Akriderm krem 0.05% 15g

retseptsiz

100 g krem quyidagilarni saqlaydi:

faol modda: betametazon dipropionati (mikronlashtirilgan betametazon dipropionati)100% moddaga qayta hisoblaganda - 0,064 g, bu 0,05 g betametazonga ekvivalent;

yordamchi moddalar: metilparagidroksibenzoati, qattiq parafin, vazelin, propilenglikol, suyuq parafin, emulsiyalangan mum, dinatriy ededati (trilon B), natriy sulfiti, tozalangan suv.

0,05% li sirtga qo'llash uchun krem.

15 g dan alyuminiy tubalarda. Har bir Tuba tibbiyotda qo'llanilishiga doir yo'riqnomasi bilan birga karton qutiga joylanadi.

Akriderm - sirtga qo'llash uchun glyukokortikosteroid. Yallig'lanishga qarshi, allergiyaga qarshi, ekssudasiyaga qarshi, tomirlarni toraytiruvchi, qichishishga qarshi va antiproliferativ ta'sir ko'rsatadi. Leykositlarni to'planishini, lizosomal fermentlar va yallig'lanish mediatorlarini yallig'lanish o'chog'ida ajralib chiqishini tormozlaydi, fagositozni susaytiradi, tomir-to'qima o'tkazuvchanligini kamaytiradi, yallig'lanish shishini hosil bo'lishiga to'sqinlik qiladi.

Teri yuzasiga surtilganda, preparat ob'ektiv simptomlarni (eritema, shish, lixenifikasiya) yaqqolligini kamaytirib, yallig'lanish o'chog'ida tez va kuchli ta'sir ko'rsatadi.

Preparatni terapevtik dozalarda teri ustiga qo'llanganida, qonga ta'sir qiluvchi moddaning transdermal so'rilishi juda oz. Okklyuzion bog'lovlarni qo'llash betametazonni transdermal so'rilishini oshiradi, bu tizimli nojo'ya samaralarni rivojlanish xavfini oshishiga olib keladi.

Odatda, kuchsiz namoyon bo'ladigan xarakterga ega.

Glyukokortikosteroidlar mahalliy qo'llanganida achishish, terini qichishishi, ta'sirlanish, terini quruqligi, follikulit, gipertrixoz, striyalar, aknesimon toshmalar ("steroidli" husunbuzar), gipopigmentasiya, terini qichishishi, perioral dermatit, allergik kontakt dermatit kuzatilishi mumkin. Davomli qo'llashda, shuningdek okklyuzion bog'lovlar ishlatilganida – terining maserasiyasi, ikkilamchi infektsiya, terining atrofiyasi, mahalliy girsutizm, teleangiektaziya, ko'p terlash, purpura kuzatiladi. Tananing katta yuzalariga qo'yilganida, asosan bolalarda glyukokortikosteroidlarning tizimli nojo'ya ta'sirlarini (giperglikemiya, glyukozuriya, buyrak usti bezlari po'stlog'i funktsiyasini qaytuvchi susayishi, Itsenko-Kushing sindromining ko'rinishlari) paydo bo'lishi mumkin.

Yo'riqnomada ta'riflanmagan nojo'ya reaktsiyalar paydo bo'lganida, shifokorga murojaat qilish kerak.

Preparatni yuz terisiga, uzoq muddat sirtga qo'llash tavsiya etilmaydi, sababi rozatsea, perioral dermatit va akne rivojlanishi mumkin. Davolash kursi 5 kundan oshmasligi kerak.

Akriderm kremi oftalmologiyada qo'llash uchun mo'ljallanmagan. Preparatni ko'zga tushishidan saqlanish kerak. Preparat ko'zning shilliq qavatiga tushsa, katarakta, glaukoma, ko'zning zamburug'li infektsiyalari va gerpetik infektsiyalarning hurujlari rivojlanishi mumkin.

Davomli davolashda, preparatni terining katta yuzalariga, shuningdek qo'ltiq osti chuqurchasiga va chov burmalariga qo'yilganida, okklyuzion bog'lov ishlatilganida, glyukokortikosteroidlarning tizimli so'rilishi kuzatilishi mumkin.

