Stopdiar

-Nifuroksazid va nitrofuran hosilalariga yoki har qanday yordamchi moddalarga yuqori sezuvchanlik.

-7 yoshgacha bo'lgan bolalarda (dori vositasi shaklining o'ziga xos xususiyatlari tufayli) qo'llash mumkin emas.

Har bir plyonka qobiq bilan qoplangan tabletka quyidagilarni saqlaydi:

faol modda: nifuroksazid – 100 mg; 

yordamchi moddalar: suvsiz kolloid kremniy dioksidi, kartoshka kraxmali, jelatin, talk, magniy stearati;

qobiq tarkibi: gipromelloza, titan dioksidi (E171), talk, polietilenglikol, xinolin sarig'i (E104).

Nifuroksazid 5-nitrofuranning hosilasidir. Ichak ichida, Staphylococcus turidagi ayrim grammusbat bakteriyalar va grammanfiy bakteriyalar oilasining Enterobacteriaceae turkumidagi Yersinia spp, Escherichia spp., Citrobacter spp., Enterobacter spp., Klebsiella spp., Salmonella spp. kabi turlariga qarshi mahalliy antibakterial ta'sir ko'rsatadi. 

Nifuroksazid Proteus vulgaris, Proteus mirabilis hamda Pseudomonas aeruginosa kabi bakteriya turlariga qarshi antibakterial faollik namoyon qilmaydi.

Nifuroksazid saprofit ichak florasini buzmaydi. Unga chidamli beruvchi shtammlar paydo bo'lishini keltirib chiqarmaydi. Aniq ta'sir mexanizmi noma'lum. Nifuroksazid ehtimol degidrogenaz faolligini bostirishi va bakterial hujayralarda oqsil sintezini buzishi mumkin. Uning samaradorligi ichak ichining pH bog'liq emas.

Nifuroksazid peroral qabul qilinganidan so'ng, me'da-ichak yo'llari orqali deyarli so'rilmaydi. O'zgarmagan ko'rinishda axlat bilan chiqariladi.

Dozalash tartibi

Kattalar va 7 yoshdan oshgan bolalar:

2 tabletkadan sutkada 4 marta har 6 soatda qabul qilish buyuriladi.

Qo'llash usuli

Stopdiar preparati tabletkalari ichga qabul qilish uchun mo'ljallangan.

Tabletkani chaynamasdan va maydalamasdan oz miqdordagi suv bilan butunligicha yutib yuborish kerak.

Plyonka qobiq bilan qoplangan Stopdiar tabletkalarini 3 kun davomida qabul qilish kerak. 

Agar shundan so'ng, simptomlar bartaraf etilmasa, shifokorga murojaat qilish kerak.

O'tkir diareyani davolash doimiy peroral regidratasiyani o'z ichiga oladi. Og'ir va uzoq davom etgan diareya, kuchli qusish va anoreksiya bo'lsa, tomir ichiga regidratasiya terapiyasi zarurligini baholash kerak.

Nifuroksazidning dozani oshirib yuborilishi simptomlari haqida aniq ma'lumotlar yo'q. 2 – yoshli bolada preparatning noma'lum miqdorini qabul qilgan nifuroksazidni og'iz orqali qabul qilish bilan dozani oshirib yuborish holatlari qayd etilgan. Unda uyquchanlik va diareya paydo bo'ldi, keyin u o'tib ketdi. Agar nifuroksazidning dozani oshirib yuborilishiga shubha qilingan bo'lsa, pasientni diqqat bilan kuzatib borish va simptomatik va ushlab turuvchi davolashni buyurish kerak.

Maxsus ogohlantirishlar va ehtiyot choralari

-Nifuroksazidni shifokor nazoratisiz 3 kundan ortiq ishlatmaslik kerak. Uzoq muddatli terapiya uchun ko'rsatmalar yo'q. Davolanishga qaramay, doimiy diareya 

3 kundan ortiq davom etsa, to'g'ri tashxis qo'yish va simptomlarning sababini aniqlash va antibiotik terapiyasi zarurligini baholash kerak.

-Og'ir invaziv diareya bo'lsa, tizimli antibiotiklardan foydalanish tavsiya etiladi, chunki nifuroksazid me'da-ichak traktidan so'rilmaydi.

-Yuqori sezuvchanlik reaktsiyalari (nafas qisilishi, yuz, lablar, tilning shishishi, teri toshmasi, qichishish) rivojlanishi bilan siz darhol preparatni qabul qilishni to'xtatishingiz kerak.

-O'tkir diareyani davolash doimiy peroral regidratasiya terapiyasini o'z ichiga oladi; diareya tufayli suyuqlik yuqotilishini qoplash uchun ko'p miqdorda suyuq, shirin va shakarsiz ichimliklar tavsiya etiladi (kattalar uchun o'rtacha kunlik suyuqlik iste'moli 2 litr). Og'ir va uzoq davom etgan diareya, kuchli qusish va anoreksiya bo'lsa, tomir ichiga regidratasiya terapiyasi zarurligini baholash kerak.

