TERAFLEKS ADVANS kapsulalar N60

Glukozamin sulfati. Oshqozon-ichak traktida so'rilishi 90%, biokiraolishligi 26%, yarim chiqarilish davri 70 soat. Ichga qabul qilingandan so'ng preparat tomirdan tashqari suyuqliklarda, shu jumladan sinovial suyuqlikda tez taqsimlanadi. Glukozaminning oqsillar bilan bog'lanishi noma'lum. Metabolizmga uchramaydigan yoki plazma oqsillari bilan bog'lanmaydigan glukozamin fraktsiyasi asosan siydik va axlat bilan chiqariladi.
Xondroitin sulfati. Farmakokinetikasi tavsiflanmagan.
Ibuprofen. Ichga qabul qilinganda ibuprofen qisman oshqozonda, keyin esa to'liq - allaqachon ingichka ichakda so'riladi. Jigarda metabolik o'zgarishlardan so'ng (gidroksillanish va karboksillanish) farmakologik nofaol metabolitlar to'liq, asosan siydik bilan (90%), shuningdek safro bilan chiqariladi. Jigar va buyrak kasalliklari bilan og'rigan sog'lom va kasal bemorlarda yarim chiqarilish davri 1,8-3,5 soatni, plazma oqsillari bilan bog'lanishi – taxminan 99% ni tashkil qiladi. Oral qabul qilinganda plazmadagi maksimal kontsentratsiyaga 1-2 soatdan keyin erishiladi.
Buyrak funktsiyasi buzilishi
Xabar qilinishicha, yengil darajadagi buyrak funktsiyasi buzilishi bo'lgan bemorlarda bog'lanmagan (S)-ibuprofen darajasi, (S)-ibuprofen AUC va enantiomerlar AUC nisbati (S/R) sog'lom ko'ngillilarga qaraganda yuqori.
Buyrak kasalligining terminal bosqichi bo'lgan, gemodializdagi bemorlarda ibuprofenning erkin fraktsiyasining o'rtacha qiymati taxminan 3% ni, sog'lom ko'ngillilarda esa – taxminan 1% ni tashkil etdi. Og'ir buyrak funktsiyasi buzilishi ibuprofen metabolitlarining to'planishiga olib kelishi mumkin. Ushbu ta'sirning ahamiyati noma'lum. Metabolitlar gemodializ yordamida olib tashlanishi mumkin.

Quyida ko'rsatilgan nojo'ya reaksiyalar chastotasini quyidagi izohdan foydalanib aniqlashgan: juda tez-tez (≥1/10), tez-tez (≥1/100 - < 1/10), tez-tez emas (≥ 1/1000 - < 1/100), kamdan-kam hollarda (≥ 1/10000 - < 1/1000), juda kam hollarda (< 1/10000), noma'lum (mavjud ma'lumotlar asosida aniqlab bo'lmaydi).
Glyukozamin sulfat
Ovqat hazm qilish trakti tomonidan buzilishlar. Tez-tez: qorinda noqulaylik va og'riq, dispepsiya, qabziyat, ko'ngil aynishi, meteorizm, diareya.
Teri va teri osti to'qimalari tomonidan buzilishlar. Tez-tez emas: qichishish, eritema, teri toshmasi. Noma'lum: soch to'kilishi.
Immun tizimi tomonidan buzilishlar. Tez-tez emas: allergik reaksiyalar, bronxial astma.
Asab tizimi tomonidan buzilishlar. Tez-tez: bosh og'rig'i, uyquchanlik, charchoq. Noma'lum: bosh aylanishi.
Ko'rish organlari tomonidan buzilishlar. Tez-tez emas: ko'rishning buzilishi.
Qon tomonidan buzilishlar. Tez-tez emas: qonda glyukoza darajasining oshishi.
Xondroitin sulfat
Teri va teri osti kletchatkasi tomonidan: eritema, eshakemi, dermatit, qichishish bilan yoki usiz makulopapulyoz toshma va/yoki shishning ayrim holatlari haqida xabarlar mavjud.
Ovqat hazm qilish trakti tomonidan: ko'ngil aynishi, qusishning kamdan-kam holatlari.
Ibuprofen
Quyida sanab o'tilgan nojo'ya ta'sirlar ibuprofen bilan davolashda, shu jumladan revmatizmdan aziyat chekuvchi bemorlarda yuqori dozalarda uzoq muddatli davolash o'tkazilganda qayd etilgan. Belgilangan chastota, shu jumladan juda kam uchraydigan holatlar, ibuprofenning peroral dori shakli uchun sutkalik 1200 mg gacha va shamchalar uchun 1800 mg gacha bo'lgan dozalarda qisqa muddatli davolashga tegishli.
