SIPRAKSOL konsentrat 10ml 1% N5 dori vositasi ishlab chiqaruvchisi kim va u qaysi davlatda ishlab chiqarilgan?

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Qadoqda soni

Sotish shartlari

Tarkibi va ishlab chiqarilish shakli

Farmakodinamikasi

Ftorxinolonlar guruhiga mansub keng ta'sir doirasiga ega mikroblarga qarshi bakteritsid ta'sir qiluvchi preparatdir. Preparat bakteriyalarning DNK-giraza fermentini ingibitsiya qiladi, buning natijasida DNK replikatsiyasi va bakteriyalarning hujayra oqsillari sintezi buziladi. Makroorganizm hujayralariga nisbatan preparatni past toksikligi, ularda DNK-girazani yo'qligi bilan tushuntiriladi. Tsiprofloksatsinni qabul qilish fonida, giraza ingibitorlari guruhiga mansub bo'lmagan boshqa antibiotiklarga paralell chidamlilikni hosil bo'lishi yuz bermaydi, bu uni masalan, aminoglikozidlar, penitsillinlar, tsefalosporinlar, tetratsiklinlar va ko'pchilik boshqa antibiotiklarga chidamli bo'lgan bakteriyalarga nisbatan yuqori faol bo'lishiga olib keladi. Tsiprofloksatsin ko'payayotgan mikroorganizmlarga ham, tinch holatdagi mikroorganizmlariga ham ta'sir qiladi. Tsiprofloksatsinga grammanfiy aerob bakteriyalar: enterobakteriyalar (Escherichia coli, Salmonella spp., Shigella spp., Citrobacter spp., Klebsiella spp., Enterobacter spp., Proteus mirabilis, Proteus vulgaris, Serratia marcescens, Hafnia alvei, Edwardsiella tarda, Providencia spp., Morganella morganii, vibrio spp., Yersinia spp.), boshqa grammanfiy bakteriyalar (Haemophilus spp., Pseudomonas aeruginosa, Moraxella catarrhalis, Aeromonas spp., Pasteurella multocida, Plesiomonas shigelloides, Campylobacter jejuni, Nesseria spp.); ayrim hujayra ichi qo'zg'atuvchilari: Legionella pneumophila, Brucella spp., Chlamydia trachomatis, Listeria monocytogenes, Mycobacterium tuberculosis, Mycobacterium kansasii, Mycobacterium avium (hujayra ichida joylashgan) sezgir.

Tsiprofloksatsinga shuningdek aerob grammusbat bakteriyalar: Staphylococcus spp. (S.aureus, S.haemolyticus, S.hominis, S.saprophyticus), Streptococcus spp. (St. pyogenes, St.agalactiae) sezgir. Metitsillinga chidamli bo'lgan ko'pchilik stafilokokklar, tsiprofloksatsinga ham chidamlidir.
Streptococcus pneumoniae, Enterococcus faecalis bakteriyalarining sezgirligi o'rtacha. Preparatga Corynebacterium spp., Bacteroides fragilis, Pseudomonas cepacia, Pseudomonas maltophilia, Ureaplasma urealyticum, Clostridium difficile, Nocardia asterodes rezistentdir.

Preparatning Treponema pallidum ga nisbatan ta'siri yetarli o'rganilmagan ham in vitro, ham in vivo tsiprofloksatsinga Bacillus anthracis ham sezgirdir.

