FARMAZOLIN tomchilar 10ml 0,05%

Farmazolin® shilliq qavat tomirlarini mahalliy toraytiruvchi va yallig'lanish jarayonlari yaqqolligini kamaytiruvchi neselektiv alfa-adrenomimetiklarga kiradi. Burun shilliq qavatiga surtilganda shishga qarshi ta'sir ko'rsatadi, giperemiya va ekssudatsiyani kamaytiradi, bu burun orqali nafas olishni yengillashtirishga, venoz sinuslarda qon oqimini kamaytirishga yordam beradi.
Preparat asosan mahalliy ta'sir ko'rsatadi, odatdagi foydalanishda shilliq pardalar orqali arzimas miqdorda so'riladi. Preparat ta'siri 5–10 daqiqadan so'ng boshlanadi va 5-6 soat davom etadi.

Achishish, sanchish, burun quruqligi, aksirish, ko'ngil aynishi, hansirash, angionevrotik shish ko'rinishidagi nojo'ya hodisalar bo'lishi mumkin. Yakkaxon holatlarda tizimli allergik reaksiyalar bo'lishi mumkin. Uzoq muddat qo'llanilganda yoki yuqori konsentratsiyalar tez-tez ishlatilganda burun shilliq qavati shishi, rezorbtiv samaralar namoyon bo'lishi: bosh aylanishi, bosh og'rig'i, uyqusizlik, qusish, arterial bosimning oshishi, yurak urishi, yurak ritmining buzilishi, ko'rishning qisqa muddatli buzilishi qayd etilishi mumkin. Preparat yuqori dozalarda ayniqsa uzoq muddat qo'llanilganda depressiv holat rivojlanishi mumkin.

Preparatni uzoq davrlar (ketma-ket 10 kundan ortiq) mobaynida uzluksiz, surunkali rinitlarda qo‘llash mumkin emas. Preparat bilan uzoq muddat davolash teskari samarani chaqirishi mumkin.
Preparatning tavsiya etilgan dozalarini oshirmaslik kerak, ayniqsa bolalar va keksa odamlarni davolashda.
Yurak-qon tomir kasalliklari bo‘lgan bemorlarga, arterial gipertoniya, yopiq burchakli glaukoma, qandli diabet, qalqonsimon bez kasalliklari bo‘lgan bemorlarga, adrenergik preparatlar qo‘llanilganda uyqusizlik, bosh aylanishi, tremor, yurak aritmiyasi, arterial bosimning oshishi ko‘rinishida namoyon bo‘luvchi kuchli reaksiyalar yuzaga keladigan bemorlarga preparatni ehtiyotkorlik bilan tayinlash kerak.
Preparatning tomir toraytiruvchi ta'siri munosabati bilan ko‘z ichi bosimining oshishi mumkin.
Preparat tavsiya etilgan dozalarda qo‘llanilganda transport vositalarini va murakkab mexanizmlarni boshqarish qobiliyatiga ta'sir qilmaydi.

Preparatning har qanday komponentiga yuqori sezuvchanlik, homiladorlik, transfenoikal gipofizektomiya yoki anamnezda qattiq miya pardasini ochish bilan kechuvchi transnazal/transoral jarrohlik aralashuvlarining mavjudligi.

FarmazolinВ® boshqa dori vositalari bilan faqat rezorbtiv ta'sir mavjud bo'lganda o'zaro ta'sir qiladi. Boshqa guruh adrenomimetik preparatlari FarmazolinВ® ta'sirini kuchaytiradi. Adrenolitiklar va simpatolitiklar, kaltsiy antagonistlari uning samarasini susaytiradi. Preparat tritsiklik antidepressantlar va monoaminoksidaza ingibitorlarining yurak-qon tomir tizimiga gipertenziv ta'sirini kuchaytiradi.

Polietilen flakon ishlatilganda birinchi marta qo'llashdan oldin qopqoqcha maksimal darajada buraladi. Bunda qopqoqchaning ichki tomonida joylashgan tikanak teshikni teshib o'tadi. Qopqoqcha buralib olinadi, yechiladi va flakon korpusini biroz bosib, eritma burunga tomiziladi.
Ochilganligini nazorat qiluvchi polietilen flakon ishlatilganda qo'llashdan oldin darhol flakonni tana haroratigacha isitish uchun uni kaftda ushlab turish kerak. Tomizgandan keyin qopqoqchani qattiq burash kerak.
Eritma 0,05 %
3 oylikdan 6 yoshgacha bo'lgan bolalarga har bir burun yo'liga 1-2 tomchidan sutkasiga 1-2 marta (sutkasiga 3 martadan ko'p emas) tomiziladi. Davolash davomiyligi kasallik kechishiga bog'liq va ketma-ket 10 kundan oshmaydi.
Eritma 0,1 %
Kattalar va 6 yoshdan katta bolalarga har bir burun yo'liga 2-3 tomchidan sutkasiga 3-4 marta tomiziladi.
Davolash kursi kasallik kechishiga bog'liq va 10 kundan oshmasligi kerak. Davolash kursi tugagandan so'ng preparatni faqat bir necha kundan keyin yana tayinlash mumkin.
Farmazolin® 0,05 % ni ilgari qon tomirlarni toraytiruvchi preparatlarni qo'llamagan bemorlarga va 6 yoshgacha bo'lgan bolalarga tayinlash maqsadga muvofiqdir. Samaradorlik yetarli bo'lmaganda preparatning yuqoriroq konsentratsiyasiga (eritma 0,1 %) o'tiladi.