KARDIVA

Карведилолга ёки препаратнинг бошқа компонентларига юқори сезувчанлик;
Беқарор/декомпенсацияланган юрак етишмовчилиги;
Жигар фаолиятини клиник аҳамиятли бузилиши;
Организмда суюқликни яққол тутилиб қолиши;
Бошқа бета-адреноблокаторлар каби қуйидаги ҳолатларда қўлланмайди:
- II-III даражали атриовентрикуляр блокада (ритмни сунъий бошқарувчиси бўлган пациентлардан ташқари);
- яққол брадикардия (минутига 50 зарбдан кам);
- синус тугунининг заифлик синдроми (шу жумладан синоартриал блокада);
- яққол артериал гипотензия (систолик АБ 85 мм сим.уст. дан кам);
- кардиоген шок;
- анамнезидаги бронхоспазм ёки бронхиал астма;
- метаболик ацидозда.

Karvedilol – α1- β1 – va β2-adrenoretseptorlarining blokatori. Karvedilolni organoprotektiv samara ko'rsatishi, erkin kislorod radikallarini bartaraf qiluvchi kuchli antioksidant ekanligini aniqlangan. Karvedilol R(+) va S(-) stereoizomerlarni ratsemik aralashmasidan iborat bo'lib, ularning har biri bir xil α-adrenobloklovchi va antioksidant xususiyatlariga ega. Tomirlar devorining silliq mushak hujayralariga nisbatan antiproliferativ ta'sirga ega. Karvedilolni beta-adrenobloklovchi ta'siri noselektiv xarakterga ega va chapga aylanuvchi S(-) stereoizomeri bilan bog'liq. Karvedilol ichki simpatomimetik faollikka ega emas, propranololga o'xshab, membranani barqarorlashtiruvchi xususiyatlarga ega. Beta-adrenoretseptorlarni bloklab, u renin-angiotenzin-alьdosteron tizimi faolligini pasaytiradi, reninning ajralib chiqishini kamaytiradi, shuning uchun suyuqlikni tutilishi kam paydo bo'ladi.
α1-adrenoretseptorlarni selektiv bloklab, karvedilol umumiy periferik tomirlar qarshiligini pasaytiradi.
Karvedilol yuqori va past zichlikdagi lipoproteinlarning (YuZLP/PZLP) normal nisbatni saqlab, lipid profiliga salbiy ta'sir ko'rsatmaydi.
Samaradorligi
Arterial gipertenziya
Arterial gipertenziyasi bo'lgan bemorlarda karvedilol β – va α1-adrenoretseptorlarni birga blokadasi hisobiga arterial bosimni (AB) pasaytiradi. AB ni pasayishi umumiy periferik tomirlarning qarshiligini bir vaqtda oshishi bilan kechmaydi, u noselektiv beta-adrenoblokatorlarni qabul qilinganda kuzatiladi. Yurak qisqarishlari soni birmuncha kamayadi. Arterial gipertenziyasi bo'lgan bemorlarda buyrak qon oqimi va buyraklar faoliyati saqlanib qoladi. Karvedilolni zarb hajmini o'zgartirmasligi va umumiy periferik tomirlar qarshiligining kamaytirishi ko'rsatilgan. Karvedilol a'zolarning qon bilan ta'minlanishini va periferik qon oqimini buzmaydi, shu jumladan, skelet mushaklarini, bilak, oyoqlarning, teri qoplamlarini, bosh miya va uyqu arteriyasini. Jismoniy yuklamalar vaqtida oyoq-qo'llarni sovushi va yuqori toliqish kam hollarda kuzatiladi. Arterial gipertenziyada karvedilolning uzoq muddatli gipotenziv samarasi, bir necha ikki tomonlama yashirin nazoratli tadqiqotlarda namoyish qilingan.
Yurak ishemik kasalligi
Yurak ishemik kasalligi bo'lgan bemorlarda karvedilol uzoq muddatli davolashda saqlanadigan ishemiyaga qarshi va antianginal ta'sir (jismoniy yuklamalarning umumiy davomiyligini oshishi, 1 mm chuqurlikdagi ST segmentini depressiyasi rivojlangunicha bo'lgan vaqt va stenokardiya hurujlari paydo bo'lgunicha bo'lgan vaqt) ko'rsatadi. Klinik tadqiqotlar, karvedilol miokardni kislorodga bo'lgan ehtiyojini va simpatoadrenal tizimining faolligini axamiyatli pasaytirishini ko'rsatdi. Shuningdek old yuklama (o'pka arteriyasidagi tiqilish bosimni va o'pka kapillyarlari bosimi) va keyin yuklamani (umumiy periferik qon tomirlar qarshiligi) ham kamaytiradi.
