Stopdiar preparatini 7 kundan ortiq qo'llamaslik kerak. Uzoq muddatli terapiya uchun ko'rsatmalar yo'q. Uzluksiz diareya 3 kundan ortiq saqlanib qolganda shifokorga murojaat qilish kerak.

Og'ir invaziv diareya holatida tizimli antibiotiklarni qo'llash tavsiya etiladi, chunki nifuroksazid OIT dan so'rilmaydi.

O'ta yuqori sezuvchanlik reaksiyalari (hansirash, yuz, lablar, til shishi, teri toshmasi, qichishish) rivojlanganda Stopdiar preparatini qabul qilishni darhol to'xtatish kerak.

Stopdiar preparati qo'llanilishi fonida parhezga rioya qilish, shu jumladan sharbatlar, xom sabzavotlar va mevalar, ziravorlar va og'ir ovqatlarni istisno qilish zarur.

O'tkir diareyani davolashda Stopdiar preparati qo'llanilishi vaqtida bemorning umumiy holatiga qarab doimiy regidratatsion terapiyani (peroral yoki v/i) o'tkazish kerak.

Nifuroksazid bilan davolash vaqtida alkogol iste'mol qilish taqiqlanadi.

Transport vositalarini va mexanizmlarni boshqarish qobiliyatiga ta'siri

Preparat transport vositalarini va mexanizmlarni boshqarish qobiliyatiga ta'sir qilmaydi.

• nifuroksazidga, nitrofuran hosilalariga yoki preparatning har qanday yordamchi moddalariga yuqori sezuvchanlik;
• homiladorlik;
• 3 yoshgacha bo‘lgan bolalar;
• fruktozani o‘zlashtira olmaslik, glyukoza-galaktoza malabsorbtsiyasi sindromi yoki saxaraza va izomaltaza yetishmovchiligi (preparat tarkibida saxaroza mavjudligi sababli).

Etanol bilan bir vaqtda qo'llanilganda disulfiramsimon reaktsiya (qorinda og'riq, ko'ngil aynishi, qusish, bosh og'rig'i, taxikardiya, ko'rishning noaniqligi, holsizlik, tirishishlar) rivojlanishi mumkin.

MAT funktsiyasini susaytiruvchi preparatlar bilan bir vaqtda qo'llash tavsiya etilmaydi.

Preparat ichga qabul qilinadi.

Kattalar va 6 yoshdan oshgan bolalarga - 1 kapsuladan (200 mg) sutkasiga 4 marta; sutkalik doza - 800 mg.

3-6 yoshdagi bolalarga - 1 kapsuladan (200 mg) sutkasiga 3 marta; sutkalik doza - 600 mg.

Agar dastlabki 3 kun ichida yaxshilanish kuzatilmasa, shifokorga murojaat qilish kerak.