FERROLIF

Темир танқислиги боғлиқ бўлмаган анемия (апластик анемия, гемолитик анемия, сидеро-ахрестик анемия, қўрғошинли заҳарланиш билан боғлиқ бўлган анемия ва мегалобласт анемия), гемосидероз, гемохроматоз, жигар фаолиятини бузилишида қўллаш мумкин эмас.

Препаратнинг компонентларига юқори сезувчанликда қўллаш мумкин эмас.

Темир аммоний цитрати таркибида 16,5% дан 18,5% гача темир сақлайди. Препарат гематик таъсир кўрсатади, чунки гемоглобиннинг ажратиб бўлмайдиган таркибий қисми ҳисобланади. Бу тирик тўқималарни оксидланиш жараёнлари учун муҳим. Темир аммоний цитрати (18% элементар темир) темирнинг энг кўп ишлатиладиган тузи ҳисобланади.

Фолат кислотаси (В₉ витамини) эритроцитларда гемоглобиннинг пигментланган темир сақловчи қисми, гемни шаклланиши учун муҳимдир. Унинг танқислиги ёш эритроцитларни етилишини ёмонлаштиради, бу анемияга олиб келади.

Цианокобаламин (В₁₂ витамини) тўқималарда В₁₂ коферментига айланиши мумкин, ва шу сабабли, метилмалонатни сукцинатга айланиши ва гомоцистеиндан метионин синтези учун муҳим аҳамиятга эга. В₁₂ витамини шунингдек ёғлар, углеводлар метаболизмини ва оқсиллар синтезини енгиллаштиради. Тез бўлиниши билан характерланадиган ҳужайралар (эпителиал ҳужайралар, суяк кўмиги ҳужайралари ва миелоид ҳужайралар) га В₁₂ витаминини янада кўпроқ миқдори талаб этилади.

Темир аммоний цитрати темир шаклига айланади ва темир шаклида сўрилади. Соғлом одамларда у ёмон (тахминан 10%) сўрилади, аммо темир танқислиги анемияси билан хасталанган одамларда 60% гача сўрилади. Темир гемоглобинга киришиши учун суяк кўмигига трансферринга боғланган шаклда ташилади. Гемоглобин парчаланганида темир озод бўлади ва организм томонидан қайта ишлатилади. Темирни организмдан минимал даражада чиқарилади. Ҳужайраларни сийдик, ахлат, теридаги туклар, балғам, тирноқлар, шиллиқ қаватлар кўринишида йўқотилиши, қонни йўқотилиши темирнинг даражасини пасайишига олиб келади.

Фолат кислотаси (В₉ витамини) ингичка ичакнинг асосан проксимал қисмида сўрилади. Сўрилганидан сўнг фолатполиглутамат моноглутаматга айланади. Фолат кислотаси қонда тез пайдо бўлади, у ерда плазма оқсиллари билан яхши боғланади. Фолат кислотасининг баъзи қисми организмнинг тўқималарига тақсимланади, баъзи миқдори эса организмдан сийдик билан чиқарилади ва яна баъзи қисми – жигарда фолат кўринишида сақланади.

Цианокобаламин (В₁₂ витамини) сувда эрувчан витамин ҳисобланади. У меъдада ички омил ёрдамида протеолиз йўли билан сўрилади ва фаол транспорт механизми орқали ютилади. В₁₂ – ички омили ёнбош ичакда сўрилади. У жагарда тўпланади. Энтерогепатик циркуляцияга учрайди ва организмдан сийдик билан катта бўлмаган миқдорларда чиқарилади.

Ферролиф препаратини шифокорнинг кўрсатмаси бўйича, она учун кутилган фойда ҳомила учун потенциал ҳавфдан устун бўлган ҳоллардагина қўллаш мумкин.

Препаратни кўкрак сутига ўтиши ўрганилмаган.

Препарат болалар ололмайдиган жойда сақлансин ва яроқлилик муддати тугаганидан сўнг ишлатилмасин.

Препаратнинг дозаси ошириб юборилганида эпигастрийда оғриқ, кўнгил айниши, қусиш, диарея, уйқучанлик ва терини оқариши ривожланиши мумкин. Дефероксамин препаратнинг дозаси ошириб юборилишини даволашда антидот бўлиб ҳисобланади. Дозаси ошириб юборилганида, ҳатто агар пациент ўзини яхши ҳис қилса ҳам, тиббий маслаҳат керак бўлади.

Препаратнинг тавсия этилган дозалари оширилмасин.

Циклосерин ва гидралазин препаратнинг антагонистлари ҳисобланадилар ва уни юбориш ушбу бирикмаларни қўллаш билан боғлиқ бўлган неврологик ножўя самараларни камайтиради.

Рецептсиз.

Дори шакли: ичга қабул қилиш учун суспензия

Таркиби

1 мл суспензия қуйидагилар сақлайди:

фаол модда: темир аммоний цитрати – 165 мг; фолат кислотаси – 0,44 мг, цианокобаламин 11,24 мкг.

ёрдамчи моддалар: сорбитол эритмаси, сахароза, натрий бензоати, натрий метилгидроксибензоати, натрий пропилгидроксибензоати, динатрий ЭДТА, тиомочевина, сув, неомальт, бўёвчи: карамель, натрий гидроксиди.

30 мл суспензия флаконда. 1 флакон пипетка ва қўллаш бўйича йўриқномаси билан бирга картон жойланган.

Овқат ҳазм қилиш тизими томонидан: қабзият, кўнгил айниши, меъда санчиқлари.

Марказий нерв тизими (МНТ) томонидан: уйқуни бузилиши, қўзғалувчанлик ва депрессия.

Аллергик реакциялар: кам ҳолларда экзематоз – ташқи кўриниш, эшакеми кузатилади; айрим ҳолларда – анафилактик шок, анафилактик реакциялар бўлиши мумкин.

Яширин темир танқислиги анемияси, операция, ионлаштирувчи нурланиш, узоқ муддатли гемодиализ, жадал жисмоний фаоллик ва бошқа овқатланишдаги етишмовчиликлар каби турли омиллар чақирган анемияни олдини олиш ва даволаш учун қўлланади.