AMLESSA

Perindopril bilan bog'liq
- anamnezda APF ingibitorlari bilan oldingi davolash bilan bog'liq angionevrotik shish;
- irsiy yoki idiopatik angionevrotik shish;
- homiladorlikning II va III trimestrlari;
- perindopril yoki boshqa APF ingibitorlariga yuqori sezuvchanlik.

Amlodipin bilan bog'liq
- yaqqol gipotenziya;
- chap qorincha chiqish yo'li obstruksiyasi (masalan, og'ir aortal stenozda);
- o'tkir miokard infarktidan keyingi yurak yetishmovchiligi (birinchi 28 kun ichida);
- shok, shu jumladan kardiogen shok;
- amlodipinga yoki boshqa digidropiridinlarga yuqori sezuvchanlik.

Amlessaga tegishli
Alohida komponentlar bilan bog'liq yuqorida sanab o'tilgan barcha holatlar perindopril/amlodipin fiksatsiyalangan kombinatsiyasiga ham taalluqlidir.

- Amlessa preparatini aliskiren saqlovchi preparatlar bilan bir vaqtda qo'llash qandli diabeti yoki buyrak yetishmovchiligi (KBF <60 ml/daq/1.73 m2) bo'lgan bemorlarga mumkin emas;
- preparat yordamchi moddalariga yuqori sezuvchanlik.

Preparat 1 tab. dan sutkasiga 1 marta, ertalab ovqatdan oldin afzalroq buyuriladi. Qayd qilingan dozalar kombinatsiyasi antigipertenziv terapiyani boshlash uchun mo'ljallanmagan. Dozalarni o'zgartirish zarurati tug'ilganda preparatning alohida komponentlarini individual tanlash tavsiya etiladi.

Buyrak funksiyasi buzilgan bemorlarda va keksa yoshdagi bemorlarda perindoprilatning chiqarilishi sekinlashgan, shuning uchun odatdagi tibbiy nazorat kreatinin va kaliy darajalarini tez-tez nazorat qilishni o'z ichiga olishi kerak. Amlessa preparati KK ≥60 ml/daq bo'lgan bemorlarga tayinlanishi mumkin va KK <60 ml/daq bo'lganda tayinlanmaydi. Bunday bemorlarga har bir komponent dozasini alohida individual tanlash tavsiya etiladi.

Plazmadagi amlodipin konsentratsiyasining o'zgarishi buyrak funksiyasi buzilishi darajasi bilan bog'liq emas.

Jigar funksiyasi buzilgan bemorlar uchun dozalash rejimi belgilanmagan, preparatni tayinlashda ehtiyotkorlik talab etiladi.

Bolalar va o'smirlarda Amlessa preparati qo'llanilmaydi, chunki perindopril va amlodipinning monoterapiyada yoki kombinatsiya shaklidagi xavfsizligi, samaradorligi va o'zlashtirilishi ushbu toifadagi bemorlarda o'rganilmagan.

Alohida har bir komponent bilan bog'liq bo'lgan barcha ko'rsatmalar Amlessa fiksatsiyalangan kombinatsiyasiga ham tegishli.

Perindopril
Yuqori sezuvchanlik/angionevrotik shish
APF ingibitorlari bilan davolangan bemorlarda yuz, oyoq-qo'llar, lablar, shilliq qavatlar, til, halqum va/yoki hiqildoqning angionevrotik shishi holatlari haqida kamdan-kam xabar berilgan. Bu holatlar terapiyaning har qanday vaqtida rivojlanishi mumkin. Bunday hollarda preparatni qabul qilishni darhol to'xtatish va simptomlar to'liq yo'qolishi tasdiqlangunga qadar bemor holati ustidan tegishli nazorat o'rnatish kerak. Shish faqat yuz va lablarga taalluqli bo'lgan hollarda, uning ko'rinishlari odatda maxsus davolashsiz o'tib ketadi, ammo simptomlarni yengillashtirish uchun antigistamin preparatlarni qo'llash mumkin.