Farmakokinetikasi

Vena ichiga (v/i) 200 mg yoki 400 mg infuziyadan keyin maksimal kontsentratsiyaga (TSmax) erishish vaqti - 60 minut, maksimal kontsentratsiyasi (Cmax) – muvofiq 2,1 mkg/ml va 4,6 mkg/ml. Organizmdagi taqsimlanish hajmi 1,74 dan 5 l/kg gacha o'zgarib turadi, plazma oqsillari bilan bog'lanishi – 19-40%. Organizmning to'qimalarida yaxshi taqsimlanadi (yog'larga boy, masalan, nerv to'qimasi bundan mustasno). To'qimalardagi miqdori, plazmadagiga qaraganda 2-12 marta yuqori bo'ladi.
Preparatning yuqori kontsentratsiyalari safroda, o'pkada, buyrakda, jigarda, o't pufagida, bachadonda, urug' suyuqligida, prostata bezi to'qimasida, bodomsimon bezlarda, endometriyda, fallopiy naylarida va tuxumdonlarda kuzatiladi. Preparatning bu to'qimalaridagi kontsentratsiyasi zardobidagiga nisbatan yuqori. Tsiprofloksatsin shuningdek suyaklarga, ko'z suyuqligiga, bronxlar sekretiga, so'lakka, teriga, mushaklarga, plevraga, qorin pardasiga, limfaga yaxshi o'tadi. Orqa miya suyuqligiga ko'p bo'lmagan miqdorda o'tadi, uning u yerdagi kontsentratsiyasi miya pardalari yallig'lanmagan hollarda qon zardobidagi kontsentratsiyasining 6-10% ni, yallig'langanida esa – 14-37% ni tashkil qiladi. Tsiprofloksatsin shuningdek yo'ldosh orqali ham yaxshi o'tadi.
Tsiprofloksatsinning qon neytrofillaridagi kontsentratsiyasi zardobdagiga qaraganda 2-7 marta yuqori.
Jigarda (15-30%) kam faollikka ega metabolitlari (dietiltsiprofloksatsin, sul'fotsiprofloksatsin, oksotsiprofloksatsin, formiltsiprofloksatsin) hosil bo'lishi bilan metabolizmga uchraydi.
Vena ichiga yuborilganida yarim chiqarilish davri (T½) – 3-5 soat, surunkali buyrak yetishmovchiligida (SBE) – 12 soatgacha oshadi. Asosan buyrak orqali tubulyar fil'tratsiya va naychalar sekretsiyasi yo'li bilan o'zgarmagan holda (v/i yuborilganida – 50-70%) va metabolitlari ko'rinishida (v/i yuborilganida – 10%), qolgan qismi – me'da-ichak yo'llari orqali chiqariladi. Ko'p bo'lmagan miqdori ko'krak suti bilan chiqariladi. V/i yuborilganidan keyin siydikdagi kontsentratsiyasi yuborilganidan keyingi birinchi 2 soat davomida zardobdagiga nisbatan deyarli 100 marta ko'p, bu siydik chiqarish yo'llarining infektsiyalarini ko'pchilik qo'zg'atuvchilari uchun minimal bostiruvchi kontsentratsiyasidan (MBK) ancha yuqori. Buyrak klirensi – minutiga 3-5 ml/kg; umumiy klirens – minutiga 8-10 ml/kg.
Surunkali buyrak yetishmovchiligida (kreatinin klirensi (KK) – minutiga 20 ml dan yuqori) buyrak orqali chiqariladigan preparatning foizi pasayadi, biroq preparatning metabolizmini va ichak orqali chiqarilishini kompensator oshishi oqibatida uni organizmda kumulyatsiyasi yuz bermaydi.

Farmakoterapevtik guruh

Dori shakli

Nojo'ya samaralari

Ovqat hazm qilish tizimi tomonidan: ko'ngil aynishi, qusish, diareya, qorinda og'riq, meteorizm, anoreksiya, xolestatik sariqlik (ayniqsa jigar kasalliklarini o'tkazgan patsientlarda), gepatit, gepatonekroz, soxtamembranoz kolit.

Markaziy va periferik nerv tizimi tomonidan: bosh aylanishi, bosh og'rig'i, yuqori charchoqlik, qo'zg'aluvchanlik, tirishishlar, xavotirlik, tremor, uyqusizlik, “dahshatli” tushlar ko'rish, periferik paralgeziya (og'riq sezgisini anomal his qilish), ko'p terlash, bosh miya ichki bosimini oshishi, ongni chalkashishi, depressiya, gallyutsinatsiyalar, shuningdek psixotik reaktsiyalarning boshqa ko'rinishlari (kamdan-kam hollarda patsientni o'ziga o'zi zarar yetkazishi mumkin bo'lgan holatgacha bo'lgan suitsidal tendentsiyalar), migren', hushdan ketish holatlari, tserebral arteriyalarning trombozi.

