SIPROFLOKSASIN EKOSIFOL 0,5 tabletkalari N10

. Peroral qabul qilinganda me'da-ichak yo'llaridan (asosan 12 barmoqli va och ichakda) tez va yetarlicha to'liq so'riladi. Ovqat qabul qilish so'rilishni sekinlashtiradi, lekin maksimal kontsentratsiyani (Cmax) va biokiraolishlikni o'zgartirmaydi. Biokiraolishligi - 50-85 %, taqsimlanish hajmi - 2-3,5 l/kg, plazma oqsillari bilan bog'lanishi - 20-40 %. Maksimal kontsentratsiyaga erishish vaqti (TCmax) - 60-90 daqiqa, maksimal kontsentratsiya qabul qilingan doza kattaligiga chiziqli bog'liq va 250, 500, 750 va 1000 mg dozalarda mos ravishda 1, 2, 2,4, 4,3 va 5,4 mkg/ml ni tashkil qiladi. 250, 500 va 750 mg ichga qabul qilingandan 12 soat o'tgach plazmadagi preparat kontsentratsiyasi mos ravishda 0,1, 0,2 va 0,4 mkg/ml gacha pasayadi.

Organizm to'qimalarida yaxshi taqsimlanadi (yog'larga boy to'qima, masalan nerv to'qimasi bundan mustasno). To'qimalardagi kontsentratsiya plazmadagidan 2-12 baravar yuqori. So'lak, bodomsimon bezlar, jigar, o't pufagi, safro, ichak, qorin bo'shlig'i va kichik tos a'zolari (endometriy, fallopiy naychalari va tuxumdonlar, bachadon), urug' suyuqligi, prostata bezi to'qimasi, buyraklar va siydik chiqarish a'zolari, o'pka to'qimasi, bronxial sekret, suyak to'qimasi, mushaklar, sinovial suyuqlik va bo'g'im tog'aylari, peritoneal suyuqlik, terida terapevtik kontsentratsiyalarga erishiladi. Orqa miya suyuqligiga oz miqdorda kirib boradi, u yerda uning kontsentratsiyasi miya qobiqlari yallig'lanishi bo'lmaganda qon zardobidagining 6-10% ini, yallig'langanda esa - 14-37 % ini tashkil qiladi. Siprofloksatsin shuningdek ko'z suyuqligi, plevra, qorin parda, limfaga, yo'ldosh orqali yaxshi o'tadi. Qon neytrofillaridagi siprofloksatsin kontsentratsiyasi qon zardobidagidan 2-7 baravar yuqori.

Jigarda kam faol metabolitlar (dietilsiprofloksatsin, sulfosiprofloksatsin, oksosiprofloksatsin, formilsiprofloksatsin) hosil qilib metabolizmga uchraydi (15-30 %).

Yarim chiqarilish davri - taxminan 4 soat, surunkali buyrak yetishmovchiligida - 12 soatgacha. Asosan buyraklar orqali kanalchalar filtratsiyasi va kanalchalar sekretsiyasi yo'li bilan o'zgarmagan holda (40-50 %) va metabolitlar ko'rinishida (15 %), qolgan qismi - me'da-ichak yo'llari orqali chiqariladi. Oz miqdori ko'krak suti bilan chiqariladi.

Buyrak klirensi - 3-5 ml/daq/kg; umumiy klirens - 8-10 ml/daq/kg.

Surunkali buyrak yetishmovchiligida (kreatinin klirensi 20 ml/daq dan yuqori) buyraklar orqali chiqariladigan siprofloksatsin foizi kamayadi, ammo siprofloksatsin metabolizmining va me'da-ichak yo'llari orqali chiqarilishining kompensator ortishi oqibatida organizmda kumulyatsiya sodir bo'lmaydi.

Ekotsifol tarkibiga kiruvchi laktuloza sirofloksatsinning biokiraolishligini tavsiflovchi asosiy farmakokinetik parametrlarga ta'sir ko'rsatmaydi.