Hiqildoq shishi bilan kechadigan angionevrotik shish o'limga olib kelishi mumkin. Til, ovoz boylamlari yoki hiqildoq shishi nafas yo'llari obstruktsiyasiga olib kelishi mumkin. Bunday holda darhol shoshilinch terapiya tayinlanishi kerak, u adrenalin tayinlash va/yoki nafas yo'llari o'tkazuvchanligini ta'minlash choralarini o'z ichiga olishi mumkin. Bemor simptomlar to'liq bartaraf etilgunga qadar sinchkov tibbiy kuzatuv ostida bo'lishi kerak. Anamnezida APF ingibitorlari terapiyasi bilan bog'liq bo'lmagan angionevrotik shish bo'lgan bemorlarda ushbu guruh preparatlarini qabul qilish vaqtida angionevrotik shish rivojlanish xavfi yuqori bo'lishi mumkin. APF ingibitorlari terapiyasi fonida ichak qon tomir shishi rivojlanishining kamdan-kam holatlari ma'lum. Ko'rsatilgan holatlarni qorinda og'riq bilan kelgan, APF ingibitorlarini qabul qilayotgan bemorlarning qiyosiy tashxisini o'tkazishda hisobga olish kerak.

LPNP-aferezi vaqtidagi anafilaktoid reaksiyalar
Dekstran sulfatdan foydalanib LPNP-aferezi o'tkazishda APF ingibitorlarini qabul qilgan bemorlarda hayot uchun xavfli anafilaktoid reaksiyalar rivojlanishining kamdan-kam holatlari qayd etilgan. Bunday reaksiyalar yuzaga kelishini har bir aferez muolajasidan oldin APF ingibitorlarini qabul qilishni vaqtincha to'xtatish yo'li bilan oldini olish mumkin.

Desensibilizatsiya o'tkazish vaqtidagi anafilaktoid reaksiyalar
Hayot uchun xavfli anafilaktoid reaksiyalar desensibilizatsiyalovchi terapiya vaqtida (masalan, pardaqanotli hasharotlar zahari bilan) APF ingibitorlarini qabul qilayotgan bemorlarda kamdan-kam hollarda yuzaga kelgan. Ushbu bemorlarda ko'rsatilgan reaksiyalar yuzaga kelishini har bir desensibilizatsiya muolajasidan oldin APF ingibitorini vaqtincha bekor qilish yo'li bilan oldini olingan, ammo bunday holatlar preparat takroran ehtiyotsizlik bilan qabul qilinganda yana yuzaga kelgan.

Neytropeniya/agranulotsitoz/trombotsitopeniya/anemiya
APF ingibitorlarini qabul qilayotgan bemorlarda neytropeniya/agranulotsitoz, trombotsitopeniya va anemiya rivojlanish holatlari bo'lishi mumkin. Buyrak funksiyasi normal bo'lgan bemorlarda boshqa asoratlar bo'lmaganda neytropeniya kam uchraydi. Perindoprilni kollagenozlari bo'lgan, immunosupressiv davolash, allopurinol yoki prokainamid bilan davolash qo'llayotgan bemorlarga, ayniqsa buyrak funksiyasining mavjud buzilishlarida o'ta ehtiyotkorlik bilan tayinlash kerak. Bunday bemorlarda jiddiy infektsiyalar rivojlanishi mumkin, ular ba'zi hollarda jadal antibiotikoterapiyaga javob bermaydi. Perindopril tayinlanganda leykotsitlar sonini vaqti-vaqti bilan nazorat qilish tavsiya etiladi; bemorlar infektsion kasallikning har qanday belgilari (tomoqda og'riq, isitma) paydo bo'lganda darhol shifokorga murojaat qilish kerakligi haqida xabardor qilinishi kerak.

Arterial gipotenziya
APF ingibitorlari AB pasayishini chaqirishi mumkin. Simptomatik gipotenziya kamdan-kam hollarda asoratlanmagan gipertenziyasi bo'lgan bemorlarda yuzaga kelishi mumkin va aylalanib yuruvchi qon hajmi (AYQH) kamaygan shaxslarda, masalan, diuretiklar qabul qilish, dializ, diareya yoki qusish oqibatida, tuzi cheklangan parhezda bo'lgan yoki og'ir renin-bog'liq gipertenziyadan aziyat chekuvchi shaxslarda ehtimoli ko'proq. Xavf guruhi bemorlarida Amlessa qabul qilish vaqtida AB, buyrak funksiyasi va zardobdagi kaliy darajasini nazorat qilish zarur.

Xuddi shu ehtiyotkorlik choralari YuIK yoki serebrovaskulyar kasalligi bo'lgan bemorlarga ham tegishli, ularda AB ning keskin pasayishi miokard infarkti yoki miya qon aylanishining buzilishi rivojlanishiga olib kelishi mumkin.

