TRIMOL tabletkalari N100

Parasetamol ichga qabul qilingandan so'ng oshqozon-ichak traktidan (OIT) tez so'riladi. Yog' to'qimasi va orqa miya suyuqligidan tashqari to'qimalar va tana suyuqliklarida keng taqsimlanadi. Qon plazmasi oqsillari bilan bog'lanishi 10% dan kam. Parasetamol asosan jigarda glyukuronidlar, sulfatlar bilan kon'yugatsiya, so'ngra jigar aralash oksidazalari va sitoxrom P450 ishtirokida oksidlanish yo'li bilan metabollanadi. Yarim chiqarilish davri (T1/2) 1-3 soatni tashkil qiladi. Siydik bilan, asosan, metabolitlar ko'rinishida va 5% dan kamrog'i o'zgarmagan parasetamol ko'rinishida chiqariladi.

Kofein OITdan to'liq va tez so'riladi. Uning qondagi maksimal kontsentratsiyasi qabul qilingandan 30 daqiqa o'tgach paydo bo'ladi va taxminan 2 soat davomida saqlanib qoladi. Qonda preparat albuminlar bilan bog'lanadi. Kattalarda qabul qilingan kofein dozasining 90% dan ortig'i, hayotining birinchi yillaridagi bolalarda esa atigi 10-15% jigarda biotransformatsiyaga uchraydi. Preparatning o'zgargan va o'zgarmagan holda ekskretsiyasi buyraklar orqali amalga oshiriladi.

Propifenazon OITdan tez so'riladi. Qondagi maksimal kontsentratsiyaga 0,5-2 soatdan keyin erishiladi. Qon plazmasi oqsillari bilan bog'lanishi 80% dan ortiqni tashkil qiladi. Jigarda biotransformatsiyaga uchraydi. Asosan buyraklar orqali chiqariladi.

Majmuaviy preparat.

Paratsetamol analgetik, isitmani tushiruvchi va kuchsiz yallig'lanishga qarshi ta'sirga ega. Ta'sir mexanizmi prostaglandinlar sintezini ingibirlash, asosan gipotalamusdagi termoregulyatsiya markaziga ta'sir qilish bilan bog'liq.

Kofein ksantin hosilasi hisoblanadi, u adenozin retseptorlarini bloklaydi, siklik adenozin- va guanodinmonofosfatlarni inaktivatsiya qiluvchi fosfodiesterazalarni susaytiradi. Kofein markaziy nerv tizimiga rag'batlantiruvchi ta'sir ko'rsatadi.

Propifenazon pirazolon hosilasi hisoblanadi, analgetik, isitmani tushiruvchi ta'sirga ega. Ta'sir mexanizmi araxidon kislotasidan prostaglandinlar hosil bo'lishida ishtirok etuvchi siklooksigenazani (TsOG) ingibirlash orqali amalga oshiriladi.

- allergik reaksiya

- yurak urishi

- bosh aylanishi, uyqu buzilishi.

Kamdan-kam hollarda:

– trombotsitopeniya, leykopeniya, agranulotsitoz

- gepatotoksik va nefrotoksik ta'sir (yuqori dozalarda uzoq muddat qabul qilinganda).

Uzoq muddatli davolashda periferik qon manzarasini nazorat qilish zarur. Jigar yoki buyrak funksiyasi buzilgan bemorlarda, Jilber sindromida (konstitutsional giperbilirubinemiya), shuningdek keksa yoshdagi shaxslarda ehtiyotkorlik bilan qo'llaniladi. Jigar toksik shikastlanishining oldini olish uchun Trimolni alkogolli ichimliklar qabul qilish bilan birga qo'llamaslik, shuningdek alkogolni surunkali iste'mol qilishga moyil shaxslar qabul qilmasligi kerak.

Porfiriyadan aziyat chekuvchi bemorlarda qo'llash mumkin emas.

Mahsulotning transport vositalarini yoki potensial xavfli mexanizmlarni boshqarish qobiliyatiga salbiy ta'siri holatlari haqida ma'lumotlar yo'q, ammo avtotransport va mexanizmlarni boshqarishda ehtiyotkorlikka rioya qilish kerak.

- preparat komponentlariga yuqori sezuvchanlik

- jigar yoki buyrak funksiyasining yaqqol buzilishlari

- glyukoza-6-fosfatdegidrogenazaning genetik yo‘qligi

- qon kasalliklari

- homiladorlik va laktatsiya davri

- glaukoma

- yuqori qo‘zg‘aluvchanlik, uyqusizlik

- arterial gipertenziya

- yurak-qon tomir tizimining organik kasalliklari (sh.j. aterosklerozda)

- 6 yoshgacha bo‘lgan bolalar.

Trimolning dori vositalari bilan o'zaro ta'siri uning tarkibiga kiruvchi komponentlarning xususiyatlari bilan bog'liq.

Preparatni tirishishga qarshi vositalar bilan bir vaqtda qo'llash mumkin emas. Paratsetamol va boshqa nosteroid yallig'lanishga qarshi preparatlarni (NYQV) uzoq muddat birga qo'llash nefropatiya va buyrak papillyar nekrozi rivojlanish xavfini, buyrak etishmovchiligining terminal bosqichi boshlanishini oshiradi.

Urikozurik dori vositalarining samaradorligini pasaytiradi. Paratsetamolni etanol bilan birga qabul qilish o'tkir pankreatit rivojlanishiga yordam beradi.

Barbituratlar, difenin, karbamazepin, rifampitsin, zidovudin, fenilbutazon, tritsiklik antidepressantlar va boshqa jigar mikrosomal fermentlari induktorlari bir vaqtda tayinlanganda paratsetamolning gepatotoksik ta'siri rivojlanish xavfi ortadi. Preparatlarning bunday kombinatsiyasi paratsetamolning gidroksillangan faol metabolitlari ishlab chiqarilishini oshiradi, bu esa hatto kichik dozani oshirib yuborishda ham og'ir intoksikatsiyalar rivojlanish ehtimolini keltirib chiqaradi.

Diflunisal paratsetamolning plazmadagi kontsentratsiyasini 50% ga oshiradi, bu esa gepatotoksiklik rivojlanish xavfini oshiradi.

Kofein uxlatuvchi va narkotik vositalar ta'sirini susaytiradi, NYQV samaralarini kuchaytiradi.

Preparat ichga, ovqatdan keyin qo‘llaniladi.

Kattalarga: kuniga 1 yoki 2 tabletkadan.

6 dan 16 yoshgacha bo‘lgan bolalarga: kuniga 1 tabletkadan.

Davolash davomiyligi – 5 kundan ortiq emas.