Sezgi a'zolari tomonidan: ta'm va hid sezishni buzilishi, ko'rishni buzilishi (diplopiya, rang sezishni o'zgarishi), quloqlarni shang'illashi, eshitishni susayishi.

Yurak-qon tomir tizimi tomonidan: taxikardiya, yurak ritmini buzilishi, arterial bosimni (AB) pasayishi, yuz terisiga qonni “oqib kelishi”ni hissi.

Qon yaratish tishimi tomonidan: leykopeniya, granulotsitopeniya, anemiya, trombotsitopeniya, leykotsitoz, trombotsitoz, gemolitik anemiya.

Siydik chiqarish tizimi tomonidan: gematuriya, kristalluriya (eng avvall ishqoriy siydik va past diurezda), glomerulonefrit, dizuriya, poliuriya, siydikni tutilishi, al'buminuriya, uretral qon ketishlar, buyrakning azotni chiqarish funktsiyasini pasayishi, interstitsial nefrit.

Allergik reaktsiyalar: terini qichishish, eshakemi, qon ketishlar va qora qo'tir hosil qiluvchi kichik tugunlarni hosil bo'lishi bilan birga kechuvchi po'rsildoqlarni hosil bo'lishi, dori isitmasi, nuqtali qon quyilishlar (petexiyalar), yuz va xalqumni shishi, hansirash, eozinofiliya, vaskulit, ekzantema, tugunli eritema, ekssudativ ko'p shaklli eritema, Stivens-Djonson sindromi (xavfli ekssudativ eritema), toksik epidermal nekroliz (Layell sindromi), anafilaktik shok.

Suyak-mushak tizimi tomonidan: artralgiya, artrit, tendovaginit, paylarni uzilishi, mialgiya, bo'g'im sohasida shish.

Boshqalar: umumiy holsizlik, ko'p terlash, superinfektsiyalar (kandidoz), yorug'likka yuqori sezuvchanlik.

Laboratoriya ko'rsatkichlari tomonidan: gipoprotrombinemiya, “jigar” transaminazalari va ishqoriy fosfataza faolligini oshishi, giperkreatininemiya, giperbilirubinemiya, giperurikemiya, giperglikemiya.

Mahalliy: yuborilgan joyda og'riq va achishish, flebit.

Maxsus saqlash sharoitlari

Tutqanoq bilan xastalangan, anamnezida tirishish hurujlari bo'lgan, qon miyaning qon-tomir kasalliklari va organik shikastlanishlari bo'lgan bemorlarga markaziy nerv tizimi tomonidan nojo'ya reaktsiyalar rivojlanish xavfi tufayli, tsiprofloksatsinni faqat hayotiy zarur ko'rsatmalar bo'yicha buyurish lozim.
Tsiprofloksatsin bilan davolash vaqtida yoki undan so'ng og'ir va davomli diareya paydo bo'lganida, preparatni bekor qilishni va tegishli davolashni buyurishni talab etuvchi soxtamembranoz kolit tashhisini istisno qilish lozim.
Paylarda og'riq paydo bo'lganida yoki tendovagintning birinchi belgilari paydo bo'lganida davolashni to'xtatish lozim, chunki ftorxinolonlar bilan davolash vaqtida paylarni yallig'lanishi va xattoki uzilishining ayrim hollari ta'riflangan (ko'proq bir vaqtda kortikosteroidlarni qabul qilayotgan keksa patsientlarda). Tsiprofloksatsin bilan davolanish vaqtida haddan ziyod jismoniy zo'riqishlaridan saqlanish lozim.
Tsiprofloksatsin bilan davolanish davrida, kristalluriyani rivojlanishidan saqlanish maqsadida, tavsiya etilgan sutkalik dozani oshirish mumkin emas. Shuningdek me'yordagi diurez va siydikning kislotali reaktsiyasini tutib turish uchun, yetarli miqdorda suyuqlik qabul qilishni ta'minlash (diurezning nazorati ostida) lozim.
Tsiprofloksatsin bilan davolash davrida ul'trabinafsha nurlanishdan (shu jumladan quyosh nurlarini to'g'ri tushishidan) saqlanish lozim.
Davolash vaqtida protrombin indeksi oshishi mumkin (xirurgik aralashuvlarni o'tkazishda qon ivishi tizimi holatini nazorat qilish lozim).
Tsiprofloksatsin va barbiturat kislotasi hosilalari guruhiga munsub bo'lgan umumiy anasteziya uchun dori vositalari bilan bir vaqtda yuborilganida, yurak qisqarishlari soni (YuQS), AB, EKG ni doimo nazorat qilish kerak.
Glyukoza-6-degidrogenaza tanqisligi bo'lgan patsientlarda Tsipraksolni buyurish gemolitik anemiyani rivojlanishiga sabab bo'lishi mumkin.
Davolanish vaqtida patsientlar alkogol iste'mol qilmasliklari lozim.
Homiladorlik va laktatsiya davrida qo'llanishi
Homiladorlikda va emizish davrida preparatni qo'llash mumkin emas.
Avtomobilni va murakkab mexanizmlarni boshqarish qobilyatiga ta'siri
Tsiprofloksatsin qabul qilayotgan patsientlar avtomobilni xaydash va psixomotor reaktsiyalar tezligini talab etuvchi faoliyatning boshqa potentsial xavfli turlari bilan shug'ullanishda ehtiyotkorlikka rioya qilishlari lozim (ayniqsa bir vaqtda alkogol' iste'mol qilinganida).

