Imudon

Preparatning savdo nomi: Imudon^®

Ta‘sir etuvchi moddalar (XPN):

bakteriyalarning lizatlarini aralashmasi [L. acidophilis + delbrueckii ss lactis + L. helveticus + L. fermentum + S. pyogenes groupe A + S. sanguis groupe H + S. aureus + E. faecium + E. faecalis + K. pneumoniae ss pneumoniae + F. Nucleatum ss fusiforme + C. pseudodiphtheriticum + C. albicans] 

Dori shakli: shimish uchun tabletkalar

Farmakoterapevtik guruhi: immunrag‘batlantiruvchi vosita.

ATX kodi: L03AX

Immunobiologik va farmakologik xususiyatlari
Otorinolaringologiya va stomatologiyada mahalliy qo‘llash uchun mo‘ljallangan bakterial kelib chiqishga ega immunostimullovchi preparat. Fagotsitozni faollashtiradi, immunokompetent hujayralar sonining oshishiga yordam beradi, so‘lakda lizotsim, interferon va immunoglobulin A ishlab chiqarilishini kuchaytiradi.

Chiqarilish shakli: 8 tadan tabletka poliamid/alyuminiy/PVX kompozitsion materialdan va alyuminiy bosma laklangan folgadan tayyorlangan konturli katakli o‘ramga (blisterga) joylanadi.
8 tadan tabletkali 3 yoki 5 ta konturli katakli o‘ram (blister) qo‘llash bo‘yicha yo‘riqnoma bilan birga karton qutiga joylanadi.

Dorixonalardan berish tartibi: Retseptsiz.

Qo‘llash uchun yaroqsiz holatlar:

• O‘ram (blister) shikastlanganda.
• Markirovkasi noaniq bo‘lganda.
• Preparatning yaroqlilik muddati tugagandan keyin.

Og‘iz bo‘shlig‘i va halqumning infeksion-yallig‘lanish kasalliklarini davolash va oldini olishda:
•    faringit;
•    surunkali tonzillit;
•    tonzillektomiyadan oldingi tayyorgarlik va operatsiyadan keyingi davr;
•    yuzaki va chuqur parodontozlar, parodontit, stomatit (shu jumladan aftoz stomatit), glossit;
•    eritematoz va yarali gingivit;
•    og‘iz bo‘shlig‘i disbakteriozi;
•    tish olib tashlangandan keyingi infeksiyalar, sun’iy tish ildizlari implantatsiyasidan keyingi holatlar;
•    tish protezlari sabab bo‘lgan yaralanishlar.

•    preparatga yoki uning tarkibiy qismlariga yuqori individual sezuvchanlik;
•    3 yoshgacha bo‘lgan bolalar;
•    autoimmun kasalliklar.
 

Bir tabletka tarkibi
Preparat polivalent antigen kompleksidan iborat bo‘lib, og‘iz bo‘shlig‘i va halqumda yallig‘lanish jarayonlarini eng ko‘p chaqiradigan qo‘zg‘atuvchilarga mos keluvchi bakteriyalar lizatlari aralashmasidan tashkil topgan.
Faol komponent:
Imudon® (bakteriyalar lizatlari aralashmasi) — 2,7 mg (quruq modda hisobida),
shu jumladan:
bakteriyalar lizatlari: [L. acidophilus + L. delbrueckii ss lactis + L. helveticus + L. fermentum + S. pyogenes groupe A + S. sanguis groupe H + S. aureus + E. faecium + E. faecalis + K. pneumoniae ss pneumoniae + F. nucleatum ss fusiforme + C. pseudodiphtheriticum + C. albicans] — 0,1575 mg
va yordamchi moddalar:
glitsin — 2,0 mg, natriy dezoksixolat — 0,53 mg, tiomersal — 0,0125 mg dan ko‘p emas.

Yordamchi moddalar:
glitsin — 47,3 mg, laktoza monogidrat — 350 mg, mannitol — 100 mg, natriy saxarinat — 1,12 mg, povidon — 10,0 mg, natriy gidrokarbonat — 30,0 mg, suvsiz limon kislotasi — 23,0 mg, yalpiz aromatizatori — 8,0 mg, magniy stearat — 4,88 mg.

Preparat asosan og‘iz bo‘shlig‘ida ta'sir qiladi, hozirgi vaqtda tizimli absorbtsiya to‘g‘risida ma'lumotlar yo‘q.

Stomatologiya va otorinolaringologiyada mahalliy qo'llash uchun bakterial kelib chiqishga ega immunostimulyatsion preparat. Og'iz bo'shlig'i va halqumda patogen jarayonlarni eng ko'p keltirib chiqaradigan bakteriyalar lizatlarini o'z ichiga olgan polivalent antigen majmuani o'zida namoyon etadi. Imudon fagotsitozni faollashtiradi, immunkompetent hujayralar sonini oshirishga yordam beradi, so'lakda lizotsim, interferon va sekretor immunoglobulin A ishlab chiqarilishini oshiradi.