Surunkali yurak yetishmovchiligi
Karvedilol yurak tomir tizimi tomonidan buzilish sababli bemorlarning o'limini pasaytiradi va shifoxonaga yotishga bo'lgan ehtiyojini ahamiyatli kamaytiradi. Karvedilol shuningdek ishemik va noishemik genezli surunkali yurak ishemik kasalligi bo'lgan bemorlarda zarb bilan otilib chiqish fraktsiyasini oshiradi va uning simptomlarni kamaytiradi. Karvedilolni samaralari dozaga bog'liq bo'lib hisoblanadi.

Homiladorlik
Homilador ayollarda karvedilolni adekvat klinik qo'llash tajribasi yo'q.
Kardiva™ preparatini, uni qo'llashdan mumkin bo'lgan afzalliklari, homila uchun potentsial xavfdan yuqori ustun bo'lgan holda qo'llash mumkin.
Laktatsiya
Karvedilolni ko'krak suti bilan chiqarilishi to'g'risida ma'lumotlar yo'q. Emizikli ayollarda foyda/xavf nisbatani baholash va preparatni qo'llash zarurati bo'lganida emizishni to'xtatish lozim.

Tabletkalar ichga, yetarli miqdordagi suyuqlik bilan qabul qilinadi. Surunkali yurak yetishmovchiligida preparatni ovqatni iste'mol qilish vaqtida qabul qilish kerak. Karvedilol bilan davolash uzoq muddatli bo'ladi. Preparatni qabul qilish keskin to'xtatilmaydi, balki asta-sekin bir necha hafta davomida dozani kamaytirib amalga oshiriladi. Bu ayniqsa koronar arteriyalarning kasalliklari bo'lgan patsiyentlar uchun muhimdir.
Agar shifokor tomonidan boshqa tavsiyalar bo'lmasa, unda holda preparat quyidagi tarzda buyuriladi:
Essensial gipertenziya: Tavsiya qilingan boshlang'ich doza birinchi 2 kunda sutkada 12,5 mg dan 1 marta, so'ngra sutkada 25 mg dan 1 marta. Zarurati bo'lganida dozani kamida 2 haftalik interval bilan tavsiya etiladigan maksimal 50 mg dozagacha oshirish va sutkada bir marta yoki 2 qabulga bo'lib qo'llash mumkin.
Yurak ishemik kasalligi: Tavsiya etilgan boshlang'ich doza birinchi 2 kunda 12,5 mg dan sutkada 2 marta, shundan so'ng – 25 mg dan sutkada 2 martani tashkil qiladi. Zarurati bo'lganida dozani kamida 2 haftalik interval bilan, 2 qabulga bo'lingan maksimal 100 mg sutkalik dozagacha oshirish mumkin.
Barqaror simptomatik surunkali yurak yetishmovchiligi: Doza shaxsiy tanlanadi; dozani oshirish davrida patsiyent shifokor kuzatuvi ostida bo'lishi kerak. Angishvonagul preparatlari, diuretiklar va AAF ingibitorlarini qabul qilayotgan patsiyentlarda karvedilol bilan davolashni boshlashdan oldin ularni dozalarini barqarorlashtirish kerak.
