QO‘LLASH BO‘YICHA YO‘RIQNOMA
IMMUNOMAKS
IMMUNOMAX
Preparatning savdo nomi: Immunomaks
Ta‘sir etuvchi modda (XPN): immunomaks
Dori shakli: mushak ichiga yuborish uchun eritma tayyorlash uchun liofilizat.
Tarkibi:
1 flakon quyidagilarni saqlaydi:
faol modda: immunomaks – 200 TB;
yordamchi modda: natriy xloridi – 7,2 mg.
Ta‘rifi: oq rangli liofilizasiya qilingan kukun.
Farmakoterapevtik guruhi: immunomodulyator vosita.
ATX kodi: L03
Farmakologik ta‘siri
Farmakodinamikasi
Immunomaks virusli va bakterial infeksiyalardan immun himoyasini kuchaytiradi. Preparatning immunofarmakologik ta‘sir mexanizmi Immunomaksning quyidagi immun tizimi zvenolarini faollashtirishi bilan bog‘liq:
- Immunomaksning ta‘siridan so‘ng 2-3 soatdan keyin SD69 faollashtirish molekulasini kuchli ekspressiya qiluvchi NK-hujayralari. NK-hujayralarning sitologik faolligi 3 marta oshadi;
- aylanib yuruvchi monositlar Immunomaks bilan faollashtirilganidan so‘ng 2-4 soatdan keyin sitokinlarni: interleykin-8, interleykin-1β va alfa o‘sma nekrozining omilini ishlab chiqara boshlaydi;
- neytrofil granulositlar monositlar orqali faollashadi, preparat neytrofil granulositlarga to‘g‘ridan-to‘g‘ri ta‘sir ko‘rsatmaydi. Monositlar tomonidan ishlab chiqariladigan interleykin-8 neytrofil granulositlarning faollashuvini chaqiradi, u Immunomaks ta‘siridan so‘ng 24 soatdan keyin yaqqol namoyon bo‘ladi;
- to‘qima makrofaglari, u bu hujayralarning morfologik o‘zgarishlarda, bakterisid substansiyalarning ishlab chiqarilishini kuchayishida, 5′-nukleotidazalarning faolligini o‘zgarishida namoyon bo‘ladi;
- yog‘ antigenlarga qarshi eruvchi va korpuskulyar antitelalarni hosil bo‘lishi.
Immunomaks viruslar (odam papillomasi virusi, oddiy gerpes virusi, paravirus, go‘shtho‘rlarning o‘lati virusi va boshqalar) yoki bakteriyalar (ichak tayoqchasi, salmonella, stafilokokk, xlamidiya, mikoplazma, ureaplazma va boshqalar) chaqirgan infeksiyalardan himoyani kuchaytiradi. Preparatni bu ta‘siri kattalar va yangi tug‘ilgan chaqaloqlarda Immunomaksni turli yo‘llar bilan; mushak ichiga, vena ichiga, qorin bo‘shlig‘iga, og‘iz orqali yuborilganida namoyon bo‘ladi.
Farmakokinetikasi
Preparatni farmakokinetikasi uni peptidoglikan tabiatli bo‘lishi va juda kichik ta‘sir qiluvchi dozalari sababli o‘rganilmagan.
Qo‘llanilishi
- susaygan immunitetni muvofiqlashtirish uchun;
- odam papilloma virusi chaqirgan patologik holatlarni davolash uchun (kandilomalar, so‘gallar, displaziya va boshqalar).
- oddiy gerpes, xlamidiya, mikoplazma, ureoplazma, boshqa bakteriyalar va viruslar chaqirgan infeksiyalarni davolash uchun qo‘llanadi.
Qo‘llash usuli va dozalari
Qo‘llash oldidan preparat 1 ml in‘eksiya uchun suvda eritiladi.
Kattalar va 12 yoshgacha va undan katta bolalarga tavsiya qilinadigan doza kasallikning og‘irligiga qarab 100-200 TB ni tashkil qiladi. Preparat kuniga bir marta mushak ichiga yuboriladi. Davolash kursi – davolashning 1, 2, 3, 8, 9, 10 kunlaridagi 6 in‘eksiyadan iborat.
Qaytalanuvchi anogenital so‘gallarni davolash uchun Immunomaksni 200 TB dan 6 in‘eksiyasi, so‘gallarning destruksiyasini umumiy qabul qilingan usullaridan biri bilan: kriodestruksiya, elektrokoagulyasiya, lazer destruksiya yoki solkoderm bilan birga qo‘llanadi.
Bakteriyalar yoki viruslar chaqirgan infeksiyalarni davolash uchun Immunomaksning 100-200 TB dan 6 in‘eksiya kursi o‘tkaziladi.
Susaygan immunitetni muvofiqlashtirish uchun Immunomaksning 100-200 TB dan 3-6 in‘eksiya kursi o‘tkaziladi.
Nojo‘ya ta‘sirlari
Aniqlanmagan.
Qo‘llash mumkin bo‘lmagan holatlar
Immunomaksga shaxsiy o‘ta yuqori sezuvchanlik. 12 yoshgacha bo‘lgan bolalar.
Dorilarning o‘zaro ta‘siri
Ta‘riflanmagan.
Maxsus ko‘rsatmalar
Homiladorlik va emizish davrida qo‘llanilishi
Agar homilador ayol uchun potensial foyda homila uchun kutiladigan zarardan oshsa qo‘llash ehtimoli bor. Immunomaks emizikli onalarga qabul qilish uchun tavsiya qilinmaydi.
Surunkali kasalliklari bo‘lgan bolalar va kattalarda dori preparatini qo‘llanilishining ahamiyati yo‘q.
Transport vositalari, mexanizmlarini boshqarish qobiliyatiga ta‘siri ehtimoli ma‘lumoti
Preparat yuqori diqqat konsentrasiyasi va tezkor psixomotor reaksiya talab qiluvchi transport vositalari, harakat mexanizmlari va boshqa potensial xavfli faoliyat turlarini boshqarish qobiliyatiga ta‘sir qilmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Dozani oshirib yuborilish simptomlari ta‘riflanmagan.
Chiqarilish shakli
200 TB dan preparat birinchi gidrolitik sinf neytral shisha flakonlarda, germetik rezina tiqin bilan berkitilgan, alyumin qalpoqcha bilan siqilgan, yoki ampula.
3 flakon qo‘llash bo‘yicha yo‘riqnomasi bilan korobka karton qutida.
Saqlash sharoiti
4°S dan 8°S gacha bo‘lgan haroratda saqlansin.
Yaroqlilik muddati
2 yil.
Dorixonalardan berish tartibi
Resept bo‘yicha beriladi.