Kam hollarda preparatni qo‘llash quyidagilar bilan kechishi mumkin: allergik reaksiyalar (toshma, eshakemi, angionevrotik shish), me’da-ichak yo‘llari tomonidan reaksiyalar (ko‘ngil aynishi, qusish, qorin og‘rig‘i), tana haroratining oshishi, bronxial astmaning zo‘rayishi, yo‘tal.
Juda kam hollarda preparatni qo‘llash tugunli eritema, gemorragik vaskulit, trombotsitopeniya rivojlanishi bilan kechishi mumkin.

3 yoshgacha bo‘lgan bolalarga mumkin emas.

Homilador ayollarda Imudonni qo‘llash bo‘yicha ma’lumot yetarli emas. Hayvonlarda o‘tkazilgan tegishli tajribalar va epidemiologik tadqiqotlar mavjud emas.

Imudon® ni homiladorlik yoki laktatsiya davrida qabul qilish tavsiya etilmaydi.

Imudon dozasi oshirib yuborilgan holatlar tavsiflanmagan.

Oq yoki deyarli oq rangli, yassi silindrik shaklli, silliq yaltiroq yuzali, chetlari qiya, yalpiz hidli tabletkalar, biroz marmarlikka yo‘l qo‘yiladi.

•    3 yoshdan 6 yoshgacha bo‘lgan bolalar tabletkalarni faqat kattalar majburiy nazorati ostida so‘rishlari kerak.
•    Imudon qo‘llangandan keyin 1 soat davomida ovqat va suv iste’mol qilmaslik, shuningdek og‘izni chaymaslik kerak, chunki bu preparatning davolovchi samaradorligini kamaytirishi mumkin.
•    Tuzsiz yoki kam tuzli parhezga rioya qilayotgan bemorlarga preparat buyurilganda, 1 tabletka Imudon tarkibida 15 mg Na+ borligini hisobga olish kerak.
•    Bakterial lizatlar saqlovchi preparatlarni qabul qilganda kasalligi zo‘rayadigan (bronxial astma xuruji yuz beradigan) bronxial astmali bemorlarga preparatni qo‘llash tavsiya etilmaydi.

Avtomobil va boshqa mexanizmlarni boshqarish qobiliyatiga ta’siri
Davolanish davrida avtomobil boshqarish yoki boshqa mexanizmlar bilan ishlashga oid faoliyatni cheklash zarurligini ko‘rsatuvchi ma’lumotlar yo‘q.

Aniqlanmagan. Imudon® boshqa guruh dori vositalari bilan birga qo‘llanishi mumkin.

SP 3.3.2.1248-03 ga muvofiq 25 °C dan yuqori bo‘lmagan haroratda saqlanadi va tashiladi.
Bolalar ololmaydigan joyda saqlansin.

Yaroqlilik muddati: 2 yil.

Kattalar va 14 yoshdan oshgan o‘smirlar uchun.

Og‘iz bo‘shlig‘i va halqumning o‘tkir yallig‘lanish kasalliklarida hamda surunkali kasalliklar zo‘rayganda preparat kuniga 8 tabletka qabul qilinadi. Tabletkalar og‘iz bo‘shlig‘ida 1–2 soat oralig‘ida so‘riladi (chaynalmaydi). Davolash kursining o‘rtacha davomiyligi 10 kun.

Og‘iz bo‘shlig‘i va halqumning surunkali yallig‘lanish kasalliklari zo‘rayishini oldini olish uchun preparat kuniga 6 tabletka qabul qilinadi. Tabletkalar og‘iz bo‘shlig‘ida har 2 soatda so‘riladi (chaynalmaydi). Kurs davomiyligi 20 kun. Imudon bilan profilaktik davolash kurslarini yiliga 3–4 marta o‘tkazish tavsiya etiladi.

3 yoshdan 14 yoshgacha bo‘lgan bolalar uchun.

Og‘iz bo‘shlig‘i va halqumning o‘tkir va surunkali yallig‘lanish kasalliklarini davolashda, shuningdek profilaktika maqsadida preparat kuniga 6 tabletka qo‘llanadi. Tabletkalar og‘iz bo‘shlig‘ida har 1–2 soatda so‘riladi (chaynalmaydi). O‘tkir kasalliklarda davolash kursi 10 kun, surunkali kasalliklar zo‘rayishini oldini olish uchun esa 20 kun. Profilaktik kursni yiliga 3–4 marta takrorlash tavsiya etiladi.