Aertalni boshqa NYAQP, shu jumladan tsiklooksigenaza-2 ning selektiv ingibitori bilan bir vaqtda qo'llashdan saqlanish kerak.
Simptomlarni nazorat qilish uchun minimal samarali dozani qo'llash va davolash davomiyligini qisqartirish yo'li bilan noxush ko'rinishlarni kamaytirish mumkin ("qo'llash usuli va dozalari" bo'limiga va quyida me'da-ichak yo'llari va yurak-qon tomir tizimiga xavflari ta'rifiga qarang).
Me'da-ichak yo'llariga ta'siri
O'lim bilan tugaydigan miy dan qon ketishi, yara yoki teshilishi xavfli simptomlar mavjudligida ham, mavjud bo'lmaganida ham, anamnezdagi miy ning jiddiy patologik holatlari mavjudligida ham, mavjud bo'lmaganida ham, har qanday NYAQP ni qo'llashda har qanday davrda kuzatilgan.
Yara, ayniqsa u qon ketishi yoki yarani teshilishi bilan kechgan pasientlarda ("qo'llash mumkin bo'lmagan holatlar" bo'limiga qarang) va keksa yoshdagi pasientlarda NYAQP ning dozasi oshishi bilan miy dan qon ketishi, yarani hosil bo'lishi va teshilishi xavfi oshadi. Bunday pasientlar preparatning minimal samarali dozasini qabul qilishlari kerak. Ularga protektor-preparatlarni (masalan, mizoprostol yoki proton nasosi ingibitori) qo'llash bilan majmuaviy davolash zarur, shuningdek aspirin yoki me'da-ichak yo'llari holatiga salbiy ta'sir etuvchi preparatlarning yuqori bo'lmagan dozalarini qabul qiluvchi pasientlarda ham shunday davolash zarur ("dorilarning o'zaro ta'siri" bo'limiga).
Miy kasalligi bo'lgan, shu jumladan keksa yoshdagi pasientlar miy bilan bog'liq bo'lgan (ayniqsa qon ketishi) har qanday odatdagi bo'lmagan simptomlar haqida xabar berishlari kerak, shu jumladan preparatni birlamchi qabul qilganda. Tizimli kortikosteroidlar, antikoagulyantlar (varfarin kabi), serotoninni qayta qamrab olinishining selektiv ingibitori yoki antiagregantlar (atsetilsalisil kislotasi) kabi qon ketishi yoki yara paydo bo'lishi xavfini oshirishi mumkin bo'lgan preparatlarni bir vaqtda qabul qilayotgan pasientlar, alohida ehtiyotkorlikka rioya qilishlari kerak ("dorilarning o'zaro ta'siri" bo'limiga qarang).
Aertal qabul qilayotgan pasientlarda miy dan qon ketishi yoki yara paydo bo'lganida davolash bekor qilinishi kerak.
Yurak-qon tomir va Markaziy nerv tizimiga ta'siri
Arterial gipertenziya va/yoki engil yoki o'rtacha darajali dimlangan yurak eishmovchiligi bo'lgan pasientlar uchun zarur: muvofiq monitoring va maxsus ko'rsatmalar, chunki NYAQP qabul qilish bilan assossiasiyalangan organizmda suyuqlikni tutilib qolishi va shishlar haqida xabar berilgan.
Atseklofenakni qabul qilishda bu xavfning yo'qligi haqida ishonchli ma'lumotlar yo'q.
- Nazoratlanmagan dimlangan yurak etishmovchiligi (NYHA bo'yicha I funktsional sinfi), yurak-qon tomir tizimi uchun xavf omillari (masalan, arterial gipertenziya, giperlipidemiya, qandli diabet va chekish) pasientlar atseklofenakni qabul qilishda ehtiyotkorlikka rioya qilishlari kerak. Yurak-qon tizimi tomonidan havf davolash davomi va dozaga bog'liq bo'lishi mumkin, shuning uchun preparatni minimal samarali dozada va maksimal qisqa muddatga buyurish kerak. Pasientni simptomatik davolashga ehtiyojini vaqti vaqti bilan tekshirib turish va davolanishga javobni baholab turish kerak.
Anamnezida gemorragik insulti bo'lgan pasientlar atseklofenakni ehtiyotkorlik bilan va shifokor nazorati ostida qo'llashlari kerak.
