LETIRAM

QO‘LLASH BO‘YICHA YO‘RIQNOMA

(pasientlar uchun ma‘lumot)

LETIRAM^®

qobiq bilan qoplangan tabletkalar

250 mg; 500 mg;750 mg; 1000mg

Levetirasetam

Preparatni qabul qilishni boshlashdan oldin, ushbu yo‘riqnomani diqqat bilan o‘qib chiqing.

• Ushbu ilova-varaqani saqlab qo‘ying. Ehtimol, Sizga uni yana bir marta o‘qib chiqish talab qilinishi mumkin.
• Agar Sizda qo‘shimcha savollar paydo bo‘lsa, shifokorga yoki farmasevtga murojaat qiling.
• Bu dori vositasi Sizga buyurilgan. Uni boshqalarga bermang. Bu ularga zarar yetkazishi mumkin, xatto agar ularda kasallikning o‘sha simptomlari bo‘lsa ham.
• Og‘ir nojo‘ya samaralari aniqlanganida yoki ushbu yo‘riqnomada keltirilmagan nojo‘ya samaralar paydo bo‘lganida, iltimos, shifokoringizga yoki farmasevtga murojaat qiling.

Yo‘riqnomaning mazmuni:

1. LETIRAM^® o‘zi nima va u nima uchun qo‘llanadi
2. LETIRAM^®ni qabul qilishni boshlashdan oldin
3. LETIRAM^® ni qanday qabul qilish kerak
4. Bo‘lishi mumkin bo‘lgan nojo‘ya samaralari
5. LETIRAM^® ni qanday saqlash kerak
6. Qo‘shimcha ma‘lumotlar

1. LETIRAM^® O‘ZI NIMA VA U NIMA UCHUN QO‘LLANADI

LETIRAM^® – bu tutqanoqqa qarshi vosita (tutqanoqda xurujlarni davolash uchun qo‘llanadigan vosita).

LETIRAM^® 16 yoshdan boshlab pasientlarda alohida parsial xurujlarni davolash uchun qo‘llanadi.

LETIRAM^® boshqa tutqanoqqa qarshi vositani qo‘llanayotgan pasientlar uchun quyidagi hollarda qo‘llanadi:

• kattalar, bolalar va 1 oylikdan boshlab chaqaloqlarda parsial xurujlarni davolashda;
• o‘smirlar mioklonik tutqanog‘i bo‘lgan 12 yoshdan katta pasientlarda mioklonik xurujlarni davolashda;
• kattalar va 12 yoshdan katta o‘smirlarda birlamchi-yoyilgan toniko-klonik xurujlarni davolashda.

2. LETIRAM^®NI QABUL QILISHNI BOSHLASHDAN OLDIN

LETIRAM^®NI qo‘llash mumkin emas:

• Agar Sizda levetirasetam yoki LETIRAM^® preparatining har qanday boshqa ingredientlariga allergiya (o‘ta yuqori sezuvchanlik) bo‘lganda.

Quyidagi hollarda  LETIRAM^® preparati bilan juda ehtiyotkor bo‘lish kerak:

• Agar Sizda buyraklar bilan muammolar bo‘lsa, shifokoringizning ko‘rsatmalariga rioya qilish kerak. Sizga dozaga tuzatish kiritish kerakligini shifokor hal qilishi mumkin.
• Levetirasetam qabul qilgan bolalardagi o‘sish va jinsiy yetilishiga ta‘siri aniqlanmagan. Biroq, bolalarda uzoq muddatli ta‘sirini kuzatish tajribasi cheklangan.
• Agar Siz xurujlarning og‘irligini o‘sishini sezgan bo‘lsangiz (masalan, ularning sonini oshishi), bu haqida shifokoringizga xabar berish kerak.
• Letiram^® kabi tutqanoqqa qarshi preparatlar bilan davolangan soni ko‘p bo‘lmagan odamlarda, o‘ziga zarar yetkazish yoki o‘z-o‘zini o‘ldirish fikrlari paydo bo‘lgan. Agar Sizda depressiyaning biron-bir simptomlari va/yoki o‘z joniga qasd qilish fikrlar bo‘lsa, bu haqida shifokoringizga xabar berish kerak.