Ovqat hazm qilish tizimi tomonidan: ko'ngil aynishi, diareya, qusish, abdominal og'riqlar, meteorizm, ishtahaning va qabul qilinadigan ovqat miqdorining kamayishi, anoreksiya, xolestatik sariqlik (ayniqsa o'tmishda jigar kasalliklari bo'lgan bemorlarda), gepatit, pankreatit, gepatonekroz.

Asab tizimi tomonidan: bosh aylanishi, bosh og'rig'i, charchoqning kuchayishi, tremor, uyqusizlik, "dahshatli" tushlar, paresteziyalar va dizesteziyalar, gipesteziyalar, giperesteziyalar, tirishishlar, vertigo, harakatlar muvofiqlashtirilishining buzilishi, terlash, xavotir, psixomotor giperfaollik/ajitatsiya, dezorientatsiya, ongning chalkashishi, gallyutsinatsiyalar, psixotik reaksiyalar (o'ziga zarar yetkazuvchi xatti-harakatlarga olib kelishi mumkin, masalan o'z joniga qasd qilish harakatlari/fikrlari, shuningdek o'z joniga qasd qilishga urinish yoki amalga oshgan o'z joniga qasd qilish), depressiya (o'ziga zarar yetkazuvchi xatti-harakatlarga olib kelishi mumkin, masalan o'z joniga qasd qilish harakatlari/fikrlari, shuningdek o'z joniga qasd qilishga urinish yoki amalga oshgan o'z joniga qasd qilish), epilepsiya tutqanoqlari, xavfsiz kalla suyagi ichki gipertenziyasi, periferik neyropatiya va polineyropatiya.

Sezgi organlari tomonidan: ta'm va hid bilishning buzilishi, ko'rishning buzilishi (diplopiya, rang ajratishning o'zgarishi), quloqlarda shovqin, eshitishning pasayishi, eshitishning yo'qolishi.

Yurak-qon tomir tizimi tomonidan: taxikardiya, QT intervalining uzayishi, qorinchalar aritmiyalari (shu jumladan "piruet" tipidagi, arterial qon bosimining pasayishi, yuz terisiga qon quyilishi, vazodilatatsiya.

Qon yaratish tizimi tomonidan: neytropeniya, leykopeniya, agranulotsitoz, granulotsitopeniya, anemiya, trombotsitopeniya, leykotsitoz, trombotsitoz, gemolitik anemiya, pantsitopeniya (hayotga xavf soluvchi).

Laborator ko'rsatkichlar tomonidan: "jigar" transaminazalari va ishqoriy fosfataza faolligining oshishi, giperkreatininemiya, giperbilirubinemiya, giperglikemiya, gipoglikemiya, xalqaro normallashtirilgan nisbatning oshishi (K vitamini antagonistlarini qabul qilayotgan bemorlarda), protrombin miqdorining o'zgarishi, amilaza faolligining oshishi.

Siydik chiqarish tizimi tomonidan: gematuriya, kristalluriya (birinchi navbatda ishqoriy siydik va past diurezda), buyrak faoliyatining buzilishi, buyrak yetishmovchiligi, interstitsial nefrit.

Allergik reaksiyalar: teri qichishishi, toshma, eshakemi, qon ketishlar bilan kechuvchi pufakchalar hosil bo'lishi va qatqaloq hosil qiluvchi kichik tugunlarning paydo bo'lishi, dori isitmasi, nuqtali qon quyilishlar (petexiyalar), yuz yoki hiqildoq shishi, hansirash, eozinofiliya, yorug'likka sezuvchanlikning oshishi, vaskulit, tugunli eritema, ekssudativ ko'p shaklli eritema, o'tkir generalizatsiyalangan pustulyoz ekzantema, Stivens-Jonson sindromi (xavfli ekssudativ eritema), toksik epidermal nekroliz (Layell sindromi), angionevrotik shish, anafilaktik reaksiyalar, anafilaktik shok (hayotga xavf soluvchi), zardob kasalligi.