Tavsiya etilgan boshlang'ich doza 3,125 mgni sutkada 2 marta 2 hafta davomida tashkil etadi. Yaxshi o'zlashtirilishda doza kamida 2 haftalik interval bilan kuniga 2 marta 6,25 mg gacha, so'ngra kuniga 2 marta 12,5 mg gacha, so'ngra – kuniga 2 marta 25 mg gacha oshiriladi. Dozani patsiyent yaxshi o'zlashtiraoladigan maksimalgacha oshirish kerak. Yengil, o'rtacha va og'ir darajali surunkali yurak yetishmovchiligi va tana vazni 85 kg dan kam bo'lgan patsiyentlar uchun tavsiya etilgan maksimal sutkalik doza 25 mg dan sutkada 2 martani tashkil qiladi. Yengil, o'rtacha va og'ir darajali surunkali yurak yetishmovchiligi va tana vazni 85 kg dan ko'p bo'lgan patsiyentlar uchun tavsiya etilgan maksimal sutkalik doza 50 mg dan sutkada 2 martani tashkil qiladi. Dozani har bir oshirish oldindan shifokor yurak yetishmovchiligi yoki vazodilyatatsiya simptomlarini mumkin bo'lgan kuchayishini aniqlash uchun patsiyentni ko'rishi lozim. Yurak yetishmovchiligi yoki suyuqlikning tutilish simptomlarini o'tkinchi kuchayishida, diuretiklarning dozasini oshirish kerak. Kam hollarda preparatning dozasini kamaytirish yoki uni vaqtinchalik bekor qilish zarurati paydo bo'lishi mumkin. Agar Kardiva™ preparati bilan davolash 1 haftadan ko'pga to'xtatilsa, uni kam dozada qayta tiklash, so'ngra esa yuqorida keltirilgan tavsiyalarga muvofiq dozani oshirish tavsiya etiladi. Agar davolash 2 haftadan ko'pga to'xtatilsa, unda preparat qabul qilishni 3,125 mg dozada sutkada 2 martani qayta tiklash, so'ngra yuqorida keltirilgan tavsiyalarga muvofiq dozani oshirish tavsiya etiladi. Vazodilyatatsiya simptomlarini bartaraf qilish uchun avval diuretiklarning dozasini pasaytirish kerak. Agar simptomlar saqlansa, AAF ingibitori (agar patsiyent uni qabul qilayotgan bo'lsa) dozasini, so'ngra esa zarurati bo'lgan holda – karvedilolning dozasini kamaytirish mumkin. Bunday vaziyatlarda yurak yetishmovchiligining kuchayotgan simptomlari yoki vazodilyatatsiya barqarorlashgunicha, preparatni dozasini oshirmaslik lozim.

Maxsus guruh bemorlari bilan bog'liq qo'shimcha ma'lumotlar
Buyrak yetishmovchiligi
Buyraklar faoliyatini turli darajadagi bo'lgan bemorlardagi Farmakokinetika bo'yicha mavjud ma'lumotlar (buyrak yetishmovchiligini xam qo'shib) o'rtacha va og'ir buyrak yetishmovchiligini bo'lgan patsiyentlarda preparatning dozasini tuzatish talab etilmasligini tahmin qilish imkonini beradi.

Jigar yetishmovchiligi
Klinik yaqqol jigar yetishmovchiligi bo'lgan patsiyentlarda karvedilolni qo'llash mumkin emas.
Pediatrik guruh
Preparatni bolalar va 18 yoshgacha bo'lgan o'smirlarda qo'llashning samaradorligi va xavfsizligi o'rganilmagan.
Geriatrik guruh
Simptomatik surunkali yurak yetishmovchiligi bo'lgan keksa yoshli patsiyentlarda preparatning dozasini to'g'irlash talab etilmaydi.
Arterial gipertenziya: tavsiya etilgan boshlang'ich doza 12,5 mg ni tashkil qiladi va ayrim hollarda AB qoniqarli nazoratini ta'minlaydi. Agar kutilgan samaraga erishilmagan hollarda, maksimal sutkalik dozani 50 mg gacha (bir martalik doza yoki bir necha qabullarga bo'lingan) oshirish mumkin.
Stenokardiya: Maksimal tavsiya etilgan doza 50 mg tashkil qiladi va bir nechta qabullarga bo'linadi.

Simptomlari: Doza oshirib yuborilganda yaqqol gipotenziya, bradikardiya, yurak yetishmovchiligi, kardiogen shok, yurakni to'xtab qolishi kuzatilishi mumkin. Shuningdek nafasni buzilishi, bronxospazm, qusish, ongni chalkashishi va yoyilgan tirishishlar bo'lishi mumkin.
Davolash: Umumiy muolajalardan tashqari, shuningdek hayotiy muhim ko'rsatkichlarni nazorati va to'g'irlashni o'tkazish, zarurati bo'lganida – jadal davolash bo'limida davom ettirish kerak. Shuningdek tutib turuvchi davolashni o'tkazish kerak.

