SERRATA

Preparatning savdo nomi: Serrata^®

Ta‘sir etuvchi modda (XPN): Serratiopeptidaza (serratiopeptidase).

Dori shakli: ichakda eruvchi qobiq bilan qoplangan tabletkalar.

Ta‘rifi: dumaloq shaklga ega, ikki tomoni qavariq, ichakda eruvchi qobiq bilan qoplangan, oq rangdagi tabletkalar.

Farmakoterapevtik guruhi: tayanch-harakat apparati patologiyasida ishlatiladigan vositalar. Fermentlar.

ATX kodi: M09AB

Chiqarilish shakli: 30 tadan tabletka alyuminiy stripda. 1 tadan, 5 tadan va 10 tadan strip tibbiyotda qo‘llanilishiga doir yo‘riqnoma bilan birga karton o‘ramda.

Yaroqlilik muddati: 3 yil. Yaroqlilik muddati o‘tgach qo‘llanilmasin.

Dorixonalardan berish tartibi: Resept bo‘yicha.

Jarrohlik kasalliklar: paylar cho‘zilishi va paylar uzilishi, suyak sinishlari va chiqishlari, plastik jarrohlik tufayli paydo bo‘lgan shishishlar;
Nafas yo‘llari kasalliklari: balg‘am yopishqoqligini pasaytiradi va uning nafas yo‘llaridan chiqarilishiga yordam beradi;
LOR a’zolari kasalliklari: burun qo‘shimcha bo‘shliqlari sekreti chiqarilishini yengillashtiradi;
Teri kasalliklari: o‘tkir darajali yallig‘lanish dermatozlari;
Ayollar jinsiy a’zolari va sut bezlari kasalliklari: gematomalar, sut bezlaridagi harakatsizlikda qo‘llaniladi.

Serratiopeptidazaga yoki preparatning boshqa tarkibiy moddalariga yuqori sezuvchanlik.
Qon ivishining buzilishida qo‘llash mumkin emas.

Har bir ichakda eruvchi qobiq bilan qoplangan tabletka quyidagilarni saqlaydi:

Faol modda: 10 mg serratiopeptidaza

Yordamchi moddalar: laktoza monogidrati, makkajo‘xori kraxmali, yengil magniy karbonati, natriy kraxmalglikolyati (A turi), magniy stearati, Opadry-YS-1-7027 oq qobig‘i, Opadry –OY-P-7171 oq  qobig‘i, izopropil spirti, dixlormetan, tozalangan suv.

Serratiopeptidaza fibrinolitik, yallig‘lanishga qarshi va shishishga qarshi ta’sirga ega Serratia L15 nopatogen ichak bakteriyalaridan ajralgan proteolitik ferment hisoblanadi. Yallig‘lanish jarayonini kamaytirishdan tashqari, serratiopeptidaza yallig‘langan to‘qimalardan og‘riqni chaqiruvchi aminlar bo‘shatilishini blokirovka qilish orqali og‘riqni kamaytiradi. Serratiopeptidaza alfa-2-makroglobulin bilan 1:1 nisbatda bog‘lanadi, bu antigenlikni niqoblaydi, biroq fermentativ faollikni saqlaydi. So‘ngra asta-sekin yallig‘lanish o‘chog‘idagi ekssudatga o‘tadi, uning qondagi darajasi esa asta-sekin pasayadi. Serratiopeptidaza kapillyarlar dilatatsiyasini bevosita kamaytiradi va ularning o‘tkazuvchanligini bradikinin, gistamin va serotonin gidrolizi orqali nazorat qiladi. Shuningdek, serratiopeptidaza plazmin ingibitorlarini blokirovka qiladi va tegishli ravishda, plazminning fibrinolitik faolligiga yordam beradi. Balg‘am tarkibiy oqsillari proteolizi tufayli shilliq qavatlar reologik xususiyatlarini yaxshilaydi va yo‘talib tomoqni tozalab olishni yengillashtiradi.
Preparatning fermentativ faolligi a-xemotripsinga nisbatan 10 baravar yuqori. Surunkali yallig‘lanish o‘chog‘ida serratiopeptidaza yallig‘lanish va og‘riqlar mediatorlari darajasini pasaytirishga yordam beradi va fibrinni gidrolizlaydi. Albumin hamda a- va g-globulin kabi tirik organizm oqsillariga jiddiy ta’sir etmaydi.
Preparat yallig‘langan joylarga yaxshi o‘tadi, nekrotizatsiyalangan to‘qimalar va ularning parchalanish mahsullarini lizislaydi, giperemiyani bartaraf etadi, shuningdek antibiotiklar transporti va faolligini kuchaytiradi. Preparat so‘lak va burun ajratmalari yopishqoqligini pasaytiradi, bu orqali ularning ekskretsiyasini kuchaytiradi.

