Tenikam

meʼda-ichak yoʻllarining eroziv-yarali shikastlanishlari (shu jumladan anamnezdagi);
meʼda-ichakdan qon ketishlari (shu jumladan anamnezdagi);
ogʻir kechuvchi gastrit;
bronxial astma, burunning va burun oldi boʻshliqlarining qaytalanuvchi polipozi va atsetilsalitsil kislotasini yoki boshqa nosteroid yalligʻlanishga qarshi vositalarini oʻzlashtiraolmaslikni toʻliq yoki toʻliq boʻlmagan qoʻshilishi (shu jumladan anamnezdagi);
gemofiliya;
gipokoagulyatsiya;
buyrak yetishmovchiligi;
jigar yetishmovchiligi;
buyrakning avj olib boruvchi kasalliklari, jigarning faol kasalligi;
aorta-koronar shuntlash oʻtkazilganidan keyingi holat;
tasdiqlangan giperkalsiyemiya;
eshitishni pasayishi, vestibulyar apparatining patologiyasi;
homiladorlik, laktatsiya davri;
tenoksikamga va boshqa nosteroid yalligʻlanishga qarshi vositalariga yuqori sezuvchanlikda qoʻllash mumkin emas.

Nosteroid yalligʻlanishga qarshi vosita (NYAQV). Oksikamlar guruhiga mansub.

Tenoksikam yaqqol va davomli ogʻriqni qoldiruvchi, yalligʻlanishga qarshi, shuningdek isitmani tushiruvchi taʼsir koʻrsatadi.

Taʼsir mexanizmi siklooksigenaza fermentini ingibitsiya qilishi bilan bogʻliq (SOG-1 va SOG-2 faolligini susaytiradi), bu araxidon kislotasining metabolizmini buzilishiga va yalligʻlanish oʻchogʻida, shuningdek organizmning boshqa toʻqimalarida prostaglandinlar sintezini buzilishiga olib keladi. Bundan tashqari, tenoksikam yalligʻlanish oʻchogʻida leykotsitlarni yigʻilishini kamaytiradi.

Revmatik kasalliklarda boʻgʻimlarda tinch holat va harakatdagi ogʻriqlarni susaytiradi, ertalabki tanglik va shishni kamaytiradi.

Tenoksikamning oʻziga xos farq qiluvchi xususiyati uning katta taʼsir davomiyligidir.

Preparat meʼda-ichak yoʻllarida tez va toʻliq soʻriladi. Biokiraolishligi - 100%. Smax ga 2 soat oʻtgach erishiladi. Plazma oqsillari bilan 99% ga bogʻlanadi.

Jigarda gidroksillanadi. Gistogematik toʻsiqlardan oson oʻtadi.

Yarim chiqarilish davri - T1/2 60-75 soat. Asosiy qismi siydik bilan faol boʻlmagan metabolitlari koʻrinishida, qolgani – safro bilan chiqariladi.

Preparatni homiladorlik davrida qoʻllash mumkin emas, chunki homiladorlik muddatini uzayishi, tugʻruqni kechikishi va tugʻruq faoliyati kuchsiz (miometriyning ritmik qisqaruvchanlik faolligini ragʻbatlantiruvchi prostaglandinlarning sintezini pasayishi natijasida) boʻlishi mumkin. Preparatni laktatsiya davrida qoʻllash zarurati boʻlganida emizishni toʻxtatish kerak.

Tenikam mushak ichiga (m/i) va vena ichiga (v/i) inyeksiya qilish uchun eritma tayyorlash uchun moʻljallangan.

Podagraning oʻtkir xurujlarida: 20 mg dan sutkada 1-2-marta 2-3 kun davomida v/i yoki m/i, soʻngra ichga 20 mg (1 tabletka) dan kuniga 1-marta 5 kun davomida buyuriladi.

Revmatoid artritda yoki biriktiruvchi toʻqimaning yalligʻlanish va degenerativ kasalliklarida: preparat 20 mg dan sutkada 1-marta 2 kun davomida v/i yoki m/i, soʻngra ichga 20 mg (1 tabletka) dan kuniga 1-marta bir oy davomida buyuriladi.

Ogʻriq sindromida: 20-40 mg dan (parenteral yoki ichga) sutkada 1-marta ogʻriqlar toʻxtagunicha buyuriladi.

Algodismenoreyada - 20 mg (1 tabletka) dan kuniga 1-marta hayz koʻrish sikli boshlangunicha yoki hayz koʻrish sikli vaqtida buyuriladi.

Tayanch-harakat apparatining oʻtkir kasalliklarini davolash odatda 7 kundan oshmaydi. Kamdan-kam hollarda davolash davomiyligi 14 kungacha uzaytirilishi mumkin.

