AKRIDERM krem 15g 0,05%

Glyukokortikosteroidlar mahalliy qo'llanilganda quyidagilar kuzatilishi mumkin: achishish, ta'sirlanish, teri qurishi, follikulit, gipertrixoz, aknesimon toshmalar, teri qichishishi, striyalar, issiqlik toshmasi, gipopigmentatsiya, perioral dermatit. Uzoq vaqt qo'llanilganda, shuningdek okklyuzion bog'lovlar ishlatilganda — teri matseratsiyasi, ikkilamchi infektsiya, teri atrofiyasi, issiqlik toshmasi, purpura, mahalliy hirsutizm, teleangiektaziya. Tana sirtining katta sohalariga surtilganda, asosan bolalarda glyukokortikosteroidlarning tizimli nojo'ya ta'sirlari (gastrit, OIT shilliq qavatining yaralanishi, giperglikemiya, glyukozuriya, buyrak usti bezi po'stlog'i funktsiyasining qaytuvchan susayishi, Kushing sindromining namoyon bo'lishi) paydo bo'lishi mumkin.

Yo'riqnomada tavsiflanmagan nojo'ya reaksiyalar paydo bo'lganda, shifokorga murojaat qilish kerak

Betametazon dipropionat kortikosteroidi yallig'lanishga qarshi, allergiyaga qarshi, antiekssudativ, shishga qarshi va qichishishga qarshi ta'sir ko'rsatadi. Yallig'lanish o'chog'ida leykotsitlar to'planishini, lizosomal fermentlar va yallig'lanish mediatorlari ajralib chiqishini tormozlaydi, fagotsitozni susaytiradi, tomir-to'qima o'tkazuvchanligini kamaytiradi, yallig'lanishli shish hosil bo'lishiga to'sqinlik qiladi.

Preparatning biron-bir komponentiga yuqori sezuvchanlik, terining bakterial, zamburug'li kasalliklari, teri tuberkulyozi, zaxmning teri ko'rinishlari, suvchechak, oddiy gerpes, vaktsinatsiyadan keyingi teri reaktsiyalari, ochiq jarohatlar, boldirning trofik yaralari, rozatsea, oddiy husnbuzarlar, teri saratoni, nevus, ateroma, melanoma, gemangioma, ksantoma, sarkoma, laktatsiya davri va 1 yoshgacha bo'lgan bolalar.

Preparatning boshqa dori vositalari bilan o'zaro ta'siri aniqlanmagan.