Boshqa dori preparatlarini  qabul qilish

Agar Siz biron-bir boshqa dorilarni, shu jumladan reseptsiz beriladigan preparatlarni qabul qilayotgan yoki yaqinda qabul qilgan bo‘lsangiz albatta shifokoringizga yoki farmasevtga xabar berish kerak.

LETIRAM^® preparatini ovqat yoki ichimliklar bilan qabul qilish.

LETIRAM^® preparatini ovqat bilan birga yoki o‘zini qabul qilish mumkin.

Ehtiyotkorlik chorasi sifatida LETIRAM^® preparatini alkogol saqlovchi ichimliklar bilan birga qabul qilish mumkin emas.

Homiladorlik va emizish davri

Agar Siz homilador bo‘lsangiz yoki homiladorman deb o‘ylayotgan bo‘lsangiz, darhol bu haqida shifokoringizga xabar bering.

Homiladorlik vaqtida aniq zaruratsiz LETIRAM^® ni qo‘llash mumkin emas. Sizning kelajakdagi bolangiz uchun mumkin bo‘lgan havf noma‘lum. Levetirasetam xurujlarni nazorat qilish uchun Sizga kerak bo‘lgan dozalarga qaraganda yuqori dozalarda xayvonlarda o‘tkazilgan tadqiqotlarda reproduktiv faoliyatga noxush ta‘sir ko‘rsatgan.

Davolash vaqtida emizish tavsiya qilinmaydi.

Xar qanday dorini qabul qilishdan oldin shifokoringiz yoki farmasevt bilan maslaxatlashing.

Transport vositalari va boshqa mexanizmlarni boshqarish qobiliyati

LETIRAM^® Sizning mashina yoki biron-bir mexanizmlar va uskunalarni boshqarish qobiliyatingizga ta‘sir qilishi mumkin, chunki LETIRAM^® preparati uyquchanlikni chaqirishi mumkin. Buning ehtimoli davolashning boshida yoki dozasi oshirilganidan keyin ko‘proq. Preparat Sizning bunday xarakatlarni bajarish qobiliyatingizga ta‘sir qilmasligi aniqlanmagunicha Sizga mashinani boshqarish yoki mexanizmlar bilan ishlash mumkin emas.

LETIRAM^®tabletkalarining ba‘zi ingredientlari haqida muhim ma‘lumot:

750 mg li tabletkalar: Ye 110 bo‘yovchisi allergik reaksiyalarni chaqirishi mumkin.

3. LETIRAM^®NI QANDAY QABUL QILISH KERAK

250 mg: Tana vazni 50 kg yoki undan ortiq bo‘lgan o‘smirlar (12 yoshdan 17 yoshgacha) va kattalar uchun dozalash:

Shifokoringiz buyurgan miqdordagi tabletkalarni qabul qiling.

• Odatdagi doza: 1000 mg (4 tabletka) dan 3000 mg (12 tabletka) gacha xar kuni
• LETIRAM^®ni kuniga 2 marta qabul qilish kerak: bir marta ertalab, bir marta kechqurun, xar kuni taxminan bir xil vaqtda.

Masalan: agar Sizning xar kunlik dozangiz 1000 mg ga teng bo‘lsa, Siz ertalab 2 tabletka va kechqurun 2 tabletka qabul qilishingiz kerak.

500 mg: Tana vazni 50 kg yoki undan ortiq bo‘lgan o‘smirlar (12 yoshdan 17 yoshgacha) va kattalar uchun dozalash:

Shifokoringiz buyurgan miqdordagi tabletkalarni qabul qiling.

