URIKLAR kapsulalar N30

Таркиби

Ҳар бир капсула қуйидагиларни сақлайди:

фаол моддалар:

Селдер илдизининг қуруқ экстракти                               60 мг;

Оқ қайин дарахти баргининг қуруқ экстракти                60 мг;

Мойчечак ўтининг қуруқ экстракти                                10 мг;

Брусника баргларининг қуруқ экстракти                                   30 мг;

Ловия этининг майдаланган кукуни                                 80 мг;

натрий цитрати                                                                   20 мг;

калий цитрат и                                                                    20 мг;

ёрдамчи моддалар: микрокристалл целлюлоза, сувсиз коллоид кремний диоксиди, магний стеарати.

капсула қобиғининг таркиби: титан диоксиди, темир (II) оксиди, хлорофиллин, тозаланган сув, желатин.

Ўсимликлардан олинадиган мажмуавий препарат бўлиб, цитрат комплекси мавжудлиги туфайли, буйраклардаги ва сийдик чиқариш йўлларидаги тошларни дезинтеграцияси ва чиқарилишига ёрдам беради. Уриклар спазмолитик таъсир кўрсатади, сийдик чиқариш йўлари орқали тошларни ўтишига ёрдам беради, буйрак ва сийдик йўллари санчиғларида оғриқни камайтиради, буйрак функциясини яхшилайди ва диурезни оширади.

Микробларга қарши ва яллиғланишга қарши таъсир кўрсатади.

Препарат кристалл-коллоид мувозанатини бошқаради, сийдикда тошларни ҳосил бўлишига ёрдам берувчи элементлар (шовул кислотаси, кальций, гидроксипролин) нинг концентрациясини пасайтиради. Тош ядросининг атрофида зарраларни тўпланишига тўсқинлик қилади, бу унинг келгусидаги ўсишини олдини олади.

Бошқа уросептиклар билан бир вақтда қўлланганида, Уриклар уларнинг бактерицид самарасини кучайтиради.

Препаратнинг литолитик самараси сийдикнинг рН боғлиқ эмас.

Уриклар препаратининг терапевтик самараси, компонентларининг таъсирини йиғиндиси билан ифодаланади, шунинг учун кинетик кузатувларни ўтказиш мумкин эмас.

Қаттиқ желатин капсулалар. 15 капсула блистерда. 2 та блистер тиббиётда қўлланишига доир йўриқномаси билан бирга картон қутига жойланган.

Препарат компонентларига баъзида аллергик реакциялар бўлиши мумкин.

Препаратнинг бирон-бир компонентига ёки мураккабгулдошлар оиласига (Asteraceae) мансуб ўсимликларни индивидуал ўзлаштираолмаслик пайдо бўлганида Урикларни қабул қилиш мумкин эмас.

Юрак ва буйрак етишмовчилиги оқибатида шишлар пайдо бўлганида эҳтиёткорликка риоя қилиш керак.

Ҳомиладорлик ва лактация даврида қўлланилиши

Препаратни даволовчи шифокор назорати остида қўллаш мумкин.

Педиатрияда қўлланилиши

Препаратни 6 ёшгача бўлган болаларда қўллаш бўйича маълумотлар мавжуд эмас.

Автотранспортни хайдаш ва механизмларни бошқариш қобилиятига таъсири

Уриклар автомобилни хайдаш ва психомотор реакцияларнинг юқори тезлигини талаб қилувчи ишларни бажариш қобилиятига таъсир қилмайди.

Қуйидагиларни мажмуавий даволаш учун қўлланади:

-       сийдик-тош касаллиги:

-       кристаллурия (сийдик кислотаси диатези);

-       сурункали ва ўткир цистит ва пиелонефрит;

-       сурункали гломерулонефритда қўлланади.

Препаратнинг компонентларига юқори сезувчанликда қўллаш мумкин эмас.

Уриклар антисептиклар ва антибиотиклар билан бир вақтда қабул қилинганида уларнинг таъсирини кучайтиради.

Цитрат комплексини сақловчи бошқа препаратлар билан бир вақтда қабул қилинганида сийдикда рН миқдорини назорат қилиш лозим.

Уриклар препарати ичга, етарли миқдордаги сув билан қабул қилинади.

Катталар – 1-2 капсуладан суткада 2-3 марта, 6 ёшдан ошган болалар – 1 капсуладан суткада 2-3 марта қўлланади.

Уриклар препаратининг дозасини ошириб юборилиши ҳолатлари ҳақида хабар берилмаган.