Qo'llanilishi

- Tsiprofloksatsinga sezgir mikroorganizmlar tomonidan chaqirilgan quyidagi infektsion-yallig'lanish kasalliklari:
- nafas yo'llarining infektsiyalari: pnevmoniya (pnevmokokkli pnevmoniyadan tashqari), o'tkir bronxit va surunkali bronxitni zo'rayishi, bronxoektatik kasalligi, mukovistsidoz (agar qo'zg'atuvchisi grammanfiy bakteriyalar, ayniqsa R.aeruginosa bo'lsa);
- quloq, tomoq va burun infektsiyalari: o'tkir o'rta otit, sinusit, mastoidit;
- buyrak va siydik yo'llarining infektsiyalari: siydik yo'lining yuqori va pastki bo'limlarining asoratlanmagan va asoratlangan infektsiyalari (uretrit, tsistit, pielonefrit);
- kichik chanoq a'zolari va jinsiy a'zolarning infektsiyalari (epididimit, prostatit, sal'pingit, endometrit, ooforit, nay abstsessi va pel'vioperitonit, gonoreya, yumshoq shankr, xlamidioz);
- qorin bo'shlig'i a'zolarining: peritonit, qorin pardasi ichki abstsessi; xoletsistit, xolangit (metronidazol yoki klindamitsin bilan majmuada), infektsion diareya: salmonellyoz, kampilobakterioz, iersinioz, shigellez, vabo, qorin tifi;
- teri va yumshoq to'qimalarning infektsiyalari: infektsiyalangan yaralar, infektsiyalangan jaroxatlar, abstsesslar, flegmona, tashqi eshitish yo'lining infektsiyalari, infektsiyalangan kuyishlar;
- tayanch-harakat apparatining infektsiyalari: osteomielit, septik artrit;
• Sepsis, immuniteti pasaygan bemorlardagi infektsiyalar (immunodepressantlar bilan davolash fonidagi yoki neytropeniyali patsientlarda).
• Jarrohlik aralashuvlardagi (urologik, me'da-ichak yo'llaridagi (metronidazol bilan kombinatsiyada) va ortopedik) infektsiyalarni oldini olish.
• Kuydirgining o'pka shaklini davolash va oldini olishda qo'llaniladi.

Pediatriyada qo'llanishi:
Tsiprofloksatsinni 18 yoshgacha bo'lgan bolalarda quyidagilardan tashqari boshqa infektsion kasalliklarni davolash uchun ishlatish tavsiya qilinmaydi:
- kuydirgini davolash va oldini olish (Bacillus anthracis bilan taxmin qilingan yoki insbotlangan infektsiyalanishdan keyin);
- o'pka mukovistsidozi bo'lgan 5 yoshdan 17 yoshgacha bo'lgan bolalarda Pseudomonas aeruginosa tomonidan chaqirilgan asoratlarni davolashda qo'llaniladi.