Gipotenziya rivojlangan taqdirda bemorni chalqancha, oyoqlarini ko'tarilgan holatda yotqizish va zarurat tug'ilganda v/i natriy xloridning 9 mg/ml (0,9%) eritmasini yuborish kerak. O'tib ketuvchi gipotenziya keyingi terapiya uchun qarshi ko'rsatma bo'lib hisoblanmaydi, uni AYQH oshishi oqibatida AB tiklangandan so'ng davom ettirish mumkin.

Aorta va mitral klapan stenozi/gipertrofik kardiomiopatiya
Boshqa APF ingibitorlari kabi, perindoprilni mitral klapan stenozi va chap qorincha chiqaruvchi traktining obstruktsiyasi bo'lgan bemorlarga, masalan, aorta stenozi yoki gipertrofik kardiomiopatiyada ehtiyotkorlik bilan tayinlash kerak.

Buyrak yetishmovchiligi
Buyrak funksiyasi buzilishida (KK<60 ml/daq) har bir komponent dozasini alohida individual tanlash tavsiya etiladi. Bunday bemorlarni odatiy tibbiy tekshirish zardobdagi kaliy va kreatinin darajalarini muntazam nazorat qilishni o'z ichiga olishi kerak. Buyrak arteriyalarining ikki tomonlama stenozi yoki yagona buyrak arteriyasi stenozi bo'lgan, APF ingibitorlarini qabul qilgan ba'zi bemorlarda mochevina va kreatinin zardob kontsentratsiyalarining preparat bekor qilingandan so'ng qaytuvchan oshishi kuzatilgan. Bunday o'zgarishlar buyrak yetishmovchiligi bo'lgan bemorlarda ko'proq ehtimolli. Renovaskulyar gipertenziyada shuningdek og'ir gipotenziya va buyrak yetishmovchiligi xavfi yuqori.

Buyrak tomirlarining shikastlanishining yaqqol belgilari bo'lmagan gipertenziyasi bo'lgan ba'zi bemorlarda, ayniqsa perindopril diuretik bilan bir vaqtda qabul qilinganda, zardobdagi mochevina va kreatinin darajalarining ahamiyatsiz va o'tib ketuvchi oshishi kuzatilgan. Bu o'zgarishlar buyrak yetishmovchiligi mavjud bo'lgan bemorlarda ko'proq rivojlanadi.

Jigar funksiyasining buzilishi
Kamdan-kam hollarda APF ingibitorlari terapiyasi xolestatik sariqlikdan boshlanib, jigar fulminant nekroziga o'tadigan va (ba'zida) o'lim bilan tugaydigan sindrom bilan kechgan. Ushbu sindrom mexanizmi noma'lum. Sariqlik rivojlanadigan yoki jigar fermentlari darajasi sezilarli oshadigan, APF ingibitorlarini qabul qilayotgan bemorlar APF ingibitorlarini qabul qilishni to'xtatishlari va sinchkov tibbiy tekshiruvdan o'tishlari kerak.

Etnik xususiyatlar
APF ingibitorlari terapiyasi vaqtida angionevrotik shish qora tanli bemorlarda tez-tez uchraydi. Boshqa APF ingibitorlari kabi, perindopril negroid irqiga mansub odamlarda kamroq samarali, ehtimol, ushbu bemorlar populyatsiyasida gipertenziya ko'pincha renin miqdori pastligi fonida kechishi tufaylidir.

Yo'tal
APF ingibitorlari terapiyasida samarasiz, turg'un yo'tal rivojlanishi mumkin, u preparat bekor qilingandan so'ng o'tib ketadi. APF ingibitorlarini qabul qilish chaqirgan yo'talni qiyosiy tashxisda hisobga olish kerak.

Jarrohlik aralashuvi/anesteziya
Jarrohlik aralashuvida yoki gipotenziyani chaqiruvchi preparatlar bilan anesteziya o'tkazish vaqtida Amlessa reninning kompensator ajralib chiqishi oqibatida angiotenzin II hosil bo'lishini bloklashi mumkin. Operatsiyadan bir kun oldin davolashni to'xtatish tavsiya etiladi. Taxminan ushbu mexanizm bo'yicha gipotenziya rivojlangan taqdirda, AYQH ni oshirish kerak.