• Odatdagi doza: 1000 mg (2 tabletka) dan 3000 mg (6 tabletka) gacha xar kuni
• LETIRAM^®ni kuniga 2 marta qabul qilish kerak: bir marta ertalab, bir marta kechqurun, xar kuni taxminan bir xil vaqtda.

Masalan: agar Sizning xar kunlik dozangiz 1000 mg ga teng bo‘lsa, Siz ertalab                       1 tabletka va kechqurun 1 tabletka qabul qilishingiz kerak

750 mg: Tana vazni 50 kg yoki undan ortiq bo‘lgan o‘smirlar (12 yoshdan 17 yoshgacha) va kattalar uchun dozalash:

Shifokoringiz buyurgan miqdordagi tabletkalarni qabul qiling.

• Odatdagi doza: 1000 mg dan 3000 mg gacha xar kuni
• LETIRAM^®ni kuniga ikki marta qabul qilish kerak: bir marta ertalab, bir marta kechqurun, xar kuni taxminan bir xil vaqtda.

Masalan: agar Sizning xar kunlik dozangiz 1500 mg ga teng bo‘lsa, Siz ertalab 1 tabletka va kechqurun 1 tabletka qabul qilishingiz kerak

1000 mg: Tana vazni 50 kg yoki undan ortiq bo‘lgan o‘smirlar (12 yoshdan 17 yoshgacha) va kattalar uchun dozalash:

Shifokoringiz buyurgan miqdordagi tabletkalarni qabul qiling.

• Odatdagi doza: 1000 mg dan 3000 mg gacha xar kuni
• LETIRAM^®ni kuniga ikki marta qabul qilish kerak: bir marta ertalab, bir marta kechqurun, xar kuni taxminan bir xil vaqtda.

Masalan: agar Sizning xar kunlik dozangiz 2000 mg ga teng bo‘lsa, Siz ertalab  1 tabletka va kechqurun 1 tabletka qabul qilishingiz kerak

Chaqaloqlar (6 oylikdan 23 oylikkacha), bolalar (2 yoshdan 11 yoshgacha) va tana vazni 50 kg dan kam bo‘lgan o‘smirlar (12 yoshdan 17 yoshgacha) uchun dozalash:

Bolangizga shifokoringiz yozib bergan dozani bering.

• Odatdagi doza: 20 mg/kg dan 60 mg/kg gacha xar kuni. Bu dozani ichga qabul qilish uchun eritma shaklida, dozaga qarab berilgan sig‘imi 3 ml yoki 10 ml bo‘lgan shprislarda qabul qilish afzal.
• LETIRAM^®ni kuniga 2 marta qabul qilish kerak: bir marta ertalab va bir marta kechqurun, xar kuni taxminan bir xil vaqtda.

500 mg, 750 mg, 1000 mg:

LETIRAM^® 100 mg/ml ichga qabul qilish uchun eritma va LETIRAM^® 250 mg tabletkalar – chiqarilgan shakllari, chaqaloqlar va kichik yoshli bolalar uchun to‘g‘ri keladi.

Chaqaloqlar (1 oylikdan 6 oylikkacha) uchun dozalash:

Bolangizga shifokoringiz buyurgan miqdordagi ichga qabul qilishi uchun eritma bering.

• Odatdagi doza: 14 mg/kg dan 42 mg/kg gacha xar kuni. Bu dozani berilgan sig‘imi 1 ml shprisda ichga qabul qilish uchun eritma shaklida qabul qilish kerak.
• LETIRAM^® ni kuniga 2 marta qabul qilish kerak: bir marta ertalab va bir marta kechqurun, xar kuni taxminan bir xil vaqtda.

Masalan: 14 mg/kg odatdagi xar kunlik dozada tana vazni 4 kg bo‘lgan bolangizga 28 mg (0,3 ml ga to‘g‘ri keladi) ertalab va 28 mg (0,3 ml ga to‘g‘ri keladi) kechqurun berish kerak.