-Nifuroksazid bilan davolash paytida pasientlar spirtli ichimliklarni iste'mol qilmasliklari kerak.

-Diareya davrida siz ovqatdan bosh tortmasligingiz kerak, ba'zi oziq-ovqatlar, xususan, xom meva va sabzavotlar, og'ir va achchiq ovqatlar, shuningdek, muzlatilgan ovqatlar va sovuq ichimliklar bundan mustasno. Dimlangan go'sht va guruchni iste'mol qilish tavsiya etiladi.

Nifuroksazid bilan davolashda, preparatning yaqqol so'rilishi xususiyatlari sababli, boshqa peroral vositalar bilan bir vaqtda qabul qilishdan saqlanish kerak. 

Nifuroksazid bilan davolanish davrida alkogol iste'mol qilish disulfiramsimon reaktsiyalarni chaqirishi mumkin (diareyani zo'rayishi, qusish, holsizlik, qorinda og'riq, ko'p terlash, yuz va tananing yuqori qismida issiqlik hissi, boshdagi shovqin, nafas qisilishi, o'pkaning giperventilyasiyasi, arterial gipotenziya, taxikardiya qo'rquv hissi, ongni chalkashishi).

QO‘LLASH BO‘YICHA YO‘RIQNOMA

STOPDIAR

STOPDIAR

Preparatning savdo nomi: Stopdiar

Ta‘sir qiluvchi modda (XPN): nifuroksazid (nifuroxazide)

Dori shakli: plyonka qobiq bilan qoplangan tabletkalar.

Tarkibi:

Har bir tabletka quyidagilarni saqlaydi:

Faol modda: nifuroksazid – 100 mg;

Yordamchi moddalar: suvsiz kolloid kremniy dioksidi, kartoshka kraxmali, jelatin, talk, magniy stearati;

Qobiq tarkibi: gipromelloza, titan dioksidi (Ye171), talk, polietilenglikol, xinolin sarig‘i (Ye104).

Ta‘rifi: plyonka qobiq bilan qoplangan, dumaloq, ikki tomonlama qavariq, sariq rangli, diametri taxminan 9 mm bo‘lgan tabletkalar.

Farmakoterapevtik guruhi: Ichak infeksiyalarini davolash uchun diareyaga qarshi, yallig‘lanishga qarshi, mikroblarga qarshi vosita.

Farmakologik xususiyatlari

Nifuroksazid – ichak antiseptigi, 5-nitrofuran hosilasi, grammusbat (Staphylococcus oilasi) va grammanfiy (Enterobacteriaceae oilasi: Escherichia, Citobacter, Enterobacter, Klebsiella, Salmonella, Shigella, Proteus, Yersinia) bakteriyalarga nisbatan mahalliy antibakterial ta‘sirga ega.

Pseudomonas turi va Proteus inconstans, Providentia alcalifaciens turi bakteriyalarining A kichik guruhi shtammlariga nisbatan faol emas.

Ovqat hazm qilish yo‘llaridagi normal bakterial mikrofloraning muvozanatini (disbakterioz chaqirmaydi) buzmaydi, dori vositasiga chidamli mikrob shakllarini rivojlanishiga olib kelmaydi. Preparatning samaradorligi ichak bo‘shlig‘idagi rN muhitiga va bakteriyalarni antibiotiklarga sezuvchanligiga bog‘liq emas. Nifuroksazid mikroorganizmlar tomonidan toksinlar ishlab chiqarilishini kamaytiradi.

Nifuroksazid ichga qabul qilinganidan keyin, ovqat hazm qilish yo‘llaridan deyarli so‘rilmaydi, ichakda ta‘sir qiluvchi moddaning yuqori konsentrasiyasini hosil qilib, tez davolovchi samarani namoyon qiladi. Organizmga umumiy ta‘sir ko‘rsatmaydi, qonning klinik va biokimyoviy ko‘rsatkichlariga ham ta‘sir qilmaydi. Ichak orqali chiqariladi.

Qo‘llanilishi

Stopdiar preparati quyidagilarni davolashda qo‘llanadi:

• kelib chiqishi bakterial bo‘lgan o‘tkir va surunkali diareya;
• diareya bilan kechuvchi boshqa kasalliklar.

Qo‘llash usuli va dozalari

Stopdiar preparatining tabletkalari ichga qabul qilish uchun mo‘ljallangan.

Kattalarga va 6 yoshdan oshgan bolalarga sutkada 2 tabletkadan 4 marta buyuriladi. Preparatni ovqat qabul qilishdan qat‘iy nazar teng vaqt oralig‘ida (har 6 soatda) qabul qilinadi.

