STARTUM

QO‘LLASH BO‘YICHA YO‘RIQNOMA

STARTUM

STARTUM

Preparatning savdo nomi: Startum

Dori shakli: in‘eksiya uchun eritma tayyorlash uchun liofilizasiya qilingan kukun.

Tarkibi:

Preparatning 1 flakoni quyidagilarni saqlaydi:

faolmoddalar:

kokarboksilaza xloridi                                         50 mg;

nikotinamid                                                            20 mg;

dinatriy adenozintrifosfat trigidrati          10 mg;

sianokobalamin                                                      0,5 mg;

yordamchimoddalar: glisin, metilparagidroksibenzoati, propilparagidroksibenzoati.

erituvchi: 0,5% li lidokain gidroxloridi eritmasi 2 ml.

Ta‘rifi: pushti rangli liofilizasiya qilingan kukun.

erituvchi: tiniq rangsiz eritma.

Farmakoterapevtik guruhi: Vitaminlar. Polivitaminlar boshqa dori vositalari bilan majmuada.

ATX kodi: A11AB

Farmakologik hususiyatlari

Farmakodinamikasi

Preparat metabolik vositalar va vitaminlarning rasional tanlab olingan majmuasidir.

Kokarboksilaza – koferment bo‘lib, organizmga tashqaridan kelib tushadigan tiamin (V₁ vitaminidan hosil bo‘ladi. Uglevodlar almashinuvida muhim rol o‘ynaydi, α-ketokislotalarni karboksilizasiya va dekarboksillizasiya katalizasiya qiladigan karboksilaza fermentining tarkibiga kiradi. Nuklein kislotalar, oqsillar va lipidlar sintezida bevosita qatnashadi. Organizmda sut va pirovat kislotalarining darajasini paaytiradi, glyukozani o‘zlashtirilishiga yordam beradi. Nerv to‘qimasining trofikasini yaxshilaydi.

Nikotinamid – RR vitaminining shakllaridan biri bo‘lib, hujayrada oksidlanish-qaytarilish jarayonlarida ishtirok etadi, uglevodlar va azot almashinuvini yaxshilaydi.

Dinatriy adenozintrifosfat trigidrati adenozinning hosilasi hisoblanadi, metabolik jarayonlarni rag‘batlantiradi. Gipotenziv va antiaritmik ta‘sirga ega. Qon-tomirlar, shu jumladan koronar arteriyalarni kengaytiruvchi ta‘sir ko‘rsatadi.

Sianokobalamin (V₁₂ vitamini) organizmda yuqori biologik faollikka ega bo‘lgan faol shakli (adenozilkobalamin yoki kobamamid) ga aylanadi. Organizmda oqsil sintezini oshiradi va uni to‘planishiga olib keladi. Uglevodlar va lipidlar almashinuvini faollashtiradi. Qonda xolesterinning darajasini pasaytiradi, jigarni yog‘li infiltrasiyasini oldini oladi. Qon yaratuvchi a‘zolarni normal faoliyat ko‘rsatishi uchun zarur, eritrositlarda sulfgidril guruhini saqlovchi birikmalarni to‘planishiga yordam berib, ularni gemolizga nisbatan chidamliligini oshiradi. To‘qimalarni regenerasiyasi oshiradi. Jigar va nerv tizimlarining faliyatiga ijobiy tasir ko‘rsatadi.

Farmakokinetikasi

Kokarboksilaza

Kokarboksilaza mushak ichiga yuborilganidan so‘ng tez so‘riladi. Organizmning ko‘pgina to‘qimalariga o‘tadi. Metabolik taqsimlanishga uchraydi. Metabolizm mahsulotlari asosan buyraklar orqali chiqariladi.

Nikotinamid

Me‘da-ichak yo‘llaridan so‘rilishi (asosan me‘daning pilorik qismida va o‘n ikki barmoq ichakning antral qismida) – tez, malabsorbsiya sindromida ahamiyatli darajada pasayadi va sekinlashadi. Barcha to‘qimalarga tez taqsimlanadi. Yo‘ldosh orqali o‘tadi va ko‘krak suti bilan ajralib chiqadi.

