Yuborish usuli: vena ichiga (oqim bilan yoki tomchilab)
Kattalar. Preparat sekin-asta (4-6 minut davomida) 5-10 ml (0,12-0,24 g) dan yuborilishi kerak bo'lib, u dastlab 10-20 ml 0,9% li natriy xlorid eritmasida suyultiriladi.
Yurak urushi, bosh aylanishi, ko'ngil aynish xislari paydo bo'lganda yuborish tezligini sekinlashtiriladi yoki tochilab yuborishga o'tiladi, buning uchun 10-20 ml preparatni (0,24-0,48 g) 100-150 ml 0,9 % li natriy xlorid eritmasida suyultiriladi, minutiga 30-50 tomchi tezlik bilan yuboriladi.
Eufillin parenteral holda sutkada 3 martagacha, ko'pi bilan 14 kun yuboriladi. Eufillinning yuqori dozalari kattalar uchun vena ichiga yuborilganida: bir martalik dozasi – 0,25 g ni, sutkalik dozasi – 0,5 g ni tashkil etadi.
Bolalar: kerak bo'lganda eufillinni 2-3 mg/kg bir martalik dozaga qayta hisoblaganda vena ichiga tomchilab yuboriladi.
Davolash vaqtida preparatning toksikligi yuzasidan patsientlar kuzatuv ostida bo'lishlari kerak va imkon bo'lganida plazmada teofillin miqdorini ham nazorat qilish lozim, dozalar ideal tana vazni asosida hisoblanishi kerak, preparat erta yoshdagi bolalarda teofillin metabolizmida sezilarli o'zgarishlar tufayli 6 oylikgacha yoshdagi bolalar uchun tavsiya etilmaydi.
Teofillin preparatlarini qabul qilmagan patsientlar:
A. Eufillinning yuklama dozasi tana massasining 6 mg/kg ga vena ichiga sekinlik bilan minutiga 25 mg oshmaydigan tezlikda yuborilishi mumkin.
B. Patsientning holatiga bog'liq ravishda keyingi 12 soat davomida samarani bir maromda ushlab turuvchi dozani quyidagi tarzda hisoblash mumkin:
- 6 oylikdan 9 yoshgacha bo'lgan bolalarda: 1,2 mg/kg/soat (12 soatdan keyin 1 mg/kg/soatgacha pasaytirilish);
- 9 yoshdan 16 yoshgacha bo'lgan bolalarda va yosh chekuvchilarda: 1 mg/kg/soat (12 soatdan keyin 0,8 mg/kg/soatgacha pasaytirilish);
- chekmaydigan sog'lom kattalarda: 0,7 mg/kg/soat (12 soatdan keyin 0,5 mg/kg/soatgacha pasaytirilish);
- keksa yoshdagi patsientlarda va o'pka yuragi kasalligi bo'lgan shaxslarda: 0,6 mg/kg/soat (12 soatdan keyin 0,3 mg/kg/soatgacha pasaytirilish);
- dimlangan yurak yetishmovchiligi yoki jigar kasalligi bo'lgan patsientlarda: 0,5 mg/kg/soat (12 soatdan keyin 0,1-0,2 mg/kg/soatgacha pasaytirilish);
Teofillinni olayotgan patsientlar:
Yuklama dozasi yuklama doza sifatida yuborilgan teofillinning har 0,5 mg/kg, zardobda teofillin konsentratsiyasining 1 mkg/ml o'sishiga olib kelishi mumkinligiga asoslangan holda hisoblab topilishi mumkin.
Preparatni yuborilishi ideal holatda qon zardobida teofillin kontsentratsiyasi aniqlanishiga qadar kechiktirilishi mumkin. Agar bu mumkin bo'lmasa va agar klinik vaziyat preparat yuborilishini talab qilsa, yuklama dozasi sifatida yuborilganida zardobda teofillining kontsentratsiyasi taxminan 5 mkg/ml ga oshishiga olib kelishiga asoslangan holda eufillin 3,1 mg/kg (2,5 mg/kg suvsiz teofillinning ekvivalenti) dozada yuboriladi.
Keyinchalik samarani bir maromda ushlab turuvchi dozaga o'tiladi.