Preparatning dozasini oshirib yuborilishi boʻyicha klinik tajriba yoʻq. Zarurat tugʻilgan hollarda preparpatni qabul qilishni toʻxtatish, samarani bir maromda ushlab turuvchi va simptomatik davolashni oʻtkazish kerak.

Tenikamni qoʻllaganda ovqat hazm qilish tizimining holatini sinchiklab kuzatish kerak. Ulserogenezning yoki meʼda-ichakdan qon ketishining birinchi belgilari aniqlanganida, preparatni darhol bekor qilish kerak.

Buyrak faoliyatini buzilishlari boʻlgan patsiyentlarda (shu jumladan diabetik nefropatida) va jigar faoliyatini buzilishlari, nefrotik sindromi, dimlangan yurak yetishmovchiligi boʻlgan patsiyentlarda, diuretiklar yoki potensial nefrotoksik preparatlarni qabul qilayotgan patsiyentlarda, shuningdek bevosita jarrohlik aralashuvlaridan keyin ehtiyotkorlik bilan qoʻllash kerak.

Buyrak yetishmovchiligida kreatinin klirensi minutiga 25 ml dan ortiq patsiyentlarda dozalash tartibiga tuzatish kiritmasdan sinchkov shifokor nazorati kerak. Kreatinin klirensi minutiga 25 ml dan kamroq patsiyentlarda, bunday patsiyentlarda tenoksikamni ishlatish boʻyicha yetarli maʼlumot yoʻqligi tufayli, ehtiyotkorlik bilan qoʻllash kerak.

Jigar faoliyatini buzilishlari boʻlgan patsiyentlarda tenoksikam ehtiyotkorlik bilan qoʻllanadi.

Tenikam organizmda kaliy, natriy, litiy ionlarini, shuningdek suvni tutib qolish xususiyatiga ega, bu shish chaqiradi. Shu boisdan arterial gipertenziyasi yoki yurak yetishmovchiligi boʻlgan shaxslarda, tenoksikam koʻrsatilgan kasalliklarni kechishini yomonlashtirishi mumkin.

Tenoksikamni buyurganda nazorat qilib boʻlmaydigan gipertenziyasi, yurak yetishmovchiligi, yurak ishemik kasalligi, periferik arteriyalarning kasalliklari va/yoki serebrovaskulyar kasalliklari boʻlgan patsiyentlarni, shuningdek arterial gipertenziya, giperlipidemiya, qandli diabet, chekish kabi kardiovaskulyar kasalliklarning xavf omillari boʻlgan patsiyentlarning holatini uzoq muddatli davolashni boshlashdan oldin nazorat qilish lozim.

Tenikam trombotsitlar agregatsiyasini pasaytiradi va qon ketishi vaqtini oshiradi, buni oʻtkazilmoqchi boʻlgan operativ aralashuvlarda koʻzda tutish kerak.

Tenikamni ayniqsa keksa yoshli shaxslarda ehtiyotkorlik bilan qoʻllash kerak, chunki yoʻldosh davolash yoki buyrak, jigar yoki yurak-qon tomir tizimining faoliyatini buzilishlari fonida, yoshroq patsiyentlar bilan solishtirganda, nojoʻya samaralarini paydo boʻlish ehtimoli oshadi.

Tenoksikamni salitsilatlar bilan majmuada qoʻllash tavsiya qilinmaydi.

Pediatriyada preparatni, tenoksikamni bolalarda qoʻllash toʻgʻrisida yetarli maʼlumotlar yoʻqligi tufapyli, ehtiyotkorlik bilan buyurish kerak



Avtotransportni haydash va mexanizmlarni boshqarish qobiliyatiga taʼsiri

Tenoksikam avtotransportni haydash va boshqa potensial xavfli faoliyat turlarini bajarish qobiliyatiga taʼsir qilmaydi.

Antatsidlar tenoksikamning soʻrilish tezligini pasaytiradi, lekin uning soʻrilish darajasiga taʼsir qilmaydi.

Simetidin, pastmolekulyar geparin, parenteral penitsillinlar va oltin preparatlari bilan bir vaqtda qoʻllanganida klinik ahamiyatli oʻzaro taʼsiri aniqlanmagan.

Tenoksikam zardob albumini bilan yaxshi bogʻlanadi va boshqa NYAQV kabi, varfarin va boshqa antikoagulyantlarning samarasini kuchaytirishi mumkin. Tenoksikam bilan davolash antikoagulyantlar va peroral gipoglikemik preparatlar bilan birga oʻtkazilganida, ayniqsa boshlangʻich davrida, patsiyentlarni sinchiklab kuzatish tavsiya qilinadi.