Atseklofenakni quyida keltirilgan holatlarda ehtiyotkorlik bilan va shifokor nazorati ostida qabul qilish kerak, chunki kasallikni zo'rayish xavfi mavjud ("nojo'ya ta'sirlari" bo'limiga qarang):
-me'da-ichak yo'llari, shu jumladan yuqori va pastki bo'limlarining kasalliklari mavjudlidan darak beruvchi simptomlar;
-anamnezda me'da-ichak yo'llarining yarasi, qon ketishi yoki teshilishi mavjudligi;
-yarali kolit;
-Kron kasalligi;
-qon ketishiga moyillik, TQYU (tizimli qizil yugurik), porfiriya, gemopoez va gemostazni buzilishi.
Jigar va buyrakka ta'siri
NYAQP qabul qilish prostaglandinni hosil bo'lishini dozaga bog'liq reduktsiyasini va to'satdan buyrak etishmovchiligini chaqirishi mumkin. Yurak, buyrak yoki jigar funktsiyasini buzilishi bo'lgan pasientlarda, diuretiklar qabul qilayotgan shaxslarda yoki jarrohlik amaliyoti o'tkazilgan pasientlarda, shuningdek keksa yoshdagi pasientlarda preparatni qabul qilishda buyrakda qon aylanishini ta'minlash uchun prostaglandinning muhimligini hisobga olish kerak.
Jigar va buyrak funktsiyasini engil yoki o'rtacha og'irlik darajadagi buzilishi, shuningdek organizmda suyuqlikni tutib qolinishiga moyil boshqa holatlari bo'lgan pasientlarda preparatni qabul qilishda ehtiyotkorlikka rioya qilish kerak. Bunday pasientlarda NYAQP qo'llash buyrak funktsiyasini buzilishi va suyuqlikni tutib qolinishiga olib kelishi mumkin. Shuningdek diuretiklar qabul qilayotgan pasientlarda yoki gipovolemiyaning xavfi yuqori bo'lgan shaxslarda Aertalni qabul qilishda ehtiyotkorlikka rioya qilish kerak. Minimal samarali dozani qo'llash va shifokor buyrak funktsiyasin muntazam nazorat qilishi kerak. Buyrak tomonidan ko'rinishlar odatda atseklofenakni qabul qilish to'xtatilganidan keyin bartaraf bo'ladi.
Agar jigar funktsiyasining ko'rsatkichlarini o'zgarishi saqlansa yoki yomonlashsa, jigar kasalligining klinik belgilari yoki simptomlari rivojlansa, yoki boshqa ko'rinishlar (eozinofiliya, toshma) paydo bo'lsa, atseklofenakni qabul qilishni to'xtatish kerak. Gepatit prodromal simptomlarsiz rivojlanishi mumkin.
Jigar porfiriyasi bo'lgan pasientlarda NYAQP qo'llash xurujni qo'zg'atishi mumkin.
O'ta yuqori sezuvchanlik va teri reaktsiyalari
Boshqa NYAQP kabi preparat allergik reaktsiyalar, shu jumladan anafilaktik/anafilaktoid reaktsiyalarni chaqirishi mumkin, hatto preparat birinchi marta qabul qilinayotgan bo'lsa ham. Og'ir darajali teri reaktsiyalari (ularning ba'zilari o'limga olib kelishi mumkin), shu jumladan eksfoliativ dermatit, Stivens-Djonson sindromi va toksik epidermal nekroliz, NYAQP qabul qilgandan keyin juda kam hollarda rivojlangan ("nojo'ya ta'sirlari" bo'limiga qarang). Pasientlarda bu reaktsiyalarni rivojlanishini eng yuqori xavfi preparat qabul qilishni boshida, shuningdek ushbu noxush reaktsiyalarni rivojlanishi preparat qabul qilishning birinchi oyi davomida kuzatiladi. Teri toshmalari, og'iz bo'shlig'i shilliq qavatida shikastlanishlar yoki o'ta yuqori sezuvchanlikning boshqa belgilari paydo bo'lganida atseklofenakni qabul qilishni to'xtatish kerak.
Alohida hollarda, suvchechakda asoratlar: teri va yumshoq to'qimalarning jiddiy infektsiyalari paydo bo'lishi mumkin.
Hozirgi vaqtda bu infektsiyalarning kechishini yomonlashishida NYAQP rolini inkor qilib bo'lmaydi. Shuning uchun suvchechakda Aertal 100 mg plenka qobiq bilan qoplangan tabletkalarini qabul qilishdan saqlanish kerak.
Gematologik buzilishlar
Atseklofenak trombositlar agregasiyasini qaytuvchan ingibitsiya qilinishini chaqirishi mumkin ("dorilarning o'zaro ta'siri" bo'limiga qarang).
Nafas tizimi tomonidan buzilishlar:
Hozirgi vaqtda yoki anamnezida bronxial astmasi bo'lgan pasientlarda preparatni qabul qilishda ehtiyotkorlikka rioya qilish kerak, chunki NYAQP qabul qilish bunday pasientlarda to'satdan bronxospazm rivojlanishini qo'zg'atishi mumkin.