Kardiva™ tabletkalari laktoza saqlaydi. Preparat galaktozani kam uchraydigan o'zlashtirolmaslikning nasliy shakli, Lappa laktaza tanqisligi yoki glyukozo-galaktozani kam so'rilish sindromi bo'lgan patsiyentlarga buyurilmaydi.
Kardiva™ tabletkalari natriy saqlaydi, buni natriy nazorat qilinadigan parhezdagi patsiyentlarda hisobga olish lozim.
Surunkali dimlangan yurak yetishmovchiligi
Surunkali dimlangan yurak yetishmovchiligi bo'lgan patsiyentlarda preparatning dozasini oshirish, yurak yetishmovchiligi simptomlarining zo'rayishi yoki suyuqlik tutilishini sababi bo'lishi mumkin. Bunday hollarda diuretiklarning dozasini oshirish va preparatning dozasini patsiyentning xolati barqarorlashguncha oshirmaslik kerak. Kam hollarda dozani kamaytirish yoki preparatni vaqtinchalik bekor qilish zarurati paydo bo'ladi. Boshqa choralar preparatni keyingi qo'llashning ijobiy samarasiga ta'sir qilmaydi. Karvedilol yurak glikozidlari bilan majmuada ehtiyotkorlik bilan qo'llanadi, chunki AV-o'tkazuvchanligini ahamiyatli sekinlashishi mumkin.
Surunkali yurak yetishmovchiligidagi buyrak faoliyati
Preparat surunkali yurak yetishmovchiligi va past AB (sistolik AB 100 mm sim.ust dan kam), yurak ishemik kasalligi va tomirlarning tarqalgan shikastlanishi va/yoki buyrak yetishmovchiligi bo'lgan patsiyentlarga buyurilganda, buyraklar faoliyatini qaytaruvchi yomonlashishi aniqlangan. Doza oshirilganda va yuqorida ko'rsatilgan omillar mavjudligida buyraklarning funktsional holatini nazorat qilish kerak; buyraklar faoliyatini yomonlashishi holida dozani kamaytirish yoki preparatni bekor qilish kerak.
Surunkali obstruktiv o'pka kasalligi (SOO'K)
Surunkali obstruktiv o'pka kasalligi, shuningdek bronxospazmga moyilligi bo'lgan, preparatlarni peroral yoki ingalyatsion qabul qilmayotgan bemorlarda karvedilolni faqat agar uni qo'llashdan mumkin bo'lgan afzallik potentsial xavfdan yuqori bo'lgan holda buyuriladi. Davolashni boshida va preparatning dozasi oshirilganda bunday patsiyentlarni sinchkovlab kuzatish, bronxospazm belgilari paydo bo'lganida esa – dozani pasaytirish kerak.
Qandli diabet
Preparat qandli diabeti bo'lgan bemorlarga ehtiyotkorlik bilan buyuriladi, chunki u gipoglikemiya simptomlarini niqoblashi yoki susaytirishi mumkin. Surunkali yurak yetishmovchiligi va qandli diabeti bo'lgan bemorlarda preparatni qo'llash, qonda glyukoza darajasini nazorat qilishni qiyinlashtirishi mumkin. Preparatning beta-bloklovchi ta'siri ostida yashirin qandli diabet namoyon bo'lishi, tashhis qilingani– yomonlashishi, qondagi glyukozaning miqdori esa buzilishi mumkin.
Periferik tomirlarining kasalliklari
Periferik tomirlarining kasalliklari bo'lgan patsiyentlarda beta-adrenoblokatorlar simptomlarni yomonlashtirishi mumkinligi tufayli, karvedilolni ehtiyotkorlik bilan buyurish kerak.
Reyno kasalligi
Periferik qon aylanishining buzilishi bo'lgan patsiyentlarda simptomlarni yomonlash tufayli, karvedilolni ehtiyotkorlik bilan buyurish lozim.
Tireotoksikoz
Boshqa beta-blokatorlar kabi karvedilol tireotoksikozning simptomlarini niqoblashi mumkin.
