SIPROFLOKSASIN infuziya uchun eritma 100ml 2mg/ml

MITYdan tez so'riladi. Ichga qabul qilingandan so'ng biologik kira olishligi 70% ni tashkil qiladi. Ovqat qabul qilish siprofloksatsin so'rilishiga arzimas ta'sir qiladi. Plazma oqsillari bilan bog'lanishi 20-40% ni tashkil qiladi. Organizm to'qimalari va suyuqliklarida taqsimlanadi. Orqa miya suyuqligiga o'tadi: miya qobiqlari yallig'lanmaganda siprofloksatsin kontsentratsiyasi 10% ga, yallig'langanda - 37% gacha yetadi. Safroda yuqori kontsentratsiyalarga erishiladi. Siydik va safro bilan ajralib chiqadi.

Ftorxinolonlar guruhiga mansub keng ta'sir doirasiga ega mikroblarga qarshi vosita. Bakteritsid ta'sir ko'rsatadi. DNK-girazani bostiradi va bakterial DNK sintezini susaytiradi.

Ko'pchilik grammanfiy bakteriyalarga: Pseudomonas aeruginosa, Haemophilus influenzae, Escherichia coli, Shigella spp., Salmonella spp., Neisseria meningitidis, Neisseria gonorrhoeae ga nisbatan yuqori faol.

Staphylococcus spp. (shu jumladan penitsillinaza ishlab chiqaruvchi va ishlab chiqarmaydigan shtammlar, metitsillinga rezistent shtammlar), Enterococcus spp., Campylobacter spp., Legionella spp., Mycoplasma spp., Chlamydia spp., Mycobacterium spp. ning ba'zi shtammlariga nisbatan faol.

Tsiprofloksatsin b-laktamaza ishlab chiqaruvchi bakteriyalarga nisbatan faol.

Ureaplasma urealyticum, Clostridium difficile, Nocardia asteroides tsiprofloksatsinga rezistent. Treponema pallidum ga ta'siri etarlicha o'rganilmagan.

Ovqat hazm qilish tizimi tomonidan: ko'ngil aynishi, qusish, diareya, qorinda og'riq, jigar transaminazalari, ishqoriy fosfataza, LDG, bilirubin faolligining oshishi, soxta membranoz kolit.

MNS tomonidan: bosh og'rig'i, bosh aylanishi, charchoq hissi, uyqu buzilishi, dahshatli tushlar, gallyutsinatsiyalar, hushdan ketish, ko'rishning buzilishi.

Siydik chiqarish tizimi tomonidan: kristalluriya, glomerulonefrit, dizuriya, poliuriya, albuminuriya, gematuriya, qon zardobida kreatinin miqdorining o'tkinchi oshishi.

Qon yaratish tizimi tomonidan: eozinofiliya, leykopeniya, neytropeniya, trombotsitlar sonining o'zgarishi.

Yurak-qon tomir tizimi tomonidan: taxikardiya, yurak ritmining buzilishi, arterial gipotenziya.

Allergik reaksiyalar: teri qichishishi, eshakemi, Kvinke shishi, Stivens-Jonson sindromi, artralgiyalar.

Kimyoterapevtik ta'sir bilan bog'liq nojo'ya reaksiyalar: kandidoz.

Mahalliy reaksiyalar: og'riq, flebit (v/i yuborilganda). Ko'z tomchilari qo'llanilganda ba'zi hollarda yengil og'riq va kon'yunktiva giperemiyasi bo'lishi mumkin.

Boshqalar: vaskulit.

Buyrak funksiyasi buzilgan bemorlarda dozalash rejimini tuzatish talab etiladi. Keksa yoshdagi bemorlarda, bosh miya tomirlari aterosklerozi, miya qon aylanishining buzilishlari, epilepsiya, kelib chiqishi noma'lum tirishish sindromida ehtiyotkorlik bilan qo'llaniladi.

Davolash vaqtida bemorlar yetarli miqdorda suyuqlik olishlari kerak.

Qaysar diareya holatida tsiprofloksatsinni bekor qilish kerak.

Tsiprofloksatsin va barbituratlar bir vaqtda v/i yuborilganda YuK, AB, EKG nazorati zarur. Davolash jarayonida qonda mochevina, kreatinin, jigar transaminazalari kontsentratsiyasini nazorat qilish zarur.

Davolash davrida reaktsiya qobiliyatining pasayishi mumkin (ayniqsa alkogol bilan bir vaqtda qo'llanilganda).

Tsiprofloksatsinni subkon'yunktival yoki bevosita ko'z oldingi kamerasiga yuborishga yo'l qo'yilmaydi.

Homiladorlik, laktatsiya (emizish), 18 yoshgacha bo'lgan bolalar va o'smirlar, tsiprofloksatsinga va xinolon qatori boshqa preparatlarga yuqori sezuvchanlik.

Siprofloksatsin didanozin bilan bir vaqtda qo'llanilganda siprofloksatsinning didanozin tarkibidagi alyuminiy va magniyli buferlar bilan kompleksonlari hosil bo'lishi oqibatida siprofloksatsin so'rilishi kamayadi.

Varfarin bilan bir vaqtda qo'llanilganda qon ketish rivojlanish xavfi ortadi.

Siprofloksatsin va teofillin bir vaqtda qo'llanilganda qon plazmasida teofillin konsentratsiyasining oshishi, teofillinning T _{uzayishi mumkin, bu teofillin bilan bog'liq toksik ta'sir rivojlanish xavfining oshishiga olib keladi.}

Antatsidlar, shuningdek alyuminiy, rux, temir yoki magniy ionlarini saqlovchi preparatlarni bir vaqtda qabul qilish siprofloksatsin so'rilishining kamayishini keltirib chiqarishi mumkin, shuning uchun ushbu preparatlar tayinlanishi orasidagi interval kamida 4 soat bo'lishi kerak.

Muayyan preparatning qo'llash usuli va dozalash rejimi uning chiqarilish shakli va boshqa omillarga bog'liq. Optimal dozalash rejimini shifokor belgilaydi. Muayyan preparatning qo'llaniladigan dori shaklining qo'llash ko'rsatmalariga va dozalash rejimiga qat'iy rioya qilish kerak.