Eng ko'p uchraydigani - ovqat hazm qilish trakti tomonidan. Shunday qilib, yara kasalligi, perforatsiya yoki me'da-ichakdan qon ketishi, ba'zida o'lim bilan yakunlanishi mumkin, ayniqsa keksa yoshdagi bemorlarda rivojlanishi mumkin. Ibuprofen qabul qilingandan so'ng ko'ngil aynishi, qusish, diareya, meteorizm, qabziyat, dispepsiya, qorinda og'riqlar, qatronsimon axlat, yarali stomatit, shuningdek nospetsifik yarali kolit va Kron kasalligining zo'rayishi haqida ma'lumotlar mavjud. Kamroq hollarda gastrit rivojlanishi haqida xabar berilgan. Me'da-ichakdan qon ketish xavfi doza va ibuprofen qo'llash davomiyligiga bog'liq.
NYQP bilan davolash fonida shish rivojlanishi, arterial qon bosimining oshishi va yurak yetishmovchiligi rivojlanishi haqida xabar berilgan.
Ibuprofenni qo'llash, ayniqsa yuqori dozalarda (sutkada 2400 mg / 24 kapsula), shuningdek uzoq muddatli terapiyada, arteriyalar trombozi (masalan, miokard infarkti yoki insult) oqibatida kelib chiqqan holatlar rivojlanishi xavfining biroz oshishi bilan bog'liq bo'lishi mumkin.
Yurak tomonidan buzilishlar. Juda kam hollarda: yurakning tez urishi, yurak yetishmovchiligi, miokard infarkti.
Qon va limfa tizimi tomonidan buzilishlar. Juda kam hollarda: qon yaratishning buzilishi (anemiya, leykopeniya, trombotsitopeniya, pantsitopeniya, agranulotsitoz). Preparat bilan uzoq muddatli davolashda muntazam ravishda umumiy qon tahlilini o'tkazish kerak.
Asab tizimi tomonidan buzilishlar. Ba'zan: markaziy asab tizimi tomonidan bosh og'rig'i, bosh aylanishi, uyqusizlik, qo'zg'alish, ta'sirchanlik yoki charchoq kabi buzilishlar.
Ko'rish organlari tomonidan buzilishlar. Ba'zan: ko'rishning buzilishi.
Quloq va labirint tomonidan buzilishlar. Kamdan-kam hollarda: quloqlarda shovqin.
Ovqat hazm qilish trakti tomonidan buzilishlar. Tez-tez: jig'ildon qaynashi, qorinda og'riqlar, ko'ngil aynishi, qusish, meteorizm, diareya, qabziyat, shuningdek ayrim hollarda anemiya rivojlanishiga olib kelishi mumkin bo'lgan kichik me'da-ichakdan qon ketishlar haqida shikoyatlar. Ba'zan: qon ketishi va perforatsiya rivojlanishi ehtimoli bilan me'da/o'n ikki barmoqli ichak yaralari. Yarali stomatit, nospetsifik yarali kolit yoki Kron kasalligining zo'rayishi, gastrit. Juda kam hollarda: ezofagit, pankreatit, diafragmasimon ichak strikturalarining hosil bo'lishi.
Qorinning yuqori qismida kuchli og'riqlar, qatronsimon axlat yoki qonli qusish paydo bo'lganda Terafleks Advans preparatini qabul qilishni darhol to'xtatish va shifokorga murojaat qilish kerak.
Buyrak va siydik chiqarish yo'llari tomonidan buzilishlar. Juda kam hollarda: shishlarning paydo bo'lishi, ayniqsa arterial gipertenziya yoki buyrak yetishmovchiligi bo'lgan bemorlarda; nefrotik sindrom; o'tkir buyrak yetishmovchiligi bilan kechishi mumkin bo'lgan interstitsial nefrit. Kamdan-kam hollarda - qonda siydik kislotasi kontsentratsiyasining oshishi bilan buyrak to'qimasining shikastlanishi (buyrak so'rg'ichlari nekrozi). Shuning uchun buyrak faoliyatini muntazam nazorat qilish zarur.
Teri va teri osti-yog' kletchatkasi tomonidan buzilishlar. Juda kam hollarda: bullez reaksiyalar, shu jumladan Stivens-Jonson sindromi va toksik epidermal nekroliz.
Suvchechakda istisno hollarda og'ir teri infeksiyalari va yumshoq to'qimalar tomonidan asoratlar rivojlanishi mumkin.