Bolalar:
Ushbu toifadagi pasientlarda samaradorlik va xavfsizlik to'g'risida ma'lumotlar yo'qligi sababli Aertal® preparatini bolalarda qo'llash tavsiya etilmaydi.
Keksalar
Keksa yoshdagi pasientlarda preparatni qabul qilganda ehtiyotkorlikka rioya qilish kerak, chunki NYAQP qabul qilishda ularda nojo'ya ko'rinishlar (ayniqsa me'da-ichak yo'llaridan qon ketishi va teshilishi) ko'proq rivojlanadi. Asoratlar o'limga olib kelishi mumkin. Bundan tashqari, keksa yoshdagi pasientlar buyrak, jigar yoki yurak-qon tomir tizimining kasalliklari bilan ko'proq kasallanadilar.
Uzoq muddat qo'llash
Nosteroid yallig'lanishga qarshi preparatlar bilan uzoq muddat davolangan barcha pasientlar sinchkov nazorat ostida (masalan, qonning umumiy tahlili, jigar va buyrak funktsional sinamalari) bo'lishlari kerak.
Aertal® 100 mg ichga qabul qilish uchun suspenziya tayorlash uchun kukunining har bir paketchasida 2,64 g sorbitol saqlaydi, u o'z navbatida diareya va me'da-ichak trakti tomonidan boshqa simptomlarini keltirib chiqarishi mumkin. Fruktoza o'zlashtiraolmasligining kam uchraydigan irsiy muammolari bo'lgan pasientlar ushbu preparatni qo'llamasliklari kerak.
Aertal® 100 mg ichga qabul qilish uchun suspenziya tayorlash uchun kukuni tarkibida fenilalanin manbai bo'lgan aspartam ham mavjud. Fenilkenuriyasi bor pasientlar har bir paketchada 5,61 mg fenilalanin mavjudligini yodda tutishlari kerak.
Homiladorlik va emizish davrida qo'llanishi
Homiladorlik
Atseklofenakni homiladorlikda qo'llash haqida ma'lumotlar yo'q.
Prostaglandin sintezini ingibitsiya qilinishi homiladorlikni kechishi va/yoki embrion/homilani rivojlanishiga salbiy ta'sir ko'rsatishi mumkin.
Ma'lumotlarga ko'ra homiladorlikning erta davrlarida prostaglandin sintezi ingibitorlarini qo'llashdan keyin homila tashlash, yurak nuqsonini rivojlanishi va gastroshizisni oshishini ko'rsatdi. Yurak nuqsonini rivojlanishining mutloq xavfi 1% kamroqdan taxminan 1,5% gacha oshadi. Doza va davolash davomiyligini oshishi bilan xavf ortib boradi.
Hayvonlarda prostaglandin sintezi ingibitorini qabul qilish natijada homilani Pre - va postimplantasion nobud bo'lishiga va embrion va homilaning o'limiga olib keladi. Bunga qo'shimcha, organogenez davomida prostaglandin sintezi ingibitorlarini qabul qiluvchi hayvonlarda turli nuqsonlar, shu jumladan yurak nuqsonlarining miqdori oshadi.
Homiladorlikning birinchi va ikkinchi uch oyligi davomida atseklofenak saqlovchi preparatlar zaruratsiz buyurilmaydi. Agar homiladorlikni rejalashtirgan ayol yoki homiladorlikning birinchi yoki ikkinchi uch oyligida bo'lgan ayol atseklofenakni qabul qilayotgan bo'lsa, doza maksimal darajada past, davolash davomiyligi esa maksimal darajada qisqa bo'lishi kerak.
Homiladorlikning uchinchi uch oyligida barcha prostaglandin sintezi ingibitorlari:
yurak-o'pka toksiklikka ega bo'lib, homilaga ta'sir qilishi mumkin (arterial yo'lni barvaqt berkilishi va o'pka gipertenziyasi bilan);
homila oldi suyuqlikni ko'payishi bilan kechuvchi buyrak etishmovchiligigacha rivojlanadigan buyrak disfunktsiyasini chaqirib, homilaga ta'sir qilishi mumkin.
Homiladorlikning oxirida ona va yangi tug'ilgan chaqaloqqa:
hatto past dozalarni qo'llashdan keyin rivojlanishi mumkin bo'lgan antiagregant samarasi sababli, preparat qon ketishining davomiyligiga ta'sir qilishi mumkin;
tug'ruqni kechiktirib yoki davomli tug'ruqqa olib kelib, preparat bachadon qisqarishini ingibitsiya qilish mumkin.