Umumiy og'riqsizlantirish va katta jarrohlik aralashuvlari
Karvedilol va anestetiklarning salbiy samaralarini sinergizmi imkoniyati mumkinligi tufayli, umumiy anesteziya ostida jarrohlik aralashuvlari o'tkaziladigan patsiyentlarda ehtiyotkorlik talab etiladi.
Bradikardiya
Karvedilol bradikardiya chaqirishi mumkin. Yurak qisqarishlar soni minutiga 55 zarbadan kamayganda preparatning dozasini pasaytirish lozim.
Yuqori sezuvchanlik
Anamnezida yuqori sezuvchanlikning og'ir reaktsiyalari bo'lgan yoki desensibilizatsiya kurslarini o'tayotgan shaxslarga preparatni buyurilganda, ehtiyotkorlikka rioya qilish lozim, chunki beta-adrenoblokatorlar allergenlarga sezuvchanlikni va anafilaktik reaktsiyalarning og'irlik darajasini oshirishi mumkin.
Psoriaz
Anamnezida psoriazi bo'lgan bemorlarda beta-adrenoblokatorlar qo'llanganda, karvedilolni faqat mumkin bo'lgan foyda/xavf nisbatini baholagandan keyin buyurish mumkin.
Kalьtsiy kanallarining blokatorlarini bir vaqtda qabul qilish
Verapamil yoki diltiazem turi kalьtsiy kanallarining blokatorlarini, shuningdek boshqa aritmiyaga qarshi vositalarni bir vaqtda qabul qilayotgan bemorlarda, muntazam EKG va AB ni monitoring qilish kerak.
Feoxromotsitoma
Feoxromotsitomasi bo'lgan bemorlarda beta-adrenoblokator qo'llashni boshlashdan oldin, alьfa-blokatorni buyurish kerak. Garchi karvedilol ham beta-, ham alfa-adrenobloklovchi xususiyatlarga ega bo'lsada, bunday bemorlarda uni qo'llash tajribasi yo'q, shuning uchun feoxromotsitomaga gumon qilingan bemorlarga ehtiyotkorlik bilan buyurish lozim.
Printsmetal stenokardiyasi
Printsmetal stenokardiyasi bo'lgan bemorlarda noselektiv beta-adrenoblokatorlar ko'krak qafasida og'riqlarni paydo bo'lishini qo'zg'atishi mumkin. Garchi karvedilolning alьfa-adrenobloklovchi xususiyatlari bunday simptomlarni oldini olishi mumkin bo'lsada, bunday patsiyentlarga preparatni buyurish tajribasi yo'q. Printsmetal stenokardiyaga gumon qilingan hollarda karvedilolni ehtiyotkorlik bilan buyurish kerak.
Kontakt linzalar
Kontakt linzadan foydalanuvchi shaxslarga, ko'z yoshi suyuqligi miqdorini kamayishi mumkinligi yodda tutishlari kerak.
Abstinent sindromi (bekor qilish sindromi)
Preparat qabul qilishni, ayniqsa yurak ishemik kasalligi bo'lgan bemorlarda keskin to'xtatish mumkin emas. Preparatning dozasini asta-sekin (2 hafta davomida) kamaytirib borish kerak.
Og'ir teri reaktsiyalari
Juda kam hollarda karvedilolni qo'llash bilan bog'liq og'ir teri reaktsiyalarining Stivens-Djonson sindromi va toksik epidermal nekroliz kabi turlarini rivojlanish hollari haqida xabarlar berilgan. Yuqorida ko'rsatilgan reaktsiyalar rivojlangan holda, preparat qabul qilishni darhol to'xtatish kerak.
Gipertenziya va hushdan ketish simptomlari ham kuzatilishi mumkin.
Transport vositalari va boshqa potentsial xavfli mexanizmlarni boshqarish qobiliyatiga ta'siri
Karvedilolni transport vositalarini haydash yoki mashina va mexanizmlar bilan ishlash qobiliyatiga ta'siri bo'yicha tadqiqotlar o'tkazilmagan. Shaxsiy reaktsiyalar (masalan, bosh aylanishi, umumiy holsizlik) tufayli, preparat nohush samaralar (ayniqsa davolashni boshida, dozalar oshirilganda, shuningdek alkogolь bilan bir vaqtda qabul qilingan holda) chaqirishi mumkin.
Preparat bolalar ololmaydigan joyda saqlansin va yaroqlilik muddati o'tgach qo'llanilmasin.