Qo'llanilishi mumkin bo'lmagan holatlar

Dori vositalarining o'zaro ta'siri

Gepatotsitlarda mikrosomal oksidlanish jarayonlar faolligini pasayishi oqibatida, teofillin va/yoki kofein (va boshqa ksantinlarning), peroral gipoglikemik preparatlar (glibenklamidni – bu gipoglikemiyaga olib kelishi mumkin), bilvosita antikoagulyantlarning (varfarin va boshq.) kontsentratsiyasini oshiradi, protrombin indeksini pasaytirish xususiyatiga ega (qon ketishlarning xavfi).
Tsiprofloksatsin tizanidinning Smax ni 7 marta (4 dan 21 martagacha) va AUC ni 10 marta (6 dan 24 martagacha) oshiradi, bu AB ni yaqqol pasayish xavfini va uyquchanlikni oshiradi.
Nosteroid yallig'lanishga qarshi preparatlar (atsetilsalitsil kislotasidan tashqari) bilan bir vaqtda qabul qilish - tirishishlar rivojlanishi xavfini oshiradi.
Tsiprofloksatsin va tsiklosporin bir vaqtda qo'llanganida tsiklosporinning nefrotoksik ta'siri kuchayadi (qondagi kreatinin darajasini 2 haftada bir marta nazorat qilish kerak).
Tsiprofloksatsin va glyukokortikoidlarni bir vaqtda qabul qilish paylarning uzilishini yuz berish xavfini oshirishi mumkin.
Tsiprofloksatsin va fenitoinni bir vaqtda buyurish, fenitoinning zardobdagi kontsentratsiyasini oshishiga yoki pasayishiga olib kelishi mumkin.
Urikozurik preparatlarni birga buyurish tsiprofloksatsinni chiqarilishini sekinlashishiga (50% gacha) va plazmadagi kontsentratsiyasini oshishiga olib keladi.
Boshqa mikroblarga qarshi preparatlar (beta-laktamlar, aminoglikozidlar, klindamitsin, metronidazol) bilan qo'shilganida, odatda sinergizm kuzatiladi: Pseudomonas spp. tomonidan chaqirilgan infektsiyalarda preparat azlotsillin va tseftazidim bilan majmuada, mezlotsillin, azlotsillin va boshqa beta-laktam antibiotiklar bilan – streptokokkli infektsiyalarda; izoksazolpenitsillinlar va vankomitsin bilan – stafilokokkli infektsiyalarda; metronidazol va klindamitsin bilan – anaerob infektsiyalarda muvoffaqiyatli qo'llanishi mumkin.
Infuzion eritma kislotasi muhitda fizik-kimyoviy barqaror bo'lgan barcha infuzion eritmalar va dori vositalari bilan farmatsevtik nomutanosib (tsiprofloksatsinning infuzion eritmasining rN – 3,5-4,6).