Qabul qilish usuli:

LETIRAM^® tabletkalarini yetarli miqdordagi suyuqlik bilan (masalan, bir stakan suv) yutish kerak

Davolash davomiyligi:

• LETIRAM^® uzoq vaqt davolanish uchun qo‘llanadi. Siz shifokoringiz belgilagan vaqt davomida LETIRAM^® preparatini qabul qilishini davom ettirishingiz kerak.
• Shifokorning maslahatisiz davolashni to‘xtatish mumkin emas, chunki buning oqibatida xurujlaringiz ko‘payishi mumkin. Agar shifokor LETIRAM^® preparati bilan davolashni to‘xtatishga qaror qilgan bo‘lsa, u Sizga LETIRAM^® preparatini qabul qilishni asta-sekin to‘xtatish bo‘yicha ko‘rsatma berish kerak.

Agar Siz LETIRAM^® tabletkalarini keragidan ortiq qabul qilgan bo‘lsangiz

Agar Siz LETIRAM^® tabletkalarini keragidan ortiq qabul qilgan bo‘lsangiz, shifokoringizga bu xaqida xabar bering.

Agar Siz LETIRAM^® qabul qilishni unutgan bo‘lsangiz

Agar Siz bir yoki undan ortiq qabulni o‘tkazib yuborgan bo‘lsangiz, shifokoringizga xabar bering.

O‘tkazib yuborilgan dozaning o‘rnini to‘ldirish uchun ikki barobar dozada qabul qilish mumkin emas.

Agar Siz LETIRAM^® qabul qilishni to‘xtatayotgan bo‘lsangiz

LETIRAM^® preparatini qabul qilishni to‘xtatishda boshqa tutqanoqqa qarshi preparatlardagi kabi, xurujlar sonini oshishidan saqlanish uchun, asta-sekin to‘xtatish kerak.

Agar Sizda ushbu preparatni qo‘llash bo‘yicha qo‘shimcha savollar paydo bo‘lsa, shifokoringiz yoki farmasevt bilan maslahatlashing.

4. BO‘LISHI MUMKIN BO‘LGAN NOJO‘YA SAMARALARI

Barcha dori vositalari kabi, LETIRAM^® nojo‘ya samaralar chaqirishi mumkin, biroq ular xar bir pasientda ham rivojlanmaydi. Agar Sizda quyida sanab o‘tilgan ko‘rinishlardan biri rivojlangan bo‘lsa, va u Sizni bezovta qilsa, shifokoringizga xabar bering

Juda tez-tez:

• rinofaringit;
• uyquchanlik, bosh og‘rig‘i;

Tez-tez:

• anoreksiya (ishtahani yo‘qolishi);
• depressiya, dushmanlik yoki agressiya, xavotirlik, uyqusizlik, asabiylik yoki ta‘sirchanlik, tirishishlar, muvozanatni buzilishi, bosh aylanishi (beqarorlik xissi), holsizlik, tremor (beixtiyor titrash);
• umumiy bosh aylanishi (atrofda jismlarni aylanayotgani xissi);
• yo‘tal;
• qorin og‘rig‘i, diareya, dispepsiya (me‘dani xazm qilmasligi), qusish, ko‘ngil aynishi;
• teri toshmasi;
• asteniya/charchoqlik.

Tez-tez emas:

• trombositlarning darajasini pasayishi, leykositlarning darajasini pasayishi;
• tana vaznini kamayishi, tana vaznini oshishi;
• o‘z joniga qasd qilishga urinishlar va o‘z joniga qasd qilish haqidagi fikrlar, ruhiy buzilishlar, o‘zini tartibsiz tutish, gollyusinasiyalar, g‘azab, ongni chalkashishi, emosional beqarorlik/kayfiyatni o‘zgarishi, asabiy qo‘zg‘alish;
• amneziya (xotirani yo‘qolishi), xotirani buzilishi (unutuvchanlik), koordinasiyani buzilishi ataksiya (xarakatlar koordinasiyasini buzilishi), paresteziya (sanchilish), diqqatni buzilishi (diqqat jamlanishini yo‘qolishi);
• diplopiya (ko‘zlarda ikkilanish), ko‘rishning noaniqligi;
• jigar faoliyatining biokimyoviy ko‘rsatkichlarini siljishi;
• sochlarni to‘kilishi, ekzema, terini qichishishi;
• mushaklar kuchsizligi, mialgiya (mushaklarda og‘riq);
• jarohat.