Giperkaliemiya
APF ingibitorlari, shu jumladan perindopril bilan davolangan ba'zi bemorlarda qon zardobida kaliy miqdorining oshishi holatlari kuzatilgan. Giperkaliemiya xavf omillari buyrak yetishmovchiligi, yosh >70 yosh, qandli diabet, ba'zi yo'ldosh holatlar (degidratatsiya, dekompensatsiya bosqichidagi o'tkir yurak yetishmovchiligi, metabolik atsidoz), kaliyni tejovchi diuretiklarni (masalan, spironolakton, eplerenon, triamteren yoki amilorid), shuningdek kaliy preparatlari yoki kaliy saqlovchi tuz o'rnini bosuvchilarni bir vaqtda qabul qilishni o'z ichiga oladi. Xavf guruhiga qon zardobida kaliy miqdorini oshirishga yordam beradigan boshqa preparatlarni (masalan, geparin) qabul qilayotgan bemorlar ham kiradi. Kaliy preparatlari, kaliyni tejovchi diuretiklar yoki kaliy asosidagi tuz o'rnini bosuvchilarni buyrak funksiyasi buzilgan shaxslarda tayinlash zardobda kaliy darajasining sezilarli oshishiga va natijada jiddiy yurak ritmi buzilishlariga, ba'zida o'limga olib kelishi mumkin. Agar yuqorida aytib o'tilgan vositalarni yo'ldosh tayinlash zarur deb hisoblansa, ularni qabul qilish qon zardobida kaliy darajasini muntazam nazorat qilish bilan o'tkazilishi kerak.

Qandli diabeti bo'lgan bemorlar
Peroral gipoglikemik vositalar yoki insulin olayotgan qandli diabeti bo'lgan bemorlarga APF ingibitorlari tayinlanganda, terapiyaning birinchi oyi davomida qondagi glyukoza kontsentratsiyasini muntazam nazorat qilish zarur.

RAAT (Renin-angiotenzin-aldosteron tizimi) qo'sh blokadasi
RAAT qo'sh blokadasi monoterapiyaga nisbatan gipotenziya, giperkaliemiya va buyrak funksiyasi buzilishlari (shu jumladan o'tkir buyrak yetishmovchiligi) rivojlanishi xavfining oshishi bilan assotsiatsiyalanadi. APF ingibitorlari, angiotenzin II retseptorlari antagonistlari yoki aliskirenni qo'llash bilan RAAT qo'sh blokadasi tavsiya etilishi mumkin emas.

Birga qo'llash mutlaqo ko'rsatilgan hollarda, mutaxassisning sinchkov kuzatuvi va buyrak funksiyasi, suv-elektrolit balansi va AB monitoringi majburiydir. APF ingibitorlari va angiotenzin II retseptorlari antagonistlarini diabetik nefropatiyasi bo'lgan bemorlarga bir vaqtda tayinlamaslik kerak.

Amlodipin

Jigar funksiyasining buzilishi
Jigar funksiyasi buzilishi bo'lgan bemorlarda barcha boshqa kaltsiy antagonistlari kabi amlodipinning T1/2 oshgan. Bunday hollarda preparatni jigar fermentlarini sinchkov monitoringi ostida ehtiyotkorlik bilan qo'llash kerak.

Yurak yetishmovchiligi
Yurak yetishmovchiligi bo'lgan bemorlarda davolash ehtiyotkorlik bilan o'tkaziladi.
Neishemik etiologiyali yurak yetishmovchiligi (NYHA bo'yicha III va IV funksional sinflar) bo'lgan bemorlar ishtirokidagi uzoq muddatli, platsebo-nazoratli tadqiqotda amlodipin qabul qilish o'pka shishi holatlari tez-tezligining oshishi bilan kechgan, platseboga nisbatan yurak yetishmovchiligi yomonlashishi holatlari soni bo'yicha ahamiyatli farqlar yo'qligiga qaramay.

Avtotransportni haydash va mexanizmlarni boshqarish qobiliyatiga ta'siri.
Preparatning transportni boshqarish yoki texnika bilan ishlash qobiliyatiga ta'siri bo'yicha tadqiqotlar o'tkazilmagan. Transport vositalarini boshqarishda yoki texnik qurilmalar bilan ishlashda bosh aylanishi yoki toliqish rivojlanishi mumkinligini hisobga olish kerak.

Keksa bemorlarda qo'llanilishi.
Keksa yoshdagi bemorlarda perindoprilatning chiqarilishi sekinlashgan, shuning uchun odatiy tibbiy kuzatuv kreatinin va kaliy darajalarini tez-tez nazorat qilishni o'z ichiga olishi kerak.