Ta'rifi

Dozirovkasi

Vena ichiga buyuriladi, v/i oqim bilan yuborish mumkin, lekin tomchilab 30 minut (200 mg) va 60 minut (400 mg) davomida yuborish avzalroq.
Qo'llash oldidan infuziyalar uchun eritma tayyorlash uchun 1 ampula kontsentratni adekvat miqdordagi infuzion eritma: 0,9% li natriy xlorid eritmasi, Ringer eritmasi, 5% li va 10% li dekstroza eritmasi, 10% li fruktoza eritmasi, shuningdek 0,225% yoki 0,45% eritma bilan 50 ml li minimal hajmgacha eritma bilan suyultirish kerak.
Tsiprofloksatsinning dozasi kasallikning og'irligi, infektsiyaning turi, organizmning holati, yoshi, vazni va patsientning buyrak funktsiyasiga bog'liq. Odatdagi tavsiya etiladigan dozalar: v/i yuborish uchun bir martalik doza – 200 mg (og'ir infektsiyalarda – 400 mg), yuborish soni – sutkada 2 martani tashkil etadi.
Pseudomonas spp., stafilokokklar yoki Streptococcus pneumoniae chaqirgan alohida og'ir, hayot uchun xavfli yoki qaytalanuvchi infektsiyalarni davolashda v/i yuborish zaruratida; sepsisda, peritonitda, suyaklar va bo'g'imlarning infektsiyalarida doza 0,4 g gacha, yuborishlar soni sutkada 3 martagacha oshirilishi mumkin.
O'tkir asoratlanmagan gonoreyada – bir marta, vena ichiga 100 mg.
Operatsiyadan keyingi infektsiyalarni oldini olish uchun – operatsiyadan 30-60 minut oldin vena ichiga 200-400 mg; 4 soatdan ortiq davom etgan operatsiyada takroran huddi shu dozada yuboriladi.
Davolashning o'rtacha davomiyligi: 1 kun - o'tkir asoratlanmagan gonoreyada; 7 kungacha – buyrak, siydik chiqarish yo'llari va qorin bo'shlig'ining infektsiyalarida; neytropenik bosqichning hamma davri davomida – organizmning himoya kuchlari susaygan bemorlarda, lekin – osteomielitda va 7-14 kun – qolgan infektsiyalarda 2 oydan oshmasligi lozim. Streptokokkli infektsiyalarda kechki asoratlarning xavfi tufayli, shuningdek xlamidiyali infektsiyalarda davolash kamida 10 kun davom etadi. Immun tanqisligi bo'lgan bemorlarda neytropeniyaning butun davri davomida davolash o'tkaziladi.
Tana harorati normallashganidan yoki klinik belgilari yo'qolganidan keyin davolashni yana kamida 3 kun o'tkazish kerak.
Keksa patsientlarda doza 30% ga pasaytiriladi.
Buyrak kalavalari fil'tratsiyasi tezligi (KK 31-60 ml/min/1,73 kv.m yoki kreatininni zardobli kontsentratsiyasi 1,4 dan 1,9 mg gacha 100 ml) bo'lganida maksimal sutkalik doza – 800 mg.
Og'ir buyrak yetishmovchiligi bo'lgan patsientlarga (KK minutiga 30 ml/1,73 kv. m dan kam; zardobdagi kreatinin kontsentratsiyasi 2 mg/100 mldan yuqori) sutkalik dozaning yarmini buyurish lozim, maksimal sutkalik doza -400 mg. Peritonitda ambulator peritoneal dializda bo'lgan patsientlarda tsiprofloksatsinni 1 l dializatga 50 mg dozada sutkada 4 marta intraperitoneal yuborish mumkin.
Infuziya uchun eritmani 0,9% li natriy xlorid eritmasi, Ringer eritmasi, 5% li va 10% li dekstroza eritmasi, 10% li fruktoza eritmasi, shuningdek 0,225% li yoki 0,45% li natriy xloridi eritmasili 5% li dekstroza eritmasini saqlovchi eritma bilan qo'shib aralashtirish mumkin. V/i qo'llashdan keyin davolashni peroral davom ettirish mumkin.
Kuydirgining o'pka shaklida (oldini olish va davolash):
Kattalar: 400 mg dan vena ichiga sutkada 2 marta buyuriladi.
Bolalar (5 dan 17 yoshgacha): 10 mg/kg tana vazniga kuniga 2 marta. Maksimal bir martalik doza – v/i 400 mg (maksimal sutkalik doza – 800 mg) oshirish mumkin emas. Davolashni infektsiya yuqqani taxmin qilingani yoki tasdiqlanganidan keyin darhol boshlash kerak. Kuydirgining o'pka shaklida tsiprofloksatsin bilan davolashning umumiy davomiyligi 60 kunni tashkil qiladi.
O'pka mukovistsidozi bo'lgan 5 dan 17 yoshgacha bolalarda Pseudomonas aeruginosa tomonidan chaqirilgan asoratlarni davolashda tsiprofloksatsinning tavsiya etilgan dozasi har 8 soatda 10 mg/kg ni tashkil qiladi (har 8 soatda v/i 400 mg dan ko'p emas). Davolash davomiyligi 10-14 kunni tashkil etadi.