Infeksion va parazitar kasalliklar. Juda kam hollarda - NYQP qo'llanilishi bilan bog'liq infeksion kelib chiqishli yallig'lanish jarayonlarining zo'rayishi (masalan, nekrozlovchi fasit rivojlanishi).
Terafleks Advans preparati bilan davolash vaqtida infeksiya belgilari paydo bo'lganda yoki ular kuchayganda darhol shifokorga murojaat qilish tavsiya etiladi. Bunda infeksiyaga antibakterial terapiya uchun ko'rsatmalar mavjudligini tekshirish kerak.
Juda kam hollarda ibuprofen bilan davolashda aseptik meningit simptomlari kuzatilgan: ensa mushaklari rigidligi, bosh og'rig'i, ko'ngil aynishi, qusish, harorat ko'tarilishi yoki ongning xiralashishi. Bunday holatlar yuzaga kelishiga autoimmun kasalliklari (tizimli qizil yugurik, aralash kollagenoz) bo'lgan bemorlar moyil.
Tomir buzilishlari. Juda kam hollarda: arterial gipertenziya.
Immun tizimi tomonidan buzilishlar. Ba'zan: teri toshmasi va qichishish, shuningdek astma xurujlari (ba'zi hollarda arterial qon bosimining pasayishi bilan) bilan kechuvchi o'ta yuqori sezuvchanlik reaksiyalari. Juda kam hollarda: yuz, til va hiqildoq shishi bilan nafas yo'llarining torayishi, respirator distress-sindrom, yurakning tez urishi, hayot uchun xavf tug'diruvchi shokgacha arterial qon bosimining pasayishi ko'rinishidagi og'ir umumiy o'ta yuqori sezuvchanlik reaksiyalari.
Ushbu simptomlarning har qandayi namoyon bo'lganda, hatto preparat birinchi marta qo'llanilganda ham, preparat qabul qilishni to'xtatish va zudlik bilan shifokorga murojaat qilish kerak.
Jigar va o't yo'llari tomonidan buzilishlar. Juda kam hollarda: jigar faoliyatining buzilishi, jigarning shikastlanishi, ayniqsa uzoq muddatli terapiyada, jigar yetishmovchiligi, o'tkir gepatit.
Ruhiy buzilishlar: Juda kam hollarda: psixotik reaksiyalar, depressiya.

Keksa yoshdagi bemorlar: dozani maxsus korreksiya qilish talab qilinmaydi. Keksa bemorlarda ehtimoliy nojo'ya reaksiyalar tufayli holatni ayniqsa sinchkovlik bilan nazorat qilish zarur. Terafleks Advans ibuprofenning past dozalarini saqlaydi. Shunga qaramay, ibuprofen yuqori dozalarda, ayniqsa alkogol bilan birgalikda qabul qilinganda reaksiya pasayishi mumkinligini bilish kerak.
Chunki yuqori dozalarda preparat markaziy asab tizimi tomonidan charchoq va bosh aylanishi kabi nojo'ya ta'sirlarni chaqirishga qodir, alohida hollarda avtomobil yoki boshqa mexanizmlarni boshqarish qobiliyatiga reaksiya pasayishi mumkin. Ko'rsatilgan hodisalar preparat alkogol qabul qilish bilan biriktirilganda kuchayadi.

Har qanday ta'sir etuvchi yoki yordamchi moddalarga yuqori sezuvchanlik; asetilsalitsil kislotasi yoki boshqa nosteroid yallig'lanishga qarshi vositalarni (NYQV) qabul qilgandan keyin anamnezdagi bronxospazm, astma, rinit yoki eshakemi; kelib chiqishi noma'lum bo'lgan qon yaratish buzilishlari; hozirgi vaqtda yoki o'tmishdagi qaytalanuvchi peptik yara/qon ketishlar (tasdiqlangan yara kasalligi yoki qon ketishlarning ikki yoki undan ortiq alohida epizodlari); anamnezda NYQV bilan oldingi davolash bilan bog'liq me'da-ichakdan qon ketishi yoki yara perforatsiyasi; serebrovaskulyar qon ketish yoki hozirgi vaqtda mavjud bo'lgan boshqa qon ketish; jigar yoki buyrak funksiyasining og'ir buzilishlari (kreatinin klirensi < 30 ml/daq); og'ir yurak yetishmovchiligi; homiladorlikning oxirgi trimestri; 18 yoshgacha bo'lgan bolalar va o'smirlar.

Glyukozamin sulfati nosteroid yallig'lanishga qarshi vositalar, paratsetamol va glyukokortikosteroidlar bilan mutanosib.