Farmakokinetik o'zaro ta'siri
Karvedilol, R-glikoprotein substrati kabi ingibitor hisoblanadi. Shuning uchun karvedilolni tashilishi R-glikoprotein ishtirokida yuz beradigan dori vositalari bilan bir vaqtda qo'llash oxirgilarning bioo'zlashtirilishini oshirishi mumkin. Bundan tashqari, R-glikoproteinning induktorlari yoki ingibitorlari ta'siri ostida karvedilolning bioo'zlashtirilishi o'zgarishi mumkin. CYP2D6 va CYP2C9 ingibitorlari va induktorlari karvedilolning tizimli va/yoki tizimoldi metabolizmini stereoselektiv o'zgartirishi mumkin, buning natijasida plazmada R- yoki S-karvedilolning kontsentratsiyasi o'zgarishi mumkin. Patsiyentlarda va sog'lom shaxslarda kuzatiladigan o'zgarishlar quyida keltirilgan:
Digoksin: Karvedilol va digoksin bir vaqtda qabul qilinganda, digoksinning kontsentratsiyasi taxminan 15% ga oshadi. Digoksin ham, karvedilol ham atrioventrikulyar o'tkazuvchanlikni sekinlashtiradi. Karvedilol bilan davolashni boshida, uning dozasini tanlashda yoki preparatni bekor qilishda qon plazmasida digoksinning kontsentratsiyasini muntazam nazorat qilish tavsiya etiladi.
Insulin va peroral gipoglikemik vositalar: beta-adrenobloklovchi xususiyatlari bo'lgan preparatlar insulin yoki peroral gipoglikemik vositalarning gipoglikemik ta'sirini kuchaytirishi mumkin. Gipoglikemiyaning simptomlari (ayniqsa taxikardiya) niqoblanishi yoki susayishi mumkin. Shu sababdan, insulin yoki peroral gipoglikemik preparatlarni qabul qilayotgan patsiyentlarda qondagi glyukozani muntazam nazorat qilish tavsiya etiladi.
Jigar metabolizmining induktorlari yoki ingibitorlari (CYP2D6 va CYP2C9): Rifampitsin karvedilolning plazmadagi kontsentratsiyasini taxminan 70% ga pasaytiradi. Simetidin egri chiziq osti maydonini (AUC) taxminan 30% ga oshiradi, lekin maksimal kontsentratsiyasini (Smax) o'zgartirmaydi. Polifunktsional oksidaza induktorlarini, masalan, rifampitsinni (qon plazmasida karvedilolning kontsentratsiyasini kamayishi), shuningdek polifunktsional oksidaza ingibitorlari, masalan, simetidinni (karvedilolning plazmadagi kontsentratsiyasini oshishi) qabul qiluvchi bemorlarda ehtiyotkorlik talab qilinishi mumkin. Simetidinni karvedilolning kontsentratsiyasiga ahamiyatsiz ta'sirini hisobga olib, qanday bo'lmasin klinik ahamiyatli o'zaro ta'siri ehtimoli minimaldir.
Katexolaminlar miqdorini kamaytiruvchi preparatlar: Beta-adrenobloklovchi xususiyatlari bo'lgan preparatlar va katexolaminlar miqdorini pasaytiruvchi preparatlarni (masalan, rezerpin va/yoki monoaminooksidaza ingibitorlari) bir vaqtda qabul qilayotgan patsiyentlar, arterial gipotenziya va/yoki yaqqol bradikardiya rivojlanishi xavfi tufayli sinchkov kuzatuv ostida bo'lishlari kerak.
Siklosporin: buyrak ko'chirib o'tkazilgan transplantatni surunkali tomiri ko'chishi rivojlangan patsiyentlarga (jami 21 patsiyent) karvedilol buyurilganida, siklosporinning o'rtacha kontsentratsiyasini oshishi kuzatilgan. Siklosporinning kontsentratsiyasini terapevtik diapazonda tutib turish uchun, taxminan 30% bemorlarda siklosporinning dozasini kamaytirishga (o'rtacha 20% ga) to'g'ri kelgan, qolgan patsiyentlarda dozani to'g'irlash zarurati bo'lmagan. Siklosporinning talab qilinuvchi sutkalik dozasini yaqqol shaxsiy tebranishlar tufayli, karvedilol bilan davolash boshlangandan keyin siklosporinning kontsentratsiyasini sinchkov monitoringi tavsiya etiladi va zarurati bo'lganda siklosporinning sutkalik dozasini muvofiq to'g'irlash kerak.
