STOPDIAR suspenziya 90ml 220mg/5ml

Oral qo'llanilgandan so'ng nifuroksazid MITYdan deyarli so'rilmaydi va o'zining antibakterial ta'sirini faqat ichak bo'shlig'ida ko'rsatadi. Nifuroksazid ichak orqali chiqariladi: 20% o'zgarmagan holda, nifuroksazidning qolgan miqdori esa - kimyoviy o'zgargan holda.

Nifuroksazid - mikroblarga qarshi vosita, nitrofuran hosilasi. Degidrogenazalar faolligini bloklaydi va nafas olish zanjirlarini, uch karbon kislotalar siklini va mikrob hujayrasidagi bir qator boshqa biokimyoviy jarayonlarni susaytiradi. Mikrob hujayrasi membranasini buzadi, mikroorganizmlar tomonidan toksinlar ishlab chiqarilishini kamaytiradi.

Campylobacter jejuni, Escherichia coli, Salmonella spp., Shigella spp.; Clostridium perfringens, Vibrio cholerae, patogen Vibrions va Vibrio parahaemolytique, Staphylococcus spp. ga nisbatan yuqori faol.

Nifuroksazidga kuchsiz sezgir: Citrobacter spp., Enterobacter cloacae va Proteus indologenes.

Nifuroksazidga rezistent: Klebsiella spp., Proteus mirabilis, Providencia spp., Pseudomonas spp.

Nifuroksazid ichak mikroflorasi muvozanatini buzmaydi. O'tkir bakterial diareyada ichak eubiozini tiklaydi. Enterotrop viruslar bilan infektsiyalanganda bakterial superinfektsiya rivojlanishiga to'sqinlik qiladi.

Allergik reaksiyalar: teri toshmasi, eshakemi, Kvinke shishi, anafilaktik shok.

Diareyani davolashda nifuroksazid bilan terapiya bilan bir vaqtda regidratatsion terapiya o'tkazish zarur.

3 yoshgacha bo'lgan bolalarda diareyani davolashni shifokor nazorati ostida o'tkazish tavsiya etiladi.

Tizimli shikastlanish belgilari (umumiy holat yomonlashishi, tana harorati ko'tarilishi, intoksikatsiya yoki infeksiya simptomlari) bilan kechuvchi bakterial diareya holatida tizimli ta'sir etuvchi antibakterial preparatlarni qo'llash masalasini hal qilish uchun shifokorga murojaat qilish kerak.

O'ta yuqori sezuvchanlik simptomlari (hansirash, toshma, qichishish) namoyon bo'lganda preparat qabul qilishni to'xtatish kerak.

Terapiya vaqtida alkogol iste'mol qilish taqiqlanadi.

Stopdiar preparati saxaroza saqlaydi. Fruktozani ko'tara olmaslik, glyukoza-galaktoza malabsorbsiyasi yoki saharaza va izomaltaza yetishmovchiligi kabi kam uchraydigan irsiy buzilishlari bo'lgan bemorlar ushbu preparatni qabul qilmasliklari kerak.

Metilparagidroksibenzoat saqlashi munosabati bilan Stopdiar preparati allergik reaksiyalarni (ehtimol, kechiktirilgan) chaqirishi mumkin.

1 kichik o'lchov qoshig'i suspenziyada 0,09 NB, 1 katta o'lchov qoshig'i suspenziyada 0,18 NB mavjud.

1 oylikdan 3 yoshgacha bo'lgan bolalar uchun suspenziyaning sutkalik dozasi 0,27 NB ni saqlaydi. 3 yoshdan 6 yoshgacha bo'lgan bolalar uchun suspenziyaning sutkalik dozasi 0,54 NB ni saqlaydi. 6 yoshdan 18 yoshgacha bo'lgan bolalar uchun suspenziyaning maksimal sutkalik dozasi 0,72 NB ni saqlaydi.

Kattalar uchun suspenziyaning sutkalik dozasi 0,72 NB ni saqlaydi.

Transport vositalarini va mexanizmlarni boshqarish qobiliyatiga ta'siri

Preparat transport vositalarini va mexanizmlarni boshqarish qobiliyatiga ta'sir qilmaydi.

• nifuroksazidga, nitrofuran hosilalariga yoki preparatning har qanday yordamchi moddalariga yuqori sezuvchanlik;
• fruktozani o‘zlashtira olmaslik, glyukoza-galaktoza malabsorbtsiyasi sindromi yoki saxaraza va izomaltaza yetishmovchiligi;
• homiladorlik;
• 1 oygacha bo‘lgan yangi tug‘ilganlik davri;
• chala tug‘ilganlik.

Disulfiramsimon reaktsiyalar rivojlanishini keltirib chiqaruvchi preparatlar, MAT funktsiyasini susaytiruvchi dori preparatlari bilan bir vaqtda qo'llash tavsiya etilmaydi.

Agar bemor boshqa dori preparatlarini (shu jumladan retseptsiz) qabul qilayotgan bo'lsa, Stopdiar preparatini qo'llashdan oldin shifokor bilan maslahatlashish kerak.

Preparat ichga qo‘llaniladi.

Preparatni qabul qilishdan oldin suspenziya bir xil bo‘lishi uchun flakonni bir necha marta silkitish kerak. Preparatni suv bilan ichish mumkin.

1 oylikdan 6 oylikkacha bo‘lgan bolalar: >110 mg (1 kichik o‘lchov qoshig‘i suspenziya) sutkasiga 2-3 marta (qabullar orasidagi interval 8-12 soat).

6 oylikdan 3 yoshgacha bo‘lgan bolalar:>110 mg (1 kichik o‘lchov qoshig‘i suspenziya) sutkasiga 3 marta (qabullar orasidagi interval 8 soat).

3 dan 6 yoshgacha bo‘lgan bolalar: >220 mg (1 katta o‘lchov qoshig‘i suspenziya) sutkasiga 3 marta (qabullar orasidagi interval 8 soat).

6 dan 18 yoshgacha bo‘lgan bolalar:>220 mg (1 katta o‘lchov qoshig‘i suspenziya) sutkasiga 3-4 marta (qabullar orasidagi interval 6-8 soat).

Kattalar: >220 mg (1 katta o‘lchov qoshig‘i suspenziya) sutkasiga 4 marta (qabullar orasidagi interval 6 soat).

Stopdiar preparatini 5-7 kun, lekin 7 kundan ko‘p bo‘lmagan muddatda qo‘llash kerak. Agar qabul qilishning dastlabki 3 kunida yaxshilanish kuzatilmasa, shifokorga murojaat qilish kerak.

Preparatni faqat yo‘riqnomada ko‘rsatilgan qo‘llash usuli va dozalarga muvofiq qo‘llash kerak. Zarurat bo‘lganda preparatni qo‘llashdan oldin shifokor bilan maslahatlashish kerak.