Digoksin bilan oʻzaro taʼsiri aniqlanmagan.

Tenoksikam boshqa NYAQV kabi, antigipertenziv preparatlarning samaradorligini pasaytiradi. Yurak glikozidlari bilan birga qoʻllanganida NYAQV yurak yetishmovchiligini yomonlashtirishi, buyrak kalavasi filtratsiyasi tezligini pasaytirishi, plazmada yurak glikozidlarining darajasini oshirishi mumkin.

Preparatni quyidagilar bilan birga ehtiyotkorlik bilan qabul qilish kerak:

siklosporin bilan (nefrotoksiklik xavfi oshadi);
ftorxinolonlar bilan (tirishishlarni rivojlanish xavfi oshadi);
litiy preparatlari bilan (litiy bilan intoksikatsiya xavfi oshadi), biroq agar tenoksikamni bunday majmuani qoʻllash lozim boʻlsa, unda organizmda litiy konsentratsiyasini nazorati tez-tezligini oshirish va patsiyentni organizmga yetarli miqdorda suyuqlik kiritilishi kerakligi va intoksikatsiya simptomlari haqida ogohlantirish kerak;
diuretiklar bilan (diuretiklarning samarasi pasayadi, NYAQV nefrotoksiklik xavfi oshadi);
metotreksat bilan (intoksikatsiya xavfi oshadi, chunki NYAQV metotreksatning eliminatsiyasini pasaytiradi);
kortikosteroidlar bilan (meʼda-ichakdan qon ketishlari xavfi oshadi).
Nojoʻya reaksiyalari (ayniqsa meʼda-ichak yoʻllari tomonidan) xavfini oshishi tufayli, bir vaqtda ikki va koʻproq NYAQV qoʻllashdan saqlanish kerak.

Tenikamni salitsilatlar bilan qoʻllash, ularni oqsillar bilan bogʻlanishda tenoksikamning oʻrnini bosish qobiliyatiga ega ekanliklari va shu bilan tenoksikamning klirensi va taqsimlanish hajmini oshirishlari, shuningdek nojoʻya reaksiyalarining xavfini yuqoriligi tufayli (ayniqsa meʼda-ichak yoʻllari tomonidan) maqsadga muvofiq emas.

Mifepriston qabul qilgandan keyin 8-12 kun davomida NYAQV ni ishlatmaslik kerak, chunki ular mifepristonning samaradorligini pasaytirishi mumkin.

Har bir flakon saqlaydi:

Faol modda: tenoksikam 20 mg.

Yordamchi moddalar: mannitol, natriy gidroksidi, trometamol, natriy metabisulfiti, dinatriy edetati.

Xar bir ampula 2 ml inyeksiya uchun suv saqlaydi.

Ovqat hazm qilish tizimi tomonidan: tez-tez – meʼda-ichak yoʻllarini eroziv-yarali shikastlanishlari (shu jumladan meʼda shilliq qavatida prostaglandinlar sintezini buzilishi bilan bogʻliq boʻlgan ulserogen taʼsiri), diareya, qorinda ogʻriqlar, koʻngil aynishi, qusish, meteorizm, gastrit, ezofagit, eroziyalar, yaralardan qon ketishi, shuningdek rektal va gemorroidal qon ketishlari.

Markaziy nerv tizimi tomonidan: bosh ogʻrigʻi, bosh aylanishi, tremor, qoʻzgʻalish, uyqusizlik yoki uyquchanlik yuz berishi mumkin.

Koʻrish aʼzosi tomonidan: koʻzlarni taʼsirlanishi va shishi kuzatilishi mumkin

Allergik reaksiyalar: eshakemi, qichishish, krapivnitsa, Layell sindromi, Stivens-Djonson sindromi boʻlishi mumkin.

Dermatologik reaksiyalar: alopetsiya, fotosensibilizatsiya, tirnoqlarni oʻzgarishi kuzatilishi mumkin.

Tayanch-harakat apparatining quyidagi yalligʻlanishli va degenerativ kasalliklarini:

osteoartroz, revmatoid artrit, ankilozlovchi spondiloartrit
ogʻriq sindromi: tendinit, bursit, radikulit, periartrit, miozit;
osteoxondroz, umurtqa pogʻonasida ogʻriq;
nevralgiya, mialgiya;
jarohatlarda ogʻriq sindromi;
oʻtkir podagrik artritda ogʻriqni bartaraf etish;
algodisminoreyada simptomatik davolash uchun qoʻllaniladi.