Boshqalar: nafas olishning buzilishi (shu jumladan bronxospazm), artralgiya, artrit, tendovaginit, paylarning uzilishi, umumiy holsizlik, mialgiya, mushak tonusining oshishi, mushak tirishishlari, mushak holsizligi, miasteniya simptomlarining zo'rayishi, yurishning buzilishi, superinfeksiyalar (kandidoz, soxtamembranoz kolit).

Epilepsiyasi, anamnezida tirishish xurujlari, qon tomir kasalliklari va miyaning organik shikastlanishlari bo'lgan bemorlarga markaziy asab tizimi tomonidan nojo'ya reaksiyalar rivojlanishi xavfi tufayli siprofloksatsinni faqat hayotiy ko'rsatmalar bo'yicha tayinlash kerak.

Siprofloksatsin bilan davolash vaqtida yoki undan keyin og'ir va uzoq davom etuvchi diareya paydo bo'lganda soxtamembranoz kolit tashxisini istisno qilish kerak, bu preparatni darhol bekor qilishni va tegishli davolashni tayinlashni talab qiladi. Ichak peristaltikasini bostiruvchi preparatlarni qo'llash mumkin emas.

Paylarda og'riq yoki tendovaginitning birinchi belgilari paydo bo'lganda davolashni to'xtatish kerak, chunki ftorxinolonlar bilan davolash vaqtida paylarning yallig'lanishi va hatto uzilishi kabi alohida holatlar tasvirlangan.

Siprofloksatsin bilan davolash davrida normal diurezni saqlagan holda yetarli miqdorda suyuqlikni ta'minlash kerak.

Siprofloksatsin bilan davolash davrida to'g'ridan-to'g'ri quyosh nurlari bilan aloqadan saqlanish kerak.

Ayollar uchun erkaklarga qaraganda QT intervalining katta o'rtacha davomiyligi xos ekanligini hisobga olib, ular QT intervalini uzaytiruvchi preparatlarga ko'proq sezgir. Siprofloksatsinni QT intervalini uzaytiruvchi preparatlar (masalan, IA va III sinf antiaritmik preparatlari, tritsiklik antidepressantlar, makrolidlar, neyroleptiklar) bilan kombinatsiyada, QT intervali uzayishi yoki ""piruet"" turidagi aritmiya rivojlanishi xavfi yuqori bo'lgan bemorlarda (masalan, tug'ma QT intervali uzayishi sindromi, yurak kasalliklari (yurak yetishmovchiligi, miokard infarkti, bradikardiya), elektrolitlar disbalansi (masalan, gipokaliemiyada, gipomagniemiyada)) ehtiyotkorlik bilan qo'llash kerak.

Siprofloksatsin qo'llanilganda jigar nekrozi va hayotga xavf soluvchi jigar yetishmovchiligi holatlari qayd etilgan. Jigar kasalligi simptomlari, masalan anoreksiya, sariqlik, siydik qorayishi, qichishish, qorin og'rig'i bo'lganda siprofloksatsinni qo'llashni to'xtatish kerak. Og'ir myasthenia gravis bo'lgan bemorlarda siprofloksatsinni ehtiyotkorlik bilan qo'llash kerak, chunki simptomlar zo'rayishi mumkin.

Siprofloksatsin qo'llanilganda tendinit va paylar uzilishi (asosan Axill payi), ba'zan ikki tomonlama holatlari terapiya boshlangandan keyingi birinchi 48 soat ichida qayd etilishi mumkin, pay yallig'lanishi va uzilishi siprofloksatsin bilan davolash to'xtatilgandan keyin bir necha oy o'tgach ham sodir bo'lishi mumkin. Keksa bemorlarda va bir vaqtda glyukokortikosteroidlar bilan davolanayotgan pay kasalliklari bo'lgan bemorlarda tendinopatiya paydo bo'lishi xavfi yuqori.