Jigarda metabolizmga uchrab, N-metilnikotinamid, metilpiridonkarboksamidlar, glyukuron kislotasi efiri va glisin bilan kompleks birikmalar hosil qiladi. Yarim chiqarilish davri – 45 minutni tashkil etadi.

Buyraklar orqali metabolitlar ko‘rinishida chiqariladi, yuqori dozalarda qabul qilinganida – asosan o‘zgarmagan holda chiqariladi.

Dinatriy adenozintrifosfat trigidrati

Organizmning xususiy ATF ishtirokida yuz beradigan turli reaksiyalarning miqdori ko‘p bo‘lganligi sababli, parenteral yuboriladigan ATF preparatining kinetikasini kuzatish imkoni yo‘q. Natriy adenozintrifosfat yuborilgan joyda adenozin hamda fosfat qoldiqlariga tez parchalanadi, keyinchalik yangi ATF molekulalarini sintezi uchun ishlatilishi ma‘lum.

Sianokobalamin

V₁₂ vitamini qonda I va II transkobalaminlar bilan bog‘lanadi, ular uni to‘qimalarga tashiydilar. Asosan jigarda to‘planadi. Plazma oqsillari bilan bog‘lanishi – 90%. Mushak ichiga yuborilganidan so‘ng maksimal konsentrasiyasiga 1 soatdan keyin erishiladi. Jigardan safro bilan ichakka chiqariladi va qonga qayta so‘riladi. Yarim chiqarilish davri – 500 kunni tashkil etadi. Buyrak funksiyasi normal bo‘lganida – 7-10% buyraklar orqali, taxminan 50% – axlat massalari bilan chiqariladi; buyrak funksiyasi pasayganida – 0-7% buyraklar orqali, 70-100% axlat massalari bilan chiqariladi. Yo‘ldosh to‘sig‘i orqali o‘tadi, ko‘krak suti bilan ajralib chiqadi.

Qo‘llanilishi

• nevritlar, neyropatiyalar (qandli diabetda, pernisioz anemiyada va boshqalarda);
• turlicha rivojlangan nevralgiyalar;
• mialgiya, ishialgiya;
• lyumbago, radikulit;
• bursitlar, tendinitlar;
• yurak ishemik kasalligi, miokardit, miokardiopatiyalarda qo‘llanadi.

Qo‘llash usuli va dozalari

Startum preparati mushak ichiga 1-2 flakondan sutkada bir marta yuboriladi.

Davolash davomiyligi va takroriy davolash kurslarini o‘tkazish kasallikning xarakteri va og‘irligiga bog‘liq.

Preparat jigar va buyrak yetishmovchiligi bo‘lgan bemorlarga qo‘llanganida dozaga tuzatish kiritish talab etilmaydi.

65 yoshdan oshgan pasientlarda dozaga tuzatish kiritish talab etilmaydi.

Nojo‘ya ta‘sirlari

Immun tizimi tomonidan: yuqori sezuvchanlik reaksiyalari (teri reaksiyalari, anafilaktik shok, Kvinke shishi). Preparatning komponentlariga yuqori sezuvchanlikka shubha qilingan pasientlarga Startum preparatini yuborishdan oldin teri ichiga yuborib sinama o‘tkazish tavsiya etiladi.

Yurak-qon tomir tizimi tomonidan: davolash boshlanishida o‘pka shishi va dimlangan yurak yetishmovchiligi; periferik tomirlar trombozi;

Qon yaratish a‘zolari tomonidan: chin polisitemiya;

Me‘da-ichak yo‘llari tomonidan: yengil shakldagi vaqtinchalik diareya;

Teri qoplamlari tomonidan: qichishish, tranzitor ekzantema;

Umumiy simptomlar: to‘satdan kuchli terlash, holsizlik hissi, bosh aylanishi bo‘lishi mumkin.