Tabletka butunligicha, chaynamasdan va maydalamasdan, ko‘p bo‘lmagan miqdordagi suv bilan yutiladi. Stopdiar plyonka qobiq bilan qoplangan tabletkalari o‘tkir diareyani davolash uchun 3 kun davomida qabul qilish tavsiya qilinadi. Agar bundan keyin simptomlar yo‘q bo‘lmasa, shifokorga murojaat qilish lozim. Diareya bilan kechuvchi boshqa kasalliklarni davolash kursi ko‘pi bilan 7 kunni tashkil qiladi.

6 yoshgacha bo‘lgan bolalarga preparatni suspenziya shaklida buyurish tavsiya qilinadi.

Nojo‘ya ta‘sirlari

Qon yaratuvchi va limfatik tizim tomonidan:

Granulositopeniyaning bir holati ta‘riflangan.

Me‘da-ichak yo‘llari tomonidan:

Nifuroksazidga shaxsiy yuqori sezuvchanlik holatlarida qorinda og‘riq, ko‘ngil aynishi va diareyani zo‘rayishi paydo bo‘lishi mumkin. Sust jadallikka ega bunday simptomlarni paydo bo‘lishida maxsus davolashni qo‘llash yoki nifuroksazidni qo‘llashni to‘xtatish zarurati yo‘q. Yuqorida sanab o‘tilgan kuchli jadallikka ega simptomlar rivojlanganda dorini qabul qilishni to‘xtatish lozim. Keyinchalik bemor nitrofuran hosilalarini qabul qilmasligi kerak.

Teri va teri osti kletchatkasi tomonidan:

Terida toshmalar ko‘rinishida teri reaksiyalari kam (≥1/10000 dan <1/1000 gacha) paydo bo‘lishi mumkin. Keksa yoshdagi shaxsda pustulyozning bir holati va nifuroksazidga kontakt allergiya natijasida tugunli qichitmaning bir holati ta‘riflangan.

Nifuroksazid odatda yaxshi o‘zlashtiriladi, nojo‘ya ta‘sirlarni deyarli namoyon qilmaydi.

Har qanday noxush samaralar rivojlanish hollarda davolovchi shifokorga murojaat qilish kerak!

Qo‘llash mumkin bo‘lmagan holatlar

Nifuroksazidni uning komponentlaridan birontasiga yuqori sezuvchanlikda, shuningdek 5-nitrofuran hosilalariga allergiyada qo‘llash mumkin emas.

Yangi tug‘ilgan chaqaloqlarda (2 oylikkacha bo‘lgan chaqaloqlarda) qo‘llash mumkin emas.

Qo‘llashdagi ehtiyotkorlik

Nifuroksazid bilan davolanish vaqtida alkogolli ichimliklarni iste‘mol qilish mumkin emas, chunki alkogol organizmni preparatga bo‘lgan sezuvchanligini oshiradi va diareyani kuchayishi, qusish, qorinda og‘riq, teri giperemiyasi, yuzda va tananing yuqori qismida issiqlik hissi, boshda shovqin, nafasni qiyinlashishi, taxikardiya, qo‘rquv hissi bilan namoyon bo‘luvchi reaksiyalarni qo‘zg‘atishi mumkin.

Hansirash, terida toshmalar, qichishish kabi o‘ta yuqori sezuvchanlik reaksiyalari namoyon bo‘lganida preparat qo‘llashni to‘xtatish kerak.

Dorilarning o‘zaro ta‘siri

Nifuroksazid bilan davolashda preparatning kuchli adsorbsion xususiyatlari sababli, peroral vositalarni bir vaqtda qabul qilishdan saqlanish lozim. Nifuroksazid qon aylanish tizimiga tushmasligi sababli, tizimli preparatlar bilan o‘zaro ta‘sirining ehtimoli kam va hozircha ma‘lum emas.

Maxsus ko‘rsatmalar

Davolashni boshlashdan avval shifokor bilan maslahatlashing.

Preparat bilan davolanish davrida suvsizlanish simptomlari paydo bo‘lsa, bemorning klinik holatiga qarab, regidratasion davolashni o‘tkazish (kattalarga – sutkada taxminan 2 litr suyuqlik) lozim.

Nifuroksazidni sharbatlar, xom sabzavot va mevalar, achchiq va hazm qilinishi qiyin bo‘lgan ovqatlarni inkor qilingan qat‘iy parhezga rioya qilib qo‘llash kerak.

Preparatni homiladorlik va laktasiya davrida qo‘llanishi

Nifuroksazidni homiladorlik davrida qo‘llanishi:

Nifuroksazidni homiladorlik davrida qo‘llanishiga oid klinik ma‘lumotlar mavjud emas.