Kumarin guruhi antikoagulyantlari (masalan, varfarin va atsetokumarol) bilan protrombin vaqti oshishi haqida xabar berilgan. Shuning uchun kumarin guruhi antikoagulyantlarini qabul qilayotgan bemorlarda glyukozamin bilan terapiya boshlanishi va tugashini diqqat bilan kuzatish kerak.
Xondrozamin sulfati. O'zaro ta'sirlar ta'riflanmagan.
Ibuprofen (boshqa NYQV kabi) quyidagi dori vositalari bilan qabul qilinganda alohida ehtiyotkorlikni talab qiladi:
Boshqa NYQV, shu jumladan salitsilatlar: bir nechta turli NYQVni bir vaqtda qabul qilish oshqozon-ichak yaralari va qon ketish xavfini oshirishi mumkin.
Digoksin, fenitoin, litiy: Terafleks Advans preparati bilan bir vaqtda qo'llash ushbu dori moddalarining plazmadagi kontsentratsiyasini oshirishi mumkin.
Diuretiklar, APF ingibitorlari, beta-blokatorlar va angiotenzin II antagonistlari: NYQV diuretiklar va boshqa gipotenziv preparatlar samaradorligini pasaytirishi mumkin. Buyrak funktsiyasi buzilgan ba'zi bemorlarda ushbu dori vositalarini birga tayinlash buyrak funktsiyasining yanada pasayishini (o'tkir buyrak etishmovchiligigacha) keltirib chiqarishi mumkin, bu, qoida tariqasida, qaytuvchan xarakterga ega. Birga qabul qilishni ehtiyotkorlik bilan tayinlash kerak, ayniqsa keksa bemorlarga. Bemorlar etarli miqdorda suyuqlik olishlari kerak.
Ibuprofen va kaliy tejovchi diuretiklar bir vaqtda qabul qilinganda giperkaliemiya rivojlanishi mumkin.
Kortikosteroidlar: MTY yaralari yoki qon ketish rivojlanish xavfi yuqori.
Trombotsitlar agregatsiyasi ingibitorlari va serotoninni qayta qamrab olinishining selektiv ingibitorlari (SQQOSI): oshqozon-ichakdan qon ketish rivojlanish xavfi yuqori.
Asetilsalitsil kislotasi kichik dozalarda: ibuprofen bilan bir vaqtda qo'llanilganda asetilsalitsil kislotasining kichik dozalarining trombotsitlar agregatsiyasiga ta'sirini ingibitsiya qilish samarasi kuzatilishi mumkin. Biroq, muntazam bo'lmagan qabul qilishga nisbatan har qanday klinik ahamiyatli samaralar ehtimoldan yiroq hisoblanadi.
Metotreksat: ibuprofenni metotreksat qabul qilishdan 24 soat oldin va keyin qabul qilish metotreksat kontsentratsiyasining oshishiga va uning toksik ta'siri kuchayishiga olib kelishi mumkin.
Siklosporin: ba'zi NYQVni bir vaqtda qabul qilish siklosporin ta'siri oqibatida buyrak funktsiyasi buzilishlari xavfini oshiradi. Ushbu samaraning paydo bo'lishi siklosporin ibuprofen bilan kombinatsiyalanganda ham istisno qilinmaydi.
Antikoagulyantlar: NYQV varfarin kabi antikoagulyantlar ta'sirini kuchaytirishi mumkin.
Sulfonilmochil preparatlari: ushbu dori vositalari bir vaqtda qabul qilinganda profilaktika maqsadida qonda qand miqdorini nazorat qilish tavsiya etiladi.
Takrolimus: bir vaqtda qabul qilish nefrotoksik samara xavfini oshiradi.
Zidovudin: gemofiliya bilan og'rigan OIV-infektsiyali bemorlarda ibuprofen bilan bir vaqtda qo'llanilganda gemartrozlar va gematomalar rivojlanish xavfi ortadi.
Probenetsid va sulfinpirazon: ibuprofenning organizmdan chiqarilishini ushlab turishga qodir.

Kattalarga ovqatdan keyin kuniga 2-3 marta 1-2 kapsuladan qo'llash.
Kapsulalar ichga, oz miqdordagi suv bilan qabul qilinadi. Qabul qilishning maksimal davomiyligi 20 kundan oshmasligi kerak. Kuchli og'riq sindromi kamaygandan so'ng bemor davolanishni glyukozamin- va xondroitin-sulfat saqlagan kombinatsiyalangan preparatlar bilan davom ettirishi mumkin.