Siprofloksatsin qo'llanilganda epileptik status rivojlanishi holatlari haqida xabar berilgan, siprofloksatsin boshqa ftorxinolonlar kabi tirishishlarni qo'zg'atishi va tirishishga tayyorgarlik chegarasini pasaytirishi mumkin. Tirishishlar paydo bo'lganda preparatni qo'llashni to'xtatish kerak, ruhiy reaksiyalar ftorxinolonlar, shu jumladan siprofloksatsin birinchi marta qo'llanilgandan keyin ham paydo bo'lishi mumkin.

Ftorxinolonlarni, shu jumladan siprofloksatsinni qo'llayotgan bemorlarda kichik va (yoki) katta aksonlarni shikastlaydigan va paresteziya, giposteziya, dizesteziya va kuchsizlikka olib keladigan sensor va sensomotor aksonal polineyropatiya holatlari qayd etilgan. Simptomlar qo'llash boshlangandan keyin tez orada namoyon bo'lishi va qaytmas bo'lishi mumkin. Agar bemorda neyropatiya simptomlari, shu jumladan og'riq, achishish, sanchish, uvishish va (yoki) kuchsizlik yoki sezgirlikning boshqa buzilishlari, shu jumladan taktil, og'riq, harorat, vibratsion sezgirlik va holatni his qilish rivojlansa, siprofloksatsin preparatini qo'llashni darhol to'xtatish kerak.

Kamdan-kam hollarda depressiya yoki psixotik reaksiyalar suitsidal fikrlar va o'ziga zarar yetkazuvchi xulq-atvorga, masalan suitsidga urinishlar, shu jumladan amalga oshirilganlarga progressiyalanishi mumkin. Agar bemorda ushbu reaksiyalardan biri rivojlansa, preparatni qabul qilishni to'xtatish va bu haqda shifokorga xabar berish kerak; siprofloksatsinni CYP4501A2 izofermentlari tomonidan metabolizmga uchraydigan preparatlar, masalan ropinirol, olanzapin, teofillin, metilksantin, kofein, duloksetin, klozapin bilan bir vaqtda qo'llashda ehtiyotkorlikka rioya qilish kerak.

Ba'zan siprofloksatsinning birinchi dozasini qabul qilgandan keyinroq preparatga o'ta yuqori sezuvchanlik, shu jumladan allergik reaksiyalar rivojlanishi mumkin, bu haqda darhol davolovchi shifokorga xabar berish kerak. Juda kam hollarda birinchi qo'llashdan keyin anafilaktik reaksiyalar, anafilaktik shokgacha paydo bo'lishi mumkin. Bunday hollarda siprofloksatsinni qo'llashni darhol to'xtatish va tegishli davolashni o'tkazish kerak.

Siprofloksatsin Mycobacterium tuberculosis ga nisbatan ba'zi faollikka ega bo'lganligi sababli, siprofloksatsin bilan davolash vaqtida namunalar olinganda kultural tekshiruvning soxta manfiy natijalari olinishi mumkin.

Transport vositalarini va mexanizmlarni boshqarish qobiliyatiga ta'siri.:

Davolash vaqtida transport vositalarini boshqarish va diqqatni yuqori jamlash va psixomotor reaksiyalar tezligini talab qiluvchi potensial xavfli faoliyat turlari bilan shug'ullanishdan saqlanish kerak.

Siprofloksatsinga yoki yordamchi moddalarga, shuningdek ftorxinolonlar guruhidagi boshqa preparatlarga yuqori sezuvchanlik; tizanidin bilan bir vaqtda qabul qilish (qon bosimining yaqqol pasayishi, uyquchanlik xavfi), 18 yoshgacha bo‘lgan yosh (skelet shakllanish jarayoni tugaguncha, kuydirgining o‘pka shaklini profilaktikasi va davolashdan tashqari), homiladorlik, laktatsiya davri.

