Papazol

QO‘LLASH BO‘YICHA YO‘RIQNOMA

PAPAZOL

PAPAZOLUM

Preparatning savdo nomi: Papazol

Ta‘sir etuvchi moddalar (XPN): bendazol (dibazol), papaverin

Dori shakli: tabletki

Tarkibi:

1 tabletka quyidagilarni saqlaydi:

faol moddadlar: 0,03 g bendazol (dibazol), 0.03 g papaverin gidroxloridi;

yordamchi moddalar: kartoshka kraxmali, talk, kalsiy stearati.

Ta‘rifi: oq rangli, riskali va faskali tabletkalar;

Farmakoterapevtik guruhi: Antigipertenziv vositalar

ATX kodi: AO3AD51

Farmakologik xususiyatlari

Silliq mushaklar tonusini kamaytiradi va qisqaruvchanlik faoliyatini susaytiradi, shuning natijasida tomirlarga kengaytiruvchi va spazmolitik ta‘sir ko‘rsatadi. Fosfodiesterazani susaytiradi va sAMF miqdorini oshiradi, bu hujayralarining ichida kalsiy ionlarining bog‘lanishiga yordam beradi.

Qo‘llanilishi

Gipertoniya kasalligining yengil shakllarini, periferik qon tomirlar va bosh miya qon tomirlarining o‘rtacha namoyon bo‘lgan spazmlarini davolashda qo‘llanadi.

Qo‘llash usuli va dozalari

Ichga, 1 tabletkadan og‘iz orqali, chaynamasdan sutkada 2-3 marta qabul qilinadi.

Nojo‘ya ta‘sirlari

Eshakemi ko‘rinishidagi allergik reaksiyalar kuzatilishi mumkin.

Qo‘llash mumkin bo‘lmagan holatlar

Preparat komponentlariga yuqori sezuvchanlik, atrioventrikulyar o‘tkazuvchanlikni buzilishida qo‘llash mumkin emas.

Maxsus ko‘rsatmalar

Keksa yoshdagi bemorlarga uzoq muddat buyurish mumkin emas, chunki preparatning gipotenziv samarasi yurakning qonni haydab chiqarishini kamayishi bilan bog‘liq va elektrokardiogramma ko‘rsatkichlarini yomonlashishi kuzatilishi mumkin. Ichak peristaltikasi susaygan pasientlarga ehtiyotkorlik bilan buyuriladi.

Chiqarilish shakli

10 tabletkadan kontur uyali va kontur uyasiz o‘ramlarda;

2 kontur uyali o‘ram qo‘llash bo‘yicha yo‘riqnoma bilan birga karton qutiga joylanadi.

Saqlash sharoiti

Quruq, yorug‘likdan himoyalangan joyda, 25⁰S dan yuqori bo‘lmagan haroratda saqlansin.

Yaroqlilik muddati

5 yil.

Dorixonalardan berish tartibi

Reseptsiz.