TERAFLEKS kapsulalar N120

Ovqat hazm qilish trakti tomonidan: kamdan-kam hollarda dispepsiya, biroz ko'ngil aynishi hissi, epigastral sohada og'riq, diareya, qabziyat, ichak dam bo'lishi kuzatiladi.
Immun tizimi tomonidan: kamdan-kam hollarda – allergik reaksiyalar, shu jumladan giperemiya va teri toshmasi, qichishish, eshakemi, angionevrotik shish.
Teri va uning tuzilmalari tomonidan: soch to'kilishi.
Asab tizimi va sezgi organlari tomonidan: bosh og'rig'i, umumiy holsizlik, uyquchanlik, ko'rishning buzilishi.
Barcha sanab o'tilgan simptomlar preparat bekor qilingandan so'ng o'tib ketadi. 
Nojo'ya ta'sirlar paydo bo'lganda bu haqda davolovchi shifokorga xabar bering. Bu barcha mumkin bo'lgan nojo'ya ta'sirlarga, shu jumladan ushbu ilova-varaqada tasvirlanmaganlariga ham tegishli.

15 yoshgacha bo'lgan bolalar, preparatning har qanday tarkibiy qismiga yuqori individual sezuvchanlik (allergik reaksiyalar), fenilketonuriya, homiladorlik, emizish davri, og'ir surunkali buyrak yetishmovchiligi.

Agar hozirgi vaqtda yoki yaqin o'tmishda siz boshqa dori vositalarini qabul qilgan bo'lsangiz, bu haqda shifokorga xabar bering.

Preparat tetratsiklinlar o'zlashtirilishini yaxshilaydi va penitsillinlar va xloramfenikol ta'sirini kamaytiradi. Terafleks antiagregantlar, fibrinolitiklar, shuningdek kumarin antikoagulyantlari (masalan, varfarin) ta'sirini kuchaytiradi, bu XNN (xalqaro normallashgan nisbat) qiymatlari oshishini keltirib chiqarishi va qon ketishlarga olib kelishi mumkin. Terafleks qabul qilish fonida nosteroid yallig'lanishga qarshi vositalarga bo'lgan ehtiyoj kamayadi.

Ichga. Kattalar va 15 yoshdan oshgan bolalarga dastlabki uch hafta davomida kuniga 3 marta 1 kapsuladan; keyingi kunlarda – kuniga 2 marta 1 kapsuladan, ovqatlanishdan qat'i nazar, oz miqdordagi suv bilan buyuriladi. Tavsiya etilgan davolash kursi davomiyligi 3 oydan 6 oygacha. Zarurat bo'lganda takroriy davolash kurslarini o'tkazish mumkin, ularning davomiyligi individual ravishda belgilanadi.