REPEP

Серратиопептидаза компонентлари ёки бошқа дори воситаларга юқори сезувчанликда қўллаш мумкин эмас.

Серропептаза, шунингдек серратиопептидаза номи билан маълум бўлган протеолитик фермент ҳисобланади, у Serratia Е15 патоген бўлмаган ичак бактерияларидан олинади. Клиник тадқиқотлар серратиопептидаза фибринолитик, яллиғланишга қарши ва шишга қарши таъсирга эга эканлигини кўрсатди.

Яллиғланиш жараёнини камайтиришдан ташқари серратиопептидаза яллиғланган тўқималардан оғриқ аминини ажралиб чиқишини блоклаш орқали оғриқни камайтиради.

Серратиопептидаза қондаги альфа-2-макроглобулин билан 1:1 нисбатда унинг антигенлигини яширади, аммо у ўзининг ферментатив фаоллигини сақлаб қолади. Серратиопептидаза яллиғланиш ўчоғидаги экссудатга тушади ва унинг қондаги миқдори аста-секин камаяди.

Серратиопептидаза капилляр қон-томирларнинг дилатациясини камайтиради ва брадикинин, гистамин ва серотонин гидролизи ёрдамида уларнинг ўтказувчанлигини назорат қилади. Серратиопептидаза плазмин ингибиторларини блоклайди ва шу тариқа плазминнинг фибринолитик фаоллигига ёрдам беради.

Препарат меъда орқали ўзгармаган ҳолда ўтади ва ичакда сўрилади. Серратиопептидаза кам миқдорда сийдикда аниқланади.

Перорал қабул қилинганида серратиопептидаза меъда-ичак йўлларидан сўрилади ва тизимли қон айланиши орқали организмнинг барча тўқималарига тақсимланади. У яллиғланган тўқималарда юқорироқ концентрацияларга эришади. Препаратнинг кўп миқдори лимфа ва қонда бўлади. Лимфадаги концентрацияси қондаги концентрациясидан икки марта юқорилиги аниқланган. Серратиопептидазанинг яллиғланиш экссудатидаги миқдори аста-секин ошади ва қондаги миқдори камаяди, бу серратиопептидаза яллиғланган соҳага тез ташилишини кўрсатади.

Симптомлари: кўнгил айниши, қусиш, анорексия, эпигастрал соҳада дискомфорт. Айрим ҳолларда дозани ошириб юборилиши симптомлари бўлиб балғамда қон қолдиқлари ёки қон кетиши бўлиши мумкин.

Даволаш: даволаш симптоматик.

Препарат қон ивишига таъсир қилиши туфайли, уни қон кетишини хавфи бўлган ва қон ивиши вақтини бузилиши бўлган пациентларда, шунингдек антикоагулянтлар қабул қилаётган пациентларда эҳтиёткорлик билан қўллаш керак. Жигар ва буйракларнинг оғир касалликларида препарат эҳтиёткорлик билан қўлланади.

Ҳомиладорлик ва эмизиш даврида қўлланиши.

Препаратни ҳомиладорлик ва лактация даврида қўллаш тажрибаси йўқ, шунинг учун уни бундай пациентларда қўллаш мумкин эмас.

Болалар.

Болаларда қўллаш тажрибаси йўқ, шунинг учун препаратни бу ёш гуруҳида қўллаш мумкин эмас.

Автотранспортни ёки бошқа механизмларни бошқаришда реакция тезлигига таъсир қилиш кобилияти.

Автотранспортни ёки бошқа механизмларни бошқаришда реакция тезлигига серратиопептидазанинг салбий таъсирига тегишли маълумотлар йўқ.

Бир вақтда қўлланганида препарат антикоагулянтларнинг таъсирини кучайтиради. Препаратларнинг бундай комбинацияси синчков тиббий кузатув остида қўлланиши керак.

Препаратни овқат қабул қилишдан қатъий назар 1 таблеткадан (10 мг дозаси учун) ёки 1/2 таблеткадан (20 мг дозаси учун) кунига 3 марта буюрилади. Таблеткани чайнамасдан, 1 стакан сув билан қабул қилиш керак.

Даволаш курсининг давомийлиги патологик жараённинг характери ва динамикасига боғлиқ ва индивидуал равишда белгиланади.