TARDIFERON tabletkalari 80mg N30

Preparat qabul qilingandan so'ng temirning so'rilishi asosan o'n ikki barmoqli ichakda va och ichakning proksimal bo'limida sodir bo'ladi. Qon plazmasida temir ionlarining C_max siga preparat qabul qilingandan 7 soat o'tgach erishiladi va sutka davomida yuqori bo'lib qoladi. O'rtacha qabul qilingan dozaning 10-20% i so'riladi. Organizmda temir zaxiralari kamayganda so'rilish ortadi.

Temirning plazma oqsillari bilan bog'lanishi - 90% va undan yuqori. Fagotsitlovchi makrofaglar tizimi hujayralarida ferritin yoki gemosiderin ko'rinishida, oz miqdori - mushaklarda mioglobin ko'rinishida to'planadi. Temir axlat, siydik va ter bilan chiqariladi.

Antianemik preparat, ta'siri uning tarkibiga kiruvchi komponentlar xususiyatlari bilan belgilanadi.

Temir sulfati - gemoglobin sintezi uchun zarur bo'lgan mikroelement, temir tuzi. Temir gemoglobin, mioglobin va bir qator fermentlar tarkibiga kiradi. Temir tuzlar ko'rinishida qo'llanilganda organizmda uning tanqisligi tezda to'ldiriladi, bu anemiyaning klinik (holsizlik, charchoq, bosh aylanishi, taxikardiya, og'riqlilik va teri quruqligi) va laboratoriya belgilarining bosqichma-bosqich regressiyasiga olib keladi.

Mukoproteoza preparatning yaxshi o'zlashtirilishini ta'minlaydi va biokiraolishligini hamda preparatdan ikki valentli temirning (Fe²⁺) asta-sekin ajralib chiqishini oshiradi.

Askorbin kislotasi temir so'rilishini yaxshilashga yordam beradi.

Tabletkalarning maxsus neytral qobig'i faol komponentlarning asosan ingichka ichakning distal qismida so'rilishini ta'minlaydi. Oshqozon shilliq qavatiga mahalliy ta'sirlovchi ta'sirning yo'qligi preparatning OIT tomonidan yaxshi o'zlashtirilishiga yordam beradi.

Ovqat hazm qilish tizimi tomonidan: kamdan-kam - qorinda og'riqlar, ko'ngil aynishi, qusish, diareya, qabziyat.

Alohida holatlarda teri allergik reaksiyalari bo'lishi mumkin.

Terapiyani boshlashdan oldin qon zardobida temir va ferritin miqdorini aniqlash zarur.

Preparatni qabul qilish davrida kofe, sut, sabzavotlar, donli mahsulotlar temir so‘rilishini kamaytirishini hisobga olish kerak.

Preparatni qabul qilish davrida axlatning to‘q rangga bo‘yalishi kuzatilishi mumkin, bu so‘rilmagan temirning chiqarilishi bilan bog‘liq va klinik ahamiyatga ega emas, shuningdek soxta musbat benzidin sinamasi bo‘lishi mumkin.

Preparat tarkibida saxaroza mavjudligi sababli, fruktozani o‘zlashtira olmaslik, glyukoza va galaktoza so‘rilishi buzilishi sindromi yoki invertaza/izomaltaza yetishmovchiligi sindromi (kamdan-kam uchraydigan almashinuv buzilishlari) bo‘lgan shaxslarga uni qo‘llash mumkin emas.

• temir tanqisligi bilan bog‘liq bo‘lmagan anemiyalar (aplastik va gemolitik anemiyalar, talassemiya, V vitamini izolyatsiyalangan tanqisligi bilan bog‘liq megaloblast anemiya_);
• organizmda temir miqdorining oshishi (gemosideroz, gemoxromatoz);
• temir utilizatsiyasi mexanizmlarining buzilishi (sideroaxrestik anemiya, qo‘rg‘oshin bilan zaharlanish oqibatidagi anemiya);
• qizilo‘ngach stenozi, ichak tutilishi va/yoki MITY ning obstruktiv o‘zgarishlari, MITY dan o‘tkir qon ketishlar;
• fruktozani o‘zlashtira olmaslik, glyukoza va galaktoza so‘rilishining buzilishi sindromi, invertaza/izomaltaza yetishmovchiligi sindromi;
• bolalar yoshi (6 yoshgacha);
• preparat komponentlariga yuqori sezuvchanlik.

Ichakning yallig‘lanish kasalliklarida, alkogolizmda, jigar yoki buyrak yetishmovchiligida, oshqozon va o‘n ikki barmoqli ichak yara kasalligida preparatni ehtiyotkorlik bilan qabul qilish kerak.

Temir so'rilishini kamaytiradi:

— alyuminiy, kalsiy, magniy tuzlari, kalsiy preparatlari, etidron kislotasi saqlovchi antatsid dori vositalari, me'da shirasi kislotaliligini kamaytiruvchi dori vositalari (shu jumladan simetidin);

— karbonatlar, gidrokarbonatlar, fosfatlar, oksalatlar saqlovchi dori vositalari;

— pankreatin, pankreolipaza.

Birga qo'llanilganda o'zaro so'rilishni kamaytiradi:

— tetratsiklinlar, D-penitsillamin, choy, tuxum sarig'i.

Agar yuqorida sanab o'tilgan preparatlar yoki oziq-ovqat mahsulotlari bilan kombinatsiyalash zarur bo'lsa, temir preparatlarini ular iste'mol qilinishidan 1 soat oldin yoki 2 soat keyin qabul qilish kerak.

So'riluvchanlikni oshiradi:

— askorbin kislotasi, etanol (shu jumladan toksik asoratlar yuzaga kelishi xavfini oshiradi).

Temir preparati katta dozalarda ruxning so'rilishini kamaytiradi.

Dozani oshirib yuborishning oldini olish maqsadida boshqa temir preparatlari, shu jumladan parenteral qo'llash uchun preparatlar bilan birga buyurish mumkin emas.

Kattalar va 6 yoshdan katta bolalar: tabletkalar ichga qabul qilinadi (chaynamasdan). Preparatni suv bilan, ovqatdan oldin yoki ovqat vaqtida qabul qilish maqsadga muvofiqdir. Davolash maqsadida qo'llash: 6 yoshdan katta bolalar - 1 tab./sut, 10 yoshdan katta bolalar va kattalar - 1-2 tab./sut.

Profilaktika maqsadida qo'llash: homilador ayollar - 1 tab./sut yoki kun ora homiladorlikning oxirgi ikki trimestri davomida (yoki 4-oyidan boshlab).

Qabul qilish davomiyligi

Katta yoshli bemorlar preparatni anemiyani tuzatish va organizmda temir zaxirasini tiklashni ta'minlovchi davr mobaynida qabul qilishlari kerak. Ayollar uchun doza 600 mg, erkaklar uchun - 1200 mg ni tashkil qiladi.

Temir tanqisligi anemiyasida qabul qilish davomiyligi temir zaxirasining tugash darajasiga qarab 3 oydan 6 oygachani tashkil qiladi: zarurat bo'lganda, anemiyani adekvat nazorati yo'qligida, preparatni qabul qilish davomiyligini oshirish zarur.