Perindopril
Klinik tadqiqotlar natijalari shuni ko‘rsatdiki, AOF ingibitorlari, angiotenzin II retseptorlari antagonistlari yoki aliskirenni kombinatsiyalangan holda qo‘llash orqali RAAT ning ikki tomonlama blokadasi monoterapiyaga nisbatan gipotenziya, giperkaliyemiya va buyrak funksiyasining buzilishi (shu jumladan o‘tkir buyrak yetishmovchiligi) kabi nojo‘ya ta’sirlar rivojlanishining yuqori chastotasi bilan bog‘liq.

Bir vaqtda qo‘llash tavsiya etilmaydi

Kaliy tejovchi diuretiklar va kaliy preparatlari
Garchi odatda zardobdagi kaliy miqdori me’yor chegarasida qolsa-da, perindopril qabul qilayotgan ba’zi bemorlarda giperkaliyemiya kuzatilishi mumkin. Kaliy tejovchi diuretiklar (masalan, spironolakton, triamteren yoki amilorid), kaliy preparatlari yoki kaliy saqlovchi tuz o‘rnini bosuvchilar zardobda kaliy darajasining sezilarli oshishiga sabab bo‘lishi mumkin, shuning uchun ularni AOF ingibitorlari bilan bir vaqtda ishlatish tavsiya etilmaydi. Agar birgalikda qabul qilish isbotlangan gipokaliyemiya tufayli ko‘rsatilgan bo‘lsa, ehtiyot bo‘lish va qon zardobida kaliy miqdorini tez-tez nazorat qilish zarur.

Litiy
Litiy va AOF ingibitorlari bir vaqtda qo‘llanilganda zardobda litiy konsentratsiyasining qaytuvchan oshishi va uning toksikligi kuchayishi (og‘ir neyrotoksik effektlar bilan) holatlari qayd etilgan. Ko‘rsatilgan preparatlarni bir vaqtda qo‘llash tavsiya etilmaydi. Bunday kombinatsiyalangan terapiya zarur bo‘lganda qon zardobida litiy miqdorini muntazam nazorat qilish kerak.

Estramustin
Angionevrotik shish kabi nojo‘ya ta’sirlar kuchayishi xavfi.

Bir vaqtda qo‘llanilganda alohida ehtiyotkorlik talab etiladi
NYQP, shu jumladan atsetilsalitsil kislotasi ≥3 g/sut

AOF ingibitorlarini NYQP (yallig‘lanishga qarshi ta’sir ko‘rsatadigan dozalarda atsetilsalitsil kislotasi, TSOG-2 ingibitorlari va noselektiv NYQP) bilan bir vaqtda qo‘llash AOF ingibitorlarining gipotenziv ta’siri pasayishiga sabab bo‘lishi mumkin. Ko‘rsatilgan preparatlarni bir vaqtda qo‘llash shuningdek buyrak funksiyasi buzilishi, hatto o‘tkir buyrak yetishmovchiligi rivojlanishi va qon zardobida kaliy miqdorining oshishi xavfini oshiradi, ayniqsa buyrak funksiyasi buzilishi mavjud bo‘lgan bemorlarda. Bunday kombinatsiyani ehtiyotkorlik bilan, ayniqsa keksa yoshdagi shaxslarga tayinlash kerak. Bemorlar yetarli miqdorda suyuqlik olishlari kerak; davolash boshlanishidan oldin va keyin buyrak funksiyasini nazorat qilish tavsiya etiladi.

Gipoglikemik preparatlar (insulin, sulfanilkarbamid hosilalari)
AOF ingibitorlarini qabul qilish insulin yoki sulfanilkarbamid hosilalarini olayotgan qandli diabeti bor bemorlarda gipoglikemik ta’sirni kuchaytirishi mumkin. Gipoglikemiya yuzaga kelish holatlari juda kam uchraydi (glyukozaga tolerantlikning yaxshilanishi insulinga bo‘lgan ehtiyojning kamayishiga olib keladi).