Ko‘rsatilgan yoki boshqa nojo‘ya ta‘sirlar rivojlanganida shifokorga murojaat qilish kerak.

Qo‘llash mumkin bo‘lmagan holatlar

• preparatning har qanday komponentiga yuqori sezuvchanlik;
• o‘tkir miokard infarkti davri;
• giperkoagulyasiya (shu jumladan o‘tkir trombozlarda), eritremiya, eritrositoz, arterial gipertoniyaning og‘ir shakllari, arterial gipotoniya, o‘pkaning yallig‘lanish kasalliklari, og‘ir darajadagi yurak yetishmovchiligi, psoriaz, yurakning o‘tkazuvchanligini og‘ir buzilishlari, o‘tkir yurak yetishmovchiligida qo‘llash mumkin emas.

Dorilarning o‘zaro ta‘siri

Kokarboksilaza yurak glikozidlarining kardiotonik ta‘sirini kuchaytiradi.

Nikotinamid tutqanoqqa qarshi vositalar, ayniqsa karbamazepin, diazepam va natriy valproati kabilar bilan bir vaqtda qo‘llanganida ularning tutqanoqqq qarshi samarasi kuchayishi mumkin.

Maxsus ko‘rsatmalar

Tayyor bo‘lgan eritmaning rangi qizil-pushti rangli bo‘lishi kerak.

Agar eritmaning rangi o‘zgarsa, uni ishlatmang.

Anamnezida me‘da-ichak yara kasalligi, gastrit, podagra, qon ketishlari, jigar va o‘t chiqarish yo‘llarini shikastlanishlari bo‘lgan pasientlarga Startum preparatini ehtiyotkorlik bilan qo‘llash kerak.

Preparat uzoq muddat qo‘llanganida umumiy qon tahlilida eritrositlarning miqdori, qon ivish vaqti, koagulogrammada protrombin indeksi, qon zardobida transaminazalar, ishqoriy fosfataza, gamma-glutamiltranspeptidaza, bilirubin, siydik kislotasining darajasini qondagi trombositlar miqdorini nazorat qilish kerak.

Eritmani tayyorlangandan so‘ng darhol ishlatish kerak!

Homiladorlik va laktasiya davrida qo‘llanishi

Homiladorlik davrida Startum preparatini ona uchun davolashdan kutiladigan foyda homila uchun potensial havfdan ustun bo‘lgan holatdagina qo‘llash kerak.

Preparat bilan davolanish vaqtida emizishni to‘xtatish tavsiya etiladi.

Pediatriyada qo‘llanishi

Preparatni bolalarda qo‘llash yuzasidan ma‘lumotlar yo‘q.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Nikotinamid uzoq muddat qo‘llanganida ham chiqarilishida metillizasiya reaksiyalarida ishtirok etishi fonida metil guruhining  tanqisligi holati rivojlanishi mumkin.

Nikotinamidning yuqori dozalari (3000-9000 mg = Startum preparatining 150-450 flakoni) uzoq muddat qo‘llanganida jigar funksiyasi buzilishini klinik holatlari ta‘riflangan.

Davolash: simptomatik.

Bexosdan ichga qabul qilinganida yoki vena ichiga yuborilaganida toksikligi namoyon bo‘lishi mumkin.

Chiqarilish shakli

In‘eksiya uchun eritma tayyorlash uchun liofilizasiya qilingan kukun brombutilkauchuk tiqin yopilgan va Flip off turidagi majmuaviy alyumin qalpoqcha bilan mahkamlangan to‘q rangli shisha flakonlarda.

Liofilizasiya qilingan 3 flakon erituvchi (3 ampula 0,5% li lidokain gidroxloridi eritmasi) bilan majmuada kontur uyali o‘ramda.

Kontur uyali o‘ram qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Yorug‘likdan himoyalangan joyda 25^oS dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha beriladi.