Homiladorlik va emizish davrida qo‘llash.

Siprofloksatsinni homiladorlarda qo‘llash xavfsizligi aniqlanmagan. Biroq, hayvonlarda o‘tkazilgan tadqiqotlar natijalariga asoslanib, yangi tug‘ilgan chaqaloqlarning bo‘g‘im tog‘aylariga noxush ta'sir ko‘rsatish ehtimolini to‘liq istisno qilib bo‘lmaydi, shu sababli siprofloksatsinni homilador ayollarga tayinlash mumkin emas. Shu bilan birga, hayvonlarda o‘tkazilgan tadqiqotlar davomida teratogen ta'sir (malformatsiyalar) aniqlanmagan. Siprofloksatsin ko‘krak suti bilan ajraladi. Yangi tug‘ilgan chaqaloqlarning bo‘g‘im tog‘aylari shikastlanishining potensial xavfi tufayli, siprofloksatsinni emizikli ayollarga tayinlash mumkin emas.

Ehtiyotkorlik bilan.

Bosh miya tomirlarining yaqqol aterosklerozi, miya qon aylanishining buzilishi, ruhiy kasalliklar (depressiya, psixoz), epilepsiya, bosh miyaning organik shikastlanishlari yoki insult, talvasa tayyorgarligi bo‘sag‘asining pasayishi (yoki anamnezda talvasa xurujlari), yaqqol buyrak va/yoki jigar yetishmovchiligi, keksa yosh, avval o‘tkazilgan xinolonlar bilan davolashdagi paylarning shikastlanishi, QT intervalining uzayishi yoki «piruet» turidagi aritmiya rivojlanishi xavfi yuqori bo‘lganda (masalan, tug‘ma QT intervalining uzayishi sindromi, yurak kasalliklari (yurak yetishmovchiligi, miokard infarkti, bradikardiya), elektrolitlar disbalansi (masalan, gipokaliemiya, gipomagniemiyada), QT intervalini uzaytiruvchi dori preparatlarini (sh.j. IA va III sinf antiaritmik, tritsiklik antidepressantlar, makrolidlar, neyroleptiklar) bir vaqtda qo‘llash), CYP4501A2 izofermentlari ingibitorlari (shu jumladan teofillin, metilksantin, kofein, duloksetin, klozapin, ropinirol, olanzapin) bilan bir vaqtda qo‘llash, miasteniya gravis, glyukoza-6-fosfatdegidrogenaza yetishmovchiligi.

Gepatotsitlarda mikrosomal oksidlanish jarayonlari faolligining pasayishi oqibatida teofillin (va boshqa ksantinlar, masalan, kofein), peroral gipoglikemik dori vositalari, bilvosita antikoagulyantlar kontsentratsiyasini oshiradi va yarim chiqarilish davrini uzaytiradi, protrombin indeksining pasayishiga yordam beradi. Teofillin bilan bir vaqtda qabul qilinganda qon plazmasida teofillin kontsentratsiyasini doimiy nazorat qilish va agar zarur bo'lsa, teofillin dozasini kamaytirish tavsiya etiladi.

Boshqa mikroblarga qarshi dori vositalari (beta-laktam antibiotiklar, aminoglikozidlar, klindamitsin, metronidazol) bilan kombinatsiyalanganda odatda sinergizm kuzatiladi; Pseudomonas spp. chaqirgan infektsiyalarda azlotsillin va seftazidim bilan; streptokokkli infektsiyalarda mezlotsillin, azlotsillin va boshqa beta-laktam antibiotiklar bilan; stafilokokkli infektsiyalarda izoksazolilpenitsillinlar va vankomitsin bilan; anaerob infektsiyalarda metronidazol va klindamitsin bilan kombinatsiyada muvaffaqiyatli qo'llanilishi mumkin.

Siklosporinning nefrotoksik ta'sirini kuchaytiradi, zardob kreatininining oshishi qayd etiladi, bunday bemorlarda ushbu ko'rsatkichni haftasiga 2 marta nazorat qilish zarur.

