Farmazolin

Preparatning har qanday komponentiga yuqori sezuvchanlik, homiladorlik, transsfenoidal gipofizektomiya yoki qattiq miya pardasining ochilishi bilan kechadigan transnazal/transoral jarrohlik aralashuvlari anamnezda mavjudligi.

Farmazolin® neselektiv alfa-adrenomimetiklarga kiradi, ular shilliq qavat tomirlarini mahalliy toraytiradi va yallig‘lanish jarayonlari yaqqolligini kamaytiradi. Burun shilliq qavatiga surtilganda shishga qarshi ta’sir ko‘rsatadi, giperemiya va ekssudatsiyani kamaytiradi, bu burun orqali nafas olishni yengillashtirishga, venoz sinuslarda qon oqimini kamaytirishga yordam beradi.
Preparat asosan mahalliy ta’sir ko‘rsatadi, odatdagidek foydalanilganda shilliq qavatlar orqali arzimas miqdorda so‘riladi. Preparatning ta’siri 5–10 daqiqadan keyin boshlanadi va 5-6 soat davomida saqlanib qoladi.

Preparatni uzoq muddatlar davomida (ketma-ket 10 kundan ortiq), surunkali rinitlarda uzluksiz qo'llash mumkin emas. Preparat bilan uzoq muddat davolash teskari samara berishi mumkin.
Tavsiya etilgan dozalarni oshirmaslik kerak, ayniqsa bolalar va keksa odamlarni davolashda.
Preparatni yurak-qon tomir kasalliklari, arterial gipertoniya, yopiq burchakli glaukoma, qandli diabet, qalqonsimon bez kasalliklari bo'lgan bemorlarga, adrenergik preparatlar qo'llanilganda uyqusizlik, bosh aylanishi, tremor, yurak aritmiyasi, qon bosimi oshishi ko'rinishida namoyon bo'ladigan kuchli reaksiyalar yuzaga keladigan bemorlarga ehtiyotkorlik bilan tayinlash kerak.
Preparatning tomir toraytiruvchi ta'siri munosabati bilan ko'z ichki bosimi oshishi mumkin.
Preparat tavsiya etilgan dozalarda qo'llanilganda transport vositalari va murakkab mexanizmlarni boshqarish qobiliyatiga ta'sir qilmaydi.

Farmazolin® boshqa dori vositalari bilan faqat rezorbtiv ta’siri mavjud bo‘lganda o‘zaro ta’sir qiladi. Boshqa guruh adrenomimetik preparatlari Farmazolin® ta’sirini kuchaytiradi. Adrenolitiklar va simpatolitiklar, kalsiy antagonistlari uning samarasini susaytiradi. Preparat tritsiklik antidepressantlar va monoaminoksidaza ingibitorlarining yurak-qon tomir tizimiga gipertenziv ta’sirini kuchaytiradi.

Polietilen flakondan foydalanilganda birinchi marta qo'llashdan oldin qopqoq maksimal darajada buraladi. Bunda qopqoqning ichki tomonida joylashgan boshoq teshikni teshib o'tadi. Qopqoq burab ochiladi, olib tashlanadi va flakon korpusiga biroz bosib, eritma burunga tomiziladi.
Ochilishi nazorat qilinadigan polietilen flakondan foydalanilganda bevosita qo'llashdan oldin flakonni tana haroratigacha isitish uchun uni kaftda ushlab turish kerak. Tomizgandan so'ng qopqoqni qattiq burab yopish kerak.
Eritma 0,05 %
3 oylikdan 6 yoshgacha bo'lgan bolalarga har bir burun yo'liga 1-2 tomchidan sutkasiga 1-2 marta (sutkasiga 3 martadan ko'p emas) tomiziladi. Davolash davomiyligi kasallik kechishiga bog'liq va ketma-ket 10 kundan oshmasligi kerak.
Eritma 0,1 %
Kattalar va 6 yoshdan oshgan bolalarga har bir burun yo'liga 2-3 tomchidan sutkasiga 3-4 marta tomiziladi.
Davolash kursi kasallik kechishiga bog'liq va ketma-ket 10 kundan oshmasligi kerak. Davolash kursi tugagandan so'ng preparatni faqat bir necha kundan keyin qayta tayinlash mumkin.
Farmazolin® 0,05 % ni ilgari qon tomir toraytiruvchi preparatlarni qo'llamagan bemorlarga va 6 yoshgacha bo'lgan bolalarga tayinlash maqsadga muvofiqdir. Samaradorlik yetarli bo'lmagan taqdirda preparatning yuqoriroq konsentratsiyasiga (eritma 0,1 %) o'tiladi.

Burunda achishish, sanchish, quruqlik, aksirish, ko'ngil aynishi, nafas qisishi, angionevrotik shish ko'rinishidagi nojo'ya holatlar bo'lishi mumkin. Yagona hollarda tizimli allergik reaksiyalar bo'lishi mumkin. Uzoq muddat qo'llanilganda yoki yuqori kontsentratsiyalar tez-tez ishlatilganda burun shilliq qavati shishi, bosh aylanishi, bosh og'rig'i, uyqusizlik, qusish, arterial bosimning oshishi, yurak urishi, yurak ritmining buzilishi, ko'rishning qisqa muddatli buzilishi ko'rinishidagi rezorbtiv effekt ko'rinishlari qayd etilishi mumkin. Preparat yuqori dozalarda ayniqsa uzoq muddat qo'llanilganda depressiv holat rivojlanishi mumkin.