Hayvonlarda o‘tkazilgan tadqiqotlar homiladorlikni kechishi, embrion va homilani rivojlanishiga, tug‘ruqni kechishiga yoki tug‘ruqdan keyin bolaning rivojlanishiga na bevosita, na bilvosita ta‘sir ko‘rsatmaydi.

Nifuroksazidni homilador ayollarga buyurishda ehtiyotkorlikka rioya qilish kerak.

Nifuroksazidni emizish davrida qo‘llanishi:

Nifuroksazid me‘da-ichak yo‘llarida so‘rilmaydi. Shunga qaramasdan, yetarli klinik ma‘lumotlar yo‘qligi sababli emizikli ayollarga nifuroksazidni buyurishda ehtiyotkorlikka rioya qilish kerak.

Preparatni psixomotor reaksiyalarga ta‘siri

Nifuroksazid ruxiy-jismoniy ish qobiliyatni, mexanik harakatlanish vositalarini boshqarish va harakatlanuvchi mexanik qurilmalarga xizmat ko‘rsatish qobiliyatini susayishini chaqirmaydi.

Shifokor maslahatisiz preparatni belgilangan muddatdan uzoq qo‘llamang!

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Dozani oshirib yuborish simptomlari ma‘lum emas. Dozani oshirib yuborish hollarida me‘dani yuvish va simptomatik davolash tavsiya qilinadi.

Chiqarilish shakli

24 plyonka qobiq bilan qoplangan tabletkalar alyumin folga va PVX-plyonkali blisterda. 1 blisterdan qo‘llash bo‘yicha yo‘riqnomasi bilan karton qutida.

Saqlash sharoiti

+15^oS dan +30^oS gacha bo‘lgan haroratda saqlansin.

Yaroqlilik muddati

4 yil.

Dorixonalardan berish tartibi

Shifokor reseptisiz.

24 plyonka qobiq bilan koplangan tabletkadan alyumin folga va PVX-plyonkali blisterda.1 blisterdan tibbiyotda qo'llanilishiga doir bo'yicha yo'riqnomasi bilan birga karton qutida.

Immun tizimi tomonidan buzilishlar:
Chastotasi aniqlanmagan (mavjud ma'lumotlarga asoslanib chastotani aniqlash mumkin emas): allergik reaktsiyalar, xususan, teri toshmasi, eshakemi, angionevrotik shishi, anafilaktik shok.
Qon hosil qiluvchi va limfa tizimlari tomonidan: 
Bitta granulositopeniya holati aniqlangan.  
Me'da-ichak yo'llari tomonidan: 
Ayrim hollarda, nifuroksazidga nisbatan individual o'ta yuqori sezuvchanlik holatlarida qorinda og'riq, ko'ngil aynishi va diareyaning zo'rayishi paydo bo'lishi mumkin. Tavsiflangan simptomlarning yaqqolligi sezilarsiz bo'lsa, nifuroksazid qabul qilishni to'xtatish yoki maxsus muolajani qo'llashga hojat yo'q. Yuqoridagi simptomlarning jadalligi sezilarli darajada kuchayishi kuzatilsa, dori vositasini qabul qilish to'xtatish lozim.  Bemor, keyinchalik nitrofuran hosilalarini qabul qilmasligi tavsiya etiladi.   
Teri va teri osti to'qimalari tomonidan:
Teri toshmalari ko'rinishidagi teri reaktsiyalari kam hollarda kuzatiladi (1/10000 dan <1/1000 gacha). Nifuroksazidga nisbatan kontakt allergiya natijasida keksa yoshdagi odamda bitta pustulyoz va bitta tugunchali qichima holatlari aniqlangan. 
Hansirash, yuz, til, lablarning shishishi, teri toshmalari, qichishish kabi yuqori sezuvchanlik reaktsiyalari paydo bo'lganida preparat qo'llanishini darhol to'xtatish kerak.
Har qanday nojo'ya reaktsiyalar paydo bo'lgan holatlarda shifokorga murojaat qilish zarur!

Staphylococcus spp., Salmonella spp., Escherichia coli kabi sezgir shtammlar chaqirgan, bakterial kelib chiqishga ega, invaziv alomatlarisiz (masalan, umumiy ahvolning yomonlashishi, isitma ko'tarilishi, infektsiyali zaharlanish va boshqalar bilan) kechuvchi o'tkir diareyani davolash uchun qo'llaniladi.

Regidratasiya dozasi va usuli (peroral yoki vena ichiga) diareyaning og'irligi, pasientning yoshi, ahvoli, yondosh kasalliklarning mavjudligiga qarab aniqlanadi.

plyonka qobiq bilan qoplangan, dumaloq shaklli, ikki tomonlama qavariq, sariq rangli, diametri taxminan 9 mm bo'lgan tabletkalar.