Bilvosita antikoagulyantlar bilan bir vaqtda qabul qilinganda xalqaro normallashgan nisbatni etarlicha tez-tez nazorat qilish kerak, shuningdek kombinatsiyalangan terapiya tugagandan keyin qisqa vaqt davomida. Temir saqlovchi dori vositalari, sukralfat va magniy, kaltsiy va alyuminiy tuzlarini saqlovchi antatsid dori vositalari bilan birgalikda peroral qabul qilish siprofloksatsin so'rilishining pasayishiga olib keladi, shuning uchun uni yuqorida ko'rsatilgan dori vositalarini qabul qilishdan 1-2 soat oldin yoki 4 soat keyin tayinlash kerak.

Siprofloksatsin va sut mahsulotlari yoki minerallar bilan boyitilgan ichimliklarni (masalan, sut, yogurt, kaltsiy bilan boyitilgan apelsin sharbati) bir vaqtda qo'llashdan qochish kerak, chunki bunda siprofloksatsin so'rilishi kamayishi mumkin. Biroq, boshqa oziq-ovqat mahsulotlari tarkibiga kiruvchi kaltsiy siprofloksatsin so'rilishiga sezilarli ta'sir qilmaydi.

Nosteroid yallig'lanishga qarshi preparatlar (asetilsalitsil kislotasidan tashqari) tirishishlar rivojlanish xavfini oshiradi. Ftorxinolonlar didanozin dori shaklining bufer tizimi magniy va alyuminiy ionlari bilan xelat birikmalarini hosil qiladi, bu antibiotiklar so'rilishini keskin pasaytiradi, shuning uchun siprofloksatsin didanozin qabul qilishdan 2 soat oldin yoki ko'rsatilgan preparat qabul qilingandan 2 soat keyin qabul qilinadi.

Metoklopramid so'rilishni tezlashtiradi, bu uning maksimal kontsentratsiyasiga erishish vaqtining kamayishiga olib keladi.

Siprofloksatsin gepatotsitlarda mikrosomal oksidlanish jarayonlari faolligining pasayishi oqibatida plazmada glibenklamid kontsentratsiyasini oshiradi va T1/2 davrini uzaytiradi, bu gipoglikemiyaga, kamdan-kam hollarda - yaqqol gipoglikemiyaga olib kelishi mumkin. Siprofloksatsinni glibenklamid bilan bir vaqtda qo'llash oxirgisining ta'sirini kuchaytirishi mumkin.

Siprofloksatsin va fenitoin bir vaqtda qo'llanilganda qon plazmasida fenitoin miqdorining o'zgarishi (oshishi yoki pasayishi) kuzatilgan. Fenitoin kontsentratsiyasining pasayishi oqibatida uning tirishishga qarshi samarasining susayishiga yo'l qo'ymaslik uchun, shuningdek siprofloksatsin qabul qilish to'xtatilganda fenitoin dozasini oshirib yuborish bilan bog'liq nojo'ya hodisalarning oldini olish uchun ikkala preparatni qabul qilayotgan bemorlarda fenitoin bilan terapiyani nazorat qilish, shu jumladan ikkala preparatni bir vaqtda qo'llashning butun davri davomida va kombinatsiyalangan terapiya tugagandan keyin qisqa vaqt davomida qon plazmasida fenitoin miqdorini aniqlash tavsiya etiladi. Siprofloksatsinni, boshqa ftorxinolonlar kabi, QT oralig'ini uzaytiruvchi dori preparatlarini (masalan, 1A sinf yoki III sinf antiaritmik preparatlari, tritsiklik antidepressantlar, makrolidlar, neyroleptiklar) qabul qilayotgan bemorlarga bir vaqtda qo'llashda ehtiyot bo'lish kerak ("Maxsus ko'rsatmalar" bo'limiga qarang).