Verapamil, diltiazem va boshqa aritmiyaga qarshi vositalar: Karvedilol bilan bir vaqtda qabul qilish, atrioventrikulyar o'tkazuvchilikni buzilishi xavfini oshirishi mumkin.
Fluoksetin va paroksetin: Yurak yetishmovchiligi bo'lgan 10 nafar patsiyentlar ishtirokida o'tkazilgan randomizatsiya qilingan qarama-qarshi tadqiqotlarda CYP2D6 ning kuchli ingibitori fluoksetin bilan bir vaqtda qo'llanganda, R (+) enantiomerning AUC o'rtacha qiymati 77% ga oshgan, karvedilolning metabolizmi esa stereoselektiv ingibitsiya qilingan. Bunda guruhlar orasida nojo'ya samaralari, AB, YuQS qanday bo'lmasin farqlar aniqlanmagan.
Farmakodinamik o'zaro ta'sirlari
Klonidin: Klonidinni beta-bloklovchi preparatlar bilan bir vaqtda buyurish antigipertenziv ta'sirini potentsiyalashi kuchaytirishi va yurak ritmiga siyraklashtiruvchi samarasini ko'rsatishi mumkin. Agar majmuviy davolashni to'xtatish rejalashtirilgan bo'lsa, birinchi navbatda beta-adrenoblokatorni bekor qilish kerak. Bir necha kundan keyin klonidinning dozasini asta-sekin kamaytirib bekor qilish mumkin.
Kalьtsiy kanallarining blokatorlari: Karvedilol va diltiazem bir vaqtda buyurilganda o'tkazuvchanlikning buzilishini alohida hollari (kam – gemodinamikani buzilishi bilan) kuzatilgan. Beta-adrenobloklovchi xususiyatlariga ega boshqa preparatlar kabi, karvedilolni verapamil yoki diltiazem turi kalьtsiy kanallarining blokatorlari bilan birga buyurishni EKG va AB ni qat'iy nazorat ostida o'tkazish tavsiya etiladi. Beta-adrenobloklovchi faolligi bo'lgan boshqa preparatlar kabi karvedilol ham, boshqa bir vaqtda qabul qilinayotgan antigipertenziv vositalarning (masalan, α1-adrenoblokatorlar) yoki nojo'ya ta'siri sifatida gipotenziv samara ko'rsatuvchi preparatlarining ta'sirini kuchaytiradi.
Umumiy og'riqsizlantirish o'tkazilganda karvedilol va ayrim anestetiklarning sinergik manfiy inotrop ta'siri mumkinligini hisobga olish lozim.


Nosteroid yallig'lanishga qarshi preparatlar (NYaQP)
NYaQP bilan bir vaqtda qo'llanganda gipertenziyani chaqirishi va AB ni nazorat qilinishini buzishi mumkin.

Nojo'ya ta'sirlarining paydo bo'lish tez-tezligi: juda tez-tez (≥1/10); tez-tez (≥1/100 dan ˂1/10 gacha); tez-tez emas (≥1/1000 dan ˂1/100 gacha); kam (≥1/10000 dan ˂1/1000 gacha); juda kam (˂1/10000); tez-tezligi noma'lum (mavjud ma'lumotlar asosida baholash mumkin emas).
Infektsiya va invaziyalar: tez-tez: bronxit, pnevmoniya, yuqori nafas yo'llarining infektsiyalari, siydik chiqarish yo'llarining infektsiyalari.
Qon yaratish va limfatik tizimi tomonidan: tez-tez: anemiya; kam: trombotsitopeniya; juda kam: leykopeniya.
Immun tizimi tomonidan: juda kam: o'ta yuqori sezuvchanlik (allergik reaktsiyalar).
Moddalar almashinuvi va ovqatlanish tomonidan: tez-tez: tana vaznini oshishi, giperxolesterinemiya, qandli diabeti bo'lgan bemorlarda – qonda glyukoza darajasini nazorat qilishni buzilishi (giper-, gipoglikemiya).
