BILOUM

Tarkibi

1 ta kapsula tarkibida quyidagi moddalar mavjud:

- Gingko Biloba (lotincha – Gingko biloba) o'simligi barglarining quruq ekstrakti – 50 mg;

- Turkiston ayugasi o'simligi (lotincha – Ajuga Turkestanica) er ustidagi qismining quruq ekstrakti – 20 mg;

- Beda (lotincha – Beda) o'simligining quruq ekstrakti – 100 mg. Yordamchi moddalar: aerosil, kraxmal, kaltsiy stearati, magniy stearati.

Dozirovkasi

Mazkur preparat kattalarga va 12 yoshdan katta yoshdagi bolalarga peroral tarzda ist'emol qilish tayinlanadi, tabletka (kapsula)ni chaynamay va maydalamay butunligicha yutish, ustidan etarli miqdorda suv ichish tavsiya qilinadi. Preparat ovqatlanish paytida kuniga 1-2 marta 1-2 ta tabletka (kapsula)dan qabul qilinadi. Qabul qilish kursi davomiyligi – 1 oy.

Zarur hollarda, oldingi qabul qilish kursi 2-3 oy o'tganadan keyin mutaxassisning tavsiyasi bo'yicha – takroriy kurs o'tkaziladi.

Nojo'ya samaralari

Salbiy ta'sirlar paydo bo'lganda, qabul qilishni to'xtatish va shifokorga murojaat qilish kerak.

Tarkibi va ishlab chiqarilish shakli

0,25 g li 30 ta kapsulalar.

Farmakologik ta'sir

Jismoniy va aqliy ishlash qobiliyatini oshiradi, qon tomirlar tonusi va organizmning umumiy tonusini saqlaydi, miya, koronar va pereferik qon aylanishini yaxshilaydi, antioksidant ta'sirga ega.

Gingko Biloba ekstrakti qon tomir devorlari elastikligini mustahkamlaydi va oshiradi, qonning reologik xususiyatlarini yaxshilaydi va shuning hisobiga mikrosirkulyasiya yaxshilanadi, miya va periferik to'qimalarni kislorod va glyukoza bilan ta'minlaydi. Miyada qon aylanishiga ijobiy ta'sir ko'rsatadi, tserebroprotektiv ta'sirga ega. Qon tomirlar o'tkazuvchanligini kamaytiradi (shishlarga qarshi ta'sirga ega, ham miya, ham periferiyada). Hujayradagi moddalar almashinuvini yaxshilaydi, eritrositlar agregasiyasiga, qonning fibrinolitik faolligi ortishiga, erkin radikallarning hosil bo'lishiga va hujayra membranasi lipidlarini peroksidli oksidlanishiga qarshilik ko'rsatadi, trombositlarni faollik omilini sekinlashtiradi, xotirani yaxshilaydi, miya va boshqa organlarning ishlash qobiliyatini oshiradi.

Turkiston ayugasi ekstrakti anabolik va adaptogen ta'sirga ega. Oqsil biosintezini kuchaytiradi, immun tizimini mustahkamlaydi, uglevod va yog'lar almashinuvini yaxshilaydi. Metobolizm buzilishidan saqlaydi, antioksidant ta'sirga ega.

Beda ekstrakti charchoqlik va holdan toyish, stresli vaziyatlar fonidagi asab tarangligini bartaraf etadi, ishlash qobiliyatini tiklaydi, tana tonusini oshiradi, tomirlar elastikligini oshiradi, ateroskleroz rivojlanishini oldini oladi.