Urikozurik dori vositalarini birga qo'llash chiqarilishning sekinlashishiga (50% gacha) va siprofloksatsinning plazma kontsentratsiyasi oshishiga olib keladi. Tizanidinning maksimal kontsentratsiyasini 7 baravar (4 dan 21 baravargacha) va "kontsentratsiya-vaqt" egri chizig'i ostidagi maydonni 10 baravar (6 dan 24 baravargacha) oshiradi, bu arterial qon bosimining yaqqol pasayishi va uyquchanlik xavfini oshiradi.

Omeprazol bilan bir vaqtda qo'llanilganda plazmada preparatning maksimal kontsentratsiyasining biroz pasayishi va AUC kamayishi qayd etilishi mumkin.

Probenetsid siprofloksatsinning buyraklar orqali chiqarilishini bostiradi, bu siprofloksatsin kontsentratsiyasining oshishiga olib keladi.

Sog'lom ko'ngillilarda o'tkazilgan tadqiqotda lidokain saqlovchi preparatlar va CYP1A2 izofermentining o'rtacha ingibitori siprofloksatsinni bir vaqtda qo'llash lidokain tomir ichiga yuborilganda uning klirensining 22% ga pasayishiga olib kelishi aniqlangan. Lidokainning yaxshi o'zlashtirilishiga qaramay, siprofloksatsin bilan bir vaqtda qo'llanilganda o'zaro ta'sir oqibatida nojo'ya ta'sirlar kuchayishi mumkin.

Klozapin va siprofloksatsin 250 mg dozada 7 kun davomida bir vaqtda qo'llanilganda klozapin va N-desmetilklozapinning zardobdagi kontsentratsiyasining mos ravishda 29% va 31% ga oshishi kuzatilgan. Bemorning holatini nazorat qilish va zarurat bo'lganda klozapin siprofloksatsin bilan bir vaqtda qo'llanilganda va kombinatsiyalangan terapiya tugagandan keyin qisqa vaqt davomida klozapinning dozalash tartibini to'g'irlash kerak.

Siprofloksatsin va metotreksat bir vaqtda qo'llanilganda metotreksatning buyrak-kanalchalar transporti sekinlashadi, bu potentsial ravishda metotreksatning plazma kontsentratsiyasi oshishiga olib keladi, bu metotreksat bilan bog'liq toksik reaktsiyalar xavfini oshirishi mumkin. Shuning uchun metotreksat bilan davolashda va siprofloksatsin bir vaqtda qabul qilinganda bemorlarning holatini nazorat qilish zarur.

Klinik tadqiqotlar o'tkazish davomida duloksetin va CYP1A2 izofermentining kuchli ingibitorlarini (fluvoksamin kabi) bir vaqtda qo'llash duloksetin AUC va Smax oshishiga olib kelishi mumkinligi ko'rsatilgan. Siprofloksatsin bilan mumkin bo'lgan o'zaro ta'sir to'g'risida klinik ma'lumotlar yo'qligiga qaramay, siprofloksatsin va duloksetin bir vaqtda qo'llanilganda shunday o'zaro ta'sir ehtimolini oldindan aytish mumkin.

Ropinirol siprofloksatsin bilan bir vaqtda qo'llanilganda ropinirol kontsentratsiyasi oshishi ehtimoli mavjud, bu nojo'ya reaktsiyalar xavfining oshishi bilan kechishi mumkin. Bir vaqtda qo'llanilganda ropinirol siprofloksatsin bilan birga qo'llanilganda va kombinatsiyalangan terapiya tugagandan keyin qisqa vaqt davomida ropinirolning noxush samaralarini nazorat qilish kerak.

Siprofloksatsin 500 mg dozada va sildenafil 50 mg dozada bir vaqtda qo'llanilganda sildenafil Smax va AUC ning 2 baravar oshishi qayd etilgan. Ushbu kombinatsiyani qo'llash faqat foyda/xavf nisbati baholangandan keyin mumkin.