Preparat me’da orqali o‘zgarmagan shaklda o‘tadi va ichaklarda shimiladi. Qon plazmasidagi maksimal kontsentratsiyasiga 1 soat davomida erishiladi. Serratiopeptidaza siydikda kam miqdorda aniqlanadi.
Serratiopeptidaza ingichka ichakda so‘riladi va qonda faol shakllardagi ferment sifatida aylanadi.

Me’da-ichak tomondan buzilishlar: diareya, ko‘ngil aynishi, qayt qilish, anoreksiya, epigastral sohadagi noqulaylik, qorindagi og‘riq.
Nafas olish tizimi, ko‘krak qafasi va ko‘ks oralig‘i a’zolari tomondan buzilishlar: burun qonashi, balg‘amda qon tomirchalari, o‘tkir darajali eozinofil zotiljam kasalligi.
Immun tizim tomondan buzilishlar: preparatning biron-bir tarkibiy moddasiga alohida chidamsiz bo‘lgan patsientlarda o‘ta yuqori sezuvchanlik reaktsiyalari bo‘lishi mumkin.
Teri va teri osti biriktiruvchi to‘qimalar tomondan buzilishlar: toshma, qichishish, teri qizarishi kuzatilishi mumkin.

Klinik ma’lumotlar yo‘qligi tufayli preparat bolalarda qo‘llanilmaydi.

Klinik ma’lumotlar yo‘qligi sababli preparatning homiladorlik va emizish davrida qo‘llanilishi tavsiya etilmaydi.

Ehtiyotkorlik bilan foydalanish

Ehtiyotkorlik bilan foydalanish

Simptomlari: ko‘ngil aynishi, qayt qilish, anoreksiya, epigastral sohada noqulaylik, ayrim hollarda – qon ketish va balg‘amda qon tomirchalari kuzatilishi mumkin.
Davolash: davolash simptomatik o‘tkaziladi.

Preparat qon ivishiga ta’sir etishi tufayli undan quyidagi holatlarda ehtiyotkorlik bilan foydalanish kerak:
- qon ketish xavfi;
- qon ivishining buzilishi;
- antikoagulyantlar qo‘llanilishi;
- og‘ir darajali jigar kasalliklari;
- og‘ir darajali buyrak kasalliklari.
Yordamchi moddalar.
Preparat tarkibida laktoza saqlanadi. Biron-bir qand moddalariga chidamsizlik aniqlangan holatlarda, qo‘llashdan oldin shifokor bilan maslahatlashish kerak.

Transport vositasini boshqarish va boshqa xavfli mexanizmlarni boshqarish qobiliyatiga ta’siri
Ta’sir etmaydi.

Antikoagulyantlar bilan bir vaqtda qo‘llanilganda preparat ularning faolligini kuchaytiradi (bunday muvofiqlikda qo‘llanilish puxta tibbiy kuzatuv ostida amalga oshirilishi kerak), antibiotiklar, nosteroid yallig‘lanishga qarshi preparatlarning yallig‘langan to‘qimalarga kirishini tezlashtiradi.

Quruq, yorug‘likdan himoyalangan joyda 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.

Preparat katta yoshdagi patsientlarga kuniga ovqatlanishdan keyin 2-3 mahal 1 ta tabletkadan buyuriladi.
Tabletkalar chaynamasdan yutilishi kerak, ustidan bir stakan suv ichiladi.
Maksimal sutkalik doza – 30 mg.
Dozalash va davolash muddati patologik jarayon xususiyati va sur’atiga bog‘liq bo‘lib, shifokor tomonidan yakka tartibda belgilanadi.