FARMAZOLIN N sprey 15ml 1mg/ml

Ksilometazolin simpatomimetik agent bo'lib, α-adrenerjik retseptorlarga ta'sir qiladi.
Farmazolin N nazal qon tomirlarining torayishiga olib keladi, burun shilliq qavati, uning qo'shimcha bo'shliqlari shishi va giperemiyasini kamaytiradi va shu tariqa burun va qo'shimcha bo'shliqlar bitib qolganda burun orqali nafas olishni yaxshilaydi.
Preparat ta'siri qo'llanilgandan bir necha daqiqa o'tgach boshlanadi va 12 soatgacha saqlanib qoladi.
Preparat yaxshi o'zlashtiriladi, shu jumladan shilliq qavati sezgir bemorlarda ham. Preparat mukotsiliar funktsiyani pasaytirmaydi. Farmazolin N burun bo'shlig'iga xos bo'lgan muvozanatlangan pH qiymatiga ega.
Mahalliy qo'llanilganda qon plazmasidagi ksilometazolin kontsentratsiyasi shunchalik kamki, uni zamonaviy analitik usullar bilan aniqlab bo'lmaydi.

Umumiy buzilishlar: bosh og'rig'i.
Ovqat hazm qilish trakti tomonidan buzilishlar: ko'ngil aynishi.
Boshqa buzilishlar: achishish hissi yoki mahalliy ta'sirlanish, burun shilliq qavatining qurishi.
Shuningdek boshqa dori shakllari uchun quyidagi nojo'ya ta'sirlar kuzatilgan: bezovtalik, uyqusizlik, charchoqning kuchayishi (uyquchanlik, lanjlik), gallyutsinatsiyalar (asosan bolalarda), yurakning tez urishi, taxikardiya, arterial qon bosimining oshishi, burun va burun-halqum shilliq qavatining qurishi, aksirish, preparat ta'siri kamaygandan so'ng burun shilliq qavati shishining kuchayishi, burundan qon ketishi, tirishishlar (ayniqsa bolalarda), o'ta yuqori sezuvchanlik reaksiyalari, shu jumladan toshma, qichishish, angionevrotik shish, yuborish joyida achishish hissi.
Shuningdek quyidagi nojo'ya ta'sirlar haqida xabar berilgan: tizimli allergik reaksiyalar, ko'rish organlari tomonidan tranzitor buzilishlar, yurak ritmining tezlashishi yoki buzilishi.

Avtotransportni boshqarish yoki boshqa mexanizmlar bilan ishlashda reaksiya tezligiga ta'sir qilmaydi.

Preparat komponentlariga yuqori sezuvchanlik; o‘tkir koronar kasalliklar, koronar astma, gipertireoz, yopiq burchakli glaukoma shakli, atrofik rinit, qattiq miya pardasini ochish bilan kechuvchi jarrohlik aralashuvlari yoki transfenoikal gipofizektomiya. MAO ingibitorlari bilan yo‘ldosh davolash va ularni qo‘llash to‘xtatilgandan keyin 2 hafta davomida.
Qo‘llashda tegishli xavfsizlik choralari:
Preparatni ketma-ket 10 kundan ortiq qo‘llash mumkin emas. Preparat bilan uzoqroq davolash preparat ta'siri bilan qo‘zg‘atilgan rinit ko‘rinishidagi teskari samarani keltirib chiqarishi mumkin.
Preparatning tavsiya etilgan dozasini, ayniqsa bolalar va keksa yoshdagi shaxslarni davolashda oshirmaslik kerak.
Preparatni qon bosimi yuqori bo‘lgan, qandli diabeti, prostata gipertrofiyasi, mavjud feoxromotsitomasi bo‘lgan bemorlarga mumkin bo‘lgan tizimli simpatomimetik samarasi tufayli, uyqu buzilishi, bosh aylanishi, tremor, aritmiya yoki qon bosimining oshishi kabi simptomlarni keltirib chiqarishi mumkin bo‘lgan adrenergik preparatlarga sezuvchanligi bo‘lgan bemorlarga ehtiyotkorlik bilan tayinlash kerak.
Preparat benzalkoniy xloridini saqlaydi, u teri va shilliq qavat ta'sirlanishi, bronxospazmni keltirib chiqarishi mumkin.

Farmazolin N simpatomimetiklar ta'sirini kuchaytirishi va simpatik nervlarni susaytiruvchi preparatlar ta'sirini kamaytirishi mumkin. ОІ-blokatorlar bilan birga qo'llanilganda bronxial spazm yoki arterial qon bosimining pasayishini keltirib chiqarishi mumkin. Tritsiklik yoki tetratsiklik antidepressantlar bilan birga qo'llanilganda ksilometazolinning tizimli ta'siri kuchayishi istisno qilinmaydi. MAO ingibitorlari bilan parallel ravishda qo'llash mumkin emas.

Kattalar va 12 yoshdan oshgan bolalarga
Har bir burun teshigiga 1 purkashdan sutkasiga 3 marta tayinlash.
Maksimal sutkalik doza – 3 ta purkash.
Davolash davomiyligi kasallikning kechishiga bog‘liq va ketma-ket 10 kundan oshmasligi kerak.
Bevosita qo‘llashdan oldin flakonni preparat bilan kaftda ushlab turish kerak, uni tana haroratigacha isitish uchun. Preparatni qo‘llash vaqtida flakonni vertikal, purkagichni yuqoriga qaratib ushlash kerak. Qo‘llashdan oldin flakonning himoya qopqog‘ini yechish, uchni burun yo‘liga joylashtirish, qisqa keskin harakat bilan flakonni bosish va uchni burundan chiqarib, qo‘yib yuborish kerak. Purkash vaqtida burun orqali biroz nafas olish tavsiya etiladi. Preparat ishlatilgandan keyin flakonni himoya qopqog‘i bilan yopish, yo‘riqnomada ko‘rsatilgan tavsiyalarga muvofiq saqlash kerak.