Bir vaqtda qo‘llanilganda ehtiyotkorlik talab etiladi

Diuretiklar
Diuretiklarni qabul qilayotgan bemorlarda, ayniqsa gipovolemiya va/yoki tuzlar tanqisligi bo‘lganlarda, AOF ingibitorlarini qabul qilish boshlanishida AB ning haddan tashqari pasayishi rivojlanishi mumkin. Gipotenziya xavfini diuretikni bekor qilish, davolash boshlanishidan oldin suyuqlik yoki tuz iste’molini oshirish, shuningdek perindoprilning past boshlang‘ich dozalarini tayinlash va keyinchalik ularni asta-sekin oshirish yo‘li bilan kamaytirish mumkin.

Simpatomimetiklar
Simpatomimetiklar AOF ingibitorlarining antigipertenziv ta’sirini susaytirishi mumkin.

Oltin preparatlari
Inyeksion oltin preparatlari (natriy aurotiomalat) va AOF ingibitorlari, shu jumladan perindopril olayotgan bemorlarda kamdan-kam hollarda nitritoid reaksiyalar (simptomlar:

yuz qizarishi, ko‘ngil aynishi, qusish va gipotenziya) qayd etilgan.

Amlodipin

Bir vaqtda qo‘llash tavsiya etilmaydi

Dantrolen (infuziya)
Hayvonlarda verapamil va dantrolen v/i yuborilganda o‘limga olib keluvchi qorinchalar fibrillatsiyasi kuzatiladi. Amlodipin va dantrolenni majmuaviy tayinlashdan saqlanish kerak.

Bir vaqtda qo‘llanilganda alohida ehtiyotkorlik talab etiladi

CYP3A4 ingibitorlari
Kuchli CYP3A4 ingibitorlarini (ketokonazol, itrakonazol, ritonavir) yondosh qabul qilish amlodipinning plazmadagi konsentratsiyasi oshishiga olib kelishi istisno qilinmaydi, shuning uchun ko‘rsatilgan preparatlarni kombinatsiyalashda ehtiyot bo‘lish kerak.

CYP3A4 induktorlari (rifampitsin, teshik dalachoy (Hypericum perforatum), karbamazepin, fenobarbital, fenitoin, fosfenitoin, primidon kabi epilepsiyaga qarshi preparatlar)

Bir vaqtda qo‘llash ushbu induktorlar tomonidan amlodipinning jigar metabolizmi kuchayishi tufayli uning plazmadagi konsentratsiyasi pasayishiga olib kelishi mumkin. Kombinatsiyalangan holda qo‘llanilganda ehtiyot bo‘lish kerak, zarurat bo‘lganda amlodipin dozasi moslashtirilishi mumkin.

Bir vaqtda qo‘llanilganda ehtiyotkorlik talab etiladi

Yurak yetishmovchiligida buyuriladigan beta-adrenoblokatorlar (bisoprolol, karvedilol, metoprolol)

Yurak yetishmovchiligi, yashirin yoki nazorat qilinmaydigan bemorlarda gipotenziya, yurak faoliyati susayishi xavfi mavjud (manfiy inotrop ta’sirning kuchayishi). Bundan tashqari, beta-adrenoblokatorlar ortiqcha gemodinamik reperkussiya holatida simpatik refleksni kamaytirishi mumkin.

Boshqa kombinatsiyalar
Monoterapiyada amlodipin tiazid diuretiklari, beta-adrenoblokatorlar, AOF ingibitorlari, uzoq ta’sir etuvchi nitratlar, nitroglitserinning sublingval shakllari, digoksin, varfarin, atorvastatin, sildenafil, kislotaga qarshi vositalar (alyuminiy gidroksidi geli, magniy gidroksidi, simetikon), simetidin, NYQP, antibiotiklar va peroral gipoglikemik vositalar bilan xavfsiz kombinatsiyalanadi.

Qator preparatlar bilan o‘tkazilgan maxsus tadqiqotlar amlodipinga ta’sirni aniqlamagan:
- amlodipin va simetidinni bir vaqtda qabul qilish amlodipin farmakokinetikasini o‘zgartirmagan;
- sildenafil va amlodipin kombinatsiyalanganida har bir preparat o‘zining mustaqil gipotenziv ta’sirini ko‘rsatgan;
- greypfrut sharbati: 20 nafar sog‘lom ko‘ngillilarda 240 ml greypfrut sharbati va 10 mg amlodipinning bir martalik peroral dozasini bir vaqtda qabul qilish oxirgisining farmakokinetikasida ahamiyatli o‘zgarishlar bilan kechmagan.