Bolalarga 1 yoshdan boshlab, preparat faqat qat'iy ko'rsatmalar va shifokorning nazorati ostida buyuriladi, chunki betametazon bilan bog'liq bo'lgan tizimli nojo'ya samaralar rivojlanishi mumkin. 1 va undan katta yoshdagi bolalarda malhamni qo'llashda davolanishning umumiy davomiyligini cheklash va rezobsiya va so'rilishining kuchayishiga olib keladigan (issiklik, biriktiruvchi va okklyuzion bog'lov, tagliklar) funktsiyasini istisno qilish kerak. Preparat katta yuzalarga va/yoki okklyuzion bog'lov ostida qo'llanganida gipotalamo-gipofizar-buyrak usti bezlari tizimi funktsiyasini susayishi va giperkortisizm simptomlari rivojlanishi mumkin, o'sish gormonini ekskresiyasini pasayishi, bosh miya ichki bosimini oshishi kuzatilishi mumkin.

Homiladorlik va laktasiya davrida qo'llanishi

Homilador ayollarda glyukokortikosteroidlarni sirtga qo'llashning xavfsizligi aniqlanmagan; bu guruh dori preparatlarini homiladorlik davrida buyurish, faqat potentsial foydasi, mumkin bo'lgan xavfdan yuqori bo'lgan holdagina oqlangan. Homiladorlik davrida bu guruh preparatlarni yuqori dozalarda va uzoq vaqt qo'llash mumkin emas.

Agar emizish davrida preparatni qo'llash zarur bo'lsa, emizishni to'xtatish tavsiya etiladi.

Avtomobilni va murakkab mexanizmlarni boshqarish qobiliyatiga ta'siri

Ta'sir qilmaydi.

Glyukokokortikosteroid bilan bog'liq teri kassaliklari:

• atopik dermatit;

• allergik kontakt dermatit;

• ekzema (turli shakllari);

• kontakt dermatit (shu jumladan kasbiy) va boshqa noallergik dermatitlar (shu jumladan quyosh va nur dermatitlari);

• hasharotlar chaqqandagi reaktsiyalar;

• psoriaz;

• bullyoz dermatozlar;

• diskoidli qizil yugurik;

• qizil yassi temiratki;

• ekssudativ ko'p shaklli eritema;

• turli etiologiyali teri qichishishlarida qo'llaniladi.

• 
  
  

● экссудативная многоморфная эритема;

● кожный зуд различной этиологии.

Betametazonga yoki preparatning boshqa komponentlariga yuqori sezuvchanlik.

Bakterial (teri tuberkulyozi, sifilisning teri ko'rinishlari), zamburug'li, virusli (suvchechak, oddiy gerpes) teri kasalliklari, vaktsinasiyadan keyingi teri reaktsiyalari, ochiq jarohatlar, boldirning trofik yaralari, rozatsea, oddiy husunbuzar, teri raki, nevus, ateroma, melanoma, gemangioma, ksantoma, sarkoma, laktasiya davri va 1 yoshgacha bo'lgan bolalarda qo'llash mumkin emas.

Ehtiyotkorlik bilan

Uzoq muddat qo'llanganida yoki katta yuzalarga qo'yilganida: katarakta, qandli diabet, glaukoma, tuberkulyoz.

Preparatning boshqa dori vositalari bilan o'zaro ta'siri aniqlanmagan.

Sirtga qo'llanadi. Akriderm terining shikastlangan sohasiga yupqa qilib, kuniga 2 marta – ertalab va kechqurun qo'yiladi, biroz ishqalanadi. Terining qalinroq sohalariga (masalan bilak, kaft va tovonga), hamda preparat engil artiladigan joylarda, Akriderm kremini ko'proq surtish ham mumkin. Davolashning davomiyligi samaradorligi va davolashni o'zlashtirilishiga bog'liq va odatda kamida 4 haftani tashkil qiladi. Yil davomida davolashni bir necha marta takrorlash mumkin.

Akriderm krem kasallikning o'tkir yallig'lanish bosqichini, shu jumladan terining ho'llanadigan shikastlanishini davolash uchun ham qo'llaniladi.

Yuz terisi shikastlanishi bo'lgan bolalarda va bemorlarda davolash kursi 5 kundan oshmasligi kerak.

Agar klinik yaxshilanish kuzatilmasa, tashhisni aniqlash kerak.

Dozani o'tkir oshirib yuborilishining ehtimoli kam, biroq, preparat haddan ziyod va davomli qo'llanganida giperkortisizm belgilari bilan kechuvchi dozani surunkali oshirib yuborilishi: giperglikemiya, glyukozuriya, buyrak usti bezlari po'stlog'i funktsiyasini qaytuvchi susayishi, Itsenko-Kushing sindromining ko'rinishlari bo'lishi mumkin. Davolash: preparatni bekor qilish tavsiya qilinadi va zarurati bo'lganida simptomatik davolash o'tkaziladi.