Ruhiyat tomonidan: tez-tez: depressiya, depressiv holatlar; tez-tez emas: uyquni buzilishi, ongni chalkashishi.
Nerv tizimi tomonidan: juda tez-tez: bosh aylanishi, bosh og'rig'i; tez-tez emas: hushdan ketish old holati, hushdan ketish, paresteziya.
Ko'ruv a'zosi tomonidan: tez-tez: ko'rishni buzilishi, ko'z yoshi ajralishini kamayishi (quruq ko'z), ko'zlarni ta'sirlanishi.
Yurak tomir tizimi tomonidan: juda tez-tez: yurak yetishmovchiligi, gipotenziya; tez-tez: bradikardiya, shishlar (shu jumladan, yoyilgan, chov sohasida shishlar, oyoqlarning shishi), gipervolemiya; tez-tez emas: atrioventrikulyar blokada, stenokardiya, ortostatik gipotenziya, periferik qon aylanishini buzilishi (oyoq-qo'llarni sovushi, periferik tomirlarning kasalliklari, “o'zgarib boruvchi oqsoqlik” sindromini va Reyno sindromini zo'rayishi).
Nafas tizimi, ko'krak qafasi va ko'ks oralig'i a'zolari tomonidan: tez-tez: hansirash, o'pkalarning shishi, moyilligi bo'lgan bemorlarda astma; kam: burunni bitishi, nafasni qiyinlashishi va grippsimon simptomlar, bronxospazm, interstitsial pnevmonit, eozinofil pnevmoniya.
Ovqat hazm qilish tizimi tomonidan: tez-tez: ko'ngil aynishi, diareya, qusish, dispepsiya, epigastral sohada og'riq; tez-tez emas: qabziyat; kam hollarda: og'iz bo'shlig'ini quruqligi.
Gepatobiliar tizim tomonidan: juda kam: alaninaminotransferaza (ALT), aspartataminotransferaza (AST) va gamma-glyutamiltransferaza (GGT) faolligini oshishi.
Teri va teri osti to'qimalari tomonidan: tez-tez emas: teri reaktsiyalari (allergik ekzantema, dermatit, gipergidroz, eshakemi, qichishish, psoriaz va qizil yassi temiratki kabi terini shikastlanishi), alopetsiya; juda kam: Stivens-Djonson sindromi va toksik epidermal nekroliz kabi og'ir teri reaktsiyalari.
Suyak-mushak tizimi va biriktiruvchi to'qima tomonidan: tez-tez: oyoq-qo'llarda og'riqlar.
Buyraklar va siydik-chiqarish yo'llari tomonidan: tez-tez: siyishni buzilishi;
juda kam: ayollarda – siydikni tutib turolmaslik.
Reproduktiv tizimi va sut bezlari tomonidan: tez-tez emas: erektil disfunktsiya.
Umumiy buzilishlar va mahalliy reaktsiyalar: juda tez-tez: charchoqlik, holsizlik;
tez-tez: og'riq.
Gumon qilingan nojo'ya reaktsiyalar xaqida xabarlar: Dori preparati qayd etilgandan keyingi gumon qilingan nojo'ya reaktsiyalar xaqidagi xabarlar alohida ahamiyatga ega. Bu dori vositasini qo'llashning foyda/xavf nisbatini uzoq muddat nazorat qilishni amalga oshirish imkonini beradi.

Nohush samaralari paydo bo'lganda shifokorga murojaat qiling.

Arterial gipertenziya
Karvedilol essentsial gipertenziyani davolash uchun ko'rsatilgan. Preparatni ham monoterapiya ko'rinishida, ham boshqa antigipertenziv vositalari bilan majmuaviy davolashda (masalan, kalьtsiy kanallarining blokatorlari yoki diuretiklar, ayniqsa tiazidlar bilan) qo'llash mumkin.
Yurak ishemik kasalligi
Barqaror stenokardiyani oldini olish va davolashda ishlatiladi.
Surunkali yurak yetishmovchiligi
Yengil, o'rtacha va og'ir surunkali yurak yetishmovchiligini davolash.
Karvedilol ko'pincha AAF ingibitorlari, diuretiklar va, ba'zida, digitalis preparatlari (standart davolash) bilan birga qo'llanadi.