Kam hollarda:

• infeksiya;
• eritrositlar va/yoki leykositlarning darajasini pasayishi;
• o‘z joniga qasd qilish, shaxs buzilishlari (hulq bilan muammolar), fikrlashni buzilishi (sekin fikrlash, fikrni jamlayolmaslik);
• bosh, tana va qo‘l-oyoqlarning mushaklarini nazorat qilib bo‘lmaydigan spazmlari, xarakatlarni nazorat qilishni qiyinlashishi, giperkineziya (o‘ta yuqori faollik);
• pankreatit;
• jigar yetishmovchiligi, gepatit;
• teri, og‘iz bo‘shlig‘i, ko‘zlarning shillig‘ida, tashqi jinsiy a‘zolar sohasida pufakli toshmalar, teri toshmalari.

Agar nojo‘ya samaralardan birontasi jiddiylashsa yoki agarda ushbu ilova-varaqada ko‘rsatilgan biron-bir nojo‘ya samaralar kuzatilsa, bu haqida shifokoringizga yoki farmasevtga xabar bering.

5. LETIRAM^®NI QANDAY SAQLASH KERAK

25^oS dan yuqori bo‘lmagan haroratda saqlansin.

Bolalar ololmaydigan joyda saqlansin!

Uramida ko‘rsatilgan yaroqlilik muddati o‘tganidan keyin preparat ishlatilmasin. Yaroqlilik muddatining o‘tgan sanasi ko‘rsatilgan oyning oxirgi kuni hisoblanadi.

6. QO‘SHIMCHA MA‘LUMOT

LETIRAM^® nima saqlaydi

Preparatning ta‘sir etuvchi moddasi levetirasetamdir.

Yordamchi moddalar:

yadrosi: krospovidon (B turi), povidon K30, suvsiz kolloid kremniy dioksidi, magniy stearati.

250 mg li tabletkaning qobig‘i: gipromelloza, makrogol/PEG 400, titan dioksidi (Ye171), tozalangan talk, indigokarminli alyuminli lak (Ye132).

500 mg li tabletkaning qobig‘i: gipromelloza, makrogol/PEG 400, titan dioksidi (Ye171), tozalangan talk, temir II oksidi (Ye172).

750 mg li tabletkaning qobig‘i: gipromelloza, makrogol/PEG 400, titan dioksidi (Ye171), tozalangan talk, sanset sariq lak bo‘yovchisi (Ye110), temir III oksidi (Ye172)

1000 mg li tabletkaning qobig‘i: gipromelloza, makrogol/PEG 400, titan dioksidi (Ye171), tozalangan talk.

LETIRAM^® preparatining tashqi ko‘rinishi va

250 mg li tabletkalar: oval shaklli, bir tomonida bo‘luvchi riskali, qobiq bilan qoplangan zangori tabletkalar.

500 mg li tabletkalar: oval shaklli, bir tomonida bo‘luvchi riskali, qobiq bilan qoplangan sariq tabletkalar.

750 mg li tabletkalar: oval shaklli, bir tomonida bo‘luvchi riskali, qobiq bilan qoplangan to‘q sariq tabletkalar.

1000 mg tabletkalar: oval shaklli, bir tomonida bo‘luvchi riskali, qobiq bilan qoplangan oq tabletkalar.

O‘ram ichidagisi

10 tabletkadan blisterda, 3 yoki 6 blister qo‘llash bo‘yicha yo‘riqnomasi bilan birga karton qutiga joylangan.

DORIXONALARDAN BERISH TARTIBI

Shifokor resepti bilan beriladi.