Bundan tashqari, ba’zi preparatlar bilan o‘tkazilgan maxsus tadqiqotlar amlodipinning ularning farmakokinetik parametrlariga ta’sirini aniqlamagan:
- atorvastatin: 10 mg amlodipin va 80 mg atorvastatinning ko‘p martalik dozalarini bir vaqtda qabul qilish Css ga erishilgandan so‘ng oxirgisining farmakokinetik parametrlarining ahamiyatli o‘zgarishiga olib kelmagan;
- digoksin: sog‘lom ko‘ngillilarda amlodipin va digoksinni bir vaqtda qabul qilish oxirgisining zardobdagi konsentratsiyalari yoki buyrak klirensi o‘zgarishlari bilan kechmagan;
- varfarin: amlodipin va varfarinni bir vaqtda qabul qilish protrombin indeksiga ta’sir qilmaydi;
- siklosporin: siklosporin bilan farmakokinetik tadqiqotlar shuni ko‘rsatdiki, amlodipin oxirgisining farmakokinetikasini sezilarli darajada o‘zgartirmaydi.

Bir vaqtda qo‘llanilganda alohida ehtiyotkorlik talab etiladi

Baklofen:
- antigipertenziv ta’sirning potensiyalanishi. AB va buyrak funksiyasini nazorat qilish, shuningdek antigipertenziv preparat dozasini to‘g‘irlash zarur.

Bir vaqtda qo‘llanilganda ehtiyotkorlik talab etiladi

Antigipertenziv preparatlar (beta-adrenoblokatorlar kabi) va vazodilatatorlar:
- ushbu vositalar bilan bir vaqtda qo‘llash perindopril va amlodipinning gipotenziv ta’siri kuchayishiga olib kelishi mumkin.

Nitroglitserin, boshqa nitratlar yoki vazodilatatorlar bilan majmuaviy qabul qilish AB ning qo‘shimcha pasayishiga olib kelishi mumkin va shuning uchun ehtiyotkorlikni talab qiladi.

Kortikosteroidlar, tetrakosaktid:
- antigipertenziv ta’sirni kamaytiradi (kortikosteroidlar ta’sirida tuz va suvning ushlanib qolishi).
Alfa-adrenoblokatorlar (prazozin, alfuzozin, doksazozin, tamsulozin, terazozin):
- antigipertenziv ta’sirning kuchayishi va ortostatik gipotenziya rivojlanish xavfining ortishi.

Amifostin:
- amlodipinning antigipertenziv ta’sirini potensiyalashi mumkin.
Tritsiklik antidepressantlar/antipsixotik preparatlar/anestetik preparatlar:
- antigipertenziv ta’sirning kuchayishi va ortostatik gipotenziya rivojlanish xavfining ortishi.

Qon yaratish tizimi tomonidan:
Leykopeniya/neytropeniya - Juda kam
Agranulotsitoz yoki pantsitopeniya - Juda kam
Trombotsitopeniya - Juda kam
G-6PDH (glyukoza-6-fosfatdegidrogenaza) tug'ma yetishmovchiligi bo'lgan bemorlarda gemolitik anemiya - Juda kam
Gemoglobin va gematokritning pasayishi - Juda kam
Immun tizimi tomonidan:
Allergik reaksiyalar (eshakemi) - Juda kam

Metabolizm va ovqatlanish buzilishlari:
Giperglikemiya - Juda kam
Tana vaznining oshishi - Tez-tez emas
Tana vaznining kamayishi - Tez-tez emas
Gipoglikemiya - Chastotasi noma'lum

Asab tizimi tomonidan
Uyqusizlik - Tez-tez emas
Kayfiyat o'zgarishi - Tez-tez emas
Uyqu buzilishlari - Tez-tez emas
Uyquchanlik - Tez-tez
Bosh aylanishi - Tez-tez
Bosh og'rig'i - Tez-tez

Siydik chiqarish tizimi tomonidan:
Siydik chiqarishning buzilishi, nikturiya, tez-tez siyish - Tez-tez emas
Buyrak funksiyasining buzilishi - Tez-tez emas
O'tkir buyrak yetishmovchiligi - Juda kam

Reproduktiv tizim tomonidan:
Impotensiya - Tez-tez emas
Ginekomastiya - Tez-tez emas

Umuman organizm tomonidan
Shish, periferik shish - Tez-tez
Toliqish - Tez-tez
Ko'krak qafasida og'riq - Tez-tez emas
Asteniya - Tez-tez emas